Morgunblaðið - 30.11.2008, Blaðsíða 31

andstæð, öðru nær. Skoðanir okkar í
bókmenntum fara mjög saman, bæði
álit og smekkur og svipað má segja
um önnur mál.“
Vinnan vex hon-
um ekki í augum
„Ástráður er mjög þrekmikill
vinnuþjarkur. Hann hefur tekið að
sér mörg erfið verkefni, stundum
fleiri en mér hefur fundizt skyn-
samlegt. En hann leysir öll sín mál
með afbrigðum vel. Eins og til dæmis
ritstjórn þessa viðamikla verks um
módernismann sem hann var að fá
viðurkenningu fyrir í Bandaríkj-
unum. Þetta er náttúrlega gríðarleg
vinna, en hún vex honum ekkert í
augum. Við megum ekki gleyma því
að hann er líka heimilisfaðir og hugs-
ar vel um fjölskylduna. Hann kom
mér á óvart með því að sækja um
stöðu forseta hugvísindasviðs við Há-
skóla Íslands. Ég hefði að óreyndu
ekki haldið að stjórnunarstörf með
öllu sínu argaþrasi freistuðu hans. En
hann hefur bara gaman af að glíma
við það verkefni einsog önnur.
Núna? Við erum að þýða þriðju
skáldsöguna eftir Kafka; Höllina. Við
ætlum okkur að þýða öll skáldverk
hans og þegar Höllin er að baki eig-
um við einhverjar smásögur óþýddar.
Þá eru eftir öll hans bréf og dag-
bækur, hvað sem úr verður hjá okkur
feðgunum.“
Íslendingar lifa á
kafkískum tímum
„Annars má segja að við Íslend-
ingar lifum nú á kafkískum tímum,
þegar umhverfið er allt torkennilegt
og landsmenn uppfullir af angist og
vanmætti. Réttarhöldin byrjar á því
að sögupersónan Jósef K. hljóti að
hafa verið rægður því hann er hand-
tekinn án þess að hafa gert nokkuð af
sér. Íslendingar eru nú í svipuðum
sporum.
Við erum hneppt í fjötra án þess að
fá rönd við reist. Vöknum bara upp
einn morguninn og bankakerfið
hrunið. Við erum skelkuð og í lausu
lofti, tilveran hefur breytzt, er orðin
framandi, ill og kvíðvænleg og við
fáum engar skýringar. Líf okkar er
nú einsog í sögu eftir Kafka.“
Morgunblaðið/Golli
arkur
Tengsl 31
MORGUNBLAÐIÐ SUNNUDAGUR 30. NÓVEMBER 2008
Ástráður „Ég man eftir pabba svo
langt sem ég man. Ég fæddist á
Akranesi og ólst upp þar og í Borg-
arnesi hjá móður minni og stjúp-
föður. Pabbi hafði alltaf samband
og ég man ekki eftir okkur öðruvísi
en að okkar tengsl væru góð. Hann
lét þráðinn aldrei slitna þótt fjar-
lægð væri á milli okkar. Ég heim-
sótti móðurömmu mína og afa í
Reykjavík og þá hitti ég hann allt-
af, hann kom þangað og við fórum
eitt og annað. Ég man eftir heil-
miklum ökuferðum, þegar við vor-
um að ræða saman, og svo fórum
við á Selfoss að hitta ömmu mína.
Og hjá honum hitti ég hálfsystkini
mín.
Í þessum bíltúrum ræddum við
um heima og geima, stundum bæk-
ur og stundum sögu. Ég las heil-
mikið sem krakki og ég uppgötvaði
mjög snemma að það var gott að
ræða við föður minn um það sem
ég las. Ég man eftir löngum bíltúr-
um þar sem við spjölluðum fram og
aftur um það sem ég var að lesa þá
stundina.
Nei, hann reyndi ekki að predika
yfir mér eða stýra mér í einhverja
ákveðna bókmenntaátt. Hann gaf
mér alltaf bækur og auðvitað las ég
þær sem hann færði mér. Það er
helzt þannig sem hann hafði áhrif.
En hann gaf mér alls konar bækur.
