Morgunblaðið - 21.04.2009, Side 24

24 Umræðan
MORGUNBLAÐIÐ ÞRIÐJUDAGUR 21. APRÍL 2009
JÓNAS Kristjánsson
ritstjóri kallaði hana af-
kastamesta „spunakarl
landsins“ fyrir nokkr-
um mánuðum, en nú
virðist Agnes Braga-
dóttir farin á taugum.
Örstuttu tímabili
frjálsrar blaðamennsku
er lokið hjá Morg-
unblaðinu og Agnes aft-
ur komin í búr sægreifa
og útrásarvíkinga. Nú er það varð-
hundurinn Óskar Magnússon lög-
maður, kallaður „útgefandi“, sem hef-
ur lyklavöldin að prentblekinu.
Af einstakri þægð við fjár-
glæframenn í hluthafahópi Morg-
unblaðsins reynir hún með fúkyrðum
og rökleysu að stöðva ört vaxandi
fylgi Lýðræðishreyfingarinnar sem
sækist eftir stuðningi þjóðarinnar til
að koma lögum yfir mafíuna og sækja
þýfið í aflandseyjar eða hvar sem það
finnst. Agnes greyið virðist orðin svo
upptrekkt og taugaveikluð yfir því að
missa djobbið á moggasnepli útrás-
arinnar í þeim hreinsunum sem bíða
sumra húsbændanna þar á bæ eftir
kosningar, að kerlingunni er gersam-
lega ómögulegt að skilja kjarnann frá
hisminu.
Agnes Bragadóttir hefur und-
anfarið verið á framfæri almennings
eins og aðrir starfsmenn Morg-
unblaðsins meðan ríkisbankinn Nýi
Glitnir dældi þangað hundruðum
milljóna eftir gjaldþrot. Síðan var 3,5
milljörðum af skuldum þrotabúsins
varpað yfir á heimili landsins um síð-
ustu mánaðamót í stað þess að láta
skuldirnar fylgja með á silfurfatinu til
nýrra eigenda, sem m.a. eru með
fyrrverandi stjórnarformann hins
gjaldþrota Glitnis
banka innanborðs.
Í grein sinni segir
Agnes að það hafi verið
einkar ánægjulegt þeg-
ar fulltrúi útrásarvík-
inganna, lögfræðingur
frá lögmannsstofunni
Lex, dæmdi lista Lýð-
ræðishreyfingarinnar
ógildan í Reykjavík á
skjön við landslög og
aðrar kjörstjórnir í
landinu.
Sem betur fer vildi
það þannig til að ég átti fund með tíu
manna fjölþjóðlegum hópi frá kosn-
ingaeftirliti ÖSE á nákvæmlega sama
tíma sem landskjörstjórn fjallaði um
málið. Lögmannsmafían gat því ekki
annað en farið að lögum og úrskurðað
alla lista Lýðræðishreyfingarinnar
gild framboð.
Það er aumt þegar kalla þarf til er-
lenda eftirlitsmenn, setja upp leikrit
og framleiða hávaða í byggingu rík-
isfjölmiðlanna til að ná því fram að
lögum um borgaraleg réttindi og lýð-
ræði sé framfylgt á Íslandi. Að krefj-
ast slíkra réttinda kallar spunakerl-
ingin „stjórnlausa frekju“.
Eftir reynslu mína af forsetakosn-
ingum árið 2004 í samskiptum við
stjórnvöld og fjölmiðla var mér ljóst
að útilokað væri að hér færu fram
eðlilegar kosningar nema undir kosn-
ingaeftirliti ÖSE. Þess vegna sótti ég
fast eftir slíku með bréfaskriftum,
kærum og símtölum og tókst á end-
anum að fá kosningaeftirlitið hingað
til lands að fylgjast með umbreyting-
unni úr bananalýðveldi í nýtt íslenskt
lýðveldi þar sem þjóðin fær völdin í
stað þeirrar mafíu sem fjölmiðlahór-
urnar liggja undir.
Gömlu flokksskrímslin keppast nú
við að blekkja kjósendur með kosn-
ingakaramellum og kjötsúpum. Tak-
ist þeim að blekkja nægjanlegan
fjölda kjósenda næstu daga skaltu
búa þig undir að sötra naglasúpu
næstu fjögur árin.
Með því að kjósa xP Lýðræð-
ishreyfinguna á laugardag ert þú að
tryggja þína framtíð og losa börn þín
úr ánauð víkinganna. Láttu ekki
áróðurssnepil sægreifanna og spuna-
kerlingar blekkja þig í að afhenda þín
lyklavöld til mútuþægra alþing-
ismanna.
