Morgunblaðið - 17.12.2009, Blaðsíða 16
16 FréttirINNLENT
MORGUNBLAÐIÐ FIMMTUDAGUR 17. DESEMBER 2009
– meira fyrir áskrifendur
Fáðu þér áskrift á
mbl.is/askriftPöntunartími auglýsinga er fyrir klukkan 16.00
föstudaginn 18. desember 2009.
Nánari upplýsingar veitir Katrín Theódórsdóttir
í síma 569 1105, kata@mbl.is
Í þessu blaði verða kynntir fullt af þeim mögu-
leikum sem í boði eru fyrir þá sem stefna á
heilsuátak og bættan lífstíl í byrjun ársins 2010.
Heilsa og
lífsstíll
Morgunblaðið gefur út
glæsilegt sérblað um
heilsu og lífstíl mánudaginn
4. janúar 2010.
Meðal efnis verður:
Hreyfing og líkamsrækt.
Hvað þarf að hafa í ræktina.
Vinsælar æfingar.
Heilsusamlegar uppskriftir.
Andleg vellíðan.
Bætt heilsa.
Ráð næringarráðgjafa.
Umfjöllun um fitness.
Jurtir og heilsa.
Hollir safar.
Ný og spennandi námskeið
á líkamsræktarstöðvum.
Skaðsemi reykinga.
Ásamt fullt af
fróðleiksmolum og
spennandi viðtölum.
Eftir Ágúst Inga Jónsson
aij@mbl.is
MEÐAN flest sveitarfélög halda
að sér höndum er stefnan tekin á
framkvæmdir í Hvalfjarðarsveit.
Framundan er
bygging nýs
Heiðarskóla fyrir
um 650 milljónir
króna. Hluta af
byggingarkostn-
aði á sveitarfé-
lagið í reiðufé,
hluti verður
greiddur með
eignum úr safni
og minnstur
hluti bygging-
arkostnaðar verður fjármagnaður
með lántökum.
Laufey Jóhannsdóttir sveit-
arstjóri segir að vissulega sé þetta
sérstök staða. Hún hafi þó eins og
aðrir forystumenn í sveit-
arstjórnum þurft að taka til í
rekstrinum og aðhalds hafi verið
gætt í hvívetna. Hins vegar sé því
ekki að neita að sveitarfélagið búi
við þá sérstöðu að fá fast-
eignagjöld af tveimur stórum verk-
smiðjum, það er frá Norðuráli og
Járnblendiverksmiðjunni á
Grundartanga. Auk þess sem starf-
að hafi verið af krafti í Hvalstöð-
inni síðasta sumar.
„Ætli við séðum ekki eitt fárra
sveitarfélaga, sem verður í slíkum
framkvæmdum á næsta ári,“ segir
Laufey. „Við gerum ráð fyrir að
byggja meginhluta skólahússins
árið 2010, ljúka framkvæmdum og
taka nýjan skóla í notkun haustið
2011. Skólinn er ætlaður fyrir 130
nemendur með möguleika á við-
byggingu, en núna eru um 100
nemendur í gamla Heiðarskóla.“
Sveitarfélagið á ýmsar eignir og
sérstakt veðmætamat fór fram á
nokkrum þeirra og voru þær metn-
ar á 421 milljón króna. Verktakar
sem taka þátt í útboðinu um bygg-
ingu skólans skuldbinda sig til að
taka eignir fyrir 180 milljónir úr
þessu eignasafni sem greiðslu og
reyndar er verktaka heimilt að
taka allar þessar eignir fyrir 421
milljón sem greiðslu.
Verktaki skuldbindur sig til að
taka yfir raðhúsalengju við gamla
Heiðarskóla að upphæð 36 millj-
ónir. Síðan getur hann valið eignir
eins og gamla Heiðarskóla að upp-
hæð 111 milljónir, hluta úr landi
jarðarinnar Stóru Fellsöxl sem er
metinn á 145 milljónir, námu og
námuréttur fyrir 109 milljónir og
félagsheimilið Fannahlíð upp á 42
milljónir.
Leið sem sveitarfélög
hafa sjaldan farið
„Á þennan hátt fjármögnum við
meira en fjórðung fram-
kvæmdanna og förum þarna leið
sem ég held að hafi yfirleitt ekki
tíðkast hjá sveitarfélögum,“ segir
Laufey. „Tilboð liggja ekki fyrir,
en við áætlum kostnað upp á 650
milljónir með frágangi á lóð og
öðru sem tilheyrir. Sveitarsjóður á
um 250 milljónir í handbæru fé í
þetta verkefni, 180 milljónir að lág-
marki koma úr eignasafni og svo
er í fjárhagsáætlun næsta árs gert
ráð fyrir 100 milljónum í lántökur.“
Þegar sveitarfélagið kynnti
þessa framkvæmd var byrjað á því
að kalla eftir því hverjir hefðu
áhuga á að taka þátt í útboðinu.
Alls sóttu 25 verktakafyrirtæki
gögn og átta skiluðu fullnægjandi
gögnum.
