Morgunblaðið - 22.05.2009, Blaðsíða 18

18 Daglegt líf
MORGUNBLAÐIÐ FÖSTUDAGUR 22. MAÍ 2009
Eftir Svanhildi Eiríksdóttur
Garður | Reynir Katrínarson hefur
alla tíð verið andans maður. Hann
var hvorki hár í lofti né gamall í
árum talið þegar hann fór að
skynja heimana í kringum hinn
mennska heim. Fólk átti það til að
vera nokkuð ágengt í spurningum
og svo kom að hann lokaði á þetta
á unglingsárunum, átti nóg með sig
eins og hann sagði sjálfur. Hann
sagði áhugann þó alsltaf hafa fylgt
sér.
„Svo kom að því að þetta fór að
magnast upp aftur og ég ákvað að
hleypa því í gegn. Allt frá árinu
1983 hef ég markvisst verið að nota
þessa vitneskju mína um hand-
anheima og tjáð það í öllu sem ég
tek mér fyrir hendur,“ sagði Reyn-
ir sem starfar sem nuddari, heilari,
miðill, skáld, tónlistarmaður og
myndlistarmaður. Hvít Víðbláinn er
sú tenging sem hann getur sagst
hafa við aðra heima. „Hvít er fyrir
ljósið sem við sækjumst öll eftir og
Víðbláinn fyrir flæmið því þetta er
stórt.“
Reynir sagði viðbrögð fólks oft-
ast vera jákvæð en sér sé alveg
sama hvort fólk trúir honum eða
ekki. „Galdra Meistari ætlaði ég
t.d. aldrei að nota, en bæði þeir
sem hafa verið að koma til mín í
meðferð og eins verur sem hafa
heimsótt mig vildu að ég kallaði
mig þetta, svo ég sló til. Galdurinn
sem ég stunda er hvítigaldur.“
Beintengdur við handanheima
Í störfum Reynis hafa norrænu
gyðjurnar í Fensölum verið hvað
fyrirferðarmestar og hrifnastur er
hann af Frigg, móðurgyðjunni.
Hann sagði að bæði goðin og gyðj-
urnar hafi hann tengt inn í andlega
vinnu sína eftir að hann sá leikrit
hjá leikhópnum Arjunga í Noregi
sem setti upp verk byggt á nor-
rænni goðafræði. „Ég varð svo
heillaður,“ sagði Reynir sem hefur
búið til rún fyrir hvert goð og
hverja gyðju og rist með demanti í
steina og málað á kuðunga. Stein-
ana og kuðungana notar hann til
orkumyndunar og til að tengja
manninn við goðin og gyðjurnar.
„Frigg og gyðjurnar 16 geta
hjálpað okkur mjög mikið í okkar
málum ef við viljum og þær hafa
verið að gera það. Ég er hrifnari af
gyðjunum vegna þess að þær hafa
aldrei brotið nein lögmál og hafa
því meiri aðgang að öllu. Ég tengi
mig mikið við gyðjurnar til þess að
ná í svör og leiðir og þessi tenging
birtist í öllum mínum störfum,
einnig í málverkunum.“ Vitneskju
sína um goðin og gyðjurnar sagðist
Reynir í fyrstu hafa fengið úr
Snorra-Eddu en síðan hafi hann
sótt upplýsingarnar beint til þeirra.
Gyðjunum til heiðurs hefur
Reynir samið Þagnaþulur og flutt í
félagi við Unni Lárusdóttur, söng-
konu og tónskáld, bæði hér heima
og erlendis. Við flutninginn nota
þau nær eingöngu náttúruhljóð-
færi, eins og steina, bein og bauna-
hristur og nota gamlan íslenskan
söngstíl, syngja í fimmundum og
röddum. Saman mynda þau Seið-
læti. Þá er hann að leggja lokahönd
á 192 ljóð í ljóðastokki sem hann
hyggst nota til að ná í svör. Blaða-
maður fékk að prufukeyra stokkinn
og eftir persónulegar vangaveltur
þótti við hæfi að spyrja hvort ís-
lenska þjóðin ætti sér undankomu
auðið úr efnahagsþrengingunum.
Ljóð sem blaðamaður dró úr
stokknum var svohljóðandi:
Mætast margar leiðir lífa,
hver einn sína braut.
Velur vel og skapar leiðir,
fagurt blóm í laut.
„Gyðjurnar geta
hjálpað ef við viljum“
Morgunblaðið/Svanhildur Eiríksdóttir
Hvít Víðbláinn Reynir Katrínarson heldur mikið upp á norrænu gyðjurnar
og sækir til þeirra svör og upplýsingar. Hér situr hann afslappaður innan
um himinhá málverk sín innblásin af goðum og gyðjum.
Gyðjur eru nokkuð fyrirferðarmiklar í lífi Reynis
Katrínarsonar listamanns með meiru. Hann titlar
sig Hvít Víðbláinn og Galdra Meistara og eru titl-
arnir ekki af þessum heimi. Svanhildur Eiríksdóttir
ræddi við Reyni.
Eftir Árna Matthíasson
arnim@mbl.is
NÚORÐIÐ er fólk ekki bara með
síma í vasanum, heldur líka mynda-
vél og vídeóvél – allt sambyggt.
