SunnudagsMogginn - 18.07.2010, Page 43

18. júlí 2010 43
Á
þessari hásumarstíð sem nú ríkir nennir ekki
nokkur maður að hanga inni í húsi og auk þess er
þetta sá tími sem flestir eru í sumarfríi.
Af þessum sökum eru fjöll og firnindi morandi í
útivistarþyrstum Íslendingum.
Borgarflýjandi fólk flæðir yfir landsbyggðina og allir eru
áfjáðir í að njóta náttúrunnar alveg í botn.
Enginn vill missa af sumrinu.
Ofvirkni verður almenn og líkamlegt þol og þor eykst til
muna.
Viðþolslausir klífa landsmenn ný fjöll, sigra fleiri firði,
skoða sem flest þorp og útnára, synda í sjónum og gleypa í sig
súrefni í sem mestu magni.
Vekja jafnvel upp í sér sveita-
durginn eða dreifbýlistúttuna.
Allt er þetta hið besta mál og
full ástæða til að hvetja fólk til
að stíga skrefið til fulls í hungri
eftir hverskonar náttúru og taka
sér fugla himinsins til fyrir-
myndar, kýrnar í túninu, lömb-
in í lautinni og hrossin í hag-
anum.
Fólk ætti hiklaust að nota
sumarið til að framkalla fugla-
söng hvað í öðru, baula jafnvel í
tíma og ótíma.
Finna í sér nautseðlið, krafla
og krafsa með löppunum og
stanga og hnoða með hausnum sinn heittelskaða.
Konur gætu tileinkað sér gimbrajarm þegar þær langar í
gott í kroppinn og hver getur staðist karl sem kumrar eins og
hrútur þegar hold hans vex til ástarleikja?
Eða getur nokkur karl staðist konu sem hneggjar eins og
hryssa í látum þegar lendar hennar loga?
Rekið nú dúandi barminn framan í nautin ykkar (karlana)
kæru konur og baulið biðjandi eftir kossum þeirra.
Brokkið og töltið hvenær sem því er við komið og sláið til
tælandi taglinu.
Skvettið upp rassinum.
Leikið lausum hala og slettið úr klaufunum.
Dillið dyndlum á fjallatoppum og látið ekki hjá líða að kasta
ykkur niður í grængresið og kljást svolítið.
Staldrið við í þúfnaganginum og nartið hraustlega hvert í
annars feld.
Lítið á nálægan grasblett sem hvern annan skeiðvöll og
takið hvort annað til kostanna.
Sjáumst aftur að afloknu dýrslegu sumarfríi!
Hneggjandi
hold og baul-
andi brjóst
Stigið í
vænginn
Kristín Heiða
khk@mbl.is
Kynhegðun nautgripa getur kennt okkur ýmislegt.
Morgunblaðið/Skapti Hallgrímsson
’
Konur gætu
tileinkað
sér gimbra-
jarm þegar þær
langar í gott í
kroppinn og hver
getur staðist karl
sem kumrar eins
og hrútur þegar
hold hans vex til
ástarleikja?
Gatan mín
É
g er alin upp úti á landi og er ekki
stundum sagt að allt líf okkar litist af
æskunni? Þegar ég fluttist til Reykjavík-
ur um tvítugsaldurinn bjó ég fyrstu árin
vestur í bæ en það var eins og ég fyndi sjálfa mig
loksins aftur þegar ég flutti í austurborgina. Var
fyrst hér í Skipasundi en fluttist hingað í Álf-
heimana fyrir um það bil fimm árum og er alsæl
hérna. Þetta hverfi minnir mig í raun á friðsælt
sveitaþorp úti á landi og þannig samfélagi vil ég
búa í,“ segir Kristjana Brynja Sigurðardóttir.
Álfheimar tengja saman Suðurlandsbraut og
Langholtsveg. Ofanvert við götuna eru þríbýlis-
hús en neðra eru fjölbýlishús sem liggja niður að
Laugardalnum. Þessar blokkir, sem eru byggðar
fljótlega upp úr 1960, eru alls átta talsins með
þremur stigagöngum hver.
