Morgunblaðið - 17.12.2009, Blaðsíða 20
20 FréttirERLENT
MORGUNBLAÐIÐ FIMMTUDAGUR 17. DESEMBER 2009
STARFSMENN Boeing í Washington-ríki fylgjast með
langþráðri jómfrúferð Dreamliner-þotunnar sem fyrir-
tækið bindur miklar vonir við. Fyrsta flugi þotunnar
var frestað fimm sinnum og framleiðslan er nú tveimur
árum á eftir áætlun. Gert er ráð fyrir því að fyrsta þot-
an verði afhent á síðasta fjórðungi næsta árs.
KOMST LOKS Í FYRSTU FERÐINA
Reuters
ÞÓTT ekki sé mikill vínandi í blóð-
inu og aðeins timburmennirnir séu
eftir, getur verið hættulegt að aka
bíl daginn eftir að fólk gerir sér
glaðan dag og drekkur of mikið
áfengi. Reyndar mun það vera fjór-
um sinnum hættulegra að aka með
timburmenn en án þeirra, að sögn
fréttavefjar danska ríkisútvarpsins.
Ökumönnum er því ráðlagt að
hugsa sig tvisvar um áður en þeir
setjast undir stýri morguninn eftir
að hafa fengið sér í staupinu. Öku-
menn með timburmenn fara fjórum
sinnum oftar yfir hámarkshraða en
þeir sem drukku ekki kvöldið áður
og þeir fara jafnoft út af akbraut-
inni, samkvæmt rannsókn á áhrifum
timburmanna á ökuhæfnina. Rann-
sóknin var á vegum danska trygg-
ingafélagsins Codan Forsikring og
þátttakendurnir notuðu ökuhermi.
Um 23% telja sig færa um
að aka með timburmenn
Þessar niðurstöður eru áhuga-
verðar í ljósi þess að viðhorfskönnun
í Danmörku bendir til þess að 23%
danskra ökumanna telji sig færa um
að aka bíl morg-
uninn eftir að
hafa fengið sér
neðan í því. Um
þúsund manns
tóku þátt í könn-
uninni.
„Margir vita
því miður ekki að
menn geta átt í
vandræðum með
að aka bíl á for-
svaranlegan hátt daginn eftir fyllirí
vegna þess að viðbragðshæfnin,
dómgreindin og einbeitingin getur
verið verulega skert,“ hefur frétta-
vefur danska ríkisútvarpsins eftir
lækninum og blaðamanninum Jerk
W. Langer.
Það eru einkum karlmenn og ung-
ir ökumenn sem telja sig færa um að
aka þrátt fyrir timburmenn. Um
45% kvennanna í könnuninni sögð-
ust aldrei setjast undir stýri með
timburmenn en aðeins 38% karl-
mannanna. Um 62% ökumanna á
aldrinum 60-74 ára sögðust aldrei
aka með timburmenn en aðeins 27%
ökumanna á aldrinum 18-29 ára.
Timburmenn hættu-
legir í umferðinni
Timburmenn geta
valdið slysum.
LEIÐTOGAR vestrænna ríkja létu í
gær í ljósi miklar áhyggjur af frétt-
um um að Íranar hefðu skotið á loft
langdrægri eldflaug, Sejil 2, í til-
raunaskyni.
Íranar skutu eldflauginni á loft
þrátt fyrir að leiðtogar Vesturlanda
væru að ræða hertar refsiaðgerðir
gegn þeim vegna umdeildra kjarn-
orkuáforma þeirra.
Gordon Brown, forsætisráðherra
Bretlands, sagði að eldflaugar-
tilraunin væri „mikið áhyggjuefni“
og ýtti undir að refsiaðgerðir yrðu
hertar. Brown er í Kaupmannahöfn
vegna loftslagsþings Sameinuðu
þjóðanna og kvaðst hafa rætt málið
við Ban Ki-moon, framkvæmda-
stjóra samtakanna.
„Mjög slæm skilaboð“
Frönsk stjórnvöld sögðu að Ír-
anar hefðu „sent mjög slæm skila-
boð“ með eldflaugartilrauninni og
hún kynti undir áhyggjum Vestur-
landa af kjarnorkuáformum klerka-
stjórnarinnar í Íran.
Benjamin Netanyahu, forsætis-
ráðherra Ísraels, ræddi málið við at-
kvæðamestu ráðherra sína og yfir-
menn hersins.
Stjórnvöld í Bandaríkjunum og
Ísrael hafa ekki útilokað að hervaldi
verði beitt til að hindra áform Írana
um að auðga úran til að búa til elds-
neyti sem hægt væri að nota í
kjarnavopn.
Íranar segjast aðeins ætla að hag-
nýta kjarnorkuna í friðsamlegum til-
gangi, þ.e. til orkuframleiðslu.
Íranar hafa varað við því að þeir
kunni að svara hugsanlegum hernaði
Bandaríkjamanna eða Ísraela með
árásum á bandarískar herstöðvar
við Persaflóa. Þeir hafa einnig hótað
að loka Hormuz-sundi, milli Persa-
flóa og Ómanflóa, og stöðva þannig
siglingar olíuskipa.
Talsmaður Þjóðaröryggisráðs
Bandaríkjanna sagði að eldflaug-
artilraun Írana græfi undan fullyrð-
ingum þeirra um að þeir hygðust að-
eins nýta kjarnorkuna í friðsam-
legum tilgangi. bogi@mbl.is
Eldflaugar-
skoti mótmælt
Hóta Írönum hertum refsiaðgerðum
Reuters
Sejil 2 Langdrægri eldflaug skotið
á loft á eyðimörk í Íran.
Í HNOTSKURN
» Að sögn íranskra stjórn-valda dregur eldflaugin
allt að 2.000 kílómetra.
» Hægt væri að skjóta henniá Ísrael, flest arabaríki og
hluta Evrópu.
TANNSTÖNGULL enska rithöf-
undarins Charles Dickens hefur
verið seldur á uppboði í New York-
borg fyrir 9.150 dollara, jafnvirði
1,2 milljóna króna.
Tannstöngullinn er úr fílabeini
og gulli og upphafsstafir rithöfund-
arins voru skornir á hann. Í bréfi
frá mágkonu Dickens segir að hann
hafi notað tannstöngulinn þar til
hann lést árið 1870.
Fyrir uppboðið var áætlað að
stöngullinn yrði seldur fyrir 3.000
til 5.000 dollara. Eigendur bóksölu-
fyrirtækisins Barnes & Noble seldu
tannstöngulinn en kaupandinn ósk-
aði nafnleyndar.
Tannstöngull Dickens
seldur á rúma milljón
Það er minna mál að skipta
um banka en þú heldur.
Hafðu samband
í síma 540 3200.
Borgartúni 26 · www.mp.is
Varfærni, einfalt þjónustuframboð og
örugg vinnubrögð skipta öllu máli fyrir
fólk og fyrirtæki.
Þannig á banki að vera.
Netgreiðsluþjónusta
Gjaldeyrisreikningar
Sparnaðarreikningar
Yfirdráttur
Debetkort
Launareikningur
Kreditkort
Netbanki
Við í þjónustuverinu
önnumst málin fyrir fólk
frá morgni til kvölds.
Netbankinn stendur
vaktina allan sólarhringinn.
Jónína Gunnarsdóttir, viðskiptastjóri í þjónustuveri
F
í
t
o
n
/
S
Í
A