Árdís - 01.01.1947, Page 64

ELISABET GUNNLAUGSDÓTTIR JÓNASSON.
f. 21. sept. 1871 — d. 12. mars 1947.
Hún var fædd að Hlíð í Alftafirði í ísafjarðarsýslu, dóttir hjónanna
sem þar bjuggu þá, Gunnlaugs Gunnlaugssonar og Jónínu Jóhannes-
dóttur. Elisabet var tvíburi, en hún var
ekki langdvölun í Hlíð, því maðurinn
sem tók á móti tvíburunum bar hana
við brjóst sér, innanklæða heim til sín
sömu nóttina sem hún fæddist og það
í vondu veðri. Þessi maður hét Jón Jóns-
son og mun hafa verið einn af þessum
nærfærnu mönnum, sem á þeirri tíð
fékst töluvert við lækningar. Kona hans
hét Margrét Jónsdóttir og bjuggu þau
í Tröð. Kallaði hún þau alla æfi pabba
og mömmu, og þótti engu síður vænt
um þau heldur en börnum þykir um
eigin foreldra. Um tvítugs aldur fór hún
til frú Theódóru Thoroddsen á Isafirði
og var vinnukona hjá henni um skeið,
en stundaði eftir það nám í tvö ár við
kvennaskólann á Ytri Ey. en fór þaðan
fram í Vatnsdal og var þar um skeið.
Þar kyntist hún Einari Jónassyni, sem E,isabet Gunnlaugsdóttir Jónasson
þá var á Undirfelli og fór með honum til Canada 1899 og giftust þau í
Winnipeg 23. júní 1900, og þar bjuggu þau í fimm ár. Árið 1905 fóru
þau aftur til Islands og þar eignuðust þau tvö börn, Margeir Osvald og
Valdheiði Láru, Mrs. Ágúst Sigurdson, sem bæði eru hér í landi, ásamt
ekkjumanninum, Einari Jónasson. Þau Elisabet og Einar komu aftur til
Canada 1910 og var heimili þeirra ýmist í Winnipeg eða Árnesi, en síð-
ustu 12 árin á Gimli.
Elisabet átti tólf systkini, sem nú eru öll dáin nema ein systir, Friðný
Stephensen, búsett í Reykjavík á Islandi.
Hún var jafnan meðlimur lútersku safnaðanna í Arnes og síðar
Gimli og var hún jafnan trú og einlæg trúkona og vann söfnuði sínum
62