Morgunblaðið - 25.04.2009, Page 18
18 FréttirINNLENT
MORGUNBLAÐIÐ LAUGARDAGUR 25. APRÍL 2009
Eftir Skapta Hallgrímsson
skapti@mbl.is
UMMÆLI Össurar Skarphéðinssonar iðnaðar-
ráðherra í vikunni, um álver á Bakka, hafa fallið í
grýttan jarðveg á Húsavík og nágrenni. Össur
sagði á borgarafundi Ríkissjónvarpsins að nóg
væri komið af álverum á Íslandi og hann vildi frek-
ar nota orkuna í annað.
Húsvíkingar sem Morgunblaðið ræddi við eru
vægast sagt ósáttir vegna orða ráðherra, ekki síð-
ur Samfylkingarmenn en aðrir. „Ég kýs þá ekki,“
sagði viðmælandi sem ekki vildi láta nafns síns
getið en kvaðst hafa verið heldur hallur undir
Samfylkinguna, vegna stefnu flokksins almennt
og ekki hefði skemmt fyrir að hann taldi flokkinn
vilja að álver risi á Bakka. Össur hefði sjálfur lýst
yfir stuðningi við verkefnið á fundum nyrðra.
Norðanmenn telja, margir hverjir, að álver á
Bakka sé nánast lífsspursmál fyrir svæðið. At-
vinnuástand hefur verið erfitt í héraðinu síðustu
ár en gert var ráð fyrir þúsundum starfa vegna
uppbyggingar álvers, ef af yrði. Viðmælendur
Morgunblaðsins sögðu að vissulega væri ekkert í
hendi; óvíst hvort Alcoa vildi yfir höfuð fara út í
framkvæmdina við þær aðstæður sem nú ríkja,
jafnvel ólíklegt, en það breyti ekki því að orð ráð-
herra hafi verið eins og blaut tuska í andlitið. „Mér
er misboðið. Hvernig dettur manninum í hug að
láta þetta út úr sér? Þetta verður flokknum ekki til
framdráttar á svæðinu,“ sagði einn viðmælenda.
Annar gat reyndar ekki leynt ánægju sinni með
ummæli Össurar á fundinum, í samtali við blaða-
mann; stuðningsmaður Sjálfstæðisflokksins taldi
ráðherrann hafa tryggt flokknum nokkur atkvæði
og kunni honum bestu þakkir fyrir.
Mjög undrandi á Össuri
Margir Húsvíkingar vægast sagt ósáttir við orð Össurar Skarphéðinssonar um
álver á Bakka Vissulega ekkert í hendi en ummælin samt blaut tuska í andlitið
Morgunblaðið/RAX
Á óvart Össur Skarphéðinsson iðnaðarráðherra.
Æfingasvæði slökkviliðs höfuðborgarsvæðisins
var eyðilagt aðfaranótt sumardagsins fyrsta.
Gámar sem notaðir eru til reykköfunaræfinga
voru sprengdir og kveikt í þeim. Tjónið hleypur á
milljónum króna. Ekki er vitað hverjir þarna voru
að verki. Æfingasvæðið er við svokallaða Leir-
tjörn við rætur Úlfarsfells. Þar hefur slökkviliðið á
undanförnum árum byggt upp æfingaaðstöðu fyr-
ir liðsmenn sína og annarra slökkviliða landsins.
Morgunblaðið/Júlíus
Æfingasvæði slökkviliðsins eyðilagt
Eftir Silju Björk Huldudóttur
silja@mbl.is
„GRÆN störf – vistvænar áherslur í
atvinnuuppbyggingu“ er yfirskrift
málþings sem haldið verður í Iðnó í
dag milli kl. 13-15 í tilefni af degi um-
hverfisins. Málþingið er haldið á
vegum umhverfisráðuneytisins, Ný-
sköpunarmiðstöðvar Íslands og Fé-
lags umhverfisfræðinga og er opið
öllum.
