SunnudagsMogginn - 18.07.2010, Page 6

6 18. júlí 2010
Fram kemur í viðskiptaáætlun Höfðaborgar, annarrar
stærstu borgar Suður-Afríku, frá árinu 2006 vegna
HM að meðalfjöldi áhorfenda á knattspyrnuleik þar í
borg sé undir 1.000. Hending sé ef fleiri mæti, en
mjög gott þykir ef 15.000 áhorfendur láti sjá sig og
það á stórleik erkifjenda af svæðinu, að því er
staðarblaðið Cape Times greindi frá í vikunni.
Slík aðsókn á deildarleik á Íslandi þætti saga til
næsta bæjar en er aðeins dropi í hafið þegar nýr og
glæsilegur leikvangur borgarinnar er annars vegar.
Völlurinn tekur 64.100 manns í sæti og standa
vonir borgaryfirvalda til að aukinn áhugi borgarbúa á
knattlistinni muni skila hærri aðsóknartölum og þar
með tryggja að 20.000 sæti í neðstu röðum vallarins
verði skipuð þegar best lætur, a.m.k. í bili.
Eins og sjá má hér til hliðar sló Cape Times málinu
upp á forsíðu en þar segir að kostnaðaráætlun vegna
vallarsins hafi rokið upp um 50% eða úr um 50 millj-
örðum í um 74 milljarða króna. Ráðgjafafyrirtækið
PriceWaterHouseCoopers hafi áætlað að þótt allt
gengi upp yrði tap af rekstrinum næstu þrjú árin.
74 milljarða króna
höfuðverkur
Höfðaborgarbúa
R
íflega 700 milljónir manna, hartnær
samanlagður íbúafjöldi Bandaríkjanna
og aðildarríkja Evrópusambandsins,
fylgdust með þegar landsliðum Holl-
endinga og Spánverja var ekið að knattspyrnu-
leikvanginum í Jóhannesarborg síðasta sunnudag.
Nokkrum auglýsingahléum síðar gengu leik-
mennirnir 22 inn á völlinn. Úrslitaleikurinn var
hafinn. Þetta var stór stund í lífi þeirra og kannski
sú stærsta. Hjörtun slógu einnig hraðar umhverfis
völlinn enda augnablikið stórt í sögu þjóðarinnar.
Heimsmeistarakeppnin í knattspyrnu er risa-
vaxið verkefni og hefur verið áætlað að nýafstaðin
keppni hafi kostað Suður-Afríku sem svarar 536
milljörðum króna, að meðtöldum kostnaði við
mannvirkjagerð og uppbyggingu innviða sem
nýtast munu landinu um ókomna tíð.
En borgaði keppnin sig?
Ávinningurinn ofmetinn?
Udesh Pillay, sérfræðingur hjá suðurafrísku rann-
sóknarstofnuninni Human Science Research
Council, svarar spurningunni neitandi. Efnahags-
legur ábati mótshaldsins hafi verið ofmetinn.
Máli sínu til stuðnings bendir Pillay, sem ræddi
fjárhagshlið keppninnar og væntanlega bók sína
um hana við dagblaðið Cape Times fyrir helgi, að
mótið muni auka hagvöxt í landinu um 0,2-0,3% í
ár, samanborið við áætlanir um 3% hagvöxt fyrir
fjórum árum. Á hinn bóginn muni ávinningurinn
ekki koma að fullu fram fyrr en að þremur til
fimm árum liðnum. Virðist liggja í orðanna hljóð-
an að of snemmt sé að skera úr um hvort keppnin
muni reynast sú lyftistöng sem vonast var eftir.
Keppnin snýst ekki aðeins um krónur og aura
og má ætla af umræðunni að Suður-Afríkubúar
séu hreyknir yfir því hversu vel tókst til.
Pillay setur keppnina þannig í stærra samhengi.
Mótið hafi sameinað þjóðina, einhugur sem bjóði
upp á sögulegt tækifæri fyrir þjóð sem löngum var
klofin til að fylkja liði og takast á við áskoranir í
þróunarmálum sem sameinuð þjóð.
„Heimsmeistaramótið gaf okkur tilefni til að
hópast saman og fyllast stolti,“ segir Pillay í sam-
tali við Cape Times og bendir á að keppnin hafi
skapað 120.000 atvinnutækifæri, flest á sviði
framkvæmda og til skamms tíma.
Tvöhundruð milljarða innspýting
Þá hafi á bilinu 250.000 og 300.000 manns heim-
sótt landið gagngert vegna keppninnar og komið
með sem svarar hátt í 200 milljarða króna inn í
hagkerfið, upphæð sem hefði getað orðið hærri ef
FIFA, Alþjóðaknattspyrnusambandið, hefði ekki
sniðið smásölum þröngan stakk við sölu varnings.
Vandi fylgir vegsemd hverri og telur Peroshni
Govender, greinarhöfundur hjá suðurafríska dag-
blaðinu Sunday Tribune, að glæsilegt mótshald
kunni að baka Jacob Zuma, forseta landsins,
vandræði vegna óraunsærra væntinga um að
stjórninni muni takast jafn vel upp í landsmálum.
Zuma hafi nauman tíma til að sanna sig fyrir
sveitarstjórnarkosningarnar á næsta ári, eigi hann
ekki að eiga á hættu að flokksbræður færi sér valta
stöðu hans í nyt og velti honum úr sessi.
Govender minnir á að meðan Zuma blandaði
geði við þjóðarleiðtoga og kvikmyndastjörnur í
heiðursstúkum leikvanganna hafi fátækt fólk
mótmælt skorti á rafmagni og rennandi vatni.
Leikvangurinn nýi í Höfðaborg og skakka stúkan.
Reuters
Tækifæri til að
sameina þjóðina
Einhugur Suður-Afríkumanna
vegna heimsmeistaramótsins
Vikuspegill
Baldur Arnarson
baldura@mbl.is
Fyrir leik Hollands og Úrúgvæ í Höfðaborg.
Reuters
Það yljaði mörgum um hjarta-
rætur að sjá Nelson Mandela
bregða fyrir á úrslitaleik
keppninnar en hann var fjar-
verandi á opnunarleiknum
vegna andláts í fjölskyldunni.
Rætist spár um aukna sam-
stöðu þjóðarinnar vegna
keppninnar gæti hún orðið til
að treysta sáttaarfleifð hans. Nelson Mandela er 92 ára í dag.
Reuters
Draumur um
sættir þjóðar