Faxi - 01.12.1993, Blaðsíða 13

Keflavík 1904. Næst er pakkhús frá „Bakaríinu“, nú Austurgata 6, síðan er „Edinborg“ og
Goodtemplarahúsið er nefnt var „Draugurinn“.
stórt og fagurlega skreytt jólatré,
ljósum prýtt í miðjum salnum.
Sá ég þá jólatré í fyrsta sinn og
þótti mikið til koma. Kvöldið leið í
sælum draumi við dans og söng og er
við héldum heim á miðnætti vorum
við leyst út með gjöfum: Epli í poka
og leikfang.
Eftir þetta héldu eigendur
Duusverslunar börnum í Keflavík
skemmtun um hver jól á meðan
verslunin hélst við, eða fram til 1918
eða 1919. Var aldrei neitt til sparað
til að gera skemmtunina sem eftir-
minnilegasta og þeir sem muna lífið í
Keflavík á árunum fyrir 1920
minnast þessara skemmtana með
sérstöku þakklæti.
I fyrstunni voru jólaböllin haldin í
Góðtemplarahúsinu en síðar í
Bryggjuhúsinu, sem enn stendur.
Þangað var boðið öllum ófermdum
börnum í Keflavík og nágrenni,
ríkum og snauðum, ol'tast á annað
hundruð börn eða þaðan af meira.
Stórt jólatré var sent frá Kaupmanna-
höfn, það skreytt og ávextir og
sælgæti fest á greinamar, en í lokin
var gottinu skipt á milli bamanna. Þá
voru ýmsar aðrar veitingar á boðstól-
um, og vitaskuld hinn ómissandi
dans í kring um jólatréð.
Eins og nærri má geta voru
bæjarmenn þakklátir þessurn velvilja
og hlýhug í garð barna þeirra. Að
aflokinni jólatrésskemmtun árið
1904 var þeim Kristjönu Duus, Olafi
og Asu Olavsen sendur dálítill
þakklætisvottur; var það skrautritað
kvæði eftir Guðmund Guðmundsson
skáld og kennara, en það höfðu
börnin sungið á
jólatrésskemmtuninni undir sama
lagi og O, blessuð sértu sumarsól.
Kvæðið hljóðar svo:
Þið færið okkur líf og ljós,
þið lífgið hverja sumarrós,
sem blundar undir ís og snjá
við ægisdjúpin blá.
Við gleymum kulda, hreti og hríð
og hræðilegri vetrartíð,
en ljósakrans í laufi hlær,
sem ljómar undurskær.
í bamsins sál er fólgið fræ
í fyrsta vorsins morgunblæ
það blómgast, verður voldugt tré
þar vinir ftnna hlé.
Á greinum þess sín ljúfu ljóð
mun lóan syngja um kvöldin hljóð
og glæða öllum gleði hjá,
sem gleðja bömin smá.
Þið munið okkar auðu strönd,
sem ægir réttir kalda hönd;
þar raddir óma yftr höf
frá okkar feðra gröf.
Við erunt fátæk, ofur smá,
en okkar dýpsta hjartans þrá
skal bera ykkur bljúg og klökk,
með blænum hjartans þökk.
Þannig þökkuðu börn í Keflavík
og nágrenni fyrir í það sinn. Eins og
áður sagði héldu forkólfar
Duusverslunar þeim sið að senda
jólatré frá Kaupmannahöfn til
Keflavíkur og bjóða til
jólatrésskemmtunar allt þar til
verslunin var lögð niður. 1 árslok
1919 seldu þau eignir sínar í
Kellavík Matthíasi Þórðarsyni og
lagðist þessi siður |tá niður.
Bjarni Guðmarsson.
Gleðileg jól
Gott o g farsælt nýtt ár!
Þökkum samskiptin á liðnu ári
HREPPSNEFND
HAFNAHREPPS
LÍ FEYRISSJ ÓÐUR
SUÐURNESJA
TJARNARGÖTU 12, KEFLAVÍK - SÍMI16666
ÓSKAR SJÓÐSFÉLÖGUM OG ÖÐRUM
SUÐURNESJABÚUM
gleðilegra jóla
OG ÞAKKAR SAMSKIPTIN Á ÁRINU
FAXI 173