Morgunblaðið - 05.07.2009, Blaðsíða 35
Umræðan 35
MORGUNBLAÐIÐ SUNNUDAGUR 5. JÚLÍ 2009
Framkvæmda- og eignasvið Reykjavíkurborgar ı Borgartúni 12-14 ı www.reykjavik.is/fer
Framkvæmda- og eignasvið Reykjavíkurborgar auglýsir til
leigu hagabeit og hesthús í landi Víðiness á Kjalarnesi.
Landið er um 63 hektarar og hesthúsið ásamt hlöðu er
um 430 m2. Landið þarfnast áburðar og húsin viðhalds.
Til frekari upplýsinga vísast á vefslóðina www.reykjavik.is/fer,
þar er að finna samningsdrög og loftmynd. Sendið
fyrirspurnir á netfangið olafur.i.halldorsson@reykjavik.is
Hagabeit og hesthús
Til leigu
Framkvæmda- og eignasvið Reykjavíkurborgar ı Borgartúni 12-14 ı www.reykjavik.is/fer
Framkvæmda- og eignasvið Reykjavíkurborgar auglýsir til
leigu húseignina Vonarstræti 4. Húsið er þrjár hæðir og
kjallari, skrifstofur á 1., 2. og 3. hæð, móttaka á 1. hæð og
geymslur í kjallara og risi. Staðsetning hússins býður upp á
mikla möguleika. Leigutími er frá 1. september 2009.
Áhugasömum er bent á vefslóðina www.reykjavik.is/fer
og netfangið olafur.i.halldorsson@reykjavik.is
Til leigu
Vonarstræti 4
Í VOR var í fyrsta
sinn ekki stuðst við
niðurstöður sam-
ræmdra prófa þegar
nemendur voru valdir
inn í framhaldsskóla. Í
staðinn voru vorpróf
sem samin voru í
grunnskólunum sjálf-
um notuð við valið.
Rökin fyrir þessu nýja
fyrirkomulagi voru þau að sam-
ræmd próf prófuðu úr of einhæfu
efni, flokkuðu nemendur einungis
eftir námsárangri og orsökuðu
streitu. Sagt var að samræmd próf
skyggðu á allt skólastarf því eina
markmið grunnskólanna væri að
búa nemendur sína undir prófin.
Nú þegar samræmd próf hafa
verið felld niður eru nemendur sem
sækja um í framhaldsskóla valdir á
grundvelli ósambærilegra grunn-
skólaeinkunna. Kennarar eru mis-
kröfuharðir og grunnskólar ólíkir,
svo fátt eitt sé nefnt, og því er
mjög óréttlátt að nemendum sé
mismunað með samanburði á ein-
kunnum úr ólíkum prófum. Nú hef-
ur einnig komið í ljós að einkunnir
nemenda hafa snarlega hækkað
eftir afnám samræmdu prófanna.
Við teljum það sýna tilhneigingu
grunnskólanna til að létta prófin
svo nemendur þeirra komist frekar
í þann skóla sem þeir óska. Í stað-
inn fyrir samræmd próf sitjum við
því uppi með óréttlátt kerfi sem
grefur undan námskröfum í grunn-
og framhaldsskólum landsins.
Við erum sammála því að sam-
ræmdu prófin hafi ekki verið full-
komin. Hins vegar teljum við að
lausnin sé að bæta þau en ekki gef-
ast einfaldlega upp og leggja þau
niður. Samræmd lokapróf eru eini
sanngjarni mælikvarðinn sem
hægt er að nota þegar valið er inn í
framhaldsskóla og þau eru mik-
ilvæg til að halda uppi sömu náms-
kröfum í öllum grunnskólum lands-
ins.
Þann 18. mars síðastliðinn skrif-
uðum við grein í Morgunblaðið þar
sem varað var við afleiðingum þess
að leggja niður samræmd próf. Því
miður virðast þessar áhyggjur hafa
verið á rökum reistar og breyting-
arnar hafa nú þegar valdið mikilli
reiði, bæði hjá nemendum og for-
eldrum. Við skrifuðum mennta-
málaráðherra bréf og skoruðum á
hana að endurskoða niðurfellingu
samræmdra prófa. Sú áskorun
hafði engin áhrif og höfum við því
stofnað hóp á Facebook. Sá hópur
ber titilinn „Við viljum samræmd
próf í lok 10. bekkjar“ og þar hafa
nú þegar yfir 1500 manns skorað á
menntamálaráðherra að endur-
skoða þessa ákvörðun.
