Morgunblaðið - 17.12.2009, Blaðsíða 34

34 Minningar
MORGUNBLAÐIÐ FIMMTUDAGUR 17. DESEMBER 2009
✝ Karl Smári Guð-mundsson fæddist
á Fæðingarheimilinu í
Reykjavík 5. ágúst
1964. Hann lést af
slysförum við köfun í
Hvalfirði 8. desember
síðastliðinn. Foreldrar
hans eru Guðrún
Magnea Halldórs-
dóttir, sérhæfður
starfsmaður í dauð-
hreinsun ríkisspít-
alanna, f. 6.9. 1940, og
Guðmundur Heiðmar
Karlsson pípulagn-
ingameistari, f. 1.5. 1936. Systkini
Karls eru: 1) Ásrún Helga, f. 13.3.
1960, maki Ólafur Stígsson, f. 23.10.
1955, þau eiga þrjú börn. 2) Hlöðver
Árni, f. 27.1. 1962, fráskilinn, á þrjá
syni. 3) Sólrún Dögg, f. 10.7. 1975,
hún á þrjú börn af fyrra hjónabandi,
núverandi eiginmaður er Anders
Vraa, f. 15.3. 1974.
1970 til 1986 og lærði síðan húsa-
smíði í Fjölbrautarskólanum í Breið-
holti. Eftir smíðanámið tók við
einkaflugmannsnám, nám í sport-
köfun, ársferðalag í kring um hnött-
inn, iðnhönnunarnám í Bandaríkj-
unum, fallhlífastökk, meistaranám í
húsasmíði o.fl.
Lengst af vann hann við húsa-
smíði, en síðustu tíu ár eða svo var
hann með eigið byggingarfyrirtæki.
Þegar hann lést var hann að kafa
eftir ígulkerum til útflutnings gegn-
um Iceland Seafood, en hann snéri
sér að því þegar dróst saman í bygg-
ingavinnu á landinu.
Hann var afar hugmyndaríkur og
var stöðugt að finna upp leiðir til að
betrumbæta hluti og búnað eins og
t.d. í sambandi við köfun, stóla o.fl.
Ætíð glaðlyndur og manna dugleg-
astur við að hvetja aðra áfram. Hann
ferðaðist mikið innanlands og utan
með vinum og vandamönnum. Ekk-
ert aumt mátti hann sjá, hjálpaði
mörgum, þó hann hefði ekki hátt um
það og var vinur í raun.
Útför Karls Smára fer fram frá
Grafarvogskirkju í dag, fimmtudag-
inn 17. desember 2009, og hefst at-
höfnin kl. 15.
Meira: mbl.is/minningar
Fyrri sambýliskona
Karls er Unnur Matt-
híasdóttir, f. 27.8.
1962 og eignuðust þau
einn son, Guðmund
Þór, f. 6.8. 1996. Fyrir
átti Unnur, Ragnar
Ágúst Rúnarsson, f.
27.3. 1987.
Seinni sambýlis-
kona Karls er Berg-
lind Ármannsdóttir, f.
3.8. 1966, börn hennar
eru Auður Eir Guðna-
dóttir, f. 15.5. 1988,
hún á eina dóttur og
Guðni Þór Guðnason, f. 30.9. 1994.
Karl ólst upp í Hraunbæ 64 í
Reykjavík, þegar Árbæjarhverfið
var að byggjast með berjamóum,
drullupollum og yndislega mörgum
krökkum á svipuðum aldri, síðar
flutti fjölskyldan ofar í hverfið í nýtt
hús í Fjarðarási 16.
Hann gekk í Árbæjarskóla frá
Elsku ástin mín.
Ég hefði aldrei getað trúað því, að
þennan dag þegar þú kvaddir mig svo
fallega, að ég ætti ekki eftir að sjá þig
aftur. Þú opnaðir fyrir mér nýja vídd í
tilverunni þegar við fórum í ferðalög-
in okkar þar sem við áttum okkar fal-
legustu stundir. Þú varst svo ótrúlega
hugmyndaríkur og frjór í hugsun. Þú
varst alltaf að skapa eitthvað nýtt.
Það er erfitt að horfa upp á fjórhjólin
og útilegudótið og finna ekki fyrir ná-
lægðinni þinni, en ég trúi því að þú
sért hér í anda með mér og börnunum
okkar og vakir yfir okkur. Ég þakka
þér ástin mín fyrir allt sem þú gafst
mér og börnunum mínum, þú varst
þeim svo góð fyrirmynd.
