Morgunblaðið - 22.05.2009, Blaðsíða 32
32 Menning
MORGUNBLAÐIÐ FÖSTUDAGUR 22. MAÍ 2009
Það verður að öllum líkindum
talsverð spenna á Litla sviði Borg-
arleikhússins á laugardag því höf-
undur leikritsins Ökutímar, Paula
Vogel, mun sitja út í sal með sín Pu-
litzer-verðlauna-gleraugu.
Höfundur Ökutíma í
salnum á morgun
Fólk
LISTAMENNIRNIR Ólafur Ólafsson og Libia
Pérez de Siles de Castro, sem hafa síðan árið
1996 unnið saman að list sinni og sýnt reglulega
hér heima og erlendis, eru í hópi tíu listamanna
sem tilnefndir hafa verið til hollensku Prix de
Roma-myndlistarverðlaunanna. Þau voru á svo-
kölluðum „stuttlista“ fjögurra listamanna, sem
dómnefnd valdi, en síðan bættust við sex lista-
menn í lokahóp tilnefndir af stærri lista. Dóm-
nefndin er skipuð alþjóðlegum hópi sýn-
ingastjóra.
Sýning á verkum allra listamannanna sem til-
nefndir voru, stendur nú yfir í De Appel Center
for Arts í Amsterdam og lýkur um miðjan næsta
mánuð. Verðlaunaféð nemur 45.000 evrum, tæp-
um átta milljónum króna. Listamaðurinn í öðru
sæti hlýtur 20.000 evrur og sá í þriðja sætinu
10.000 evrur.
Ólafur og Libia starfa í Rotterdam. Þau fengu
góða dóma fyrir sýninguna Allir gera það sem
þeir geta í Hafnarhúsinu síðastliðið haust. Þau
vinna mikið með það sem sýningastjórinn Nicol-
as Bourriaud hefur nefnt „venslalist“ (relational
art) og lýsti þannig að það væri „list sem finnur
sér fræðilegan sjóndeildarhring á sviði mann-
legra samskipta og í félagslegu samhengi frem-
ur en á grundvelli framsetningar á óháðu og ein-
stöku táknrænu rými.“
Annar listamaður meðal hinna tilnefndu teng-
ist Íslandi, Rob Hornstra sem gerði hér bókina
Rætur rúntsins fyrir nokkrum árum, með ljós-
myndum af mannlífi í sjávarplássum landsins.
Tilnefnd til hollenskra myndlistarverðlauna
Morgunblaðið/Árni Sæberg
Libia og Ólafur Þau tengja listina og samfélagið.
Kvöldið sem hin sænska Robyn
þeytti skífum, ráku glöggir gestir
veitinga- og skemmtistaðarins Ja-
cobsen augun í veggspjald þar sem
sænska teknósveitin The Knife var
á meðal atriða aðra helgina í júlí.
Fór orðrómurinn eins og eldur um
sinu á meðal helstu tónlistarspíra
borgarinnar enda sveitin með allra
bestu danstónlistar-poppböndum
heims í dag. Eftirgrennslan Morg-
unblaðsins bar þó engan árangur
og ekki fékkst staðfest hjá Jacob-
sen hvort af tónleikunum yrði.
Talsmenn Jóns Jónssonar ehf, er
stóðu fyrir innflutningi Robyn en
gerðu þó ekki umtalað veggspjald,
viðurkenna þó að vera í þreifingum
við systkinadúettinn. Þá eru bundn-
ar vonir við að a.m.k. annað systk-
inið mæti en ólíklegra þykir að þau
troði upp sem The Knife. Líkur eru
á að annað hvort verði tónleikar
með Fever Ray, sólóverkefni Karin
Dreijer, eða dj-sett með bróður
hennar Olaf Dreijer.
Hnífurinn gæti
klofnað á Jacobsen
Spennan var hins vegar tölu-
vert minni í Borgarleikhúsinu á
laugardaginn var þegar Creat-
ure, verk Kristjáns Ingimars-
sonar, var sýnt í síðasta sinn –
fyrir nánast tómum sal. Kristján
hefur greinilega veðjað á að Jó-
hanna kæmist ekki upp úr und-
ankeppninni í Moskvu.