Lýðræðishreyfingin er eina stjórn-
málaaflið sem mun færa þér völdin á
Alþingi. Í gegnum rafrænt almanna-
þing færð þú sjálfur, kjósandi góður,
ótvíræðan atkvæðisrétt á Alþingi.
Þingmenn Lýðræðishreyfingarinnar
eru óspilltir nýliðar og munu gæta
þeirra grundvallarmannréttinda
þinna að þjóðin ráði sér sjálf.
Með þvi að kjósa Lýðræðis-
hreyfinguna losar þú þjóð þína úr
þeirri ánauð að flokkseigendafélög og
mútuþægir stjórnmálaflokkar mergs-
júgi sameiginlega sjóði og stofnanir
og skilji þig og fjölskyldu þína eftir
úti í kuldanum með skuldirnar.
Kynntu þér málið nánar á
www.xp.is og mundu að merkja við P
á kjörseðlinum til að gæta þinna eigin
hagsmuna og kjósa þína eigin per-
sónu á þing.
Agnes farin á taugum
Eftir Ástþór
Magnússon » Gömlu flokks-
skrímslin keppast
nú við að blekkja
kjósendur með
kosningakaramellum
og kjötsúpum.
Ástþór Magnússon
Höfundur er talsmaður
Lýðræðishreyfingarinnar, xP.
HÆTTUNNI á að
Ísland dragist inn fyrir
múra ESB hefur verið
bægt frá. Sjálfstæð-
ismenn hrukku aftur í
sjálfstæðisgírinn á
landsfundinum, enda
lausir við kratatjóðrið,
og Vinstri grænir líka,
a.m.k. landsfundur
þeirra sem lýsti yfir
áframhaldandi fullveld-
isstefnu. Hversu vel orðum þessara
gömlu flokka er treystandi á eftir að
koma í ljós. Viss hætta er á að þeir
álpist til að láta erindreka ESB táld-
raga sig í „athuga hvað býðst-
viðræður“ og að afvegaleiða þar með
sjálfsbjargarvilja landsmanna við það
lífsnauðsynlega end-
urreisnarstarf sem nú
fer í hönd og verður að
vera á forsendum þjóð-
arhagsmuna en ekki
ESB-tilskipana. Hvað
býðst við ESB-aðild er á
hreinu, a.m.k. fyrir þá
sem hafa kynnt sér sátt-
mála og starfsemi ESB,
og helsta afsökunin fyrir
aðild, að fá að nota hér
evru, er orðin frekar
hlægileg í ljósi krepp-
ureynslunnar. Hin feiga
framtíðarsýn um Atlantshafseyjuna
Ísland í „Evrópusamfélaginu“ (þar
sem reyndar auðugustu Evr-
ópuþjóðir og sú stærsta eru ekki
með) getur síðan afhjúpast í lær-
dómstíð eftirhrunsára. Hvort gömlu
flokkarnir hafa getu og bein í nefinu
til þess að endurreisa Ísland þarf að
koma fljótt í ljós. Landsmenn bíða
eftir að fá nothæfa banka og fjár-
magn í umferð og eðlilega vexti, nýj-
um framkvæmdum við atvinnutæki,
endurskoðun EES og endurreisn á
valdi Alþingis, endurgerð á mestöllu
laga- og reglusafninu um fjármála-
starfsemi og fyrirtæki og kröfugerð-
um á Bretastjórn. Svo ekki sé talað
um siðvæðingu, leit að svindlgóssi og
sótthreinsun eftir græðgisvæð-
inguna.
Eftir Friðrik
Daníelsson
Friðrik Daníelsson
» Sjálfstæðismenn og
Vinstri grænir ætla
að standa við sína full-
veldisstefnu
Höfundur er verkfræðingur.
Hættunni bægt frá í bili
KOSNINGARNAR
nú geta orðið þær ör-
lagaríkustu í sögu lýð-
veldisins. Það er ljóst að
mikill meirihluti lands-
manna er algerlega
andvígur því að fórna
lýðveldinu á altari ESB.
Nú reynir á að flokks-
hollusta og smámál víki
fyrir þeim grundvallar-
hagsmunum að okkur
takist að halda fullveldinu í ólgusjó
komandi kreppumissera.
Versta útkoman væri ef þeir þrír
flokkar sem hafa ESB-aðild á
stefnuskrá sinni næðu saman meiri-
hluta á þingi en þetta eru auk Sam-
fylkingar Framsóknarflokkur og
Borgarahreyfing.
