Morgunblaðið - 14.11.2009, Blaðsíða 39
Minningar 39
MORGUNBLAÐIÐ LAUGARDAGUR 14. NÓVEMBER 2009
mér fannst hann mildast með aldr-
inum, ég held að bæði lífsþroski og
Stella frænka hafi átt þar hlut að
máli. Við munum ekki sigla saman
á okkar kæra Breiðafirði í bili, en
ég, Erna og afkomendur þökkum
kynnin og samfylgdina,
Steinþór Sigurðsson.
Í minningu Kristins Gestssonar,
eða Kidda Gests eins og við Hólm-
arar oftast kölluðum hann, langar
okkur að senda svolitla kveðju, nú
þegar hann er lagður í sína hinstu
för.
Við urðum þeirra gæfu aðnjót-
andi að eiga dálítil viðskipti við þau
hjónin Stellu og Kidda fyrir fimm-
tán og hálfu ári síðan.
Þau höfðu þá afráðið að hætta
rekstri Stellubúðar og flytja frá
höfninni. Varð úr að við keyptum af
þeim húsið og verslunina. Það var
einstaklega gott að eiga við þau
viðskipti. Allt stóð eins og stafur á
bók hjá Kidda og þeim báðum. Það
var líka góður andi í húsinu við
höfnina sem Svava, mamma Stellu,
hafði sagt mér að héti Sjávarborg.
Hefur okkur liðið ákaflega vel þar.
Það er sjónarsviptir að sjá ekki
lengur Kidda keyra framhjá og um
hafnarsvæðið, því að þó hann væri
fluttur frá höfninni, átti hann þar
sterkar rætur og leið ekki sá dagur
að hann færi þar um. Stellu send-
um við einlægar samúðarkveðjur
með þakklæti fyrir allt. Sonum
þeirra og þeirra fjölskyldum og
systkinum Kristins sendum við
sömuleiðis samúðarkveðjur.
Dagbjört Höskuldsdóttir
og Eyþór Ágústsson.
Við fráfall vinar míns, Kristins
Gestssonar, koma margar góðar
minningar tengdar honum upp í
hugann.
Fyrst kynntist ég Kidda þegar
ég gerðist trillukarl um 1990. Þá
var hann formaður smábátafélags-
ins Ægis í Stykkishólmi og var bú-
inn að vinna ötullega að því að
keypt yrði flotbryggja þar sem
smábátaeigendur gætu verið ör-
yggir með viðlegu fyrir báta sína.
Og í framhaldi af því sóttum við
nokkrir með Kidda í fararbroddi
um að fá að byggja verbúðir við
Flæðiskerið. Það var ekki ónýtt
fyrir óreyndan trillusjómann að
eiga aðgang að Kidda og voru þær
ófáar ferðirnar sem farnar voru í
bílskúrinn í Lágholtinu til að fá
hjálp við að leysa úr hinum ýmsu
vandamálum sem gátu hrjáð smá-
báteiganda. Kiddi var lærður bif-
vélavirki og var bara ansi lunkinn í
sínu fagi og það sem mér finnst
minnisstæðast er að alltaf gaf hann
sér tíma til að hjálpa og aldrei var
rukkuð króna fyrir.
Kiddi var þannig gerður að hann
þurfti alltaf að hafa eitthvað á
prjónunum og standa í fram-
kvæmdum. Það lýsir honum best
að nýverið sótti hann um að fá að
byggja fjárhús uppi í Nýrækt þótt
hann væri orðinn alvarlega veikur.
Áhugaverðast þótti honum að spá í
bátakaup og var hann búinn að eiga
þá nokkra í gegnum árin. Það sem
einkenndi bátana hans var að þeir
voru alltaf í toppstandi og vel græj-
aðir.
Kiddi hafði græna fingur og var
skógrækt honum hugleikin. Í gegn-
um tíðina hafa margir sprotarnir
og græðlingarnir farið um hendur
hans og Stellu orðið að gróskumikl-
um trjám. Í samtölum okkar við
eldhúsborðið bar skógrækt og
gróðursetningu oft á góma og var
ekki komið að tómum kofanum þar.
Fyrir nokkrum árum þegar við
Kiddi vorum báðir í stuði skelltum
við okkur í höfuðborgina til að
kaupa okkur jakkaföt. Fórum í
Herragarðinn og báðum um tvenn
föt alveg eins og Davíð Oddsson
átti og keyptum við þau gullbindi.
Svo þegar heim var komið fannst
okkur að við yrðum að halda upp á
kaupin og fórum á Hótel Stykk-
ishólm og pöntuðum okkur það
dýrasta sem var á matseðlinum.
Svona var Kiddi, alltaf til í smá
sprell.
Innilegar samúðarkveðjur sendi
ég Stellu, sonum þeirra og fjöl-
skyldum.
Símon Sturluson.
✝
Hjartans þakkir til allra er sýndu okkur samúð
og hlýhug við andlát og útför okkar ástkæru
móður og ömmu,
JÓHÖNNU HERDÍSAR
SVEINBJÖRNSDÓTTUR
frá Vestmannaeyjum,
Borgarholtsbraut 20,
Kópavogi.