Kristján átti við
ofurefli að etja
Eftir Birgi Örn Steinarsson
biggi@mbl.is
ÞRÁTT fyrir að mikill vilji sé hjá ís-
lenskum ballsveitum til að nýta sér
vaxandi áhuga á ferðamennsku inn-
anlands í ár með því að endurvekja
sveitaböllin, hafa stærstu félags-
heimilin ekki opnað dyr sínar enn.
Ástæðan er þó ekki beint áhugaleysi
meðal þeirra er sjá um rekstur fé-
lagsheimilanna, heldur almennur
seinagangur þess kerfis er fyr-
irspurnir um slíkt þurfa að fara í
gegnum. Blaðamaður hefur heim-
ildir fyrir því að sveitir á borð við Á
móti sól, Ingó & veðurguðina og Sál-
ina hans Jóns míns, hafi sent fyr-
irspurnir til húsvarða og sveit-
arstjórna um að fá að halda böll í
sumar en engin þeirra hefur enn
fengið svar, hvorki neikvætt né já-
kvætt, þrátt fyrir að komið sé fram
yfir miðjan maí og þessar sveitir í
óða önn að bóka sumarið.
„Við erum að bíða eftir svari frá
Njálsbúð og Miðgarði,“ segir Heimir
Eyvindarson, hljómborðsleikari og
umboðsmaður Á móti sól. „Við erum
líka að skoða fleiri hús á Suðurlandi
en ef ég á að segja alveg eins og er
þá er ekki búið að festa neitt. Mið-
garður opnar aftur í sumar en það er
ekki orðið alveg ljóst hvort leyft
verður að halda þar sveitaböll aft-
ur.“
Hvort sveitaböllum verður hleypt
aftur inn í Miðgarð í sumar ætti að
skýrast á næstu vikum. Það mun nýr
framkvæmdastjóri félagsheimilisins
skera út um en verið er að fara í
gegnum umsóknir um starfið.
Skemmdir á húsnæði
Nokkur ár eru síðan sveitaballa-
menningin lognaðist út af af ýmsum
ástæðum. Kráarmenning efldist í
bænum og ballsveitir sáu ekki leng-
ur ástæðu til þess að taka þá fjár-
hagslegu áhættu er fylgir því að
bera ábyrgð á slíkum sveitaböllum. Í
lægðinni tóku sveitarfélögin sig til
og endurbættu húsnæðið á flestum
stöðum. Gerðu húsin huggulegri og
leigja nú aðallega út fyrir hóflegri
skemmtanir á borð við ættarmót eða
brúðkaupsveislur. Tregða sveitarfé-
laganna að gefa leyfi aftur fyrir
sveitaböllunum er því ef til vill skilj-
anleg. Ekki hjálpar til að hér áður
fyrr voru ballhaldarar látnir borga
fyrir aukaálag á löggæslu svæðisins
en í dag má slíkt ekki. Því er óljóst
hvernig lögregla hvers svæðis tekur
í hugmyndina.
Áfengissala væri leyfileg
Húsvörður Njálsbúðar staðfestir
að sér hafi borist nokkrar fyr-
irspurnir fyrir sumarið en segist
hafa vísað þeim öllum til sveit-
arstjórnarinnar. Á skrifstofu Rang-
árþings eystra á Hvolsvelli var einn-
ig staðfest að nokkrar fyrirspurnir
hefðu borist um sveitaballahald þar
en sveitarstjórinn sjálfur kom af
fjöllum.
„Jú, það yrði vissulega gaman að
geta gert þetta,“ sagði Elvar Ey-
mundsson sveitarstjóri þegar blaða-
maður grennslaðist fyrir um málið.
„En reynslan sýnir okkur að
skemmtanirnar hafa ekki staðið
undir sér. Það þarf ekki miklar
skemmdir á húsinu svo að tap verði.