Í nafni þessa hóps skorum við
því á menntamálaráðherra að aft-
urkalla ákvörðun sína um niðurfell-
ingu samræmdra prófa.
Afnám samræmdra prófa voru mistök
Eftir Björn Brynjúlf
Björnsson og
Sindra M.
Stephensen
» Við teljum það
sýna tilhneigingu
grunnskólanna til að
létta prófin svo nem-
endur þeirra komist
frekar í þann skóla
sem þeir óska.
Björn Brynjúlfur
Björnsson
Höfundar eru nemar.
Sindri M.
Stephensen
AÐ GEFNU tilefni
og í framhaldi af um-
ræðum um málefni
Heilbrigðisstofnunar
Suðurnesja (HSS) telj-
um við undirrituð, sem
erum fulltrúar Holl-
vinasamtaka HSS og
eigum sæti í samráðs-
hópi heilbrigðisráðu-
neytisins, okkur bæði
ljúft og skylt að gera stutta grein fyrir
stöðu framtíðar HSS.
Heilbrigðisráðherra Ögmundur
Jónasson fór nýjar leiðir til úrlausnar
þeirra vandamála sem steðjað hafa að
rekstri heilbrigðiskerfisins og valdi í
samráðshópa notendur þjónustunnar,
stjórnendur og fulltrúa þeirra bæj-
arfélaga þar sem þjónustan er veitt, til
þess að koma með tillögur að sparnaði
og hagræðingu í rekstri.
Hans hugmynd var að þessum að-
ilum væri best treystandi til að finna
leiðir til þess að unnt væri að veita við-
unandi þjónustu með þeim takmörk-
uðu fjárráðum sem ríkið hefur nú yfir
að ráða. Fallið var frá kröfum um flat-
an 10% niðurskurð sem f.v. ráðherra
gerði kröfu um, en í þess stað leitað
eftir samráði starfsmanna HSS um
leiðir til lækkunar á kostnaði.
Árangurinn varð sá að aðferðafræði
ráðherrans hefur gengið eftir. Náðst
hefur fram umtalsverð hagræðing og
sparnaður eða um 5,2% af áætluðum
útgjöldum án þess að draga úr þjón-
ustu eða segja upp starfsmönnun sem
hætta var á.
Sparnaður þessi hefði ekki náðst
nema fyrir frábæran samstarfsvilja
og fórnfýsi starfsfólks HSS, sem gef-
ið hefur eftir af sínum launakjörum.
Fyrir það verður aldrei fullþakkað af
samfélaginu sem notar þjónustuna.
Rekstur HSS hefur verið tryggður og
þeim sparnaði sem eftir var óskað
hefur verið náð.
Verið er að móta framtíðarstefnu
HSS, þar á meðal nýtingu skurðstof-
anna, en við teljum að það eigi að
nýta skurðstofur HSS fyrir þjónustu
við þá sem á Suðurnesjum búa. Sú
vinna byggist á því að tryggð verði
framtíðarnotkun þeirra skurðstofa
sem sjúkrahúsið hefur yfir að ráða í
þágu Suðurnesjamanna. Fyrst og
fremst er áætlað að efla nærþjón-
ustuna og samvinnu við Landspít-
alann og kragasjúkrahúsin. Ennþá er
vinna nefndarinnar á því stigi að unn-
ið er út frá samfélagslegum heildar-
hagsmunum og að notendum þjón-
ustunnar við Suðurnesjamenn verði í
framtíðinni tryggð betri og öruggari
heilbrigðisþjónusta, en um leið leitað
eftir samstarfi við aðrar heilbrigð-
isstofnanir í landinu.
Fjárveitingar til HSS eru þær allra
lægstu á landinu öllu sé miðað við
fólksfjölda og það er baráttumál Suð-
urnesjamanna að sá niðurskurður
sem nauðsynlegt er í að ráðast verði
lagður á af sanngirni. Við undirrituð
gerum okkur fulla grein fyrir að verði
áfram haldið hvað varðar niðurskurð
á fjárveitingum til stofnunarinnar, þá
sé farið að skera í beinin og það ætti
að vera baráttumál okkar Suð-
urnesjamanna að tryggja að svo verði
ekki gert. Að skapa sátt og samstöðu
um framtíð þeirrar stofnunar sem
ætlað er að sinna heilbrigðismálum
okkar Suðurnesjamanna.
