Saga - 1995, Blaðsíða 274

272
RITFREGNIR
verið einn anginn af þessum átökum en samt fær lesandinn allt of oft á til-
finninguna að ástæðan fyrir árásunum á Korpúlfsstaði hafi einkum verið
persónuleg öfund og andúð á Thor Jensen og starfsemi hans.
Þegar upp er staðið verður þó ekki armað sagt en Birgi Sigurðssyni hafi
tekist vel upp við ritun þessarar bókar, prentun og frágangur útgefanda
er og til sóma. Svona eiga alþýðleg fræðirit að vera og nú er bara að vona að
Birgir láti ekki deigan síga og haldi áfram á þessari braut.
Guðmundur J. Guðmundsson
Ásgeir Jakobsson: ÓSKARS SAGA HALLDÓRSSONAR,
ÍSLANDSBERSI. Setberg. Reykjavík 1994. 338 bls. Mynd-
ir, nafnaskrá.
Ásgeir Jakobsson hefur verið ódeigur við að skrá sögu íslenskra útgerðar-
manna hin síðustu ár. Þær eru ekki færri en fimm slíkar sem hann hefur
sent frá sér, flestar vel við vöxt, og nú bætist hin sjötta við. Auk þessa hefur
Ásgeir skrifað fjölda annarra bóka sem snerta sjávarútveg með einum eða
öðrum hætti og blaða- og tímaritsgreinar um sama efni eru legíó.
Þekking Ásgeirs á sjávarútvegi er ákaflega yfirgripsmikil og hann er
ritfær og ritþjálfaður í besta lagi. Honum er því öðrum betur treystandi til
að skrifa frambærilega ævisögu útgerðarmanns. Þó er það svo í upphafi
bókar að á hann renna tvær grímur, svo sérstætt er viðfangsefnið að þessu
sinni, Óskar engum líkur og lífshlaup hans einstakt. En nú höfðu örlög
hagað því þannig að Ásgeir vann hjá Óskari í nokkra daga sumarið 1941
og skildu þeir við lítinn vinskap en Óskar gerði Ásgeiri greiða nokkru
síðar. Þann greiða endurgeldur Ásgeir nú með þessari bók, sem betur fer.
Ásgeir velur þá leið að segja jöfnum höndum frá einkalífi Óskars og
þátttöku hans í atvinnulífi en auk þess fer höfundur oft í skógargöngu til
að skýra fyrir lesandanum ýmsar aðstæður í atvinnu- og efnahagslífi hvers
tíma. Þessar slaufur eru greinilega lausn höfundar á vanda hvers sögunt-
ara. Hverjum er bókin ætluð? Hverjir eru væntanlegir lesendur? Þessir ut-
úrdúrar eru tvímælalaust til bóta, fjölga lesendum og auka skilning þeirra
á viðfangsefninu. Hitt er svo annað mál að margir þeir sem fást við
hagsögu tímabilsins munu tæpast skrifa undir ýmislegt sem þar er fullyrí
um atburðarás, orsakir og afleiðingar en það er önnur saga.
Óskar Halldórsson fæddist á Akranesi 17. júní 1893, sonur hjónanna
Guðnýjar Jónsdóttur Ottesen og Halldórs Guðbjamasonar. Þegar Óskar
var á ellefta ári fluttist fjölskylda hans til Reykjavíkur en vegna ýmissa