Ríkharður H. Friðriksson,
Jóhanna Vigdís Ríkharðsdóttir,
Kristín Helga Ríkharðsdóttir.
✝
Útför elskulegs eiginmanns míns, föður okkar,
tengdaföður, afa og langafa,
JÓNS SVEINSSONAR
fyrrv. skipstjóra
frá Siglufirði,
fer fram frá Seljakirkju þriðjudaginn 17. nóvember
kl. 13.00.
Anna Jóna Ingólfsdóttir,
Ingólfur Jónsson, Ragna Halldórsdóttir,
Guðrún Jónsdóttir,
afabörn og langafabörn.
✝
Eiginmaður minn, faðir okkar, tengdafaðir, afi og
langafi,
PÉTUR GUÐJOHNSEN,
lést á Landspítalanum fimmtudaginn 12. nóvember.
Jarðarför verður auglýst síðar.
Grete Marion,
Sveinbjörn Guðjohnsen, Katrín Gísladóttir,
Viðar Helgi Guðjohnsen, Margrét Júlíusdóttir,
barnabörn og barnabarnabarn.
✝
Hugheilar þakkir til allra þeirra sem sýndu okkur
samúð og hlýhug við andlát og útför eiginmanns
míns, föður okkar, tengdaföður, afa og langafa,
HERMANNS SIGURÐSSONAR,
Stapavöllum 14,
Reykjanesbæ.
Guð blessi ykkur öll.
Guðrún Emilsdóttir,
börn, tengdabörn,
barnabörn og barnabarnabörn.
✝
Innilegar þakkir til allra sem sýndu okkur samúð og
hlýju við andlát og útför eiginmanns míns, föður
okkar, tengdaföður, afa og langafa,
RÖGNVALDAR ÞORSTEINSSONAR,
Dalbraut 59,
Akranesi.
Sérstakar þakkir til starfsfólks á 11B, Landspítala
við Hringbraut.
Fyrir hönd fjölskyldunnar,
Halldóra Engilbertsdóttir.
✝
Elskuleg móðir mín, tengdamóðir og amma,
MILLÝ BIRNA HARALDSDÓTTIR,
Ofanleiti 29,
Reykjavík,
lést á Landspítalanum fimmtudaginn 5. nóvember.
Hún verður jarðsungin frá Lágafellskirkju
þriðjudaginn 17. nóvember kl. 15.00.
Líney Ólafsdóttir, Karl Tómasson,
Ólafur Karlsson, Erla Hrund Halldórsdóttir,
Birna Karlsdóttir.
✝
Innilegar þakkir fyrir auðsýnda samúð og hlýhug
við andlát og útför bróður, vinar okkar og frænda,
BJÖRNS SKAFTASONAR
frá Hornafirði,
Sjafnargötu 6,
Reykjavík.
Hildigerður Skaftadóttir, Unnsteinn Guðmundsson,
Elvar Örn Unnsteinsson, Elínborg Ólafsdóttir,
Íris Dóra Unnsteinsdóttir, Hilmar Stefánsson,
Selma Unnsteinsdóttir, Pétur Magnússon
og fjölskyldur.
✝
Elskulegur eiginmaður minn, faðir, tengdafaðir og
afi,
RÖGNVALDUR H. HARALDSSON,
Sóleyjarima 9,
Reykjavík,
lést á Landspítala Landakoti fimmtudaginn
12. nóvember.
Jarðarförin verður auglýst síðar.
Ingibjörg Andrésdóttir,
Brynja Björk Rögnvaldsdóttir, Þórhallur G. Harðarson,
Rögnvaldur Óttar Rögnvaldsson, Margrét Gísladóttir
og barnabörn.
✝
Innilegar þakkir fyrir auðsýnda samúð og hlýhug
vegna andláts og útfarar móður minnar, frænku og
ömmu,
GUÐRÍÐAR ÁSTU BJÖRNSDÓTTUR.
Blessuð sé minning hennar.
Ásgrímur Ágústsson,
Valgarð S. Halldórsson,
Unnur Halldórsdóttir,
Valgerður Solveig Pálsdóttir
og barnabörn.
Morgunblaðið birtir minningar-
greinar alla útgáfudagana.
Skilafrestur | Ef birta á minning-
argrein á útfarardegi verður hún að
berast fyrir hádegi tveimur virkum
dögum fyrr (á föstudegi ef útför er á
mánudegi eða þriðjudegi).
Þar sem pláss er takmarkað getur
birting dregist, enda þótt grein ber-
ist áður en skilafrestur rennur út.
Greinar, sem berast eftir að útför
hefur farið fram, eftir tiltekinn skila-
frests eða ef útförin hefur verið gerð
í kyrrþey, eru birtar á vefnum,
www.mbl.is/minningar. Æviágrip
með þeim greinum verður birt í
blaðinu og vísað í greinar á vefnum.
Lengd | Minningargreinar sem birt-
ast í Morgunblaðinu séu ekki lengri
en 3.000 slög.
Minningargreinar