Árdís - 01.01.1947, Side 72

KRISTlN ANDERSON.
1883 -1945.
“Vinir berast burt á tímans straumi
og blómin fölna á einni hélunótt.”
Þessi merkiskona dó snögglega og á besta aldri 14. desember 1945
að heimili sínu í Glenboro, Man.
Hún var fædd á Hallgilsstöðum í Fnjóskadal 1. ágúst 1883. Foreldr-
ar hennar voru Jakob Helgason og Kristjana Kristjánsdóttir. Kom hún
til Vesturheims með foreldrum sínum ársgömul 1884. Settist fjölskyldan
að í Argylebygðinni, 4 mílur fyrir S. Vestan Glenboro. Faðir hennar
dó nokkrum árum eftir hann kom hér, en móðirin með bömin hélt
áfram búskapnum og nokkrum ámm síðar giftist hún aftur Theodór Jó-
hannson ættuðum úr Reykjadalnum, ágætum manni. Kristín ólst þama
upp til fullorðins ára, eða þar til hún giftist Snæbimi A. Anderson 1907
og settust þau að í Glenboro, og þar bjó hún til dauðadags. Kristín var
kona fríð sínum, aðsópsmikil og tiguleg, og í alla staði hin ágætasta kona.
Hún var trúkona heilsteypt og einlæg, og drjúg til starfs í kirkumálum
og félagsmálum í sinu umhverfi sérstaklega Is. félagsmálum, en einnig
með hérlendu fólki. Forseti Islenzka kvennfélagsins í Glenboro var hún
í 10 ár og lét hún ætíð mikið til sín taka á heilbrygðan og andríkann
hátt. Sem Islendingur og borgari í sinu fósturlandi, sem dóttir, eigin-
kona og móðir, og húsfreyja á sinu heimili var hún ætíð trú sinni köllun.
Líf hennar þroskaðist alla æfina við arineld kristinna hugsjóna. Hún
rétti mörgum hjálparhönd. Kærleiksþjónusta var sterkur þáttur í lífi
hennar. Hún átti bjargfasta sannfæringu og hana seldi hún ekki lágu
verði. Hún eftirskilur eiginmann og tvö uppkomin börn Mrs. Axel Odd-
leifson, Seven Sisters Falls, Man. og Friðrik í Glenboro, er móðir hans
dó var hann í herþjónustu á Þýskalandi. Systkini hennar ern Mrs. S. J.
Sveinbjornson, Kandahar, Sask.; Mrs. Anna Sveinson og Mrs. Guðrún
Thorsteinsson, Winnipeg og Helgi og Kristján (Helgason) bændur í
Peace River héraðinu í Alberta. Móðir hennar dó 3. sept. 1946. Jarðar-
förin var ein hin verðulegasta og fjölmennast hér um slóðir. Kistan var
þakin blómskrúði og vinir og ættingjar gáfu í Blómssjóð kvenfélagsins
$119.00 til að heiðra minningu hennar, og tók það langt fram því sem
hér hefur áður þekkst. Séra Rúnólfur Marteinsson jarðsöng.
70