Ég kveð þig elsku Kalli minn með
brostið hjarta og bið góðan Guð að
vernda þig og blessa.
„Þó líði ár og öld
er ást mín ætíð ætluð þér“.
Hvíl í friði elsku ástin mín.
Þín,
Berglind.
Elsku Kalli. Hér sitjum við og
hugsum um síðustu stundirnar okkar
saman, við þetta borðstofuborð okk-
ar, um miðjan nóvember. Þið Berg-
lind komuð með humarinn, ég eldaði
og allt var eins og best á kosið. Ekki
grunaði okkur að þetta væri okkar
síðasta skipti saman, þó svo við höfð-
um ekkert stofnað neinn matarklúbb
eins og oft var rætt, það þurfti ekkert
svoleiðis hjá okkur við vorum hvort
sem er alltaf saman, „Hverjum eigum
við að bjóða í mat“ Berglindi og
Kalla“, svona hugsuðum við alltaf í
báðar áttir, það var líka svo „homeí“.
Það þurfti ekkert að taka til eða
þurrka af, við vorum bara við sjálf,
hvort sem það var að koma austur í
Selárdal, Grímsnesið í bústaðinn eða
bara heim. Ógleymanlegt atriðið okk-
ar þegar það vantaði pott í bústaðinn,
við reyndum og er það leyndarmál
geymt hjá okkur „viðhaldsklúbbn-
um“ eins og við ætluðum að skíra
klúbbinn í góðu gríni. Útivist og
ferðalög voru þitt uppáhald, ferðirnar
til Ameríku sem þú og Berglind fóruð
í voru algjör upplifun að hlusta á þeg-
ar heim var komið, og ekki skemmdu
gjafirnar. Eyþór var gallaður upp,
gamla fékk flottustu kremin og ilm-
vötnin og ég fékk nærbuxur eða nátt-
buxur, og þú vissir hvað ég vildi
„nógu ljótt, fannst mér nógu flott“ og
hér sit ég í pulsu Joe boxer náttbux-
um, bjór buxurnar á snúrunni.
Fjórhjólaferðirnar sem þú tókst
mig með í voru geggjaðar og er
ógleymanleg ferðin 17. júní ’08, þegar
við fórum hálf slappir eftir eitt matar-
boðið, heiman frá ykkur Berglindi
alla leið á Skjaldbreið (tók 8 klst., átti
að vera 2 klst.) í besta veðri sem völ
var á. Einnig þegar þú fórst með
Hönnu mína og Eyþór son okkar að
Apavatni síðasta sumar, meðan ég
var fyrir austan að vinna. Þótt plássið
hafði verið lítið hafðir þú alltaf nóg
pláss fyrir alla sem þér þótti vænt
um, og er ég þér ævinlega þakklátur
fyrir þá ferð fyrir þeirra hönd.
Elsku Kalli það er ólýsanleg til-
finning að sitja hér og skrifa um þig
minningargrein, við vorum rétt að
byrja að fara gera hlutina sem við
ætluðum okkur, en svona er lífið
ósanngjarnt. Hversu góður þú varst
er ekki hægt að lýsa, t.d þegar þú
eignaðist Harley Davidson hjólið.
Það seldist ekki og þú sagðir: æji Óli,
nennir þú ekki bara að hafa það og
keyra það, það þarf reyndar að skoða
það; svo mátt þú bara hafa það, það
eru fáir ef það er einhver sem myndu
feta þessi spor. Elsku drengurinn þú
varst einstakur að öllu leiti, þitt lífs-
mottó held ég að hafi verið að gera
allt í kringum þig best, og það gerðir
þú, þú varst án efa besti pabbi í heimi
og gerðir allt fyrir snillinginn hann
son þinn Guðmund og Guðna hennar
Berglindar, það eru ekki margir sem
pabbar sem geta fetað í þín spor í
tækjadellu fyrir svona pjakka, þú
fórst alla leið, og erum við stolt af þér.
Elsku Kalli okkar, við lofum þér að
hugsa um allt sem þér þótti svo annt
um, og sérstaklega snillinginn hann
Guðmund son þinn, Berglindi þína,
sem við öll elskum, Guðna, Auði og
alla þína aðstandendur sem við get-
um veit hlýju, styrk og gleði.
Þínir vinir að eilífu.
Óli Már, Hansína og
Eyþór Andri.
Hröð er förin
örskömm dvöl
á áningarstað.
Verum því hljóð,
hver snerting
er kveðja
í hinsta sinni.
