Morgunblaðið - 04.04.2009, Blaðsíða 6

6 FréttirINNLENT
MORGUNBLAÐIÐ LAUGARDAGUR 4. APRÍL 2009
Eftir Jón Pétur Jónsson
og Andra Karl
VÍST má ætla að fleiri sveitarfélög
leggist í málarekstur staðfesti Hæsti-
réttur dóm Héraðsdóms Reykjavíkur
í gærdag. Þá voru
Ker ehf., Skelj-
ungur ehf. og Olíu-
verzlun Íslands hf.
dæmd til að greiða
Vestmannaeyja-
bæ óskipt tíu millj-
ónir kr. auk vaxta í
skaðabætur vegna
ólöglegs samráðs.
Þá skulu félögin
greiða bænum
1.250 þúsund
krónur í málskostnað.
Steinar Þór Guðgeirsson, lögmaður
Vestmannaeyjabæjar, sagði í samtali
við Morgunblaðið að eins og dómurinn
stæði væri hann mjög sterk vísbend-
ing fyrir önnur sveitarfélög um að þau
gætu sótt rétt sinn.
Hins vegar er um héraðsdóm að
ræða og eins og staðan er núna þykir
líklegt, að olíufélögin áfrýji málinu til
Hæstaréttar.
Steinar segist ekkert vita hvort
dómnum verði áfrýjað en verði svo og
staðfesti rétturinn dóminner hann for-
dæmisgefandi enda gengur hann
lengra en t.a.m. í máli Reykjavíkur-
borgar gegn olíufélögunum.
Steinar segist sjálfur vera með
nokkur sveitarfélög á sínum snærum
en vill ekki gefa upp hver þau eru.
Verð ekki á eðlilegum
forsendum
Samkeppnisráð komst að þeirri nið-
urstöðu að olíufélögin hefðu haft með
sér samráð í útboðinu. Áfrýjunar-
nefnd samkeppnismála staðfesti nið-
urstöðuna.
Vestmannaeyjabær krafðist skaða-
bóta vegna tjóns, sem hann hefði orð-
ið fyrir vegna samráðs í útboði vegna
eldsneytiskaupa í apríl árið 1997.
Dómurinn taldi ekki sannað að olíufé-
lögin hefðu skipt með sér framlegð af
viðskiptum við bæinn. Það breytti því
þó ekki að samkomulag í útboðinu
hefði verið hluti af samskiptum félag-
anna í heild sem beindust að því að
setja samkeppni þeirra mörk.
Fram kemur í dómi héraðsdóms að
olíufélögin hafi því komið í veg fyrir
að Vestmannaeyjabæ yrði boðið verð
sem ákveðið væri á eðlilegum for-
sendum. „Verð sem eitthvert félag-
anna hefði verið reiðubúið að sætta
sig við að reiknuðum kostnaði við að
veita þjónustuna og þeim hagnaði
sem viðkomandi vildi hafa af viðskipt-
unum. Má telja að tjón stefnanda sé í
raun meira en sá hagnaður sem
stefndu hafa af samráðinu,“ segir í
dómi héraðsdóms.
Fleiri sveitar-
félög á leið
í málaferli
Morgunblaðið’/Júlíus
Steinar
Guðgeirsson
Vestmannaeyjum dæmdar 10 milljónir
Eftir Jóhönnu Maríu Vilhelmsdóttur
jmv@mbl.is
KÆLIMEÐFERÐ á sjúklingum eftir hjartastopp
hefur aukið lífslíkur þeirra um 40% auk þess sem
meðferðin dregur verulega úr helsta fylgikvilla
hjartastopps sem er alvarlegur heilaskaði vegna
súrefnisskorts.
Þetta kemur fram í nýrri könnun sem svæfinga-
og gjörgæsludeild Landspítala (LSH) kynnir á
ársþingi Skurðlæknafélags Íslands og Svæfinga-
og gjörgæslulæknafélags Íslands í dag.
