Morgunblaðið - 30.10.2009, Page 9
Fréttir 9INNLENT
MORGUNBLAÐIÐ FÖSTUDAGUR 30. OKTÓBER 2009
Bæjarlind 6, sími 554 7030
Eddufelli 2, sími 557 1730
www.rita.is
Pils, verð 8.500 kr.
Kvarterma bolur 5.500 kr.
Úrval af leggings
holar@simnet.is
holabok.is
Milli mjalta og messu
Fríkirkjupresturinn hefur
umburðarlyndi að leiðarljósi,
ung kona er strútabóndi í
Suður-Afríku, einn af 24 bestu
ljósmyndurum veraldar
bregður upp myndum í orðum,
rafvirkinn og miðillinn eiga það
sameiginlegt að þurfa að kunna
tengja og kona sem missti
stóran hluta fjölskyldu sinnar í
snjólflóði segir frá afleiðingum
þess á líf hennar.
Magnaðar lífsreynslusögur.
Eftir Önund Pál Ragnarsson
onundur@mbl.is
BÆJARSTJÓRN Álftaness sér
fram á að sveitarfélagið lendi í veru-
legum vanskilum með skuldir sínar á
næstunni, ef ekkert verður að gert.
Líklega verður því leitað til eftirlits-
nefndar um fjármál sveitarfélaga
eftir hjálp, en það var samþykkt í
bæjarstjórn á miðvikudag. Tvær
umræður þarf til að samþykkja slíkt
neyðarúrræði og fer seinni umræð-
an fram í næstu viku.
Pálmi Þór Másson bæjarstjóri
gefur ekki upp hversu mikla fjár-
veitingu þurfi, en nýlega hefur farið
fram mat á fjárreiðum bæjarfélags-
ins í samstarfi við endurskoðunar-
fyrirtækið KPMG. Hann segir að
sveitarfélagið standi enn sem komið
er í skilum.
Þegar til kemur mun eftirlits-
nefndin láta fara fram rannsókn á
fjárreiðum og rekstri. Samkvæmt
lögum getur hún svo ráðlagt sam-
gönguráðuneytinu, sem fer með
sveitarstjórnarmál, að veita Álfta-
nesi styrk eða lán úr Jöfnunarsjóði
sveitarfélaga.
Ráðuneytið getur á sama tíma
sett skilyrði fyrir láninu, svo sem allt
að 25% álag á útsvar og fasteigna-
skatta. Það segir Pálmi að yrði alltaf
afarkostur, og minnir á að í Bolung-
arvík, sem fór þessa leið fyrr á árinu,
hafi verið lagt á 10% álag, en ekki
25%.
Margt smátt gerir eitt stórt
Það sem helst dregur fjárhaginn
niður eru hin miklu íþróttamann-
virki sem bærinn leigir af einka-
reknum félögum, en auk þess hafa
erlend lán komið illa niður á fjár-
hagnum. Fleira spilar þó inn í. „Við
höfum verið að benda á að það gæti
ákveðins ójafnaðar við úthlutun úr
Jöfnunarsjóði, vegna þess hversu
hátt hlutfall barna er hér á Álftanesi.
Sjóðurinn miðar ekki við það við út-
hlutun. Við höfum látið útbúa
skýrslu sem sýnir að kostnaður sem
verður til út af því er að verða ansi
þungur baggi á sveitarfélaginu. Það
má færa fyrir því rök að ef rétt væri
gefið í þessum málum, frá árinu
2002, værum við ekki í þessum
rekstrarvanda í dag,“ segir Pálmi.
Á ekki von á fjöldauppsögnum
Ekki liggur fyrir hvernig á að
hagræða frekar í rekstrinum. „Það
þarf að skoða allar útfærslur,“ segir
hann, aðspurður hvort fjöldaupp-
sagnir séu á döfinni hjá bænum. „En
það má líka segja á móti að það er
eiginlega einn maður í hverju rúmi
hjá okkur fyrir utan hinar hefð-
bundnu stofnanir eins og skóla og
leikskóla. Ég á nú síður von á upp-
sögnum að neinu marki.“ Hann
ítrekar líka að í stað þess að fólki
verði sagt upp störfum verði starfs-
hlutfall minnkað, ef til þess kemur.