Þrátt fyrir það getur verið snúið að
nota myndavélina eða vídeóvélina; í
sumum tímum tekur það smá tíma
að koma upptökunni í gang og þá er
augnablikið jafnvel liðið. Sama getur
verið upp á teningnum ef maður er
með vídeóvél í höndunum og þá
verður allt líka formlegra. Þá er
betra að vera með litla vél í vasanum
sem er eiginlega ekki ætluð fyrir
annað en að taka vídeó – vél eins og
Flip Mino.
Flip-vélarnar verða seint verð-
launaðar fyrir hönnun, en þær eiga
hinsvegar lof skilið fyrir einfaldleik-
ann – maður tekur vélina upp úr vas-
anum, kveikir á henni og ýtir svo á
rauða takkann til að taka upp mynd.
Einfaldara getur það varla verið.
Svo er vélin líka með innbyggt USB-
tengi og innbyggðan hugbúnað til að
sýsla með myndirnar á heimilistölv-
unni.
Vélar eins og þessi hafa slegið
rækilega í gegn vestan hafs og skilj-
anlegt. Eini ókosturinn er það hve
hún er klossuð, en virkar líka traust-
byggðari fyrir vikið. Varla þarf að
taka fram að hægt er að senda
myndskeið beint á YouTube um leið
og þau eru lesin inn í tölvuna.
Sannkallað vasavídeó
Vasavídeóvél Lifi einfaldleikinn!
BANDARÍSKAR konur
sem drekka fjóra bolla
eða meira af kaffi á dag
eru 20% ólíklegri til að fá
heilablóðfall en konur
sem drekka minna en
einn bolla á mánuði, að
því er fram kemur í
rannsókn vísindamanna
við læknadeild Harvard-
háskóla í Bandaríkjunum.
Rannsóknin byggist á greiningu
gagna frá 83.076 konum sem höfðu
ekki fengið heilablóðfall, krans-
æðastíflu, sykursýki eða krabba-
mein og var horft til þáttar kaffi-
drykkju á tímabilinu 1980 til 2004.
Leiðir greining á heilsu þessara
kvenna í ljós að neysla tveggja til
þriggja kaffibolla á dag
dregur úr líkum á heila-
blóðfalli um 19% en
neysla fimm til sjö bolla
á viku um 12%.
Dr. Esther Lopez-
Garcia, sem fór fyrir
rannsókninni, leggur þó
áherslu á að hin heilsu-
farslega jákvæðu áhrif
kaffidrykkju komi fyrst
og fremst fram hjá heilbrigðu
fólki.
Einstaklingar sem þjáist af
svefnleysi, kvíða, streitu eða
hjartakvillum eigi að leita til lækn-
is til að fá skorið úr um hver áhrif
kaffidrykkju á líðan þeirra geti
verið.
Dregur úr líkum á slagi
Magnús Ólafsson frá Sveins-stöðum heyrði í fréttum nú
væri svo komið fyrir sínum flokki
að hann hefði orðið að gefa eftir
þingflokksherbergið til Vinstri
grænna. „Svona fer nú þegar einn
flokkur hefur komist upp með að
taka yfir þingflokksherbergið,
stefnumál og fylgi, þá getur fleira
fylgt á eftir:
Enn er fylgið afar smátt
eflaust má því flíka
að Vinstri grænir vilja brátt
væla út nafnið líka.“
Davíð Hjálmar Haraldsson
bendir á að alkunn sé hræðsla
gamals fólks við að flytja úr of
stóru húsnæði í pláss við hæfi. Og
hann veltir fyrir sér vísindaheit-
inu á svona fælni:
Af er það sem eitt sinn var.
Áfram vilja sitja
kvellisjúkar kerlingar
er kvíða því að flytja.
Loks heyrðist af því, að hund-
urinn Elvis hefði verið eitthvað
pirraður á sjónvarpinu og útvarp-
inu líka þegar hann kom til Sig-
urðar Ingólfssonar og hnusaði að
honum:
Elsku Siggi, áttu grammófón?
Útvarpið er meira dautt en lík!
Allstaðar er Evróvísíón
eða þessi gelda pólitík.
Elvis hefur ósjaldan komið við
sögu Vísnahornsins og því er
gaman að segja frá því, að nú
stendur til að setja á svið barna-
leikrit á Egilsstöðum, byggt á
sögu hundsins hagmælta og æv-
intýragjarna.
Af Elvis og
Framsókn
VÍSNAHORN pebl@mbl.is
– meira fyrir áskrifendur
Glæsilegt sérblað fylgir með Morgunblaðinu 6. júní
Garðablað
Fáðu þér áskrift á mbl.is/askrift
Meðal efnis verður :
• Skipulag garða
• Garðblóm og plöntur
• Sólpallar og verandir
• Hellur og steina
• Styttur og fleira í garðinn
• Garðhúsgögn
• Heitir pottar
• Útiarnar
• Hitalampar
• Útigrill
• Matjurtarækt
• Kryddrækt
• Góð ráð við garðvinnu
• Ásamt fullt af spennandi efni
Garðablaðið verður með góðum upplýsingum um garðinn, pallinn, heita potta,
sumarblómin, sumarhúsgögn og grill.
Garðablaðið verður stílað inn á allt sem viðkemur því að hafa garðinn
og nánasta umhverfið okkar sem fallegast í allt sumar.
Nánari upplýsingar veitir Katrín Theódórsdóttir
í síma 569-1105 eða kata@mbl.is
Tekið er við auglýsingapöntunum til kl. 14.00, þriðjudaginn 2. júní.