Morgunblaðið - 22.05.2009, Blaðsíða 4

4 FréttirINNLENT
MORGUNBLAÐIÐ FÖSTUDAGUR 22. MAÍ 2009
einfaldlega betri kostur30%
afsláttur af
öllum dýnum
gildir frá og með
15. - 29. maí
Bjartari tímarFangaðu ljósið og færðu stofuna út í sumar
Lambo Lounger
69.900,-
einfaldlega betri kostur
30
%
af
slá
ttu
r
af
öll
um
Si
len
ce
dý
nu
m
Skoðaðu hann á www.ILVA.is
NÝRSUMARBÆKLINGUR
laugardaga 10-18 sunnudaga 12-18 mánudaga - föstudaga 11-19
s: 522 4500 www.ILVA.is
FRÉTTASKÝRING
Eftir Guðna Einarsson
gudni@mbl.is
AFLABRÖGÐ við landið hafa verið mjög góð und-
anfarið. Það er helst talið hamla veiðunum að
nokkuð langt er liðið á fiskveiðiárið og þorskveiði-
heimildir margra að verða uppurnar. Samkvæmt
upplýsingum á vef Fiskistofu er búið að veiða
76,9% aflamarks í þorski. Þorsteinn Sigurðsson,
sviðsstjóri nytjastofnasviðs Hafrannsóknastofn-
unarinnar, sagði að von væri á nýrri veiðiráðgjöf
fyrir næsta fiskveiðiár hinn 5. júní næstkomandi.
Nú er unnið að ráðgjöfinni og er ekkert gefið upp
um hvað í henni kann að felast.
Fiska vel með öllum veiðarfærum
Mjög gott fiskirí hefur verið á Snæfellsnesi und-
anfarið. Jón Guðmundsson, vigtarmaður og hafn-
arvörður í Ólafsvík, sagði vel veiðast með öllum
veiðarfærum og bátana koma hlaðna að landi.
„Menn eru á færum og línu, netum, dragnót,
trolli og rækju. Hér eru menn að fiska á allt,“ sagði
Jón. Hann sagði aflabrögðin hafa verið mjög góð
undanfarið hvort heldur væri á Arnarstapa, í Rifi
eða Ólafsvík. Um þrjátíu bátar róa frá Ólafsvík,
ámóta margir frá Arnarstapa en færri frá Rifi.
„Það vantar ekkert upp á fiskiríið, það vantar
bara leyfi til að veiða þetta. Fiskurinn er mjög fal-
legur, miklu fallegri en við höfum átt að venjast.
Þetta er mjög góður afli,“ sagði Jón. Menn hafa
meira að segja verið að fá golþorska á skaki.
„Þetta er þorskur, ýsa og steinbítur. Það er orð-
ið svo framorðið af kvóta að sumir geta ekki farið á
sjó. Þeir eru búnir með aflaheimildirnar. Það er
það mikið af fiski að ef þú átt ekki þorskkvóta þá
ertu í vandræðum meðað komast á sjó. Þú kemst
eiginlega ekki framhjá þorskinum.“
Allir forðast þorskinn
Nánast allur Grindavíkurflotinn var á sjó í gær,
að sögn Arnfinns Antonssonar, vigtarmanns á
hafnarvigtinni í Grindavík. Hann sagði aflabrögð
hafa verið góð á handfæri og alveg þokkaleg með
öðrum veiðarfærum. Stöðugt og gott fiskirí hefur
verið undanfarið. Eftir að veður batnaði hafa
handfærabátarnir getað stundað sjóinn. Troll-
bátar lönduðu fínum afla á miðvikudag.
„Nú eru allir að forðast þorskinn. Menn eru að
rembast við hinar tegundirnar og aflinn kannski
minni fyrir vikið,“ sagði Arnfinnur. „Það virðist al-
veg sama hvaða veiðarfæri er sett í sjóinn. Það
virðist vera ágætisafli hjá þeim öllum. Það eru fín
aflabrögð hérna.“
Fiskurinn miklu vænni en hann var
„Fiskurinn er mjög stór. Miklu stærri en verið
hefur,“ sagði Halldór Snorrason, hafnarvörður og
vigtarmaður í Tálknafirði, um afla handfærabáta.
