Morgunblaðið - 22.05.2009, Blaðsíða 19

Eftir Gunnlaug Árnason
Stykkishólmur | Grásleppuvertíð í
innanverðum Breiðafirði hófst í
vikunni. Víða um land hafa grá-
sleppuveiðar verið stundaðar í tvo
mánuði, en Breiðafjörður er
verndaður fyrir veiðum til þessa
tíma vegna samninga við æð-
arbændur.
Frá Stykkishólmi eru gerðir út
23-25 bátar á þessari vertíð og er
langt síðan annar eins fjöldi báta
stundaði þessar veiðar. Hvað kem-
ur til að grásleppuveiðar eru svona
vinsælar? Svarið er einfalt. Gott
verð fyrir hrognin. Á þessum veið-
um njóta sjómenn þess hve gengi
íslensku krónunnar er lágt. Margir
bátar fóru tímanlega á sjóinn í
nótt til að leggja fyrstu netin. Sjó-
menn vildu vera komnir á réttu
svæðin tímanlega til að tryggja
sér þau. Þó að Breiðafjörðurinn sé
breiður og langur og þar eigi að
vera nóg pláss fyrir alla eru svæð-
in misgjöful. Því vilja sem flestir
komast í bestu stæðin áður en ein-
hver annar hefur lagt þar netin.
Hver bátur leggur um 200-300 net
og um borð eru 2-3 sjómenn. Regl-
urnar segja að hver bátur megi
leggja 100 net á hvern sjómann
sem er um borð. Netin liggja víða
mjög þétt. Grásleppan verður að
sýna mikla varkárni þetta árið ef
hún á að synda framhjá öllum
þessum netum án þess að festast
þar í og verða bráð veiðimannsins.
Mjög gott verð fæst fyrir grá-
sleppuhrognin og margir tilbúnir
að kaupa þau. Talað er um að
kaupandinn sé tilbúinn að greiða
720-780 kr. fyrir hvert kíló af
hrognum.
Morgunblaðið/Gunnlaugur Árnason
Spáð í spilin Grásleppukarlarnir tilbúnir í slaginn: Ásgeir Árnason, Árni
Ásgeirsson, Jóhann Kúld Björnsson og Þröstur Auðunsson.
Baráttan um bestu stæðin
 Fjöldi báta
stundar grá-
sleppuveiðar frá
Stykkishólmi
Eftir Egil Ólafsson
egol@mbl.is
„ÉG HELD að krakkarnir séu varla
búin að ná sér niður á jörðina ennþá,“
sagði Ásta Ásgeirsdóttir, skólastjóri
Grunnskóla Reyðarfjarðar, þegar
hún var spurð um viðbrögð nemenda
8. bekkjar skólans sem í vikunni
fengu þær fréttir að bekkurinn hefði
sigrað í keppninni Reyklaus bekkur
2009.
Nemendur í 7. og 8. bekk geta tek-
ið þátt í keppninni, en þetta er tíunda
árið í röð sem Íslendingar taka þátt í
þessu Evrópuverkefni. Í ár tóku 324
skólar þátt í keppninni og bárust 100
lokaverkefni, en þau hafa aldrei verið
fleiri. Keppnin gengur út á að nem-
endur skrifa undir skuldbindingu um
að reykja ekki. Til að eiga möguleika
á að vinna fyrstu verðlaun þurfa
bekkirnir að senda inn áhugavert
efni tengt tóbaksvörnum.
Tjara ofan á brauð
Ásta sagði að verkefni sigurliðsins
hefði verið einstaklega glæsilegt.
Nemendur hefðu útbúið bókamerki
sem hefðu að geyma tölulegar upp-
lýsingar um tóbak og afleiðingar
reykinga. Bekkurinn hefði enn-
fremur útbúið fræðsluefni og haldið
kynningu á því í mötuneyti Alcoa á
Reyðarfirði þar sem mættu um 300
manns. Kynningin markaði upphaf
verkefnisins „Karlar gegn krabba-
meini“. Þriðji hluti verkefnisins var
að taka myndir af nemendum skólans
þar sem velt var upp ýmsum áleitn-
um spurningum á nýjan hátt. Á
myndunum var spurt hvort einhver
vildi fá sér tjöru ofan á brauð eða blá-
sýru út á Cheerios. Fjórði hluti verk-
efnisins var að útbúa borðspil sem
heitir No smoking.
Ásta sagðist ekki vita um neinn í
skólanum á Reyðarfirði sem reykti.
Hún kvaðst vona að þessi góði árang-
ur styrkti nemendur í þeirri ætlan að
nota ekki tóbak.
Það er von að bekkurinn hafi fang-
að vel og innilega því að sigurlaunin
voru ferð til Kaupmannahafnar. 18
nemendur eru í bekknum og leggur
hann af stað í ferðina á mánudag
ásamt umsjónarkennara sínum, Erlu
Ólafsdóttur.
Sigur Nemendur 8. bekkjar Grunnskóla Reyðarfjarðar fögnuðu vel og innilega þegar úrslitin voru tilkynnt í keppn-
inni. Það er kannski engin furða því að bekkurinn fékk að launum ferð til Kaupmannahafnar.
Sigurgleði á Reyðarfirði
 8. bekkur Grunnskóla Reyðarfjarðar sigraði í keppninni
Reyklaus bekkur og er hann á leið til Kaupmannahafnar
Sjöundi bekkur Súðavíkurskóla
varð í öðru sæti keppninnar. Að
launum hlutu allir nemendur í
bekknum iPod Nano.
Í þriðja sæti urðu 7. bekkir BB,
BH og HLE í Hlíðaskóla. Dómnefnd
treysti sér ekki til að velja á milli
verkefna þessara þriggja bekkja,
enda taldi hún þau öll vera fram-
úrskarandi. Því var ákveðið að láta
bekkina deila með sér verðlaunum
fyrir 3ja sæti. Verðlaunin eru pen-
ingar sem bekkurinn má nota til
innanlandsferðar eða annars.
Þessi keppni var fyrst haldin í
Finnlandi fyrir 18 árum en Ísland
er nú með í tíunda sinn. Allir 7. og
8. bekkir á landinu geta tekið þátt,
svo fremi að enginn nemendanna
reyki.
Súðavíkurskóli í öðru sæti