Saga - 1996, Side 32

30
AÐALGEIR KRISTJÁNSSON
lok Freyfaxa að telja það hégóma að trúa á goð. Engu að síður var
Haraldur vinstri maður til æviloka í bestu merkingu þess orðs.
Hann hafði til að bera ríka samúð með olnbogabörnum þjóðfélags-
ins og mátti ekkert aumt sjá. Hann var barngóður með afbrigðum,
enda hændust börnin að honum og komust fljótt upp á lagið að
láta hann sitja og standa eins og þau vildu, og höfðu báðir aðilar
góða skemmtun af.
Árið 1946 markaði tímamót í lífi Haralds Sigurðssonar þegar
hann gerðist bókavörður við Landsbókasafn íslands. Þar sá hann
og skynjaði betur en nokkru sinni fyrr „uppsprettulindir og nið-
andi vötn" tungunnar í röðum handrita og bóka. Haraldur starfaði
sem bókavörður við Landsbókasafnið í rúma þrjá áratugi og tvö
síðustu árin var hann deildarstjóri í þjóðdeild safnsins. í fáliðaðri
stofnun verða starfsmenn að geta sinnt nær öllum störfum sem þar
eru unnin. Mér er nær að halda að Haraldur hafi verið nær jafnvíg-
ur til allra verka, hvort heldur var að lesa handrit eða skrá og
flokka bækur. Hér kom í góðar þarfir hvað hann var víðlesinn og
bókfróður. Safngestir sem til hans leituðu fóru sjaldan erindisleysu
og ekki spillti hjálpfýsi og vingjarnlegt viðmót.
Haraldur Sigurðsson var félagslyndur maður. Hann starfaði í ýms-
um félögum, t.a.m. var hann einn af stofnendum Bókavarðafélags
Islands og ritari þess um skeið. Þá starfaði hann mikið fyrir Ferða-
félag Islands sem fararstjóri, auk þess að hann var í ritstjórn Árbók-
ar Ferðafélagins og höfundur hennar árið 1954. Hún heitir Borgar-
fjarðarsýsla norðan Skarðsheiðar. Einnig skrifaði hann gagnmerka rit-
gerð um Veiðivötn í Árbókina 1988. Vegna margháttaðra starfa í
þágu Ferðafélagsins var hann kjörinn heiðursfélagi þess á áttræðis-
afmæli sínu 4. maí 1988 og það tileinkaði honum útgáfu á Ferðabók
Magnúsar Grímssonar fyrir sumarið 1848.
Með komu Haralds á Landsbókasafnið urðu nokkur þáttaskil á
rithöfundarferli hans. Árið 1947 gaf hann út Sjálfsævisögu síra Þor-
steins Péturssonar á Staðarbakka. Þetta er mikið rit og merkilegt fyrir
margra hluta sakir.
Rannsóknarferðir um fáfama eða lítt kunna stigu og óbyggðir
vora eftirlæti Haralds Sigurðssonar. Það sama átti einnig við um
ferðir erlendra manna um ísland. Árið 1961 gaf hann út Bréffrá ís-
landi eftir Uno von Troil sem var með í rannsóknarleiðangri Sir Jos-
ephs Banks og hefir að geyma merkar lýsingar á landi og þjóð. Tveim-
ur áratugum síðar kom ísafold - Ferðamyndir frá íslandi eftir Ina von