Morgunn - 01.06.1979, Blaðsíða 51

ÆVAR R. KVARAN:
STERK DULRÆN ÁHRIF
Mikill tónlistarmaður ver'Öur fyrir sterkum
dulrœnum áhrifum í lœkningastofu
Ölafs heitins Tryggvasonar á Akureyri.
Sigurður Demets, sem löngu er orðinn ein af máttarstoðum
tónlistar á Akureyri sem tónlistarkennari og gagnrýnandi
var staddur í Borgarbíói laugardaginn 10. febrúar sl., þegar
Martin Berkofsky hélt þar píanótónleika. Demets segir frá
því i umsögn sinni í Degi, að það hafi verið stór stund. M. a.
komst hann svo að orði um píanóleikarann Berkofsky: „Ég
held að um hann megi segja, að hann sé orðinn stórmeistari
á sinni listamannsbraut, einn af fáum útvöldum, sem skap-
arinn hefur kysst á ennið. Ég hef aldrei heyrt annan eins
píanóleik. Mér datt í hug að það væri fiðrildi sem snerti
nóturnar, og á hinn bóginn var leikur hans svo voldugur, að
það var eins og þota færi um salinn. Hin tæknilegu vanda-
mál í erfiðum köflum eru honum leikur einn og hljóðfærið
varð undursamlegt i höndum hans. Þegar tekist hefur að ná
fulfkomnu valdi yfir hljóðfærinu, kemur hin sanna listgáfa
í ljós og því báru tónleikarnir í Borgarbíói fagurt vitni“.
Martin Berkofsky er bandarískur píanóleikari og tengda-
sonur Ólafs heilins Tryggvasonar, huglæknis. Hann er af
rússneskum ættum og 36 ára gamall. Hann hefur þegar hlotið
margvíslega viðurkenningu fyrir píanóleik sinn og heiðurs,-
verðlaun, auk þess að vera sigurvegari í alþjóðakeppni píanó-
leikara.
Ástæðan til þess að þessi mikli listamaður er gerður að
umtalsefni hér er sú, að hann varð fyrir athyglisverðri reynslu
4