Tryggja verður þjónustu
á Heilbrigðisstofnun Suðurnesja
Eftir Eyjólf Ey-
steinsson og Sól-
veigu Þórðardóttur
» Við teljum að
það eigi að nýta
skurðstofur HSS fyrir
þjónustu við þá sem
á Suðurnesjum búa.
Sólveig Þórðardóttir
Höfundar eru fulltrúar Hollvina-
samtaka í samráðsnefnd um HSS.
Eyjólfur Eysteinsson
GUÐRÍÐUR Arn-
ardóttir, oddviti Sam-
fylkingarinnar í Kópa-
vogi, telur sig þess
umkomna, að segja
öðrum til í siðferð-
islegum efnum vegna
málefna Lífeyrissjóðs
starfsmannafélags
Kópavogs, þótt þeir
séu ekki einu sinni í
sama stjórnmálaflokki
og hún. Þegar kemur að samflokks-
mönnum hennar, gildir hinsvegar
tvöfalt siðgæði.
Dómgreind eða dómgreind-
arbrestir Jóns Júlíussonar, bæj-
arfulltrúa Samfylkingarinnar, sem á
sæti í stjórn lífeyrissjóðsins sem nú
sætir lögreglurannsókn, kemur Guð-
ríði ekki við, því að Jón er í lífeyr-
issjóðnum í umboði starfsmanna,
ekki flokksins. Það fer eftir því, á
hvorri öxlinni hann ber kápuna,
hvort hún vill kannast við kauða eða
ekki.
Hún getur ekki með sama hætti
afsalað sér ábyrgð á
Flosa Eiríkssyni, sem
er hinn bæjarfulltrúi
Samfylkingarinnar í
stjórn lífeyrissjóðsins,
því að hann er þar í
umboði flokksins. Þá
veifar hún frekar
röngu tré en öngu.
Í Morgunblaðsgrein
segir hún, að bréfi til
Fjármálaeftirlitsins
hafi verið breytt í
grundvallaratriðum án
vitneskju annarra
stjórnarmanna sjóðsins en mín. Það
er út af fyrir sig alveg rétt hjá henni,
að drögin að bréfinu fóru ekki
óbreytt frá lífeyrissjóðnum. Fyrst
var tekið tillit til allra athugasemda
Flosa um málfar og efni og þeirri
einu setningu bætt við, að fjárfest-
ingar á árinu 2008 hafi verið í sam-
ræmi við lög. Sú breyting á bréfinu
skiptir engu máli, hvað þá öllu máli,
eins og Guðríður vill vera láta. Auk
þess var bréfið lagt fyrir á stjórn-
arfundi síðar, án þess, að nokkrar at-
hugasemdir kæmu fram.
Þar sem Guðríður lætur undir
höfuð leggjast að verja bæjarfull-
trúa sína með sómasamlegum hætti,
skal ég taka að mér að árétta, að lán-
veitingar úr sjóðnum til bæjarsjóðs
voru ákveðnar með hagsmuni sjóðs-
félaga að leiðarljósi. Fjármálamark-
aðurinn var hruninn, en bærinn vel
rekinn og gat hvenær sem var, án
fyrirvara, endurgreitt lánið. Ég hef
líkt þessu við að bjarga búslóð úr
brennandi húsi.
Ég vék sæti sem bæjarstjóri og
bæjarfulltrúi, því að mér þótti það
rétt siðferðileg ákvörðun meðan á
lögreglurannsókn stendur. Ég vék
ekki sæti út af neinu öðru. Hinir
bæjarfulltrúarnir þrír, sem störfuðu
með mér í stjórninni, verða að eiga
við sjálfa sig og samvisku sína, hvort
þeim finnist að annar siðferðilegur
mælikvarði eigi að gilda um þá en
mig.
Tvöfalt siðgæði
Eftir Gunnar I.
Birgisson
»Hinir bæjarfull-
trúarnir þrír verða
að eiga við sjálfa sig
hvort þeim finnist að
annar siðferðilegur
mælikvarði eigi að gilda
um þá en mig.
Gunnar I. Birgisson
Höfundur var bæjarstjóri í Kópavogi.