Mjög gott fiskirí hefur verið á Tálknafirði. Þaðan
róa nú 10-11 bátar og þar af 8-9 á handfærum. Afl-
inn hefur farið upp í þrjú tonn á dag og einn maður
á. Halldór kvaðst óttast að þorskkvótinn væri að
verða búinn hjá mörgum. „Það er einn bátur á
steinbít og hann hefur verið að landa 7-10,5 tonn-
um á dag á 30 bala og tveir menn á. Það er bull-
andi, bullandi fiskur úti um allt. Það er nú bara
þannig,“ sagði Halldór. Hann taldi að afli línubáta
gæti farið að verða tregari enda mikið æti á mið-
unum.
„Ég tek eftir því að þessi fiskur sem kemur hér
til löndunar er fullur af síli. Hann er alveg kjaft-
fullur af síli, svo það virðist vera æti. Þetta eru
minni sílin. Það er einn bátur að fiska þorsk og ýsu
á línu og það er farið að minnka hjá honum, en
steinbíturinn virðist ennþá hanga og færabátarnir
að fá mjög gott.“
„Það er bullandi, bull-
andi fiskur úti um allt“
 Bátar koma með hlaðafla að landi en margir langt komnir með kvótann
Morgunblaðið/Alfons
Arnarstapi Mjög góð veiði hefur verið hjá handfærabátum sem róa frá Snæfellsnesi. Frá Arnarstapa
eru gerðir út margir bátar sem koma víða af landinu og þröng er á þingi í höfninni.
Aflabrögð eru nú betri en verið hafa á þessum
árstíma undanfarin 10-12 ár, að sögn Gylfa Þ.
Gunnarssonar, útgerðarmanns í Grímsey. Þorsk-
urinn heldur sig óvenjudjúpt miðað við árstíma.
„Það hefur verið svolítið kropp hjá okkur á
þessum bletti sem við erum á,“ sagði Gylfi, sem
gerir út Þorleif EA. Hann sagði að menn væru
alltaf að detta niður á bletti sem gæfu fisk. Þeir
á Þorleifi eru á netum og hafa verið að fá hrygn-
ingarfisk, þorsk, á 160-200 faðma dýpi sem þyk-
ir óvenjudjúpt miðað við árstíma.
Gylfi sagði bátana hafa verið að fá frá 2,5
tonnum og upp í 17 tonn í róðri.
Gylfi sagði að það væri allskonar ástand á
fiskinum en hann væri ekki mjög stór. Hann
gerði Hafrannsóknastofnuninni viðvart um
hrygningarfiskinn sem heldur sig svo djúpt.
Tveir menn komu frá stofnuninni til Grímseyjar
til að skoða fiskinn. „Það eru rennandi hrogn í
honum og svo voru aðrir sem áttu alveg eftir
hálfan mánuð töldu þeir. Það er töluvert af hon-
um komið í hrygningu,“ sagði Gylfi.
Þorskur að hrygna á miklu dýpi
PILTURINN,
sem slasaðist al-
varlega í vinnu-
slysi við grunn-
skólann í Garði
síðastliðinn
þriðjudag, lést á
miðvikudaginn af
völdum meiðsl-
anna sem hann
hlaut.
Hann hét Kristján Falur Hlyns-
son og var 18 ára. Hann var til heim-
ilis hjá foreldrum sínum og bróður
að Hlíðarvegi 70 í Njarðvík.
Látinn eftir
vinnuslys
VINNINGASKRÁ Happdrættis
DAS á færeysku sem átti að fara til
Dimmalætting var fyrir mistök send
til Morgunblaðsins og birtist í gær.
Sigurður Á. Sigurðsson, forstjóri
happdrættisins, sagði að yfirleitt væri
dregið í happdrættinu á fimmtudegi
nema þegar hann lenti á frídegi eins
og í gær. Þá væri dregið á mið-
vikudegi. Vinningaskráin birtist
venjulega í Morgunblaðinu á föstu-
degi en í Dimmalætting á þriðjudegi.
Nú er 14. happdrættisárið hjá DAS
í Færeyjum hafið. Sigurður sagði
Færeyinga hafa tekið happdrættinu
mjög vel og Íslendingar mættu margt
af þeim læra.
