Morgunblaðið - 04.04.2009, Blaðsíða 35

Umræðan 35
MORGUNBLAÐIÐ LAUGARDAGUR 4. APRÍL 2009
www.damask.dk
N Ý T T
2 0 % k y n n i n g a r a f s l á t t u r
Nú kynnum við frábært úrval af GEORG JENSEN DAMASK sængurfatnaði,
sloppum og handklæðum. Sængurfatnaðurinn frá GEORG JENSEN DAMASK
er úr fínofinni egypskri bómull í hæsta gæðaflokki.
Lífgaðu uppá svefnherbergið fyrir vorið með sængurfatnaði frá
GEORG JENSEN DAMASK.
Ármúla 10 | sími: 5689950
ÞAÐ STYTTIST í
kosningar. Prófkjörin
kláruðust með allri
sinni endurnýjun eða
ekki endurnýjun, fer
allt eftir því hvaða
merkingu menn
leggja í hugtakið.
Flokkarnir hópast nú
saman hver í sínu
lagi til þess að brýna spjótin áður
en gleypa skal kjósendur landsins
einn af öðrum. Eitt af því sem
þessu fylgir eru loforðin og álykt-
anirnar sem samþykktar eru á
landsfundum flokkanna, en þær
gefa ákveðna hugmynd af því
hvernig flokkarnir hyggjast haga
málum að loknum kosningum. Ég
varð fyrir töluverðum vonbrigðum,
fyrst á laugardag og svo aftur á
sunnudag í seinustu viku, þegar
ég sá Vinstri græna minnka all-
verulega möguleika þess að kosn-
ingabandalag yrði myndað milli
vinstri flokkanna fyrir kosningar.
Olía á eld
Mikið hefur verið rætt um svo-
kallað kosningabandalag vinstri
flokkanna og hafa ríkisstjórn-
arflokkarnir báðir lýst miklum
áhuga sínum á áframhaldandi
samstarfi eftir kosningar. Það
skítur því skökku við að Vinstri
grænir skuli samþykkja ályktun á
laugardeginum sem kveður á um
að Íslandi sé best borgið utan
ESB og samþykkja svo daginn
eftir aðra ályktun þess efnis að
aðildarumsókn Íslands að ESB
skuli leidd til lykta í þjóð-
aratkvæðagreiðslu. Eins mikið og
Vinstri grænir leggja áherslu á
áframhaldandi samstarf rík-
isstjórnarflokkanna jafnvel í formi
kosningabandalags fyrir kosningar
er ótrúlega skrítið að sjá flokkinn
samþykkja ályktun sem gengur
þvert gegn einu af aðalstefnu-
málum Samfylkingarinnar í þess-
um kosningum. Ennþá hjákátlegra
var það að sjá þau draga Guttorm
gamla (Hjörleif Guttormsson)
fram fyrir sjónvarpsvélarnar til að
segja það opinberlega að þeir láti
ekki aðra flokka segja sér fyrir
verkum! Þessi vinnubrögð eru
frekar sérstök í ljósi þeirrar
áherslu sem flokkurinn leggur á
að mynda ríkisstjórn með Evr-
ópuflokki Íslands eftir kosningar.
Það sem manni finnst hvað verst
er hve auðveldlega flokkurinn af-
greiðir jafn stórt hagsmunamál
með einu pennastriki. Ástæða
þess verða að teljast klárir for-
dómar á hlutum sem flokkurinn
hefur bersýnilega ekki skoðað til
hlítar.
Hver verður fyrstur til
að opna augun?
Annað sem vakti athygli þessa
landsfundarhelgi þeirra var álykt-
un þess efnis að hvíla Sjálfstæð-
isflokkinn frá völdum og mynda
alls ekki ríkisstjórn með þeim að
loknum kosningum. Ef Vinstri
grænum er alvara með þessari
ályktun hlýtur að liggja í augum
uppi að þeir verði að mynda stjórn
með Samfylkingu ellegar lenda
þeir enn einu sinni
áhrifalausir í stjórn-
arandstöðu. Í ljósi
þess er það algjört
glapræði af Vinstri
grænum að nálgast
ekki Evrópuumræð-
una af minni for-
dómum nú þegar
heimili landsins vega
salt. Jafnvel íhaldið
sjálft virðist við það
að sjá ljósið og hefur
opnað fyrir umræðuna
í endurreisnarnefnd
sem sett var á lagg-
irnar innan þess ágæta flokks auk
þess sem formannskandídatinn
Bjarni Benediktsson hefur gefið
umræðunni byr undir báða vængi.
Eftir standa Vinstri grænir ein-
angraðir með Bjarna Harðarsyni,
og slíkt samstarf mun varla hafa
marga þingmenn að baki sér eftir
kosningar. Það er einnig fárán-
legur misskilningur innan Vinstri
grænna að ekki sé hægt að sinna
mikilvægum verkefnum innan-
lands þótt sótt sé um aðild að
Evrópusambandinu. Þeir segja oft
að brýnni verkefni séu fyrir hendi.
Slíkt er svona svipað og að hafa
ekki tíma til að spenna beltið í
bílnum þar sem það sé svo gott
lag í útvarpinu. Það er einfaldlega
rangt og einungis ætlað til að slá
ryki í augu kjósenda.
Gefum íhaldinu frí
Það er mín staðfasta trú að hér
verði Sjálfstæðisflokknum gefið frí
eftir kosningar og Samfylkingu og
Vinstri grænum verði gefið tæki-
færi til að sanna sig í þeirri upp-
byggingu sem nú fer í hönd. Ekki
síst þess vegna gremst mér mjög
að sjá VG ekki opnari fyrir jafn
stóru hagsmunamáli og aðild að
Evrópusambandinu er fyrir okkur
fólkið í landinu. Hugmyndir þeirra
um tvöfalda kosningu bjóða upp á
þá hættu að kannski munum við
aldrei fá að sjá kosti þess og galla
að ganga í sambandið. Þess vegna
vona ég að VG sjái ljósið til þess
að hægt sé að mynda starfshæfa
ríkisstjórn eftir kosningar undir
forystu Jóhönnu Sigurðardóttur
sem setji það í forgang að sækja
um aðild að Evrópusambandinu.
Að öðrum kosti munum við aldrei
sjá svart á hvítu hvað slíkt sam-
starf bíður upp á.
Evrópufordómar Vinstri grænna
Tryggvi Haralds-
son fjallar um
Vinstri græna og
væntanlegar al-
þingiskosningar
Tryggvi Haraldsson
» Í ljósi þess er það al-
gjört glapræði af
Vinstri grænum að
nálgast ekki Evrópu-
umræðuna af minni for-
dómum nú þegar heimili
landsins vega salt.
Höfundur er stjórnmálafræðingur.