Morgunblaðið - 22.05.2009, Blaðsíða 17

Fréttir 17ERLENT
MORGUNBLAÐIÐ FÖSTUDAGUR 22. MAÍ 2009
Matreiðslurjóminn er lykillinn að góðum sósum og
súpum. Í eftirrétti, mjólkurhristinga og búðinga hentar
matreiðslurjóminn vel sem fituminni valkostur við hefð-
bundinn rjóma. Út á ávaxtagrautinn er matreiðslu-
rjóminn ómissandi. Hvernig sem hann er notaður
kórónar matreiðslurjóminn matseldina.
– FYRIR ALLA SEM ELDA –
EFTIRFYRIR
ms.is/gottimatinn
H
V
ÍT
A
H
Ú
S
IÐ
/S
ÍA
–
0
9
-0
7
8
8
NÝJA
R
UMB
ÚÐIR
Matr
eiðsl
urjóm
i
hefu
r fen
gið
nýtt
útlit
Rósfingraður rjóminn leikur við bragðlaukana
Ferskur rjómi
í enn ferskari umbúðum
EGYPSKI heil-
brigðisráðherr-
ann, Hatem el-
Gabali, segir að
þeir Egyptar
sem leggi í píla-
grímsferð til
Mekka í ár geti
átt á hættu að
verða settir í
sóttkví þegar þeir
snúi til baka. Það
væri enn ein aðgerð egypskra
stjórnvalda til að reyna að koma í
veg fyrir svínaflensusmit í landinu.
Yfir hálf milljón Egypta leggur í
pílagrímsferð til Mekka á ári hverju.
27 hafa látist úr fuglaflensu í
Egyptalandi sem hefur valdið því að
yfirvöld sýna nú mikla varkárni eftir
að svínaflensan braust út.
El-Gabali hefur komið fram með
tilkynningar í fjölmiðlum nærri dag-
lega um að stjórnvöld séu við öllu
búin, sóttvarnargrímum hefur verið
dreift, skólum verið lokað, örygg-
issveitir girði af svæði og fjölda-
grafir grafnar brjótist út alvarlegur
faraldur. Þá hefur verið gefin út fyr-
irskipun um að öllum 300.000 svín-
um landsins verði slátrað sem fyr-
irbyggjandi aðgerð og er nú
þriðjungi þess verks lokið.
jmv@mbl.is
Í sóttkví
eftir
Mekka?
Egypsk yfirvöld sýna
mikla fyrirhyggju
Hatem el-Gabali
KUO Jing-shan,
bóndi á eyju við
strendur Taívans,
segist í samtali
við BBC hafa
misst yfir 400
geitur eftir að
átta risastórar
vindmyllur voru
settar upp nálægt
beitarlandi hans.
„Geiturnar voru
horaðar og vildu ekki nærast. Eina
nóttina fór ég út í geitarhús og þá
stóðu þær allar; þær sváfu ekki,“
segir Jing-shan. Taívanska landbún-
aðarráðuneytið segir líklegt að há-
vaði í myllunum hafi valdið ofþreytu
hjá geitunum sem svo hafi dregið
þær til dauða. Orkufyrirtækið
Taipower, sem rekur myllurnar, hef-
ur ekki boðið bóndanum bætur en
boðist til byggja nýtt geitahús á ró-
legri stað. jmv@mbl.is
Vindmyllur
drápu geitur
Hávaði Ofþreyta
dró geitur til bana.