Ekki verði ráðið í stöður sem losna.
Ákvörðunin er þungbær en er tek-
in að vandlega athuguðu máli og
með hagsmuni Álftnesinga að leið-
arljósi, að sögn Pálma.
Álftanes þarf hjálp
Veruleg vanskil framundan ef ekkert verður að gert
Leita brátt til eftirlitsnefndar um fjármál sveitarfélaga
Í endurskoðaðri fjárhagsáætlun Álftaness kemur fram að eigið fé sveitar-
félagsins er áætlað neikvætt í lok ársins um 384 milljónir. Langtímaskuldir
og skuldbindingar eru áætlaðar 2,8 milljarðar og eru skammtímaskuldir
áætlaðar 1,2 milljarðar. Skuldir og skuldbindingar eru því áætlaðar 4,2
milljarðar. Skuldbindingar og ábyrgðir utan efnahags eru áætlaðar 2,5
milljarðar, sem er að stærstum hluta leiguskuldbinding við eignarhalds-
félagið Fasteign. „Stefnt er að því að lausafjárvandi sveitarfélagsins verði
leystur með skammtímaskuldum,“ segir í greinargerð bæjarstjóra með
áætluninni. Rekstrarniðurstaða á árinu, eftir fjármagnsliði, er áætluð 258
milljónir og er veltufé frá rekstri áætlað neikvætt um 330 milljónir.
Slæm fjárhagsstaða
Morgunblaðið/Heiddi
Öldulaug og rennibraut Glæsileg íþróttamannvirki Álftaness eru meðal þeirra fjárfestinga sem hafa hvað verst
áhrif á fjárhag sveitarfélagsins. Það leigir mannvirkin af eignarhaldsfélagi og leigan er bundin við erlenda mynt.
Aðeins tvö sveitarfélög hafa áður
leitað til eftirlitsnefndar um fjár-
mál sveitarfélaga. Það er neyð-
arúrræði, enda nefndin nokkurs
konar Alþjóðagjaldeyrissjóður
sveitarfélaganna.
Eftir Andra Karl
andri@mbl.is
HÆSTIRÉTTUR
sneri í gær við
dómi Héraðsdóms
Reykjavíkur í máli
Vilhjálms Bjarna-
sonar gegn fyrr-
verandi banka-
stjórn Glitnis.
Héraðsdómur
hafði dæmt stjórn-
ina til að greiða Vil-
hjálmi 1,9 milljónir
króna í bætur þar sem stjórnin hefði
hvorki gætt hagsmuna bankans né
hluthafa þegar hún gekk frá kaupum
á hlutum Bjarna Ármannssonar, fyrr-
verandi bankastjóra, á yfirverði.
Hæstiréttur taldi þá samningsgerð
hins vegar rúmast innan heimilda
sem hluthafafundur veitti stjórninni
og sýknaði því stjórnarmenn.
Vilhjálmur segir dóm Hæstaréttar
skelfileg skilaboð. Með honum sé
staðfest að stjórnir félaga megi mis-
muna hluthöfum líkt og þá lystir og
þurfi jafnframt ekki að gæta ráðdeild-
ar í rekstri.
Í samræmi við samþykkt
Vilhjálmur byggði bótakröfu sína á
því, að honum hefði ekki verið gefinn
kostur á að selja bankanum hlutabréf
sín á genginu 29, eins og Bjarni fékk,
þegar meðalgengi þeirra í viðskiptum
í kauphöll var 26,66.
Stjórnarmenn héldu því hins vegar
fram að ákvörðun stjórnarinnar um
hlutabréfakaupin hefði verið í sam-
ræmi við samþykkt hluthafafundar
Glitnis frá febrúar 2007. Á það féllst
Hæstiréttur.