Í könnuninni voru teknir fyrir sjúklingar eldri
en 18 ára sem höfðu verið meðhöndlaðir með kæl-
ingu eftir að hafa fengið hjartastopp utan sjúkra-
húss á síðastliðnum þremur árum.
„Við erum með tæki sem kælir sjúklingana eftir
að stór æðaleggur er settur í nára sjúklingsins, þá
fer kalt vatn um belgi sem liggja utan um æða-
legginn og þannig náum við fljótt stöðugum kulda.
Við kælum sjúklingana niður í 32°C, höldum þeim
köldum í um einn sólarhring og hitum þá svo aftur
upp í eðlilegan líkamshita á hálfum sólarhring,“
segir Felix Valsson, svæfinga- og gjörgæslulæknir
sem stóð að könnuninni ásamt starfsfélaga sínum,
prófessor Gísla H. Sigurðssyni, og Valentínusi Þ.
Valdimarssyni læknanema.
Hafa bjargað heilsu tuga sjúklinga
Könnunin sýnir góðan árangur en áður en kæl-
ingarmeðferðin hófst árið 2002 útskrifuðust um
30% meðvitundarlausra sjúklinga af gjörgæslu-
deild með góða heilastarfsemi. „Með kælingar-
meðferðinni erum við hins vegar komnir upp í um
70% og því má segja að á þessu tímabili höfum við
bjargað heilsu um 40-50 sjúklinga,“ segir Felix en
bætir við að önnur meðferð eins og betri gjör-
gæslumeðferð og fleiri hjartaþræðingar eigi þátt í
þessum mikla árangri. Felix segir þá félaga á gjör-
gæsludeildinni fyrst hafa lesið um þessa aðferð í
greinum í læknatímaritinu New England Journal
of Medicine í febrúar 2002 en vísindamenn höfðu
lengi leitað að árangursríkri meðferð fyrir sjúk-
linga sem fá hjartastopp. „Við brugðumst hratt við
því fyrsti sjúklingurinn var kældur hér á LSH í
mars 2002 og síðan höfum við kælt í kringum 200
sjúklinga,“ segir Felix.
„Þessi meðferð er nú að ryðja sér til rúms í
heiminum og nú er mælt með henni í endurlífg-
unarleiðbeiningum Evrópska endurlífgunarráðs-
ins,“ segir Felix.
Stórauknar lífslíkur eftir hjartastopp
Kæling Æðaleggur er settur í nára
sjúklingsins og köldu vatni dælt inn.
Í SKUGGAHVERFINU við Skúlagötuna halda framkvæmdir áfram eins og
ekkert hefði í skorist eftir efnahagshrunið. „Hér gengur allt á áætlun,“
segir G. Oddur Víðisson, framkvæmdastjóri Þyrpingar hf., sem er eigandi
verkefnisins 101 Skuggahverfi. Segir hann unnið að því að ljúka öðrum
áfanga af þremur á svæðinu, en stefnt sé að því að afhenda fyrstu íbúðirnar
í öðrum áfanganum nú í sumar. Alls eru 97 íbúðir í öðrum áfanga og segir
Oddur að stór hluti þeirra sé þegar seldur.
Að sögn G. Odds er unnið hörðum höndum að því núna að klæða þann
turn sem nú er unnið við og ljúka við sameignina. Segir hann verkefnið
skapa um 100-120 störf, bæði á staðnum sem og á verkstæðum úti í bæ. Að-
alverktaki verksins er ÍAV. silja@mbl.is
Morgunblaðið/Árni Sæberg
Allt á áætlun í Skuggahverfi
KOSTNAÐUR
ríkissjóðs vegna
sumarkennslu í
háskólum lands-
ins gæti hlaupið á
1-3 milljörðum
króna, allt eftir
því hversu marg-
ir námsmenn
myndu þurfa á
framfærsluláni
frá LÍN að halda.
Þetta segir Katrín Jakobsdóttir
menntamálaráðherra en rætt var
um málið á ríkisstjórnarfundi í gær.