(Birgir Sigurðsson)
Hann dvaldi ekki lengi á þessum
áningarstað hann Kalli. Það er stund-
um sagt að fólk lifi hratt, en ég held
að segja megi um hann að hann hafi
nýtt tímann sinn vel. Við urðum sam-
ferða um nokkurra ára skeið, einmitt
á þeim tíma sem sonur hans Guð-
mundur Þór fæddist, svo agnarlítill,
og þurfti að dvelja á vökudeildinni í
fjóra mánuði. Það var erfiður tími
fyrir fjölskylduna. Kalli var mikil úti-
vistarvera og náttúruunnandi og naut
þess að sinna áhugamálum sínum
sem voru fjölmörg, bæði með vinum
sínum og fjölskyldu. Alltaf var Guð-
mundur með, í öllu sem gert var, ef
því varð við komið. Kalli var einstak-
ur faðir drengnum sínum, og Guð-
mundur mun búa að góðum minning-
um, og tekur þær með sér inn í
framtíðina. Það er við svona atburði,
sem maður er svo rækilega minntur á
hvað skiptir mestu máli í lífinu. Mað-
ur skyldi vera hljóður, hver snerting
gæti verið sú hinsta. Ég þakka Kalla
góða viðkynningu og fyrir það hversu
góður hann var ömmudrengjunum
mínum, líka Ragnari Ágústi sem
einnig naut ræktarsemi hans.
Berglindi, börnum hennar, foreldr-
um Kalla og systkinum votta ég sam-
úð.
Þorbjörg Ólafsdóttir.
Ég kynntist Kalla fyrst fyrir 30
árum, en hann var frændi fyrrver-
andi konu minnar. Kynnin voru ekki
mikil í fyrstu en maður fylgdist með
honum úr fjarlægð. Hann lærði
húsasmíði, náði sér í meistararétt-
indi, vann hér og þar um heiminn,
fór í heimsreisu, lærði hönnun á
Ítalíu, eignaðist konu og barn og hóf
síðan eigin rekstur við húsbygging-
ar. Eftir því sem árin liðu og bygg-
ingaframkvæmdum sem ég stóð
fyrir, eða hafði umsjón með, fjölg-
aði, jukust kynnin enda kom sér oft
vel að hafa aðgang að sívaxandi
þekkingu hans á þessu sviði. Hjálp-
fýsin var einstök og aldrei stóð á
honum að gefa ráð, lána verkfæri
eða verða að liði á hvern þann hátt
sem honum var auðið. Aldrei gekk
hann hart fram er kom að því að
innheimta fyrir viðvikið. Það má
segja að vinátta okkar hafi tekið á
sig nýja mynd fyrir u.þ.b. þremur
árum þegar hann átti orðið tvö fjór-
hjól og vantaði ferðafélaga. Hann
bauð mér í fjallaferð og síðar aðra
tveimur vikum síðar og hafði þá tek-
ist ætlunarverk sitt; að smita mig
með útivistarbakteríunni. Í kjölfar-
ið fékk ég mér mitt eigið hjól og höf-
um við farið í ótal leiðangra síðan.
Kalli var sérstaklega góður ferða-
félagi, ljúfur og léttur í lund, gæt-
inn, úrræðagóður og ávallt með all-
ar nauðsynlegar græjur meðferðis.
Oft slógust fleiri í lið með okkur og
kynntumst við þannig vinum hvors
annars. Sérstaklega er minnisstæð
veiðiferð okkar í Þórisvatn sl. sum-
ar. Þar lentum við í mokveiði og var
unun að fylgjast með þeim æsku-
félögum, Svenna og Kalla, þar sem
þeir mokuðu upp silungi linnulaust
tímunum saman og réðu sér vart
fyrir kæti. Kalli var alla tíð með
mörg járn í eldinum og meðal ann-
ars hannaði hann margvíslega hluti
sem hann ætlaði að hefja fram-
leiðslu á í Kína. Réði hann verk-
fræðing í Rúmeníu til að gera vinnu-
teikningar en við efnahagshrunið
breyttust áætlanirnar og hugði
hann á framleiðslu þessara hluta
hérlendis.Við hrunið varð nokkurn
veginn sjálfhætt í byggingabrans-
anum en Kalli sem var hugmynda-
ríkur með afbrigðum og mikill
frumkvöðull, skapaði sér nýtt lífs-
viðurværi með því að kafa eftir ígul-
kerjum til útflutnings. Var hann við
þá iðju er hann lést.