„Þegar nánar var farið yfir gögn
og okkar kröfur stóðu fjögur fyr-
irtæki eftir: ÍAV, Eykt, JÁ-verk og
Vestfirskir verktakar. Við höfðum
vonast til að geta opnað tilboð um
áramót, en það verður að öllum
líkindum ekki fyrr en um miðjan
janúar. Vonandi hefjast fram-
kvæmdir fljótlega upp úr því,“ seg-
ir Laufey.
Raðhús, námur eða félags-
heimili upp í skólabyggingu
Tölvumynd/Studio Strik - arkitektar
Heiðarskóli Ráðgert er að nýr skóli leysi þann gamla af haustið 2011 og á hann að rúma 130 nemendur.
Laufey
Jóhannsdóttir
Við gerð fjárhagsáætlunar Hvalfjarðarsveitar var forstöðumönnum sem
og forsvarsmönnum nefnda gert að koma með tillögur og gengið var út
frá sparnaði. Reynt var að fara ofan í alla kostnaðarliði og dregið úr
kostnaði svo sem frekast var unnt.
Álagningarhlutfall útsvars verður óbreytt frá yfirstandandi ári 13,03.
Fasteignagjöld eru óbreytt frá yfirstandandi ári, sem og lóðaleiga.
Ársverk hjá sveitarfélaginu eru áætluð um 50 og starfsmenn um 60.
Fjárfrekasti málaflokkur sveitarfélagsins, fræðslu- og uppeldismál, eru
um 54% af skatttekjum, eða 257 millj. kr. Gert er ráð fyrir óbreyttri starf-
semi grunn- og leikskóla.
Útsvarið óbreytt 13,03%
KRISTJÁN Þór Júlíusson, þing-
maður Sjálfstæðisflokks, upplýsti á
Alþingi í gær að Ríkisendurskoðun
teldi að gera þyrfti grein fyrir sölu
hlutafjár ríkisins í Arion banka og
Íslandsbanka í fjáraukalögum fyrir
yfirstandandi ár. Slík lög voru sett á
Alþingi í fyrradag en ekki var gerð
grein fyrir þessu þar.
Á fundi fjárlaganefndar í gær-
morgun hafi verið lagt fram álit Rík-
isendurskoðunar sem telji að gera
þyrfti grein fyrir sölunni í fjárauka-
lögum þar sem nýju bankarnir voru
stofnaðir með 100% hlutafjárfram-
lagi ríkisins. „Maður spyr sig í ljósi
umræðunnar um einkavæðingu
bankanna á sínum tíma hvernig
Vinstri grænir ætla að fara í þetta
mál. Geta þeir horft til að eignum
ríkisins sé ráðstafað í algeru heim-
ildarleysi?“ spurði Kristján Þór.
Björn Valur Gíslason, þingmaður
VG, sagði að því tímabili í sögu þjóð-
arinnar væri vonandi lokið á Íslandi
að ríkiseignir væru afhentar vinum
og kunningjum ríkisstjórna. Rétt
væri að rætt hefði verið á fundi fjár-
laganefndar álitaefni milli Ríkisend-
urskoðunar og fjármálaráðuneytis
um ráðstöfun bankanna.
Ríkisendurskoðun telji heimildar-
ákvæði vanta í fjárlög til að ráðstafa
eignunum. Fjármálaráðuneytið hafi
á móti bent á að ríkið hafi með fram-
lagi sínu verið að fjármagna bank-
ana og halda þeim gangandi og
kröfuhafar hafi svo leyst til sín eigur
sínar. Því hafi ekki verið um að ræða
eiginlega ráðstöfun ríkiseigna.
Segir bankana vera selda
í heimildarleysi
SPJÖLL voru unnin á sendiráði Ís-
lands í Kaupmannahöfn í fyrrinótt.
Málningu var slett á veggi og úðað á
eftirlitsmyndavél, rúður og skjaldar-
merki Íslands. Hópur aðgerðasinna
hefur lýst verknaðinum á hendur sér.
Sendiherra Íslands í Danmörku segir
málið í höndum dönsku lögreglunnar.
Svavar Gestsson sendiherra sagði
starfsmenn sendiráðsins hafa tekið
eftir þessu er þeir mættu til vinnu í
gærmorgun. „Síðan voru gerðar við-
eigandi ráðstafanir gagnvart danska
utanríkisráðuneytinu, lögreglu og
öðrum. Síðan er þetta hreinsað.“ Að-
spurður sagði Svavar spellvirkjana
ekki hafa farið inn í sendiráðið.
Fram kemur á vefsíðunni Indy-
media Danmark að spjöll hafi verið
unnin á sendiráðinu. Þar segir jafn-
framt að íslensk stjórnvöld stæri sig
af umhverfisvænni orku. Spellvirkj-
arnir mótmæla því og segja að hug-
takið „græn orka“ sé ekki til, sér í lagi
ef hún er notuð til að knýja þungaiðn-
að.
Spjöll unnin á sendiráði
Íslands í Kaupmannahöfn
Spellvirki Málningu var slett á
veggi og úðað á skjaldarmerki.