Hann vann á tímabili í prentsmiðju
og þá flutu með góðmetinu ung-
lingabækur og spennusögur. Hann
hefur kannski átt sinn þátt í því að
ég varð alæta á bækur.“
„Það er erfitt að draga upp mynd
af föður mínum í stuttu máli. Hann
hefur fjölbreytilegt skaplyndi, er
frjór í hugsun, sækir oft í að vera
einn með sjálfum sér, en er þó líka
félagslyndur og getur verið mikill
húmoristi. Hann gerir miklar kröf-
ur til sjálfs sín og er mjög agaður
maður, að mörgu leyti agaðri og
skipulagðari en ég og ég hef lært
ýmislegt af honum á því sviði eins-
og svo mörgum öðrum. Hann er
einstaklega heill í því sem hann
tekur sér fyrir hendur, hann er
gagnrýninn en lætur líka hrífast.“
Líkir og líka ólíkir
„Samband okkar hefur verið sér-
stakt og náið eftir að við byrjuðum
að þýða saman sumarið ’81, þá var
ég 24 ára. Sú vinna byggist auðvit-
að á sameiginlegum áhuga okkar á
bókmenntum og kannski höfum við
grætt hvor á öðrum, ég hef alla
vega sótt heilmikið til hans. Þótt
við séum líkir að ýmsu leyti, þá er-
um við einnig ólíkir og ef til vill
bætum við þá stundum hvor annan
upp í samstarfinu. Samvinna okkar
hefur verið mér heilmikill skóli og
reynsla og um leið hafa myndazt
sterk vinatengsl á milli okkar. Það
er ekki sjálfgefið að feðgar séu vin-
ir og því finnst mér mjög dýrmæt
sú samstaða og vinátta sem við eig-
um. Hann er líka afi barnanna
minna og ræktar samband við þau.“
Settist ofan á innbrotsþjófana
„Strangur? Nei, ég meina ekki
agaður í þeirri merkingu, heldur
hversu agaður hann er við sjálfan
sig og í sínum vinnubrögðum. Ég
get verið hvatvís og ætla mér
stundum um of.
Hann hefur verið virkur íþrótta-
maður allt frá æsku sem er grunn-
urinn að því í hversu góðu formi
hann er. Ég hugsa að ég ætti erfitt
með að leika það eftir.
Ég hef verið dálítið í körfubolta,
enda var hann og er kannski enn
þjóðaríþrótt í Borgarnesi, en faðir
minn stundar reglulega líkams-
rækt, hefur lagt stund á júdó og
skokkað, hann hljóp víðavangshlaup
reglulega um langt árabil.
Við lékum saman körfubolta á
tímabili, þegar hann var í Kenn-
araháskólanum. Júdóið hefur
reyndar komið sér vel fyrir pabba
því tvisvar hefur hann yfirbugað
innbrotsþjófa og setið ofan á þeim
meðan hann hringdi í lögregluna.
Hann er býsna harður af sér!
Af hverju Kafka? Ég var að lesa
Réttarhöldin eftir Kafka öðru sinni
á þýzku og varð svo gersamlega
gagntekinn. Ég fann að það varð að
gera eitthvað meira í málinu, ég
vissi að faðir minn var líka hrifinn
af Kafka, svo ég sagði: Eigum við
ekki bara að þýða þetta saman? Og
hann sló til. Síðan höfum við ekki
hætt. Við höfum unnið þetta með-
fram öðrum störfum, stundum í
skorpum, en þráðurinn hefur aldrei
slitnað. Nú var að koma út Bréf til
föðurins, sú fræga feðgabók, en það
er óhætt að segja að samband okk-
ar feðganna sé öðruvísi en hjá
Kafka og föður hans; okkar sam-
band er ólíkt bjartara og frjálslegra
og við styðjum hvor annan. Hjá
Kafkafeðgum skorti alveg gagn-
kvæman skilning og gagnkvæman
stuðning. Þó bjuggu þeir lengst af
saman; Franz Kafka fór ekki að
heiman fyrr en rétt undir ævilok.
Okkur er ljóst að þau vinnubrögð
sem við höfum við þýðingarnar,
þessi ítarlegi og ítrekaði samlestur,
er miklu tímafrekari en þýðingar í
einrúmi, en við teljum okkur græða
margt á honum og svo er það öll
ánægjan sem við höfum af sam-
starfinu.
Nei, mér finnst þessi yfirlega
aldrei leiðinleg, þvert á móti er hún
spennandi og heillandi. Við erum
ákveðnir í að halda áfram. Ég sé
ekki annað en að við verðum áfram
á þessu ferðalagi næstu árin og til
frambúðar.“
Agaður og í fínu formi
‘‘ÞAÐ ER EKKI SJÁLF-GEFIÐ AÐ FEÐGAR SÉUVINIR OG ÞVÍ FINNSTMÉR MJÖG DÝRMÆT SÚ
SAMSTAÐA OG VINÁTTA
SEM VIÐ EIGUM.
