Morgunblaðið - 22.05.2009, Blaðsíða 14

14 FréttirINNLENT
MORGUNBLAÐIÐ FÖSTUDAGUR 22. MAÍ 2009
www.eirberg.is • 569 3100 • Stórhöfða 25
Rafskutlur
-frelsi og nýir möguleikar
Einfaldar í notkun
og hagkvæmar í rekstri
Grænt ljós á línulögn
 Umhverfisáhrif Suðvesturlínu eru talin ásættanleg  Nauðsynlegt er talið að
styrkja háspennulínur sem liggja milli höfuðborgarsvæðisins og Suðurnesja
Eftir Helga Bjarnason
helgi@mbl.is
UMHVERFISÁHRIF fyrirhugaðra Suðvestur-
lína eru talin ásættanleg þegar tekið hefur verið
tillit til ávinnings af línulögninni og þeirra mót-
vægisaðgerða sem gripið verður til. Frummats-
skýrsla vegna umhverfismats hefur verið birt og
er gefinn frestur til 2. júlí til athugasemda.
Landsnet er að undirbúa styrkingu og endur-
bætur á meginflutningskerfi raforku frá Hellis-
heiði að Geithálsi og Hafnarfirði og áfram út á
Reykjanes.
Markmiðið er að byggja upp raforkuflutninga-
kerfið á Suðvesturlandi til framtíðar svo það geti
mætt áformum um orkuflutning á svæðinu, jafnt
til atvinnustarfsemi og til almannanota. Núver-
andi kerfi er nýtt til fulls og mun ekki anna eft-
irspurn í nánustu framtíð, segir frummatsskýrsl-
unni. Styrking og endurnýjun kerfisins er
jafnframt sögð forsenda uppbyggingar af ýmsu
tagi í atvinnulífi landshlutans, þar á meðal aukinna
umsvifa í orkufrekri atvinnustarfsemi, bæði í
framleiðslu- og hátækniiðnaði.
Komið hefur fram að nauðsynlegt er að styrkja
háspennulínurnar milli höfuðborgarsvæðsins og
Suðurnesja vegna nýrra virkjana HS-orku og
byggingar álvers og annarra stórfyrirtækja í
Helguvík og víðar.
Framkvæmdirnar varða beinlínis tólf sveitar-
félög þar sem mikill meirihluti landsmanna býr.
Meginflutningskerfið á Suðvesturlandi grund-
vallast á loftlínum en á nokkrum stöðum er gert
ráð fyrir jarðstrengjum við tengingu einstakra
virkjana og notenda við kerfið. Í heildina er um að
ræða nýbyggingu á um það bil 152 km af loftlínum
auk endurnýjunar á um 19 km af línum megin-
flutningakerfisins. Nýjar tengingar orkunotenda
og virkjana við kerfið verða alls 35 km af loftlínum
og um 54 km af háspennustrengjum í jörðu.
Eldri línur verða rifnar niður að hluta
Til mótvægis er meðal annars gert ráð fyrir
miklu niðurrifi á eldri línum, samtals um 97 kíló-
metrum, þar sem nýjar línur verða að mestu leyti
byggðar samsíða eldri línum. Tengivirki við
Rauðamel verður fjarlægt og ný tengivirki verða
reist á Hellisheiði, við Sandskeið, við Hrauntung-
ur sunnan Hafnarfjarðar og á Njarðvíkurheiði.
Framkvæmdum verður skipt í fimm áfanga og
eiga þær að hefjast sumarið 2010. Búist er við að
framkvæmdir standi með hléum til ársins 2017.
Kostnaður við fyrstu fjóra áfangana er áætlaður
27 milljarðar kr. og að 380 ársverk verði við fram-
kvæmdirnar.
Morgunblaðið/Einar Falur
MORGUNBLAÐINU hefur borist yfirlýsing frá dr.
Thomas McGovern vegna fréttar í blaðinu sl. miðvikudag
um samskipti Hunter College of the City of New York
(CUNY) við Fornleifastofnun Íslands.
Þar kom m.a. fram að íslenskum nema, Albínu Huldu
Pálsdóttur, sem þá var í doktorsnámi í CUNY, hefði verið
vísað úr námi í kjölfar þess að faðir hennar gerði tilboð í
uppgröft á Alþingisreitnum. Fornleifastofnun bauð einnig í
verkið. Thomas McGovern var einn af leiðbeinendum Alb-
ínu, en hann hefur átt samstarf við FSÍ áratugum saman,
auk þess sem hann var nefndur sem samstarfsaðili FSÍ við
Alþingisreit.
Hluti yfirlýsingar McGoverns fer hér á eftir:
„Við teljum ekki viðunandi að CUNY-nemandi fari gegn
grundvallarsiðareglum fornleifafræðinnar með því að
hætta í verkefnum, sem fengið hafa samþykki sem rann-
sóknarefni, eða styrktum rannsóknum á svo óábyrgan hátt
[sem Albína gerði]. Aðalmálið sem tengist Albínu er af
þessum siðferðilega toga auk þess sem hún má ekki, laga-
lega séð, ekki einu sinni óbeint, blanda CUNY í verktöku
sem greitt er fyrir, án þess að hafa skýrt leyfi. Enginn
rannsóknaraðili eða háskóli getur þolað svo óábyrga hegð-
un og misnotkun nafna og tengsla. Við upplýstum FSÍ um
að það væri vandamál, en upphafleg tölvuskeyti voru frá
okkur til þeirra, þar sem við báðumst afsökunar vegna lé-
legs nemanda, og gerðum grein fyrir að okkur var ekki
kunnugt um það fyrirfram hvað hún ætlaðist fyrir.