Kalla var mjög umhugað um vel-
ferð barna sinna, hvort sem um var
að ræða Ragnar son fyrri konu sinn-
ar, sinn eigin son Guðmund Þór, eða
Guðna og Auði, börn Berglindar,
sem hann var svo lánsamur að
kynnast fyrir 5-6 árum. Ég man eft-
ir því að hafa oft hugsað til þess
hversu sérstaklega heppinn Guð-
mundur væri að eiga Kalla fyrir
pabba. Við Þuríður sendum hans
góðu konu, börnum, foreldrum og
systkinum okkar innilegustu sam-
úðarkveðjur.
Guð blessi þig Kalli minn, ég á
eftir að sakna þín mikið.
Tryggvi Hallvarðsson.
Karl Smári
Guðmundsson
✝
Ástkær eiginmaður minn, faðir og afi,
EGGERT ÓLAFSSON
fyrrv. yfirvélstjóri,
Bogatúni 13,
Hellu,
verður jarðsunginn frá Oddakirkju á Rangárvöllum
laugardaginn 19. desember kl. 13.00.
Hulda S. Eggertsdóttir,
Fanney Ósk Eggertsdóttir,
Elín Rún Eggertsdóttir,
Margeir Rúnar Bjarnason
og aðrir aðstandendur.
✝
Elskuleg móðir okkar, tengdamóðir og amma,
GUÐRÚN ÁGÚSTA ÓSKARSDÓTTIR,
Ásavegi 2g,
Vestmannaeyjum,
verður jarðsungin frá Landakirkju, Vestmanna-
eyjum, laugardaginn 19. desember kl. 14.00.
Jóhanna Hjálmarsdóttir, Sigurjón Þór Guðjónsson,
Viðar Hjálmarsson, Jóna Sigríður Guðmundsdóttir,
Hjálmar, Guðrún Ágústa, Bjarni Ólafur,
Guðjón Orri og Franz.
✝
Ástkær stjúpmóðir mín, móðir okkar, tengdamóðir,
amma, langamma og langalangamma,
ÓLAFÍA PÁLÍNA MAGNÚSDÓTTIR
frá Gilsfjarðarbrekku,
síðast til heimilis á
dvalarheimilinu Höfða,
Akranesi,
sem lést laugardaginn 12. desember, verður
jarðsungin frá Garpsdalskirkju laugardaginn 19. desember kl. 14.00.
Blóm og kransar vinsamlegast afþakkaðir en þeim sem vilja minnast
hennar er bent á Krabbameinsfélagið.
Indriði E. Baldvinsson, Karólína Ingólfsdóttir,
Jóna G. Baldvinsdóttir, Gunnar Helgi Guðmundsson,
Ingibjörg Magnea Baldvinsdóttir, Jón Kjartansson,
Elinborg A. Baldvinsdóttir, Helgi Stefánsson,
Margrét H. Brynjólfsdóttir,
Hugrún H . Einarsdóttir,
Katrín Björk Baldvinsdóttir, Sæmundur Ó. Ólason
og fjölskyldur.
✝
Faðir okkar, tengdafaðir, afi og langafi,
BJÖRN MARINÓ DÚASON,
Hornbrekku,
Ólafsfirði,
lést á dvalarheimilinu Hornbrekku mánudaginn
14. desember.
Útför hans fer fram frá Ólafsfjarðarkirkju föstu-
daginn 18. desember kl. 13.30.
Sigríður Vilhjálms, Kristinn Gíslason,
Helga Björnsdóttir, Halldór Jónsson,
Sigurður Björnsson, Margrét Sigurgeirsdóttir,
Birna Björnsdóttir, Reynir Jónsson,
Herdís Björnsdóttir, Guðmundur Guðmundsson,
Edda Bragadóttir,
barnabörn og barnabarnabörn.
✝
Elskuleg móðir okkar, tengdamóðir, amma, lang-
amma og systir,
HLÍF ÞÓRBJÖRG JÓNSDÓTTIR,
dvalar- og hjúkrunarheimilinu Grund,
áður Unnarbraut 28,
Seltjarnarnesi,
verður jarðsungin frá Heydalakirkju í Breiðdal
laugardaginn 19. desember kl. 11.00.
Jarðsett verður að Þorvaldsstöðum.
Sigurjón Jónsson, Helga Ágústína Lúðvíksdóttir,
Guðný Elín Jónsdóttir, Reynir Loftsson,
Ingibjörg Guðlaug, Jón Garðar Steingrímsson,
Ólafía Sigurjónsdóttir, Alejandro Arias,
Jón Viðar Reynisson,
Hlíf Ágústa Reynisdóttir,
Jóna Snædís Reynisdóttir
og systkini hinnar látnu.