Hann er fæddur 7. maí 1957 og ólst
upp hjá móður sinni, Hönnu Cörlu
Ástráðsdóttur Proppé og stjúp-
föður, Geir Konráð Björnssyni.
Hann varð stúdent frá MH, tók BA-
próf í þýzku og ensku frá HÍ og
stundaði frekara bókmenntanám í
Englandi, Bandaríkjunum og
Þýzkalandi.
Hann hefur kennt á öllum
skólastigum hér heima og einn-
ig við erlenda háskóla. Hann
hefur starfað víðar á bók-
menntaakrinum, m.a. verið
ritstjóri Skírnis og starfað í
ýmsum nefndum um háskóla-
mál, bókmenntir og menningu.
Frá 1994 hefur hann verið pró-
fessor í bókmenntafræði við HÍ og
er nú nýráðinn forseti hugvís-
indasviðs HÍ.
Hann hefur ritað margt um bók-
menntir, líka þýtt með föður sínum
og í nýjasta hefti Skírnis er grein
eftir þá feðga um T.S. Eliot á Ís-
landi.
Ástráður er kvæntur Önnu Jó-
hannsdóttur myndlistarmanni.
Hann á fjögur börn.
ÁSTRÁÐUR EYSTEINSSON
Aðventutónleikar
í Ytri Njarðvíkurkirkju
Fyrsta sunnudag í aðventu þann 30. nóvember nk. kl. 17:00 verða
haldnir aðventutónleikar í Ytri Njarðvíkurkirkju.
Á tónleikunum koma fram: Gróa Hreinsdóttir og Guðmundur Sigurðsson
ásamt börnum sínum; Sigurði, Guðmundi Óskari, Hreini Gunnari, Gylfa
Björgvini og Hörpu Sól.
Í boði er fjölbreytt dagskrá, jólalög sungin.
Kærkomið tækifæri að sigla inn í jólin með þessu hæfileikaríka
tónlistarfólki.
Aðgangur er ókeypis.
Sóknarnefnd Ytri Njarðvíkurkirkju.
Jólafundurinn 2008
verður haldinn í Víkingasal Hótel Loftleiða
fimmtudaginn 4. desember kl. 18
Dagskrá:
Jólahugvekja: Séra Íris Kristjánsdóttir.
Kvöldverður: Glæsilegt jólahlaðborð, möndlugjöf.
Snyrtivörukynning: Guðfinna Eydal.
Einsöngur: Einar Clausen ásamt Sigurði Jónssyni
undirleikara.
Happadrætti: Glæsilegir vinningar; Sony Ericson 502 3G
frá Símanum, einnig vinningar frá Nóa Síríus,
Kynnisferðum, Innnes o.fl.
Sigurður Jónsson leikur á píanó undir borðhaldi.
Tilkynnið þátttöku í síma 545 0405 eða 545 0400 í síðasta
lagi tveim dögum fyrir jólagleðina.
Verð kr. 4.200.
Félagsmálanefnd
Sjúkranuddstofan
Moonstartherapy
Anton Wurzer
Síðumúla 15
108 Reykjavík
Sími/Fax
588 1404
Gsm 895 9404
Við óskum landsmönnum
gleðilegrar aðventu
og bendum á að besta gjöfin
er góð heilsa og umhyggja
✯Heilnudd - Body Massage✯Bakmeðferð - Back and Spine Therapy
✯Bandvefsnudd - Connective Tissue Massage✯Sogæðameðferð -
Lymphdrainage ✯Svæðanudd - Feetreflexzone Therapy
✯Ristilnudd - Colon Massage✯Orkumeðferð - Acupoint Massage
✯Kneipp Vatnsbunumeðferð - Kneipp Watergushes
✯Rytmanudd - Rhythmical Massage ✯Thai Massage✯
Moonstartherapy • Moonstartherapy • Moonstartherapy • Moonstartherapy
Moonstartherapy•Moonstartherapy•Moonstartherapy•Moonstartherapy
M
o
o
n
st
ar
th
er
ap
y
•
M
o
o
n
st
ar
th
er
ap
y
•
M
o
o
n
st
ar
th
er
ap
y
•
M
o
o
n
st
ar
th
er
ap
y
M
oonstartherapy
•
M
oonstartherapy
•
M
oonstartherapy
•
M
oonstartherapy