Aldrei bárust skilaboð til nokkurs manns í CUNY frá
FSÍ þar sem beðið var um að Albínu yrði vísað úr náminu.
Opinber yfirlýsing þessa efnis er væntanleg frá stjórn
CUNY fljótlega,“ segir í yfirlýsingu McGovern.
Auk þess segir hann umfjöllun Morgunblaðsins óvand-
aða og fullyrðir að rangfærslur sé að finna í henni, án þess
að tilgreina nákvæmlega hvar þær er að finna.
Athugasemd vegna fréttar
AÐALFUNDUR
Faxaflóahafna
fyrir árið 2008
var haldinn hinn
20. maí síðastlið-
inn í Sjóminja-
safninu Víkinni.
Gísli Gíslason
hafnarstjóri fór
yfir reikninga
félagsins fyrir
umrætt tímabil. Í máli hans kom
fram að hagnaður varð 230 millj-
ónir króna sem telst vera þolanleg
niðurstaða, að því er fram kemur á
vef Faxaflóahafna. Heildarveltan á
árinu 2008 var tæpir 2,6 milljarðar
króna. Eignir Faxaflóahafna í árs-
lok 2008 voru 12,7 milljarðar
króna og samtals skuldir 2,3 millj-
arðar.
Júlíus Vífill Ingvarsson, stjórn-
arformaður Faxaflóahafna, fór yfir
skýrslu stjórnarinnar og drap á
helstu atburði og framkvæmdir
ársins. Júlíus sagði stærstu verk-
efnin á árinu 2008 hafa verið land-
og lóðagerð á Grundartanga, land-
gerð í Sundahöfn ásamt lengingu
Vogabakka. Einnig nefndi hann
kaupin á nýjum lóðsbát, Jötni, og
taldi það mikla og góða viðbót við
bátaflotann. Fyrirtækið á og rekur
fjórar hafnir, í Reykjavík, á Grund-
artanga, Akranesi og Borgarnesi.
Faxaflóahafnir sf. er sameign-
arfélag í eigu fimm sveitarfélaga,
Reykjavíkurborgar, Akraneskaup-
staðar, Hvalfjarðarsveitar, Skorra-
dalshrepps og Borgarbyggðar.
sisi@mbl.is
Höfnin var
rekin með
hagnaði
Gísli Gíslason
Veltan 2,6 milljarðar
STARFSMENN Veðurstofu Íslands
mældu vetrarákomu á Hofsjökli í
árlegri vorferð dagana 30. apríl - 6.
maí síðastliðinn. Snjóalög reyndust
í meðallagi á jöklinum þetta vorið,
ef miðað er við undanfarin ár, að
því er fram kemur á vef Veðurstof-
unnar.
Hofsjökull er þriðji stærsti jökull
landsins, um 860 ferkílómetrar að
flatarmáli. Frá honum fellur leys-
ingavatn í Þjórsá, Jökulsárnar í
Skagafirði, í Blöndu og Hvítá
eystri. Vetrarákoma og sumarleys-
ing er árlega mæld í 25-30 punktum
á þrem mælilínum sem liggja til
norðurs, suðvesturs og suðausturs
frá hæstu bungum.
Vatnamælingar Orkustofnunar
sáu um rannsóknir á afkomu Hofs-
jökuls á árabilinu 1987-2008 en
verkefni þetta færðist til Veðurstof-
unnar við nýlega sameiningu henn-
ar og Vatnamælinga. Mælingarnar
eru kostaðar af orkumálasviði
Orkustofnunar. sisi@mbl.is
Snjóalög voru
í meðallagi
á Hofsjökli
RANNSÓKNIR eru hafnar á landnámsskál-
anum við Kirkjuvogskirkju í Höfnum á
Reykjanesi. Byggðasafn Reykjanesbæjar
stendur fyrir rannsókninni og nýtur við hana
styrks frá menningarráði Suðurnesja.
Við skráningu fornminja í Reykjanesbæ
taldi Bjarni F. Einarsson fornleifafræðingur
sig sjá móta fyrir landnámsskála í Höfnum.
Fyrir sjö árum var grafin hola ofan í miðjan
skálann og þar fengust vísbendingar um að
kenning hans væri rétt. Komið var niður á
heillegt gólf frá landnámsöld og hleðslu sem
talið er að geti verið úr langeldinum. Athug-
anir á sýnum hafa staðfest að skálinn er ekki
yngri en frá því um 900 og er því með elstu
staðfestu mannvistarleifum sem fundist hafa
hér á landi.
Fornleifastofnun Íslands vinnur að rann-
sókninni, undir stjórn Bjarna Einarssonasr.
Með þeim verða nemar í fornleifafræði við
Háskóla Íslands.
Rannsóknir hafnar á landnámsskálanum við Kirkjuvogskirkju í Höfnum
Með elstu staðfestu mannvistarleifum
Ljósmynd/Ellert Grétarsson