Faxi - 01.12.1993, Side 3

Miðhús
- nýtt sambýlishús eldri
borgara í Sandgerði
Byggingarncfnd ásaint bæjarstjóra í íbúð Halldóru Torlacius. Sig-
urður, Halldóra, Sigurður Valur, Þúrunn og Óskar. Ljósin. H.H.
Fátt finnst undirrituðum skemmti-
legra en að sjá nýjar byggingar rísa
og fá lilutverk. Sandgerði átti þriggja
ára kaupstaðarafmæli þann 3.
desember s.l. og lekk þá skemmti-
lega afmælisgjöf sem var vígsla nýs
sambýlishúss í hjarta bæjarins.
Stendur það við Suðurgötuna þar
sem fyrr stóð bærinn Miðhús og var
hinu nýja húsi gefið það nafn. Húsið
sóntir sér mjög vel í þeirri byggð sem
fyrir er en hönnuður byggingarinnar
var Valdimar Harðarson hjá Arki-
tektum hf. í Reykjavík. Aðrir
hönnuður voru Verkfræðistofa
Suðumesja og Rafmiðstöðin hf. Hér
er nú risinn fyrri áfangi sem eru tíu
íbúðir með sameiginlegu rými, þar
sem m.a. er rúmgóður salur til
sameiginlegra nota. Kostnaðaráætlun
hljóðaði upp á kr. 90.755.000. en
tilboði Húsaness hf. frá Keflavík var
tekið, en alls buðu sjö aðilar í verkið.
Var samningur undinitaður þann 22.
septembcr 1992 og fyrsta skóflu-
stunga tekin þann 2. október. Tilboð
Húsanessmanna hljóðaði upp á kr.
80.864.300. Heildarkostnaður við
þennan áfanga voru kr. 106.164.300.
og eru þá með talin tengigjöld,
frágangur lóðar, greiðslur til
hönnuða, eftirlitsstörf og fjármagns-
kostnaður. Svo vel tókst til, að
Landsbankinn tók að sér samskipti
við kaupendur, greiðslumat og
fjármögnun. Gafst þetta fyrir-
kontulag mjög vel. Starfsmenn
áhaldahúss bæjarins sáu um frágang
á umhverfi hússins. Húsið er byggt á
vegurn bæjarins og sátu í bygg-
ingamefnd þau Sigurður Þ. Jóhanns-
son, formaður, Jórunn Guðmunds-
dóttir og Óskar Gunnarsson. Kom
nefndin saman til síns fyrsta fundar
29. apríl 1991. Nefndinni til aðstoðar
hafa verið bæjarstjórarnir, fyrst
Stefán Jón Bjarnason og síðan
Sigurður Valur Ásbjamarson. Fundir
nefndarinnar urðu alls 48 áður en yfir
lauk við þennan áfanga. Eins og
áður sagði eru í þessum áfanga tíu
íbúðiraf þrem mismunandi stærðum,
sjö eru 77,1 fm„ tvær eru 79,7 fm. og
ein er 90,6. Þegar eru seldar fimm
íbúðanna og var eigendunt þeirra
afhentir lyklarnir á vígsludaginn í
hófi sem bæjarstjóm Sandgerðis hélt
og sótt var af fjölmörgum gestum.
Hinir fyrstu íbúar Miðhúss em: Pétur
Bjömsson, Halldóra Torlacius, Mar-
grét Pálsdóttir, Hulda Guðmunds-
dóttir og Rósa Magnúsdóttir. Séra
Hjörtur Magni Jóhannsson bað hinu
nýja Itúsi blessunar og fjölmargir
færðu bæjarstjórn og íbúum hússin
ámaðaróskir með þennan áfanga.
HH.
Við óskum starfsfólki okkar,
viðskiptavinum og öllum
Suðurnesjabúum
gleðilegra jóla
og farsœldar á komandi ári.
Við þökkum liðið ár.
KEFLA VÍKUR VERKTAKAR
FAXI 163