Morgunblaðið - 24.09.2009, Blaðsíða 40

Eftir Ingveldi Geirsdóttur
ingveldur@mbl.is
„ÞETTA er írskt verk um feðga sem
búa í íbúð í London, faðirinn hefur
lokað syni sína tvo inni í hartnær
tuttugu ár og lætur þá endurtekið
hvern einasta dag leika farsa sem
hann hefur samið sjálfur. Farsinn er
hans fortíðarsaga og ástæðan fyrir
því af hverju þeir fluttu frá Írlandi
til London,“ segir leikarinn Guðjón
Davíð Karlsson um söguþráð leik-
ritsins Heima er best sem frumsýnt
verður á nýja sviði Borgarleikhúss-
ins annað kvöld.
„Með því að láta þá endurtaka
farsann er faðirinn að reyna að
breyta minningum þeirra um óhugn-
anlega atburði í sögu fjölskyldunnar.
Hann fegrar fortíðina aðeins og það
kemur alltaf betur og betur í ljós að
sagan er ekki alveg eins og hann set-
ur hana fram,“ bætir hann við.
Heima er best er eftir írska leik-
skáldið Enda Walsh, Jón Páll Eyj-
ólfsson leikstýrir verkinu. Þröstur
Leó Gunnarsson fer með hlutverk
föðurins og Guðjón og Jörundur
Ragnarsson leika synina. Dóra Jó-
hannsdóttir fer líka með hlutverk í
verkinu.
Kolsvört kómedía á köflum
Guðjón segir erfitt að flokka leik-
ritið og það muni líklega bara fara
eftir áhorfendum hvort þeir sjái
þetta sem farsa eða drama. „Þetta er
kolsvört kómedía á köflum en und-
irliggjandi er alltaf þessi mikla ógn
og hræðsla strákanna við föður sinn.
Það eru svo mörg lög í þessu verki,
t.d. eru mjög margar persónur í
þessum farsa pabbans,“ segir Guð-
jón sem leikur soninn á fullorðins-
árum og sem barn, þrjár konur og
mann sem er klæðskiptingur og því
tvöfaldur karakter. Má því segja að
hann fari með hlutverk sjö persóna í
verkinu. „Heilinn var svolítið steikt-
ur framan af æfingatímabilinu þegar
ég var að átta mig á þessu öllu. Það
var líka ekki til að bæta það þegar
við sáum viðtal við höfund verksins
þar sem hann sagði að hann hefði
ákveðið að gera leikrit sem væri
ómögulegt að leika. Þá hugsaði ég að
þetta ætti aldrei eftir að takast en
við sönnum með þessari uppsetn-
ingu að hann hefur rangt fyrir sér.“
Yfir átta hundruð sýningar
Guðjón er þekktastur fyrir gam-
anhlutverk sín og segir því gott fyrir
sig sem leikara að takast á við þetta
hlutverk. „Annars hef ég verið það
heppinn að fá að takast á við ým-
islegt þótt gamanrullurnar hafi verið
mest áberandi,“ segir Guðjón sem
hefur varla vikið af sviðinu síðan
hann útskrifaðist úr leiklistarnámi
fyrir fjórum árum. „Ég réð mig
strax eftir útskrift til Leikfélags Ak-
ureyrar, þegar Magnús Geir var
leikhússtjóri þar, og svo fór ég yfir í
Borgarleikhúsið með honum. Ég var
að taka það saman að ég er búinn að
leika rúmlega 800 sýningar á fjórum
árum. Fyrir utan kvikmyndir, sjón-
varp og talsetningu. Ég get ekki
kvartað yfir verkefnaskorti.“
Sjöfaldur persónuleiki
 Guðjón Davíð Karlsson þarf að hafa hraðar hendur í leikritinu Heima er best
 Fegruð fortíðarsaga sett upp í síendurteknum farsa  Frumsýnt annað kvöld
Heima er best Guðjón Davíð, Þröstur Leó og Jörundur í hlutverkum sínum
í verkinu. Þröstur Leó leikur föður sem stjórnar sonunum með harðræði.
40 MenningFÓLK
MORGUNBLAÐIÐ FIMMTUDAGUR 24. SEPTEMBER 2009
 Enn þéttist dagskráin á Iceland
Airwaves því nú hafa Páll Óskar og
Hjaltalín bæst við hana. Hjaltalín
hefur útsett vinsælustu lög Páls
Óskars og saman munu þau flytja
úrval þeirra helstu. Þær fregnir
bárust annars í gær að uppselt væri
á hátíðina, heilum þremur vikum
áður en hún hefst. Miðar á Airwav-
es hafa aldrei fyrr selst svo hratt.
Páll Óskar og Hjaltalín
saman á Airwaves
Eftir Jóhann Bjarna Kolbeinsson
jbk@mbl.is
HIN goðsagnakennda „miðnæturmynd“ The Rocky Horror
Picture Show verður sýnd á Alþjóðlegri kvikmyndahátíð í
Reykjavík í kvöld. Myndin verður sýnd af 35 mm filmu til
að áhorfendur geti fengið réttu myndgæðin beint í æð. Eft-
irspurn eftir miðum hefur verið mun meiri en skipuleggj-
endur RIFF bjuggust við, en upphaflega stóð til að sýna
myndina í sal þrjú í Háskólabíó. Í ljósi hinnar miklu eft-
irspurnar hefur hins vegar verið ákveðið að færa hana í
stóra salinn þar sem sýning hefst kl. 23 í kvöld. Leikarar úr
samnefndri uppsetningu Leikfélags Akureyrar mæta á svæð-
ið áður en sýning myndarinnar hefst og munu þeir gera sitt
til að koma fólki í réttu stemninguna.