„Það er oft talað um græna iðn-
aðinn sem mótsvar við stóriðjuupp-
byggingu. Okkur fannst því ástæða
til að beina sjónunum að þessum iðn-
aði,“ segir Guðmundur Hörður Guð-
mundsson, upplýsingafulltrúi um-
hverfisráðuneytisins. Spurður hvað
grænt starf sé svarar Guðmundur
því til að aðstandendur málþingsins
hafi ákveðið að skilgreina það vítt.
„Græn störf eru tengd hreinni
tækni eða stuðla að bættri umhverf-
isvitund og draga úr umhverfisáhrif-
um hefðbundinna starfa. Græn störf
byggjast á því að fjárfesta í aukinni
framleiðni með betri nýtingu, t.d.
orku og hráefna, og komast þannig
hjá sóun á aðföngum og fjármagni.“
Að sögn Guðmundar er full ástæða
til þess að kortleggja fjölda grænna
starfa hérlendis og stuðla að frekari
uppbyggingu þeirra.
Prótínmjöl úr aflofti
Á ráðstefnunni verða sjö fyrirtæki
með örkynningar. Þetta eru Mar-
orka sem þróar orkustjórnunarkerfi
fyrir skip til að draga úr olíunotkun
og mengun, Gavia Travel sem sér-
hæfir sig í fuglaskoðunarferðum fyr-
ir erlenda ferðamenn, Saga Medica
sem sérhæfir sig í rannsóknum og
framleiðslu á hágæða náttúruvörum
úr jurtum, Carbon Recycling Int-
ernational sem breytir útblæstri frá
jarðvarmavirkjunum í eldsneyti,
HBT sem þróar og framleiðir orku-
sparandi lausnir fyrir stórnotendur í
orkufrekum iðnaði, Farmers Market
sem nýtir náttúruleg hráefni við
framleiðslu tískufatnaðar og Prókat-
ín sem framleiðir prótínmjöl í dýra-
fóður úr aflofti frá jarðvarmavirkj-
unum.
Á málþingi verður boðið upp á
pallborðsumræður um vistvæna ný-
sköpun og fjölgun grænna starfa
undir stjórn Björns H. Barkarsonar
frá Félagi umhverfisfræðinga. Í pall-
borði sitja Þorsteinn Ingi Sigfússon,
forstjóri Nýsköpunarmiðstöðvar,
Baldur M. Helgason, sjóðstjóri
BJARKAR, sjóðs Auðar Captial,
Bryndís Skúladóttir, forstöðumaður
umhverfismála hjá Samtökum iðn-
aðarins, og Anna G. Sverrisdóttir,
formaður umhverfisnefndar Sam-
taka ferðaþjónustunnar.
Varðliðar umhverfisins
Á málþinginu mun Kolbrún Hall-
dórsdóttir umhverfisráðherra af-
henda Kuðunginn fyrir árið 2008,
umhverfisviðurkenningu ráðuneyt-
isins, í 14. sinn. Viðurkenningin er
veitt fyrirtækjum sem hafa staðið
sig vel í umhverfismálum í rekstri
sínum. Auk þess mun ráðherra út-
nefna varðliða umhverfisins, en um
er að ræða verkefnasamkeppni um
umhverfismál meðal grunnskóla-
barna í 5.-10. bekk.
Orkan nýtt betur
Degi umhverfisins fagnað með málþingi um græn störf, varðliðar umhverfisins eru
tilnefndir auk þess sem Kuðungurinn árið 2008 er afhentur fyrirmyndarfyrirtæki
„Þessi fyrirtæki eiga ýmislegt
sameiginlegt og því getur verið
akkur fyrir þau að horft sé á þau
sem eina heild,“ segir Bryndís
Skúladóttir, forstöðumaður um-
hverfismála hjá SÍ, um fyrirtæki
sem hafa upp á að bjóða „græn
störf“. Tekur hún fram að fyr-
irtækin geti verið í ólíkum geirum,
s.s. í orkubransanum, bygging-
arbransanum eða endurvinnslu.