Rétturinn leit m.a. til þess að í 55.
gr. hlutafélagalaga er hlutafélagi
heimilað að eignast með kaupum eig-
in hluti, sem megi þó ekki vera fleiri
en sem svarar 10% af hlutafé þess. Til
þess þurfi þó heimild hluthafafundar,
sem aðeins megi veita tímabundið. Sú
heimild lá fyrir þegar bréf Bjarna
voru keypt.
Í ákvæðinu felst að hluthafafundur
getur að lögum heimilað stjórn að
taka ákvörðun um að félag greiði í
kaupum á eigin hlutum hærra eða
lægra verð en nemur markaðsverði
hverju sinni. Það ákvæði felur í sér
frávik á 76. grein sömu laga en í henni
segir að stjórn hlutafélags sé óheimilt
að gera ráðstafanir, sem bersýnilega
eru fallnar til að afla ákveðnum hlut-
höfum ótilhlýðilegra hagsmuna á
kostnað annarra hluthafa eða félags-
ins.
„Með því að 55. gr. laganna setur
hlutafélagi jafnframt þær skorður að
eigin hlutir þess megi ekki fara fram
úr 10% af hlutafénu er og ljóst að
stjórn þess hvorki getur boðið né ber
að bjóða öllum hluthöfum að ganga til
slíkra kaupa með sömu kjörum,“ seg-
ir í dómi Hæstaréttar.
Höfðu heimild
til að mismuna
hluthöfum
Máttu greiða yfirverð fyrir bréf Bjarna
Morgunblaðið/Árni Sæberg
Glitnir Hæstiréttur féllst á rök fyrr-
verandi stjórnarmanna Glitnis.
Í HNOTSKURN
»Á aðalfundi Glitnis 20.febrúar 2007 var sam-
þykkt að veita stjórninni heim-
ild til að kaupa eigin hluti í fé-
laginu eða taka þá að veði.
Heimild stóð í 18 mánuði.
»30. apríl 2007 lét BjarniÁrmannsson af starfi for-
stjóra félagsins með því að
gera samning um starfslok við
nýkjörna stjórn.
Vilhjálmur
Bjarnason
Gunnar Flóvenz, fyrr-
verandi framkvæmda-
stjóri síldarútvegs-
nefndar, er látinn, tæp-
lega 85 ára að aldri.
Gunnar fæddist á
Siglufirði 13. nóv-
ember 1924, sonur
hjónanna Jakobínu
Flóvenz og Steinþórs
Hallgrímssonar kaup-
manns. Hann lauk
verslunarprófi frá
Verzlunarskóla Íslands
vorið 1946 og að því
loknu vann hann sem
fulltrúi hjá síldarútvegsnefnd á Siglu-
firði. Gunnar nam hagfræði við Ham-
borgarháskóla veturinn 1949-1950 og
aftur árið 1959 í boði háskólans.
Hann tók við forstöðu nýrrar skrif-
stofu síldarútvegsnefndar í Reykja-
vík árið 1950 og var framkvæmda-
stjóri nefndarinnar 1959-1990. Eftir
það varð hann starfandi
formaður hennar til
1998.
Gunnar átti sæti í
fjölda samninganefnda
við erlend ríki á vegum
íslenskra stjórnvalda.
Hann hafði frumkvæði
að og umsjón með ritun
síldarsögu Íslands, Silf-
ur hafsins – gull Íslands,
útgefin 2007.
Gunnar var sæmdur
riddarakrossi hinnar ís-
lensku fálkaorðu árið
1983 og stórriddara-
krossi árið 1989. Hann var sæmdur
riddarakrossi finnsku Ljónsorðunnar
1977 og kommandörkrossi finnsku
Hvítu rósarinnar árið 1982.
Gunnar kvæntist 7. október 1950
eftirlifandi eiginkonu sinni, Sigrúnu
Ólafsdóttur listdanskennara. Þau
eignuðust fjögur börn.
Andlát
Gunnar Flóvenz