FLÓTTAMENN bíða eftir hrísgrjónum í flóttamannabúðum Sameinuðu
þjóðanna í Swabi-héraði í Pakistan. Bandamenn pakistanskra yfirvalda
hafa lofað 224 milljónum Bandaríkjadala í aðstoð fyrir þær 2 milljónir
manna sem hröktust frá heimilum sínum vegna baráttu yfirvalda við talib-
ana í Swat-dalnum. Sameinuðu þjóðirnar hafa varað við hættu á langvar-
andi neyðarástandi komi ekki til aðstoð og er talið að allt að 600 milljónir
Bandaríkjadala séu nauðsynlegar í því skyni. jmv@mbl.is
Reuters
Langvarandi neyðar-
ástand í uppsiglingu
2 milljónir á vergangi í Pakistan
Eftir Jóhönnu Maríu Vilhelmsdóttur
jmv@mbl.is
BARACK Obama Bandaríkjaforseti
hét því í gær að hvika ekki frá áætl-
unum sínum um að loka fangabúð-
unum í Guantanamo-flóa. Obama
sagði fangabúðirnar klúður og að
starfsemi þeirra hefði „búið til fleiri
hryðjuverkamenn um allan heim en
þær hefðu nokkru sinni haldið
föngnum.“ Obama fór gagnrýnum
orðum um stefnu stjórnar George
W. Bush í baráttunni gegn hryðju-
verkum og sagði stjórn sína nú þurfa
að taka til eftir klúður.
„Stjórnin tók ákvarðanir grund-
vallaðar á ótta frekar en fyrir-
hyggju,“ sagði Obama.
Forsetinn vinnur nú að því að ná
samkomulagi við embættismenn í
Washington sem hafa hafnað áform-
um hans um lokun fangabúðanna.
Vonir um að áætlanir forsetans um
lokun búðanna verði að veruleika
dofnuðu eftir að öldungadeild
Bandaríkjaþings kaus gegn því að
fangar yrðu fluttir á stofnanir í
Bandaríkjunum. Þá hefur öldunga-
deildarþingið einnig hafnað því að
fjármagna vinnu við lokun búðanna
þar til Obama hefur ákveðið hvert
skuli farið með fangana. Náist ekki
fljótlega samkomulag um fjárveit-
inguna, sem nemur 80 milljónum
dollara, gæti það seinkað áformum
Obama um lokun búðanna árið 2010.
Cheney ver stefnu Bush
Skömmu eftir ræðu Obama hélt
Dick Cheney, fyrrverandi varafor-
seti Bandaríkjanna, uppi vörnum
fyrir stefnu Bush-stjórnarinnar.
Hann sagði yfirheyrsluaðferðirnar á
grunuðum hryðjuverkamönnum sem
stjórnin gaf leyfi fyrir hafa verið
„löglegar, nauðsynlegar, réttlætan-
legar og árangursríkar“.
Guantanamo
var klúður
 Obama gagnrýnir Bush-stjórnina og
segir að fangabúðunum verði lokað
Dick CheneyBarack Obama
STJÓRN Baracks Obama Banda-
ríkjaforseta hefur gert kunnugt að
tekin verði ákveðin afstaða gegn
hvalveiðum. Í yfirlýsingu frá Hvíta
húsinu um hvalveiðisjónarmið rík-
isstjórnarinnar í ljósi aðalfundar
Alþjóðahvalveiðiráðsins
sem haldinn verður í júní, er sú
afstaða ítrekuð.
Í yfirlýsingunni kemur m.a.
fram að verndun hvala sé for-
gangsatriði Obama-stjórnarinnar.
„Mikilvægast er að Bandaríkin
álíta hvalveiðibannið áfram nauð-
synlega verndaraðgerð þar sem
stærð flestra hvalastofna er enn á
reiki, þeir eru of litlir eða enn að
ná sér og enn hefur ekki verið
mótuð árangursrík alhliða vernd-
aráætlun fyrir hvali sem tryggir
tilvist þeirra,“ segir m.a. í yfirlýs-
ingunni.
Þá lýsir stjórnin sig andsnúna
banvænum rannsóknarveiðum og
telur slíkar veiðar óþarfar í nú-
tímarannsóknarumhverfi. Þá lýsir
stjórnin yfir sérstökum áhyggjum
af nýhöfnum viðskiptum með hval-
kjöt sem hafi verið flutt inn til Jap-
ans af Íslendingum og Norð-
mönnum. jmv@mbl.is
Harðari afstaða
gegn hvalveiðum
Morgunblaðið/Ómar
Veiðar Bandaríkjastjórn segir hval-
veiðibann nauðsynlegt.