Morgunblaðið - 17.12.2009, Blaðsíða 8

8 FréttirINNLENT
MORGUNBLAÐIÐ FIMMTUDAGUR 17. DESEMBER 2009
ÍSLENSK stjórn-
völd fengu í gær
afhenta við-
urkenningu frá
regnhlíf-
arsamtökum
kvenna, „Women
and Gender Con-
stituency“, fyrir
að vera mál-
svarar jafnrar
þátttöku kvenna
og karla í aðgerðum gegn loftslags-
breytingum. Svandís Svavarsdóttir
umhverfisráðherra tók við við-
urkenningunni á málstofu sem
haldin var á loftslagsráðstefnunni í
Kaupmannahöfn.
Íslendingar hlutu viðurkenn-
inguna fyrir að koma texta um jafn-
rétti kynjanna og virka þátttöku
kvenna í aðgerðum gegn loftslags-
breytingum inn í samningsdrögin.
Þakkað fyrir að
vinna að jafnrétti
Svandís
Svavarsdóttir
Utanríkisráðu-
neytið ætlar að
styrkja verkefni
Rauða krossins
fyrir stríðsþjáða
í Síerra Leóne,
Palestínu og Afg-
anistan um sam-
tals 21 milljón kr.
Átta milljónir
króna renna í verkefni í Síerra
Leóne til aðstoðar ungu fólki sem
tók þátt í borgarastyrjöld í landinu.
Verkefni um sálrænan stuðning við
börn í Palestínu hlýtur einnig átta
milljónir og verkefni sem íslenskur
verkfræðingur, Magnús Gíslason,
sendifulltrúi RKÍ, kemur að fær
einnig styrk.
Styrkja verkefni
Rauða krossins
STJÓRN Landssamtaka sauðfjár-
bænda mótmælir fyrirhuguðum
breytingum á skipulagi Stjórnar-
ráðsins sem fela það í sér að leggja
niður landbúnaðar- og sjávarút-
vegsráðuneytið.
Það liggur fyrir að landbúnaður
og sjávarútvegur mun á næstu ár-
um gegna mikilvægara hlutverki
en nokkru sinni áður við að tryggja
fæðuöryggi þjóðarinnar og afla
gjaldeyristekna til að standa undir
þeim skuldbindingum sem þjóðin
hefur tekist á hendur. Það er því
frekar að leggja meiri áherslu á
þennan málaflokk heldur en hitt.
Sameining nú er líka fráleit vegna
umsóknar Íslands að Evrópusam-
bandinu þar sem sjávarútvegur og
landbúnaður verða umfangsmiklir
og erfiðir málaflokkar við að fást.
Að endurskipuleggja ráðuneytið á
sama tíma að það þarf alla sína
orku við að verja hagsmuni Íslands
mun aðeins skaða málaflokkinn,
segir í tilkynningu.
Ráðuneytið verði
ekki lagt niður
BISKUP Íslands
hefur skipað Ax-
el Árnason,
sóknarprest í
Stóra-Núps-
prestakalli, til að
vera héraðs-
prestur í suður-
prófastsdæmi frá
og með 1. janúar
2010. Frá sama
tíma kemur einnig til framkvæmda
sameining Hrunaprestakalls og
Stóra-Núpsprestakalls, sem sam-
þykkt var á kirkjuþingi í nóvember.
Suðurprófastsdæmi varð til við
sameiningu Árnesprófastsdæmis,
Skaftafellsprófastsdæmis og Rang-
árvallaprófastsdæmis, sem einnig
var samþykkt á kirkjuþinginu í
nóvember.
Héraðsprestur í
suðurprófastsdæmi
Axel Árnason
STUTT
Eftir Ómar Friðriksson
omfr@mbl.is
„[FÉLAG löggiltra endurskoðenda]
vill vekja athygli á því að með þessu
frumvarpi er verið að gera skattkerf-
ið flóknara og gagnsæi þess minnkar.
Flókið skattkerfi býður heim hætt-
unni á skattundanskotum og mistök-
um. Eftirlit skattyfirvalda verður
bæði erfiðara og flóknara,“ segir í
umsögn félagsins um skattafrum-
varp fjármálaráðherra.
Boðaðar skattabreytingar ríkis-
stjórnarinnar eru harðlega gagn-
rýndar í fjölda umsagna sem efna-
hags- og skattanefnd Alþingis hefur
fengið í hendur. Umsagnarbeiðnirn-
ar eru á annað hundrað talsins. At-
hugasemdir eru gerðar við fjölmörg
atriði, ekki síst þá fyrirætlun að bæta
við tveimur þrepum í skattlagningu
launafólks og ákvæði um auðlegðar-
skatt.
Í umsögn endurskoðendafyrirtæk-
isins Deloitte er bent á að flestir ein-
staklingar telja fram í mars og í síð-
asta lagi í apríl en félög allt fram til
15. sept. Hluti auðlegðarskattstofns-
ins sé byggður á skattalegu bók-
færðu eigin fé félaga sem eiga eftir
að telja fram þegar einstaklingurinn
á að hafa byggt sitt framtal á framtali
félagsins sem ekki hefur enn talið
fram. „Auk þessa er langt frá því að
það sé auðsótt mál hjá hluthafa fé-
lags að fá afhent skattframtal félags,
sérstaklega ef um lítinn eignarhlut er
að ræða,“ segir í umsögn Deloitte.