Undirritaður gerði í vetur tilraun
til framboðs fullveldissinna. Þótt
ekki væri farið alla leið skilaði þetta
framtak þeim tilætlaða árangri að
lýðveldissinnar höfðu, þrátt fyrir
nokkra undanlátssemi, betur hjá
bæði VG og Sjálfstæðisflokki. Fjarri
fer því að ég vilji þakka okkur
L-listamönnum einum þá niðurstöðu
en við vorum hluti af þeirri baráttu
sem hér þurfti að heyja við ramma
sveit ESB-sinna.
Þessi sigur var mér vissulega sæt-
ur eftir að hafa ásamt fráfarandi for-
manni Framsóknarflokksins beðið
lægri hlut í baráttu innan þess flokks
við öfl spillingar og ESB-sinna.
Ég kýs VG
Það er vissulega sigur ef þeir þrír
flokkar sem hafa ESB-andstöðu á
stefnuskrá sinni ná
meirihluta á Alþingi en
auk þeirra sem fyrr eru
taldir er Frjálslyndi
flokkurinn í þeim hópi.
Miklu skiptir samt trú-
verðugleiki þessara
flokka til að standa í
ístaðinu og í mínum
huga stendur VG þar
upp úr. Þetta segi ég
þrátt fyrir að vera
ósáttur við óþarfa und-
anlátssemi á landsfundi
VG við ESB-sinna. Orðræða í kosn-
ingabaráttunni hefur sannfært mig
um að heilindi eru bak við einarða
ESB-andstöðu lykilmanna flokksins.
Sjálfstæðisflokkurinn hafði ESB-
andstöðu á stefnuskrá sinni fyrir síð-
ustu kosningar en samt sáum við í
vetur að Samfylkingargrýlan hafði
hrætt alla þingmenn flokksins nema
fjóra út í það horn að vilja nú samt
gangast inn á ESB-aðild.
Frjálslyndir mega njóta þess sann-
mælis að einnig þar eru einarðir
ESB-andstæðingar svo atkvæði þar
er einnig greitt fullveldi óborinna
kynslóða.
Fullveldið eða
flokkshollustan
Eftir Bjarna
Harðarson
Bjarni Harðarsson
»Nú reynir á að flokks-
hollusta og smámál
víki fyrir þeim grundvall-
arhagsmunum að okkur
takist að halda fullveld-
inu í ólgusjó komandi
kreppumissera.
Höfundur er bóksali.
EINS og allir vita
er nú mikil umræða í
þjóðfélaginu um kvót-
ann og kvótakerfið.
Ég verð að segja að
þessi umræða er á
miklum villigötum
eins og kvótakerfið
sjálft. Það er með ólík-
indum hvað stjórn-
málamenn eru orðnir
meðvirkir og þar með
vanhæfir til að fjalla um þessi mál.
VAKNIÐ! Kvótakerfið er ekki nátt-
úrulögmál! Ég skrifaði grein sem
birtist í Mbl. og fjallaði um nýja leið
úr ógöngum kvótakerfisins. Það er
grundvallaratriði að banna botn-
trollið og að veiðar á botnfiski verði
eingöngu á öngla. Botntrollið veldur
gífurlegu tjóni á lífríkinu í á sjáv-
arbotninum og afleiðingarnar blasa
við; sífelld minnkun fiskstofnanna
og kvótans. Og svo er
talað um sjálfbærar
veiðar og nátt-
úruvernd!
Það er hin mesta
firra að „endurheimta“
kvótann á 20 árum. Það
á að gefa veiðar frjálsar
á öngla og hafa lokuð
fiskræktarsvæði (sjá
grein þann 20/3 sl.).
Þetta kerfi má innleiða
á fáum árum og byrja á
að banna togveiðar inn-
an 20 mílna, síðan 10
mílum utar á hverju ári. Þá geta út-
gerðir skipt út togurum fyrir línu-
báta og sjávarafli eykst ár frá ári.
Með þessu móti hverfur kvótateng-
ingin við bankana og útlendingar
eignast ekki kvóta hér. Það væri
pólitísk ákvörðun hvort kvóta-
skuldir falla niður, en nú kann að
vera tækifæri til að breyta þessu
öllu í leiðinni. Ef gengið yrði í EB og
útlendingar fengju veiðirétt hér þá
yrðu þeir að fylgja þessum reglum
og veiða einungis á öngla. Það yrði
þeim erfitt að sækja langt á litlum
bátum. Á þennan hátt sláum við
margar flugur í einu höggi :
1. Fiskstofnar og afli margfaldast,
þjóðartekjur aukast.
2. Þjóðin losnar úr viðjum kvóta-
kerfisins.
3. Byggðirnar styrkjast, aukinn,
afli – atvinna.