Þetta er líka svo mikið síldartunnu-
fyrirbæri að það togast á í manni
hvort það sé menningarlegur blær
yfir þessu.“
Sveitaböllin föst í kerfinu
Hljómsveitir vilja endurvekja sveitaböllin en fá engin svör vegna tregðu sveit-
arstjórna „Það þarf ekki miklar skemmdir á húsinu svo að tap verði“
Morgunblaðið/Arnaldur
Í þá gömlu góðu daga Hún var óumdeild drottning sveitaballanna, Birgitta
Haukdal, söngkona Írafárs. Bíða prinsessurnar tækifæris í sviðsvængnum?
Sjálfræðisaldurinn hefur færst
upp í 18 ár frá því að gömlu
sveitaböllin voru á sínu blóma-
skeiði og þar með var skorið
burt dyggan hóp þeirra ung-
menna er sveitirnar stóluðu á
að myndu mæta. Á móti kemur
að þetta gætu félagsheimilin
nýtt sér til auka tekjur. Nú er
löglegt að selja áfengi á staðn-
um og því ekki lengur ástæða til
þess að fara undir því falska
flaggi að um áfengislausar
skemmtanir sé að ræða.
Tekjumöguleikar
Án hvers geturðu ekki verið?
Ég get ekki verið án súrefnis.
Á hvað trúir þú? (spyr síðasti að-
alsmaður, Óskar Páll Sveinsson)
Ég er ásatrúar.
Hvar læturðu helst til þín taka á heim-
ilinu?
Í sófanum, fyrir framan sjónvarpið.
Botnaðu: Ég færi heljarstökk afturábak,
af litlu bretti fyrir … ?
Ég færi heljarstökk afturábak, af litlu
bretti fyrir algerlega óeigingjarna
ástæðu.
Hversu pólitísk ertu á skalanum frá 1-
10?
Ég er pínu pólitísk eða ca. 7 á skalanum.
Hver er tilgangur lífsins?
42.
Hverju myndirðu vilja breyta í eigin
fari?
Engu.
Hvaða dómari í Idol er sanngjarn-
astur?
Þeir eru allir mjög svipaðir.
En ósanngjarnastur?
Sama svar og fyrir ofan.
Ertu svekkt yfir því að Evróvisjón-
keppnin var haldin sömu helgi og Idol-
ið?
Nei, alls ekki, ég sat föst við skjáinn og
horfði á alla keppnina og varð hrika-
lega stolt af Jóhönnu.
Hvor keppnin er betri?
Ég bara veit það ekki.
Finnst þér þú betri söngkona en Anna
Hlín Sekulic?
Nei, alls ekki. Ég hugsa við séum jafn-
góðar söngkonur, sín með hvora rödd-
ina!
Hver er mesta Idol-stjarna allra tíma?
Adam Lambert
Hvor er sætari, Simon Cowell eða
Björn Jörundur?
Báðir jafnsætir.
Kanntu þjóðsönginn?
Nei.
Ertu frægust á Djúpavogi?
Eins og staðan er núna, já.
Hvað ætlarðu að gera við milljónirnar tvær
sem þú vannst?
Ég stefni á háskólann.
Ef þú værir neydd til þess, gætirðu út-
skýrt íslenska bankahrunið?
Já, en ekki vel.
Hvað finnst þér um afnám bindisskyld-
unnar?
Ég efast um
að bindi
hafi haft
mikið að
segja um fram- gang Alþingis.
Hvers viltu spyrja næsta viðmælanda?
Hefur þú burstað tennur barnsins
þíns í dag?
FRÆGUST Á DJÚPAVOGI
HRAFNA HANNA ELÍSA HERBERTSDÓTTIR ER AÐALSMAÐUR VIK-
UNNAR OG FJÓRÐA IDOL-STJARNA ÍSLANDS. TITILINN HREPPTI HÚN
UM SÍÐUSTU HELGI OG HLAUT AÐ LAUNUM TVÆR MILLJÓNIR KRÓNA
Ég vann! Hrafna Hanna
kampakát enda nýbúin
að hreppa Idol-titilinn.
Morgunblaðið/Eggert