Morgunblaðið - 04.04.2009, Blaðsíða 19

Fréttir 19INNLENT
MORGUNBLAÐIÐ LAUGARDAGUR 4. APRÍL 2009
www.kaupthing.is
Til fyrrum viðskiptavina
SPRON og Netbankans
Ágæti viðskiptavinur
Fjármálaeftirlitið yfirtók SPRON vegna fjárhagsörðugleika 21. mars 2009 og setti skilanefnd yfir rekstur
SPRON. Samhliða yfirtökunni gerðu stjórnvöld samkomulag við Nýja Kaupþing um að innlánsreikningar
fyrrum viðskiptavina SPRON og Netbankans færðust yfir til Nýja Kaupþings. Ég vil því bjóða fyrrum
viðskiptavini SPRON innilega velkomna í hóp viðskiptavina Nýja Kaupþings.
Yfirfærsla innlánsreikninga tókst vonum framar
Starfsfólk Nýja Kaupþings hefur lagt nótt við nýtan dag til að tryggja að fyrrum viðskiptavinir SPRON og
Netbankans verði sem minnst varir við þessa yfirfærslu. Það hefur tekist vonum framar. Nýir viðskipta-
vinir bankans hafa t.d. getað notað greiðslukort sín og haft fullan aðgang að netbönkum. Þá hefur Nýja
Kaupþing ráðið til sín um tuttugu fyrrum starfsmenn SPRON.
Ákvörðun skilanefndar SPRON
Til að tryggja viðskiptavinum heildstæða þjónustu lagði Nýja Kaupþing áherslu á að fá einnig að þjónusta
þau útlán sem SPRON og Netbankinn höfðu veitt viðskiptavinum sínum. Til að sinna útlánaþjónustu þarf
aðgang að ákveðnum upplýsingakerfum. Því miður hafnaði skilanefnd SPRON beiðni Nýja Kaupþings um
slíkan aðgang en gerði þjónustusamning vegna útlána við þriðja aðila. Við í Nýja Kaupþingi teljum þetta
miður og hörmum að ákvörðun hafi ekki verið tekin með heildarhagsmuni fyrrum viðskiptavina SPRON
og Netbankans að leiðarljósi.
Meginmarkmið okkar er að tryggja rétt til eðlilegra bankaviðskipta
Nýja Kaupþing hefur lagt kapp á að finna farsæla lausn með stjórnvöldum. Það er meginmarkmið okkar
að nýjum viðskiptavinum Nýja Kaupþings verði tryggður réttur til eðlilegra bankaviðskipta og þeir verði
fyrir sem minnstum óþægindum vegna breyttra aðstæðna á íslenskum fjármálamarkaði.
Reykjavík, 4. apríl 2009
Með góðri kveðju,
Finnur Sveinbjörnsson,
bankastjóri Nýja Kaupþings banka
TANNLÆKNAFÉLAG Íslands og
tannlæknadeild HÍ bjóða ókeypis
tannlæknaþjónustu fyrir börn og
unglinga nokkr-
ar næstkomandi
helgar.
Í fréttatilkynn-
ingu segir að
reynslan sýni að
eitt af því sem
foreldrar neyðist
til að spara þeg-
ar þrengir að í
fjármálum séu
tannviðgerðir og eftirlit hjá börn-
um og unglingum. Dregið hafi stór-
lega úr þátttöku stjórnvalda í
kostnaði vegna tannheilsu barna og
við blasi hætta á tannskemmdum
og jafnvel vanlíðan barna og ung-
linga.
Þjónustan verður veitt í húsnæði
tannlæknadeildar HÍ, Tanngarði, í
laugardagana 4. apríl, 18. apríl, 9.
maí og 23. maí, frá kl. 10-13. Ekki
er tekið við tímapöntunum.
Ókeypis tann-
læknaþjónusta
UMFERÐARRÁÐ hefur beint þeim
tilmælum til sveitarfélaga og um-
ferðaryfirvalda að bæta merkingar
og aðgengi að bílastæðum fyrir
fatlaða. Miða þarf stærð og um-
hverfi stæðanna við að þau nýtist
auðveldlega öllum fötluðum. Bæði
þurfa skilti og yfirborðsmerkingar
að vera sýnileg, þannig að engin
vafi leiki á að um slíkt stæði sé að
ræða. Einnig ætti að endurskoða
upphæð sekta fyrir að nýta sér
ólöglega stæði fatlaðra.
Morgunblaðið/Árni Sæberg
Bæta þarf merkingar
NÝ flugvél Landhelgisgæslunnar,
TF-SIF, kemur til landsins 9. júlí og
er það nokkuð á undan áætlun. Vél-
in er af gerðinni Dash-8 Q300 og
eru samskonar flugvélar notaðar
hjá strandgæslum og eftirlits- og
björgunaraðilum víða um heim.
Vélin kostar um 32,2 milljónir
dollara. Allar áætlanir um tíma og
verð hafa staðist fullkomlega. Ef
eitthvað er mun verkið verða undir
kostnaðaráætlun, að því er segir í
tilkynningu. Vélin er smíðuð hjá
Bombardier í Kanada en ísetning
tæknibúnaðar fer fram hjá Field
Aviation í Kanada. Þjálfun á flug-
vélina hefst nú um helgina.
Ný flugvél Gæsl-
unnar kemur í júlí
Á kjörskrárstofnum vegna alþing-
iskosninganna 25. apríl eru 227.896
kjósendur, samkvæmt tölum Hag-
stofunnar. Konur eru 114.295 en
karlar 113.601. Við alþingiskosn-
ingarnar 12. maí 2007 voru 221.330
kjósendur á kjörskrá og nemur
fjölgunin 6.566 eða 3,0%.
Sveitarstjórnir semja kjörskrár
eftir kjörskrárstofnum sem Þjóð-
skrá lætur þeim í té.
227.896 á kjörskrá
STUTT
ACTAVIS hefur ákveðið að færa ís-
lenskum sjúkrastofnunum gjöf í til-
efni þess að fyrstu krabbameinslyf
félagsins á stungulyfjaformi eru nú
aðgengileg á Íslandi. Mun Actavis
afhenda sjúkrastofnununum árs-
birgðir af fimm tilteknum krabba-
meinslyfjum endurgjaldslaust, fjög-
ur lyf frá 1. apríl 2009 og eitt lyf frá 1.
janúar 2010. Verðmæti gjafarinnar
er metið um 13-15 milljónir íslenskra
króna.
Actavis átti lægsta tilboðið í níu lyf
í útboði sem Ríkiskaup efndi til í
haust. Í kjölfar þess var ákveðið að
gefa nýju krabbameinslyfin fyrir
sjúkrahús fyrsta árið.
Lyfin eru öll framleidd í lyfjaverk-
smiðju Actavis í Rúmeníu, sem er
sérhæfð í framleiðslu krabbameins-
lyfja. Verksmiðjan var keypt vorið
2006. Síðan hefur verið unnið að því
að skrá lyf frá henni inn á markaði
Actavis víða um heim.
Actavis gefur ný
krabbameinslyf
Morgunblaðið/Árni Sæberg
Krabbameinslyf Ólöf Þórhallsdóttir, markaðsstjóri Actavis á Íslandi, af-
henti Birni Zoëga, framkvæmdastjóra lækninga hjá LSH, gjöfina.
Verðmæti metið um 13-15 milljónir