„Þeir hringja ef þeir hafa ekki
fengið gíróseðilinn sinn. Það stendur
allt sem þeir segja eins og stafur á
bók. Viðskiptin hafa verið mjög
ánægjuleg og skemmtileg viðbót við
það sem við erum að gera,“ sagði Sig-
urður. Sama vinningshlutfall er hjá
viðskiptavinum DAS í Færeyjum og
á Íslandi. | 22
Vinninga-
skráin birtist
á færeysku
Búið er að veiða 76,9% aflamarks í þorski
þessa fiskveiðiárs. Kvótaleysi er farið að hafa
áhrif á sjósókn og afla margra dagróðrabáta.
Von er á nýrri veiðiráðgjöf Hafrannsókna-
stofnunarinnar 5. júní næstkomandi.
Eftir Björn Jóhann Björnsson
bjb@mbl.is
SENDINEFND frá Alþjóðagjald-
eyrissjóðnum, AGS, er komin til
landsins til viðræðna við íslensk
stjórnvöld og fleiri hagsmunaaðila.
Í umræðum á Alþingi á miðviku-
dag sagðist Helgi Hjörvar, for-
maður efnahags- og skattanefndar
þingsins, reikna með að sendi-
nefndin fundaði með íslenskum
fjölmiðlum á fimmtudag í næstu
viku.
Spurningar vakna
Eygló Harðardóttir, þingmaður
Framsóknarflokksins, hóf um-
ræðuna og sagði ýmsar spurningar
vakna um þessa heimsókn. Meðal
annars af hverju sjóðurinn væri
ekki búinn að ganga frá láninu til
Íslands, nú þegar sex mánuðir
væru liðnir frá því að skilmálar
voru samþykktir. Taldi Eygló það
gagnrýnivert að sendinefnd frá
sjóðnum kæmi til landsins við
þessar aðstæður, heimsóknin væri
greinilega að frumkvæði sjóðsins
en ekki stjórnvalda.
Helgi Hjörvar sagði að heim-
sókn AGS ætti ekki að koma nein-
um á óvart, hún væri í samræmi
við áætlun sjóðsins og þá tilkynn-
ingu sem gefin hefði verið út í
febrúar sl. Eftir væri að fara yfir
nokkur tæknileg úrlausnarefni,
eins og þingmaðurinn orðaði það.
Sagði Helgi að sendinefnd sjóðsins
væri að skoða heildarstöðu þjóð-
arbúsins, ekki ríkisins sérstaklega
heldur frekar atvinnulífsins í heild.
Fimm milljónir í vexti á dag
Lilja Mósesdóttir, þingmaður
Vinstri grænna, fagnaði því að
sendinefnd AGS væri komin til
landsins. Ræða þyrfti ýmis brýn
mál, m.a. vexti á láni ríkisins.
Sagði hún vextina hærri en al-
mennt gerðist og ríkið væri að
greiða um fimm milljónir króna á
dag vegna fyrstu greiðslunnar síð-
an í nóvember. Greiðslan væri
geymd í Bandaríkjunum á umtals-
vert lægri vöxtum og brýnt væri
að nefna lækkun stýrivaxta við
nefndina.
„Það er óhæft að stýrivextir séu
um 10% hærri hér en í nágranna-
löndunum,“ sagði Lilja og taldi að
ef takast ætti að reisa efnahags-
lífið við eftir bankahrun og geng-
isfall krónunnar þá þyrftu stýri-
vextir að taka mið af þróun
efnahagsmála. Alþjóðagjaldeyris-
sjóðurinn yrði að gera sér grein
fyrir alvarlegri stöðu efnahagslífs-
ins á Íslandi.
Sendinefnd AGS í heimsókn
 Ræðir stöðu þjóðarbúsins og atvinnulífsins  Fundar
með fjölmiðlum í næstu viku  Deilt um tilefni heimsókn-
arinnar á Alþingi og hún sögð að frumkvæði sjóðsins
ALVARLEGT umferðarslys varð í
gærkvöldi á Hringbraut í Reykjavík,
skammt frá Þjóðarbókhlöðunni,
þegar bifhjól og bifreið rákust sam-
an.
Lögregla og sjúkralið komu fljót-
lega á vettvang.
Þegar Morgunblaðið hafði sam-
band við lögreglu seint í gærkvöldi
gat hún ekki gefið nákvæmari upp-
lýsingar um málsatvik, en rannsókn
á slysinu stóð enn yfir.
Alvarlegt slys
á Hringbraut