Að sögn Bryndísar er spáð mikl-
um vexti í grænum störfum á
næstu árum. „Þannig er því spáð í
nýrri skýrslu Umhverfisstofnunar
Sameinuðu þjóðanna að markaðir
fyrir umhverfisvænar vörur og
þjónustu muni tvöfaldast fram til
2020,“ segir Bryndís og bendir á
að hér á landi séu margvísleg
tækifæri á þessu sviði, sem skap-
að geti störf og aukið útflutning.
Miklum vexti spáð í „grænum störfum“
SKRÁNING í sumarbúðir barna hef-
ur gengið vel. Að sögn Ástríðar
Jónsdóttur, kynningarfulltrúa
KFUM og KFUK, var sett aðsókn-
armet fyrsta skráningardaginn. Þá
er metaðsókn í Vindáshlíð og margir
flokkar fullbókaðir. „Það er mjög
góð skráning og eiginlega betri en
við bjuggumst við þar sem við áttum
von á að fólk héldi að sér höndum,“
segir Ástríður. Í fyrra var skráning-
armetið slegið en Ástríður segir ljóst
að nú sé fólk að skrá sig aðeins
seinna en áður. „Fólk er aðeins að
bíða og stilla af kortatímabilið til að
stýra greiðslunni því það er greitt
við skráningu,“ segir hún.
Að sögn Hreiðars Oddssonar, for-
stöðumanns sumarbúða skáta á Úlf-
ljótsvatni, er meiri skráning en verið
hefur á sama tíma undanfarin ár.
„Það var slegið met fyrstu vikuna
sem við fórum formlega að taka við
skráningum,“ segir hann.
ylfa@mbl.is
Mikil aðsókn
í sumarbúðir
barna
HVALASKOÐUN Reykjavík ehf.
og Norðursigling ehf. hafa sent um-
boðsmanni Alþingis formlega
kvörtun þar sem sérstaklega er
kvartað yfir þeirri niðurstöðu
Steingríms J. Sigfússonar sjáv-
arútvegsráðherra að honum sé ekki
lagalega fært að endurskoða
ákvörðun forvera síns um hval-
veiðar fyrr á þessu ári.
Í fréttatilkynningu segir að það
sé skoðun félaganna að upphafleg
ákvörðun Einars K. Guðfinnssonar
um að heimilia hvalveiðar í at-
vinnuskyni með reglugerð hafi ver-
ið ólögmæt og að það sama gildi um
þær ákvarðanir um leyfisveitingar
sem teknar voru í kjölfarið. Kvört-
un hvalaskoðunarfyrirtækjanna
beinist fyrst og fremst að ákvörðun
Steingríms J. Sigfússonar en einnig
að ákvörðun Einars K. Guðfinns-
sonar.
Kvarta til um-
boðsmanns
Vaki fékk verðlaunin
Í frétt um útflutningsverðlaun for-
seta Íslands var farið rangt með
nafn fyrirtækisins sem fékk verð-
launin. Verðlaunin fékk fyrirtækið
Vaki fiskeldiskerfi hf. en í blaðinu
stóð að fyrirtækið héti Vaka. Beðist
er velvirðingar á þessum mistökum.
LEIÐRÉTT
AVANT fjármögnunarfyrirtækið
býður nú upp á greiðsluaðlögun
vegna bílalána í erlendri mynt. Geta
skilvísir lántakendur fryst hluta af-
borgunar í átta mánuði og greitt
áfram vexti. Þeir geta síðan valið um
að greiða að auki 33%, 50% eða 66%
afborgun af láninu og lengist láns-
tíminn í takt við afborgunarhlut-
fallið.
Í tilkynningu segir að þeir sem
hafa nýtt sér frystingu hingað til og
þar með aðeins greitt vextina geti,
líkt og aðrir, nýtt sér þessa greiðslu-
aðlögun er fjögurra mánaða tímabili
frystingar afborgana þeirra lýkur.
Nánar er fjallað um málið á
mbl.is.
Avant býður
upp á lengri
frystingu