Faxi - 01.12.1986, Blaðsíða 25

JON TOMASSON:
ísland er stórkostlegt land
Brátt er á enda eitt athyglisverðasta ár í sögu okkar íslendinga.
Lítt þekkt smáþjóð á harðbýlli eyju,, ,við hin ystu höf ‘ - þjóð sem
hefur frá landnámstíð verið einangruð á hjara veraldar og búið við
kröpp kjör, — varð á skömmum tíma í sviðsljósinu og aldrei eins og
á þessu ári, sem brátt er að kveðja.
Nokkrar meginástæður má tilgreina:
Við eignuðumst fyrir ári síðan , .Ungfrú heimur“ — fallega, hátt-
prúða, yfirlætislausa, velgerða og elskulega stúlku, sem bar hróður
íslands vítt um lönd. Það var eins og staðfesting á því sem áður var
vitað og forseti okkar, frú Vigdís Finnbogadóttir, hafði frætt þjóðir
heims um, að á íslandi væru kvenkostir góðir — og að Islendingar
væru þeirrar gerðar að þeir mætu fólk eftir kostum þeirra en ekki
kyni.
Þá hafa afreksmenn okkar enn einu sinni vakið athygli með frá-
bærum afrekum á þessari litlu þjóð. Það hlýtur að vera spurt um
land og þjóð sem á sterkasta mann heims, Jón Pál Sigmarsson,
sundgarpinn okkar Eðvarð Eðvarðsson, sem er í hópi 10 bestu sund-
manna heims. Hver er sú þjóð sem leggur til alla þessa fimu bolta-
menn - bæði í fót- og handbolta? Eða sú þjóð sem á fjögurra manna
sveit, sem nær jöfnu við risaveldið Rússland í þeirra höfuðíþrótt,
skákinni? Og enn kunna ókunnugir að spyrja — hvar er það land,
sem er svo lítið og vamarlaust, að sjálfskipaðir verndarar dýralífs í
sjó - Grænfriðungar - geta óáreittir gengið um og eyðilagt atvinnu-
tæki heillar atvinnugreinar? Og gengið á snið við alþjóðasamþykktir
í hvalveiðimálum. Hjá þjóð er lifir að 80% af gjöfulu, ómenguðu sjáv-
arlífi - sem þjóðir, er búa við gjörspillta náttúru, kaupa dýru verði.
Já og hvar býr sú þjóð sem vermir og lýsir hús og híbýli sín með
frumgerð náttúru jarðar — innra eldi - eyðir ekki skógum og mengar
ekki andrúmsloft með sóti og kolsýringi?
ísland — þangað sem þúsundir blaðamanna frá öllum heimshorn-
um þustu á haustdögum til að flytja þaðan fréttir af heimssögulegum
tíðindum - tíðindum sem gátu skipt sköpum fyrir allt mannkyn -
já, allt líf á jörðu.
Það hlaut að vera stórkostlegt land og þjóðin sem það byggði, fyrst
þar var valinn fundarstaður valdamestu manna heims. Fréttaefni
um víða veröld. Myndir og umsagnir — næstum allt mjög vinsamlegt
og jákvætt - margvíslegur vísdómur og fræðsla sem þjóðum heims
var sagður um þetta áður óþekkta land og litlu þjóð, er þar býr. Oft
munu þjóðir heims eiga eftir að heyra getið um þennan fund — von-
andi oftar að góðu, — en það á sagan eftir að skrá.
En hvernig sem heimsmálin kunna að þróast, þá er það víst að ís-
land hefur fengið feikilega auglýsingu — hún kostaði stór átak —
næstum ofurmannlegt eins og svo margt annað hjá íslenskri smá-
þjóð — en við væntum góðs af aukinni þekkingu heimsins á okkur.
En nú stöndum við frammi fyrir þingkosningum á næstunni. Því
fylgir hættuástand — kannski ekki úrslit kosninga, heldur sú
spenna og yfirborð sem kosningaundirbúningi fylgir.
Þjóðin verður að treysta stjómmálaflokkum og væntanlegum um-
bjóðendum okkar til að vera ábyrgir, ekki aðeins okkar vegna held-
ur fyrst og fremst vegna afkomenda okkar, sem taka við þeim byrð-
um sem em að verða okkur óbærilegar, — þar á ég við erlendar
skuldir og ofmat á lífsgæðum.
Kristinn
Reyr,
Suðurnesja-
skáld.
er Qölhæfur og mikilvirkur höfundur í mörgum listgreinum. Við Faxa-
menn emm dálítið stoltir af frammistöðu hans og látum fátt úr hans
ljóðræna ranni fram hjá okkur fara. Ánægja með Suðurnesjaskáldið er
ekki einkaréttur okkar Faxamanna þó að hann hafi verið félagi okkar
og fyrsti skráður ritstjóri blaðsins okkar. Nei. Hann snertir strengi
flestra Suðumesjamanna, enda hér borinn og bamfæddur, alinn hér
upp og átt góð viðskipti við flesta — sjálfsagt alla, sunnan Straumsvíkur.
Nýjast frá hans hendi er sjöunda nótnahefti hans er hann kallar
Fimm valsar er út kom í haust.