Faxi - 01.12.1986, Blaðsíða 42
Sjálfsbjörg Suðumesjum minntist 25 ám farsœls- og ötuls
starfs félagsins i Safnaðarheimilinu í Innri-Njarðvík 7. des. sl.
Um lOOgestir ogfélagar voru samankomnir til að fagnaþessum
tímamótum þar á meðal stjórn Landssambands Sjálfsbjargar.
Veislustjóri var Ársœll Friðrik Magnússon, formaður. Með hon-
um í stjóm eru Kristjana Ólafsdóttir, Guðmunda Friðriksdóttir,
Jón Stígsson og Valgerður Guðjónsdóttir.
Óskum öllum
Garðbúum
og öðrum
Suðurnesjamönnum
gleðilegra jóla
og farsæls komandi árs,
með þökk fyrir samskiptín á liðnu ári
HREPPSNEFND
GERÐAHREPPS
NÝR FAXAFÉLAGI
Guðfirmur Sigurvinnsson er
fæddur 6. júlí 1936 í Keflavík,
sonur hjónanna Sigurvins
Breiðfjörð Pálssonar, sjómanns,
frá Höskuldsey á Breiðarfirði og
Júlíu Guðmundsdóttur frá Eyr-
arbakka. Hann er elstur sjö
systkina, en einn bróðir, Olafur,
er látinn.
Guðfinnur lauk gagnfræða-
prófi frá Gagnfræðaskólanum í
Keflavík vorið 1954, en þá út-
skrifuðust gagnfræðingar í
fyrsta sinni hér. Stundaði nám
við Samvinnuskólan í Reykjavík
veturinn 1954—1955, en það var
síðasti veturinn, sem Jónas
Jónsson frá Hriflu stjórnaði
skólanum og síðasti vetur skól-
ans í Reykjavík.
Starfaði eftir það hjá Kaupfé-
lagi Suðurnesja um hálfs árs
skeið, en stofnaði þá matvöru-
verslun ásamt með Sigurði Eyj-
ólfssyni að Túngötu 12, Keflavík
og rak hana í rúmlega 5 ár,
fyrstu 3 árin með Sigurði, en
síðan með Agnari bróður sínum.
Starfaði eftir það við útgerð og
hjá Hraðfrystihúsi Keflavikur
hf. frá 1964 til 1970. Rak fast-
eignasölu með Vilhjálmi Þór-
hallssyni hrl., fyrst sem auka-
starf frá 1966, en í fullu starfi frá
1971 til 1977. Var síðan fram-
kvæmdastjóri Ibllvörugeymslu
Suðurnesja hf. í tvö ár. Hóf störf
í ágúst 1979 hjá Birgðastöð
Vamarliðsins, sem deildarstjóri
og starfar þar nú.
Guðfinnur hefur tekið mikinn
þátt í félagsmálastarfsemi. Tók
þátt í frjálsum íþróttum með
Ungmennafélagi Keflavíkur.
Var einn af stofnendum Tón-
listarfélags Keflavíkur og svo
Lúðrasveitar Keflavíkur 15. jan.
1956. Var bæjarfulltrúi fyrir Al-
þýðuflokkin í Keflavík árin
1970—1978, hefur átt sæti í bæj-
arstjórn Keflavíkur frá 1978, og
er nú forseti bæjarstjórnar.
Guðfinnur er kvæntur Gíslínu
Jóhannesdóttur frá Flateyri í
Önundarfirði. Þau eiga 5 börn.
Sigurvin Breiðfjörð, sjómann,
Gísla Rafn, verslunarmann,
Eddu Guðrúnu S. kennara,
Magnús ívar, nemi og Birgir 14
ára.
Faxamenn bjóða Guðfinn vel-
kominn í félagið.
Ur ársskýrslu Benedikts
Sigurðssonar, formanns
Málfundafélagsins Faxa
Á starfsárinu 1985—1986, sem var 47. starfsár, voru haldnir 12
fundir, 10 framsöguerindi voru flutt á þessum fundum.
Fundarsókn var góð að vanda, 3 félagar mættu t .d. á alla fundina
tólf og fimm mættu ellefu sinnum. Starf félagsins var með
hefðbundnu sniði þetta starfsár og umræður um hin ýmsu mál
fjörugar og fræðandi.
FRAMSÖGUERINDI:
Ný- atvinnumál á Suðurnesjum.....
Um fríiðnaðarsv. á Keflav.flugv..
Móðurmálið ......................
Um öldrunarmál á Suðurnesjum....
Um prófkjör .....................
Horft út um gluggann ............
Breyttur bær.....................
Framtíðarlausn á skólamálum
Suðurnesja.......................
Læra menn af reynslunni..........
Hugleiðingar — Bænir.............
FRAMSÖGUMENN:
Margeir Jónsson
Karl Steinar Guðnason
Kristján A. Jónsson
Ingólfur Falsson
Hilmar Pétursson
Egill Þorfinnsson
Jón Tómasson
Gunnar Sveinsson
Helgi Hólm
Huxley Ólafsson
318 FAXI