4. Vandamál varðandi EB hverf-
andi.
5. Léttir á skuldum útgerða.
Frjálsar fiskveiðar
Eftir Skúla Þór
Bragason
Skúli Þór Bragason
» Stjórnmálamenn
virðast halda að
kvótakerfið sé nátt-
úrulögmál. Umræðan
um fiskveiðikerfið er á
villigötum.
Höfundur er vélstjóri á fragtskipi.
EINS og við var að
búast fer nú fram fjör-
leg umræða um sjáv-
arútvegsmál, í kjölfar
mjög afdráttarlausrar
stefnu Samfylkingar-
innar sem samþykkt
var um kvótamálin.
Svo skemmtilega vill til
að stefna VG er ákaf-
lega keimlík. Báðir
flokkarnir ætla að inn-
kalla kvótann á 20 ár-
um og með því munu þeir jafna að-
gang landsmanna að auðlindinni.
Nú eru útvegsmenn farnir að
gagngrýna þetta mjög og vilja enn
sem fyrr að við trúum að það gagnist
þjóðinni best að þeir fái kvótann á
silfurfati. Án þess að greiða þjóðinni
fyrir hann. Að vísu er þeirra mál-
flutningu einkar bitlaus og vitlaus
enda hafa þeir vont mál að verja. Sig-
urgeir Brynjar í Vinnslustöðinni reið
á vaðið. Þuldi upp alls kyns tölur um
hagnað og tap í útgerð og reiknaði
sitt fyrirtæki í þrot á 6 árum ef af
þessu yrði. Þar kom meðal annars
fram að aðeins stæðu eftir 1,9 krónur
af hverju kílói sem útgerðirnar veiða
þegar búið er að greiða allan kostnað.
Þessu eigum við að trúa. Útgerðar-
menn sem þóttust vera heimsmeist-
arar í fiskveiðum og hagkvæmni, svo
flinkir að þorskur var orðinn 4.200
króna virði áður en hann var veiddur,
hagnast aðeins um tæpar 2 krónur á
að veiða kíló af fiski. Næstur var Ein-
ar Valur hjá Gunnvöru í Hnífsdal.
Hann kallar þetta eignaupptöku og
þjóðnýtingu. Eignaupptöku, þrátt
fyrir að það sé alveg skýrt hverjum
læsum manni að úthlutun aflaheim-
ilda myndi ekki eignarétt og að auð-
lindin sé þjóðareign.
Felst ekki eignarupp-
taka í því að hálfu LÍÚ
að ætla að slá eign sinni
á það sem þjóðin á? Eða
er það bara hreinn og
klár þjófnaður? Að auki
kallar hann þetta aðför
að landsbyggðinni. Var
það ekki aðför að Flat-
eyri þegar kvótinn var
seldur þaðan? Eða
Stöðvarfirði, Breiðdals-
vík, Reyðarfirði, Sand-
gerði? Svo fáir staðir séu
nefndir. Hvílíkur hroki og dónaskap-
ur að láta svona út úr sér, Einar Val-
ur. Friðrik J. Arngrímsson hótar að-
gerðum ef hans umbjóðendur njóta
ekki áfram sérréttinda umfram aðra
landsmenn. Aðgerðum ef þeir fá ekki
áfram úthlutað gæðum fyrir ekki
neitt, gæðum sem eðlilegt er að greitt
sé fyrir. Og það þrátt fyrir að þeir eigi
að njóta sérréttinda næstu 20 árin.
Verði leið Samfylkingarinnar farin
verður aðgangur allra landsmanna að
fiskveiðum jafnaður og jafnframt
komið í veg fyrir brask og byggða-
röskun. Engin útgerð ætti að fara í
þrot af þessum sökum, þó svo að það
sé að sjálfsögðu ekki rekstrargrund-
völlur fyrir þá sem aðeins halda eftir
skitnum 2 krónum á kíló en hafa þó,
eins og ratar, skuldsett sig upp í rjáf-
ur.
Hér er á ferð slíkt réttlætis- og
byggðamál að nú mega stjórn-
málamenn ekki hopa og ég vona að ég
megi trúa því sem Jóhanna Sigurð-
ardóttir sagði, að þessi leið verður
farin.
Hver á kvótann?
Eftir Jón Gunnar
Björgvinsson
Jón Gunnar
Björgvinsson
» Felst ekki eignar-
upptaka í því af
hálfu LÍÚ að ætla að
slá eign sinni á það sem
þjóðin á?
Höfundur er flugmaður og
útgerðarmaður smábáts.ÁSKRIFTASÍMI 569 1100