Margt fleira spennandi verður á dagskrá RIFF í kvöld.
Hinn bandaríski Jesse Hartman sem heimsfrumsýndi
mynd sína, The House of Satisfaction, á RIFF lætur ekki
þar við sitja heldur tekur einnig þátt í tónleikaröðinni
Réttir sem stendur nú yfir og spilar þar eigin tónlist,
meðal annars þá sem hljómaði í myndinni. Tónleikarnir
verða í Batteríinu við Naustina, milli Hafnarstrætis og
Tryggvagötu, og hefjast kl. 21.
Þá má nefna tónleika hljómsveitarinnar Malneirop-
hrenia sem leikur frumsamda tónlist við sýningu á hinni
klassísku hryllingsfantasíu The Unknown eftir Tod
Browning. Tónleikarnir verða í Bakkusi við Naustina
og hefjast kl. 22.
Allar nánari upplýsingar um RIFF má
finna á heimasíðu hátíðarinnar, riff.is.
Frank N. Furter færður vegna fádæma eftirspurnar
 Stjórn Íslensku kvikmynda- og
sjónvarpsakademíunnar hefur
ákveðið að Edduverðlaunahátíðin
verði haldin í byrjun næsta árs. Þar
verða veitt verðlaun fyrir kvik-
mynda- og sjónvarpsefni ársins
2009. Fram til þessa hefur hátíðin
verið haldin í nóvember og miðað
við frumsýningatímabil frá nóv-
ember til nóvember. Eddan er með
breytingunni orðin samstiga er-
lendum kvikmynda- og sjónvarps-
verðlaunum með því að miða við
almanaksárið. Það efni sem kemur
til greina á næstu Eddu verður því
það sem frumsýnt hefur verið á 14
mánaða tímabili; frá 1. nóvember
2008 til 31. desember 2009. Eftir
það verður miðað við almanaks-
árið. Þessi breyting verður að telj-
ast af hinu góða, enda fyrra fyrir-
komulag nokkuð ruglingslegt.
Eddan miðar loksins
við almanaksárið
 Eins og greint var frá í Morg-
unblaðinu í gær unnu tveir Íslend-
ingar að gerð auglýsingar með leik-
aranum heimsþekkta Dennis
Hopper fyrir skemmstu. Hér að of-
an má sjá eina af myndunum sem
þeir félagar tóku fyrir auglýsinga-
herferðina, sem er fyrir sjónvarps-
þættina Crash sem Hopper leikur
aðalhlutverkið í. Á myndinni eru
frá vinstri Jake McLaughlin, Hopp-
er, Moran Atias og Eric Roberts.
Hopper og félagar
TODD McCarthy, gagnrýnandi
kvikmyndatímaritsins Variety, er
heldur harðorður í garð kvikmyndar
Dags Kára Péturssonar, The Good
Heart, í dómi sem birtist á vef blaðs-
ins 22. september. Myndin sé jafn-
hallærisleg eða væmin og þær kvik-
myndir Hollywood sem höfða eiga til
fjöldans. McCarthy segir Brian Cox
þó standa sig vel í hlutverki út-
brunnins barþjóns en Paul Dano nái
ekki eins góðum tökum á sínu hlut-
verki. Myndin sé andstæða hins fág-
aða, of einföld og tilfinningasemin of
mikil fyrir þá sem eru í leit að list-
rænni kvikmynd en um leið of gróf
fyrir hinn almenna áhorfanda.
McCarthy fer þó lofsamlegum orð-
um um sviðsmynd Hálfdáns Ped-
ersen og segir hana frábæra. Gagn-
rýnandinn klykkir svo út með þeim
orðum að gróf áferðin á myndinni
geri það að verkum að leikarar líti
hálfveiklulega út.
Frumsýnd á næstu mánuðum
Þórir Snær Sigurjónsson, fram-
leiðandi myndarinnar, vildi ekki tjá
sig um dóminn í gær en sagði að
myndin yrði líklega frumsýnd á
næstu mánuðum hér á landi.
The Good Heart segir af bareig-
andanum Jacques (Cox) sem lifað
hefur af fimm hjartaáföll. Hann
kynnist Lucas, heimilislausum ung-
um manni sem reynir að svipta sig
lífi en tekst ekki. Jacques tekur Luc-
as undir sinn verndarvæng og leyfir
honum að búa fyrir ofan barinn.
Lucas þarf að fylgja ströngum
reglum Jacques, m.a. þeim að
vingast ekki við gesti á barnum og
halda sig frá kvenfólki. Lucas fellur
þó fyrir ungri flugfreyju og þá vand-
ast málið. helgisnaer@mbl.is
Frábær leikmynd en ekki
svo frábær kvikmynd
Morgunblaðið/Valdís Thor
Leikararnir Paul Dano og Brian Cox fara með aðalhlutverkin í myndinni.
Gagnrýnandi Variety lítt hrifinn af The Good Heart
Morgundagurinn verður stór í lífi
Guðjóns. Á sama tíma og hann
frumsýnir Heima er best verður
íslenska barnamyndin Algjör
Sveppi og leitin að Villa frum-
sýnd en Guðjón leikur strákinn
Góa í henni. „Sveppi leitar til mín
þegar Villa vini hans er rænt og
við förum saman í mjög hættu-
legan leiðangur,“ segir Guðjón.
„Þegar ég var lítill langaði mig
að leika í bófa- og hasarmyndum
en datt ekki í hug að sá draumur
myndi rætast en svo hringdi
Sveppi og draumurinn rættist.“
Verður líka í bíó
Flottur Tim Curry sem Frank N. Furter.
Fólk