SunnudagsMogginn - 26.09.2010, Side 6

6 26. september 2010
Eftir að dómur í máli Teresu Lewis
gekk grófu lögmenn hennar upp
gögn sem þeir telja sanna að
Matthew Shallenberger hafi dreg-
ið Lewis á tálar en ekki öfugt.
Lögðu þeir annars vegar fram yf-
irlýsingu hans, þess efnis að hann
hefði skipulagt morðin og hins
vegar bréf frá honum til unnustu
sinnar, þar sem hann kveðst hafa
gabbað Lewis til að falla fyrir sér í
því skyni að komast yfir trygg-
ingaféð. Ekki verður Shallenber-
ger spurður nánar út í þessar full-
yrðingar úr þessu því hann svipti
sig lífi í fangelsinu árið 2006.
Þessar upplýsingar voru aldrei
lagðar fyrir dóm en Bob McDon-
nell ríkisstjóri hafði vitneskju um
þær þegar hann sagði sitt loka-
orð. Honum var einnig kunnugt
um að Lewis hafði verið greind
með röskun sem gerði það að
verkum að hún var alla tíð háð
öðru fólki og að hún væri háð
verkjalyfjum.
Saksóknari svaraði þessu á
þann veg að fyrir hefði legið að
Lewis hefði með skipulegum
hætti reynt að taka út fé af reikn-
ingum bónda síns, fyrir og eftir
ódæðið. Það benti til meira sjálf-
stæðis og vitsmuna en lögmenn
hennar vildu halda fram.
Í úrskurði sínum gat McDonnell
ríkisstjóri þess að enginn læknir
hefði sýnt fram á að Lewis félli
undir þá skilgreiningu að vera
þroskaheft enda þótt greind-
arvísitala hennar væri lág.
Lögmenn Lewis fóru fram á það
við hæstarétt Bandaríkjanna að
málið yrði tekið upp að nýju á
þeim forsendum að upprunalegur
lögmaður hennar hefði ekki kann-
að hvort Lewis væri yfirhöfuð fær
um ráðabrugg af þessu tagi vegna
takmarkaðrar greindar og and-
legrar viðkvæmni. Beiðni lög-
mannanna var ekki tekin til
greina.
Hver var raunverulega dregin(n) á tálar?
Nýleg mynd af Teresu Lewis.
T
eresa Lewis, sem dæmd var fyrir að
leggja á ráðin um morð á eiginmanni
sínum og syni hans fyrir átta árum, var
tekin af lífi með banvænni innspýtingu á
fimmtudag, fyrst kvenna í Bandaríkjunum í fimm
ár og fyrst kvenna í Virginiu-ríki frá árinu 1912.
Málið vakti mikla athygli í Bandaríkjunum og víð-
ar enda þóttu áhöld um að dómurinn væri sann-
gjarn vegna meintrar andlegrar vanhæfni Lewis.
Lögmenn hennar og velunnarar, þeirra á meðal
spennusagnahöfundurinn John Grisham, börðust
fram á elleftu stundu fyrir náðun á grundvelli þess
að Lewis, sem var með greindarvísitöluna 72, væri
á þröm þess að vera þroskaheft, auk þess sem hún
hefði aðeins verið viljalaust verkfæri í höndum
ungu mannanna tveggja, sem frömdu ódæðið, í
því skyni að komast yfir sparifé og líftryggingar
feðganna, hundruð þúsunda dala.
Lokaorðið var hjá Bob McDonnell, ríkisstjóra
Virginiu, en hann synjaði að vel athuguðu máli
Lewis náðunar á þeim forsendum að glæpur
hennar væri svívirðilegur. Því fór sem fór.
Málið í höndum Jesú Krists
Hermt er að Lewis hafi hangið á haldreipi sínu í
klefanum á dauðadeildinni síðustu dagana –
trúnni. „Hún segir að málið sé nú í höndum Jesú
Krists,“ sagði lögmaður hennar skömmu fyrir af-
tökuna. Sjálf lét Lewis hafa eftir sér að hún iðraðist
frá dýpstu hjartarótum og óskaði þess að verkn-
aðurinn hefði aldrei verið framinn. Síðasta máltíð
Lewis hérna megin var kjúklingur. Hún var 41 árs.
Forsaga málsins er sú að Teresa Lewis hitti tvo
unga menn, Matthew J. Shallenberger, 21 árs, og
Rodney L. Fuller, 20 ára, í kassaröðinni í Wal-
Mart-verslun í Pittsylvania-sýslu árið 2002, sam-
kvæmt vitnisburði. Vinskapur tókst með þríeyk-
inu, bæði á andlegum og holdlegum nótum. Lewis
laðaðist sérstaklega að Shallenberger og laugaði
hann í gjöfum. Staðfest er að hún naut ásta þeirra
beggja, auk þess að hvetja sextán ára gamla dóttur
sína til að sænga hjá Fuller.
Fljótlega kom upp sú hugmynd að ungu menn-
irnir myndu myrða eiginmann Lewis, Julian C.
Lewis, 51 árs, og 25 ára gamlan son hans, Charles.
Markmiðið var einfalt: Að hirða líftrygginguna.
Fyrir dómi kom fram að Lewis lét ungu menn-
ina tvo hafa fé til haglabyssukaupa, andvirði tæp-
lega 140 þúsund króna. Hún skildi svo dyrnar á
hjólhýsi þeirra hjóna eftir opnar nóttina sem Shal-
lenberger og Fuller bar að garði, 30. október 2002.
Horfði svo hin rólegasta á meðan þeir skutu feðg-
ana til bana. Meðan bóndi hennar lá í blóði sínu fór
hún í veski hans og afhenti Shallenberger 300 dali
sem þar var að finna. Að því búnu hurfu tilræðis-
mennirnir á braut.
Lewis beið í þrjá stundarfjórðunga áður en hún
hringdi í neyðarlínuna. Þegar lögreglan kom var
eiginmaður hennar ennþá með lífsmarki. „Konan
mín veit hverjir léku mig svona grátt,“ er hermt
að hann hafi sagt. Síðan var hann allur.
Lewis neitaði í upphafi allri sök en gaf sig fljótt
og vísaði lögreglu á banamennina. Árið 2003 var
hún dæmd til dauða fyrir að skipuleggja morðin,
Shallenberger og Fuller fengu hvor um sig lífstíð-
ardóm. Dóttir Lewis, Christie Lynn Bean, fékk
fimm ára fangelsisdóm fyrir að þegja yfir áformum
þríeykisins, sem henni var kunnugt um.
Var hún fær um að
skipuleggja morð?
Teresa Lewis tekin af lífi þrátt
fyrir áhöld um andlega hæfni
Teresa Lewis þegar hún var handtekin fyrir að leggja á ráðin um morð.
Eins og gefur að skilja er vistin á dauðadeild nöturleg.
Reuters
Vikuspegill
Orri Páll Ormarsson orri@mbl.is
Frá því dauðarefsingin var
endurvakin í Bandaríkjunum
á́rið 1976 hafa 108 ein-
staklingar verið teknir af lífi í
Virginiu-ríki, þar af þrír á
þessu ári, í valdatíð Bobs
McDonnells ríkisstjóra. Allir
voru þeir dæmdir fyrir morð,
sumir fyrir fleiri en eitt, jafnvel
fleiri en tvö. Teresa Lewis er
fyrsta konan í hópnum.
108 teknir af
lífi frá 1976
Bob McDonnell ríkisstjóri.