Að sögn ráðherra er vinnuhópur
undir forystu iðnaðarráðuneytisins
nú um stundir að skoða mögu-
leikann á sumarstörfum fyrir há-
skólanema. „Nú um helgina og fram
að næsta ríkisstjórnarfundi munum
við setjast niður og taka það saman
hver staðan er og hvað við getum
gert í sameiningu fyrir námsmenn,“
sagði Katrín og tók fram að það væri
ekki þjóðhagslega hagkvæmt ef
námsmenn væru neyddir til að mæla
göturnar í sumar.
Milljarða
kostnaður
Katrín
Jakobsdóttir
„Það er alveg
ljóst í okkar
huga að það
var brotið
mjög gróflega
gegn Vest-
mannaeyjabæ.
Ofan á brotið
gegn Vest-
mannaeyjabæ
þá vitum við af
sambærilegum
brotum gagnvart fyrirtækjum í
Vestamannaeyjum,“ segir Elliði
Vignisson, bæjarstjóri Vest-
mannaeyja.
Elliði segir að þótt bæturnar
séu ekki þær sem Vestmanna-
eyjabær hafi átt von á þá sé
dómsorðið skýrt.
„Það var alveg skýrt í upphafi í
okkar huga, að við myndum
sækja þetta og fylgja þessu eftir
af fullum þunga. Við höfðum all-
an tímann trú á því að við mynd-
um vinna sigur,“ segir Elliði og
segir aðspurður að það verði að
teljast líklegt að olíufélögin muni
áfrýja til Hæstaréttar. „En ég er
alveg viss um að við vinnum sig-
ur þar líka.“
jonpetur@mbl.is
„Brotið gróflega gegn Vestmannaeyjabæ“
Elliði
Vignisson
TAKIST ekki að semja um dagskrá
þingsins má búast við því að umræð-
ur um stjórnskipunarlög, sem nú
þegar hafa staðið í tvo daga, standi
jafnvel dögum saman.
Tæknilega séð gæti umræðan stað-
ið endalaust, því með lagabreyting-
unni sem gerð var á þingskapalögum
2007 var tekið fyrir það að þingmenn
gætu beitt málþófi með því að tala út í
eitt klukkutímum saman, en þá gátu
þingmenn aðeins tekið tvisvar til
máls í annarri umræðu.
Lagabreytingin fól í sér að ræðu-
tími þingmanna var takmarkaður við
20-30 mín. í fyrsta sinn sem þeir tóku
til máls (allt eftir því hvort um er að
ræða framsögumann nefndarálits eða
aðra þingmenn), við 10-15 mín. í ann-
að sinn, en eftir það mega allir þing-
menn tala í 5 mín. í senn. Á móti kem-
ur að þingmenn mega taka til máls
eins oft og þeir vilja. Þingmenn Sjálf-
stæðisflokks hafa lýst mikilli and-
stöðu við frumvarp um stjórnskip-
unarlög og hafa ítrekað farið fram á
það við forseta þingsins að önnur mál
á dagskrá þess verði tekin fram fyrir
umræðu um stjórnskipunarlögin.
Sjálfstæðismenn fóru fram á það í
upphafi annarrar umræðu um stjórn-
skipunarlögin sl. fimmtudag að ræðu-
tíminn yrði tvöfaldaður og var orðið
við því, enda kveðið á um það í þing-
skapalögum að hver þingflokkur hafi
rétt til að bera slíka beiðni fram tvisv-
ar á hverju þingi. Þess má til gamans
geta að fyrsti flutningsmaður stjórn-
skipunarlaganna, Jóhanna Sigurð-
ardóttir, á metið í lengstri ræðu sem
flutt hefur verið á Alþingi. Vorið 1998
talaði Jóhanna í rúmar tíu klukku-
stundir um húsnæðismál.
Um kl.23 í gærkvöldi sá ekki fyrir
endann á umræðunni, þá voru enn 22
á mælendaskrá þar af 21 þingmaður
Sjálfstæðisflokks.
Gæti staðið
endalaust