Morgunblaðið - 31.01.2009, Qupperneq 25

Daglegt líf 25
MORGUNBLAÐIÐ LAUGARDAGUR 31. JANÚAR 2009
Nú er þorrinn hafinn og sól farin að
hækka á lofti og fyrsta þorrablót af
þremur í Mýrdalnum er afstaðið og
þó að kreppa ríki í þjóðfélaginu hefur
sjaldan verið fjölmennara á blóti í
Leikskálum í Vík.
  
Mikið landbrot af völdum sjávar hef-
ur verið við Vík í Mýrdal síðan 1970.
Eftir Kötlugosið 1918 tók sand-
ströndin að byggjast upp og færast
fjær þorpinu. Landgræðslan hefur
unnið að heftingu sandfoks um árabil
eða síðan 1935. Þar sem sjórinn hefur
nú þegar gleypt allar sáningar og
nær allar sandfoksvarnir, þá mega
íbúar í Vík búa við það að hvenær
sem vind hreyfir fái þeir sandskafla
inn á lóðir sínar. Landgræðslan hefur
því í vetur að ósk heimamanna unnið
að uppsetningu fokgirðinga til að
draga úr hættunni á sandfoki. Einnig
var ákveðið að loka þeim skörðum
sem sjór gengur upp í á stórstreymi.
Reynslan frá fyrri öldum sýnir að bú-
ast má við áframhaldandi landbroti
með aukinni hættu á sandfoki. Fátt er
til ráða til að verjast ágangi sandsins
vegna þess hve lítið landrými er eftir.
Siglingastofnun Íslands hefur hannað
sjóvarnargarða og mun fyrsta fjár-
veiting vera á áætlun árið 2010.
  
Bændur hafa orðið af því töluverðar
áhyggjur hvernig verður að fá áburð
á komandi vori enginn áburðarsali er
farinn að auglýsa áburð og því mjög
óljóst hvert verð á honum verður,
einnig hafa bændur áhyggjur af því
hvernig verður að nálgast fjármagn
til að kaupa hann ef áburðurinn fæst.
Það er þó ljóst að ef ekki fæst nægur
áburður til landsins er íslenskur land-
búnaður í verulegum vanda sem var
þó nægur fyrir.
  
Sauðfjárbændur eru mjög ánægðir
með að kindakjöt hefur aftur náð
fyrsta sæti hvað varða kjötsölu síð-
astliðins árs salan á kindakjöti var
7,8% meiri en árið á undan og hefur
ekki verið meiri síðan árið 1993. En
þrátt fyrir þessa auknu sölu hefur
rekstrarafkoma bænda versnað mik-
ið síðastliðin 4 ár vegna hækkana á
aðföngum og ekki bætir úr skák að
ríkisstjórnin hefur ákveðið einhliða
að vísitöluaftengja ríkisstuðning til
bænda. Það er því ljóst að ekki eru
miklar forsendur fyrir nýliðun í stétt-
inni eins og staðan er.
  
Sala á mjólkurkvóta hefur dregist
mikið saman á síðustu mánuðum og
verðið hefur lækkað mikið eða um
27,3% frá meðalverði við upphaf verð-
lagsársins.
  
Listakonan okkar Mýrdælinga hún
Guðrún Sigurðardóttir eða Gunsa er
að fara að sýna verk sín ásamt öðru
listafólki í nýju sölugalleríi á Korpu-
torgi.
Gunsa vinnur verk sín í gler og leir
og viðhefur óhefðbundnar aðferðir í
vinnsluferlinu, hún notar gjarnan
sand eða önnur jarðefni sem hún
finnur úti í náttúrunni og brennir inn
í glerið þannig að verkin verða oft
mjög sérstök.
FAGRIDALUR
Jónas Erlendsson fréttaritari
Morgunblaðið/Jónas Erlendsson
Þorri Sjórinn úti af Vík í Mýrdal er
stöðugt að brjóta ströndina.
Fáðu fréttirnar
sendar í símann þinn
Davíð Hjálmar Haraldsson veltirtilverunni og tilhugalífinu
fyrir sér í fimm línum:
Þeir unnvörpum eltast við Láru,
þá ástleitnu jungfrú og kláru.
Hún þiggur boð út,
þambar af stút
en vantar þá borð fyrir báru.
Kristján Eiríksson bregður
einnig á leik með limruformið:
Hún Lára frá Leiti, sú gella,
var lipur við strákana að sprella
svo henni bauð heim
Hannes í geim
en það var sko allt önnur Ella.
Þá Hallmundur Kristinsson:
Ástsjúku Láru frá Leiti
langaði að komast í teiti.
Þar tók hún sín gjöld
tuttuguföld
(svo tölfræði minni ég beiti).
Og Jón Ingvar Jónsson:
Ljótt var nú málið með Láru
og Lísu sem öllum af báru;
þær vild’ ekki Stein
og Stefán og Hrein
og undan þeim skaufana skáru.
VÍSNAHORN pebl@mbl.is
Af Láru og tilhugalífinu
Rau›arárstígur 14, sími 551 0400 · www.myndlist.is
Opið í Galleríi Fold á Rauðarárstíg, virka daga 10–18,
laugardaga kl. 11–16 og sunnudaga kl. 13–16
Listmunauppboð
Næsta listmunauppboð
Gallerís Foldar verður haldið
9. febrúar
Erum að taka á móti verkum
Gallerí Fold · þekkt fyrir trausta þjónustu
Kynntu þér úrræði
í greiðsluerfiðleikum
· Samningar
· Skuldbreytingalán
· Frysting á greiðslum
· Greiðslujöfnun
· Lenging lánstíma
· Greiðslufrestur vegna sölutregðu
Upplýsingar er að finna á vef
Íbúðalánasjóðs, www.ils.is.
www.ils.is Borgartúni 21, 105 Reykjavík
Sími: 569 6900, 800 6969, fyrirspurnir@ils.is