Aukin skattsvik og svört
atvinnustarfsemi
„Sýnilegt er að mönnum verður
alls ómögulegt að telja fram með
þeim hætti sem lagður er til í ákvæð-
inu. Það styrkir ekki skattfram-
kvæmd að leiða í lög ákvæði sem er
óframkvæmanlegt,“ segir í umsögn
KPMG hf.
Í sameiginlegri umsögn átta sam-
taka í atvinnulífinu er lýst mikilli
andstöðu við þriggja þrepa tekju-
skatt. Hann leiði til þess að skatt-
greiðslur færist í auknum mæli í eft-
irágreiðslu eftir álagningu sem valdi
launamönnum miklu óhagræði. Hjón
með sömu tekjur muni bera mismikla
skattbyrði eftir því hvernig samsetn-
ing þeirra er. „Flækjustig fram-
kvæmdarinnar mun auk þess auka á
skattsvik og svarta atvinnustarf-
semi,“ segja samtökin.
Í umsögn ríkisskattstjóra, sem tel-
ur mörg ákvæði frumvarpsins
styrkja skattaframkvæmd, eru þó
ýmsir annmarkar tíundaðir m.a. við
álagningu auðlegðarskatts og mat á
raunvirði hlutabréfa. Mjög fá félög
séu skráð á markaði á Íslandi og í
flestum tilvikum þyrfti að sækja
verðmæti hlutabréfanna í skattfram-
töl viðkomandi félaga og skipta því
verðmæti upp „með ærnum tilkostn-
aði og fyrirhöfn á alla eigendur. Með
öllu er óvíst hverju slíkt myndi skila.
Framtalsskil lögaðila eru auk heldur
síðar á árinu en framtalsskil einstak-
linga. Þegar af þessari ástæðu getur
orðið erfitt fyrir hlutabréfaeigendur,
og jafnvel óframkvæmanlegt í sum-
um tilvikum, að telja bréfin fram með
réttum hætti, enda liggja upplýsing-
arnar ekki fyrir á sama tímamarki,“
segir ríkisskattstjóri.
Í umsögn skattstjóra Suðurlands-
umdæmis segir að þó einfalt virðist
að leggja á þrepaskiptan tekjuskatt,
sé „Undirbúningstíminn ... nánast
enginn og aðlögun launakerfa lands-
manna tafsöm og dýr. Þungi fram-
kvæmdarinnar lendir verulega á
launagreiðendum. Fyrirsjáanlegt er
að um verði að ræða verulega eftirá-
vinnu að tekjuári loknu og að stað-
greiðsluskil versni til muna frá því
sem nú er,“ segir Steinþór Haralds-
son skattstjóri.
Launamaður verði ábyrgur
Lögmannafélagið bendir á að
skyldur launamanns til að upplýsa
um rétt staðgreiðsluhlutfall og
ábyrgð hans á því að haldið verði eft-
ir réttri staðgreiðslu ,,virðist til þess
fallin að auðveldlega komi upp tilfelli
þar sem staðgreiðslu er ekki rétt
haldið eftir og launamaður verði
ábyrgur fyrir því.“
Lögmaður Kauphallarinnar telur í
umsögn sinni að svona mikil hækkun
á tekjuskatti geti „haft alvarlegar af-
leiðingar fyrir umsvif og eftirspurn í
þjóðfélaginu. Jafnframt vekur Kaup-
höllin athygli á að skilvirkni skatt-
kerfisins kunni að vera teflt í tvísýnu
með jafn viðamiklum og flóknum
breytingum og að er stefnt í frum-
varpinu.“ Forstjóri Tryggingastofn-
unar segir að reglur um útreikning á
kostnaðarþátttöku vistmanna á dval-
arheimilum verði ennþá flóknari og
erfiðari í framkvæmd en nú er.
Morgunblaðið/Heiddi
Skattgreiðendur Boðaðar skattabreytingar ríkisstjórnarinnar hafa verið
gagnrýndar í fjölda umsagna sem efnahags- og skattanefnd hefur fengið.
„Hefur í för með sér alls kyns
flækjur í skattframkvæmd“
 Skattabreytingar gagnrýndar í fjölda umsagna til efnahags- og skattanefndar
Indriði H. Þorláksson, aðstoðar-
maður fjármálaráðherra, segir að
framkvæmd skattabreytinganna
eigi að geta gengið vel eftir á næsta
ári. „Það má reikna með að stað-
greiðsluskilin verði eitthvað óná-
kvæmari, sérstaklega fyrir þá sem
eru í hærri tekjum og fara upp í
þriðja þrepið en að öðru leyti á
þetta ekki að hafa nein veruleg
áhrif.“ Við álagningu hvers árs sé
alltaf eitthvað um oftekna skatta
hafi menn t.d. ekki fullnýtt per-
sónuafsláttinn og eins sé með eftir-
álagningu. Búast megi við að þetta
muni aukast í einhverjum mæli en
skattkerfið sé nú betur í stakk búið
til að mæta slíku með endur-
greiðslum og leiðréttingum innan
hvers tímabils ef á þarf að halda.
Á ekki að hafa nein veruleg áhrif