„Ótrúlega margir eiga góðar minningar sem
tengjast Álfheimunum. Oft hitti ég fólk sem er
orðið harðfullorðið og segir mér með bliki í auga
að það hafi átt ömmu eða afa sem bjó í einhverri
blokkanna hér. Með öðrum orðum sagt þá hefur
myndast hér afskaplega góð blanda íbúa sem eru
á öllum aldri. Nokkrir frumbyggjanna eru hér
ennþá en mikið af yngra fólki sem jafnvel hefur
einhver tengsl við þetta svæði. Og eins og gjarnan
er í hverfum sem byggðust fyrir kannski fjörutíu
árum þá er þar orðin endurnýjun kynslóða og þá
mikill barnafjöldi. Einmitt það gerir mannlífið
hér í Álfheimum svo skemmtilegt. Fyrir dóttur
mína, Sigurlaugu Þóru sem er ellefu ára, er aðeins
örstutt í Langholtsskóla, þar sem gengið er eftir
upplýstum göngustíg. Nálægðin við skólann er
raunar ein af helstu ástæðum þess að ég flutti mig
hingað á sínum tíma,“ segir Brynja.
Í fjölmennu hverfi er margbreytt mannlíf. Einn
er svona og annar hinsegin. Meginþorra fólksins
semst prýðilega við samferðafólk sitt en á því
geta verið undantekningar. Eða hver þekkir ekki
geðvonda karlinn sem hleypur út á eftir krökk-
unum þegar gert er bjölluat eða konuna sem
stekkur út þegar einhver missir bolta inn á lóðina
hennar? Svoleiðis týpur eru alltaf til; sumar í
raunheimum en aðrar lifa í sjálfstæðu lífi ímynd-
unaraflsins. „Blessunarlega erum við laus við
svona fólk hér í Álfheimum. Flestir komast af-
skaplega vel af við nágranna sína og þetta hverfi
er að mestu leyti laust við þá menningar-
sjúkdóma sem eru svo víða áberandi,“ segir
Brynja.
Álfheimar eru á býsna góðum stað, gatan við
austurbotn Laugardalsins og hefur þar skjól frá
Hálogalandshæð, þar sem Langholtskirkja og Sól-
heimablokkirnar gnæfa yfir svo sést vítt að.
„Á sumrin er þessi staður í raun engu líkur. Ég
hef fallegar suðursvalir þar sem sólar nýtur allan
daginn. Á góðum sumardögum eins og núna er
sólin komin upp á miðjum morgni og síðla kvölds
sést hún setjast vestur í Faxaflóa svo himininn
logar og Snæfellsjökull er gylltur. Sólin í Álfheim-
unum er afar sérstök. Og í þessum hitapotti hér
eru ræktunarskilyrðin alveg frábær. Ég rækta
tóbakshorn í blómapotti úti á svölum og þar er ég
einnig með kassa hvar matjurtir eins og graslauk-
ur og steinselja dafna alveg prýðilega. Og hér fyr-
ir utan er stór lóð sem er frábær leikvöllur
krakkanna, þar sem þau una sér frá því snemma
á morgnana og langt fram á kvöld. Þetta og svo
margt annað gerir Álfheimana að bestu götu bæj-
arins og finnst mér það vera síst ofmælt.“
sbs@mbl.is
Morgunblaðið/Eggert
Sól í Álfheimunum
1
Reykjavík
Álf
he
im
ar
Suðurlandsbraut
Reykjavegur
Laugarásvegur
Árm
úli
Sundlaugavegur
Langholtsvegur
Síðum
úli
2
1. Héðan úr Álfheimunum er alveg mátulegur göngu-
túr um dalinn í Laugardalslaugina, þangað sem við
mæðgur förum oft. Maður hittir gjarnan skemmtilegt
fólk í laugunum enda eru heitu pottarnir alveg frábær-
ir. Notalega heitir. Sundlaugarnar eru einstök lífsgæði
okkar Íslendinga. Þá má heldur ekki gleyma þeirri
paradís sem Fjölskyldu- og húsdýragarðurinn er með
alla sína möguleika til afþreyingar enda elska allir
krakkar, sama á hvaða aldri þeir eru, að koma þar við.
2. Komi gestir í heimsókn til mín finnst mér gaman
að bjóða þeim á Kaffi Flóru í Grasagarðinum í Laug-
ardal. Súkkulaðikakan þar er sjúkleg og á heimleið úr
sundlaugunum er notalegt að koma þar við og fá sér
salat. Svo er líka gaman að rölta um í garðinum, þar
sem sjá má líklega flestar þær plöntur sem dafna á Ís-
landi. Þá er fuglalífið við andatjörnina þarna fjölbreytt
og kvak fugla heyrist alla leið heim í Álfheima.
Uppáhaldsstaðir