SunnudagsMogginn - 26.09.2010, Blaðsíða 2

2 26. september 2010
4-8 Í spegli vikunnar
Var hún fær um að skipuleggja morð?, gömul loforð í nýjum umbúðum
og neyðarlegir foreldrar á fésinu.
24 Það þarf hugrakka menn
Guðmundur Ólafsson hagfræðingur talar um refsigleði, hugrakkan
þingmann Sjálfstæðisflokksins og vonda skattastefnu stjórnvalda.
27 Kynfræðingur á ferð og flugi
Jóna Ingibjörg Jónsdóttir opnar myndaalbúmið.
32 Þetta snýst ekki bara um að veiða?
Breska veiðikonan Lilla Rowcliffe er kunn fyrir að hafa veitt óvenju-
stóra fiska. Í tæp tuttugu ár hefur hún veitt í Aðaldalnum.
42 Drekinn sem gleypti sólina
Rætt við leikstjóra kvikmyndarinnar When
the Dragon Swallowed the Sun sem sýnd er á
Alþjóðlegri kvikmyndahátíð í Reykjavík.
44 Ert þetta þú, Guð?
Gítargoðið Eric Clapton gefur út plötuna Clap-
ton eftir helgi sem inniheldur blöndu af frum-
sömdum lögum og tökulögum.
45 Litríkir þræðir
Mannleg samskipti eru ákveðin list, oftast skemmtileg og gefandi en
stundum líka óvænt og flókin.
Lesbók
48 Að spyrja efnið
„Mér er alveg sama í hvaða efni ég vinn,“ segir Erlingur Jónsson mynd-
höggvari sem sýnir verk sín í Listasafni Sigurjóns Ólafssonar.
50 Af víðförlum mönnum
Einar Már Guðmundsson fjallar um Thor Vilhjálmsson í tilefni af 85 ára
afmæli þess síðarnefnda fyrir skemmstu.
52 Gefandi textar og næmir
Lesari vikunnar er Hildigunnur Sverrisdóttir arkitekt.
36
Efnisyfirlit
Forsíðumyndina tók Kristinn Ingvarsson af hjartaígræðslu í Gautaborg.
Umsjón Sunnudagsmoggans: Pétur Blöndal, pebl@mbl.is Umsjón Lesbókar: Einar Falur Ingólfsson, efi@mbl.is Ritstjórn Sunnudags-
moggans: Arnar Eggert Thoroddsen, Árni Matthíasson, Bergþóra Njála Guðmundsdóttir, Bergþóra Jónsdóttir, Helgi Snær Sigurðsson, Hugrún
Halldórsdóttir, Hólmfríður Gísladóttir, Inga Rún Sigurðardóttir, Ingveldur Geirsdóttir, Kolbrún Bergþórsdóttir, Kristín Heiða Kristinsdóttir, María
Ólafsdóttir, Orri Páll Ormarsson, Signý Gunnarsdóttir , Skapti Hallgrímsson.
43
36
Augnablikið
F
innur einhver lykt af Pepsíi? Ungur maður
vopnaður gjallarhorni varpar fram þessari
spurningu í áhorfendastúkunni við Þórs-
völlinn á Akureyri. Það er laugardagur 18.
september 2010, klukkan er að nálgast fjögur.
Fjöldi áhorfenda bregst við með lágværum hlátri.
Líka einstaka maður niðri á vellinum, en enginn
þorir að hlæja dátt. Ekki alveg strax. Sæti í efstu
deild er ekki öruggt fyrr en flautað verður af fyrir
sunnan.
Að minnsta kosti einn leikmaður er í símanum,
kófsveittur eftir leik sem nýbúið er að flauta af. Í
stúkunni sjást nokkrir símar við eyra.
„Staðan er ennþá 3:1, það er búin 91 mínúta,“
kallar stuðningsmaður í stúkunni. Hann hafði
hringt í vin. Sá er staddur á Leiknisvellinum í
Breiðholti þar sem Leiknir glímir við Fjölni. Vík-
ingar tryggðu sér sæti í úrvalsdeilinni, sem kennd
er við Pepsí, viku fyrr en Leiknir og Þór gerðu báðir
tilkall til annars sætis í 1. deild og þar með að kom-
ast í hóp þeirra bestu næsta sumar.
Leiknismenn voru með pálmann í höndunum
fyrir síðustu umferðina í dag. Þeim nægði jafntefli
en Þór þurfti að sigra Fjarðabyggð og treysta á að
Breiðhyltingarnir töpuðu.
Fljótlega eftir að blásið er til leiks í Glerárhverfi og
Breiðholti berast þær fregnir að Fjölnir hafi tekið
forystu.
Hjarta vallarstjóra Þórsara virðist hætta að slá ör-
skamma stund því nánast samtímis gera Þórsarar
fyrsta markið. Hann fölnar af spenningi. „Eigum
við að tilkynna stöðuna fyrir sunnan? Nei. Stein-
þegjum.“
Skyldi þetta verða okkar dagur? hugsar lífs-
reyndur maður niðri við völlinn.
Mörkin hrannast svo upp. Lokastaðan er 9:1 fyrir
Þór. Klukkan stöðvast á 91:11.
Rétt fyrir leikslok hringir síminn í vasa mínum.
„Heldurðu að þetta sé ekki orðið öruggt?“ spyr
maður nákominn mér.
„Veistu hvernig staðan er?“ spyr ég.
„Já, ég er austan við völlinn. Í bílnum.“
Ég sá bílinn í fjarska. Þessi mikli Þórsari hefur
ekki þorað á völlinn í mörg ár vegna spennings, en
stóðst ekki mátið í þetta skipti. Draumurinn er að
rætast og hann hefur drifið sig af stað þegar ekkert
gat lengur klikkað!
„Staðan er ennþá 3:1, það eru búnar rúmar 92
mínútur,“ kallar maðurinn í símanum í stúkunni.
Svo leggur hann fingur á varir sínar. Biður um
hljóð. Í nokkur andartök má heyra saumnál detta.
Svo verður allt vitlaust.
Menn taka á sprett. Dansa. Faðmast. Brosa. Sumir
hafa ekki brosað svona breitt í mörg ár. Sumir hafa
ekki hlaupið svona hratt í mörg ár!
Krakkarnir sem laumast inn í búningsklefann og
fylgjast með áframhaldandi fögnuði þar hafa aldrei
séð annað eins. Þeir hafa heldur aldrei séð Þór spila
í efstu deild karla. Það upplifa þeir í fyrsta skipti
næsta sumar. skapti@mbl.is
Brosað út að eyrum. Nokkrir ungir Þórsarar laumuðust inn í búningsklefa þegar sæti í Pepsídeildinni var í höfn.
Morgunblaðið/Skapti Hallgrímsson
9-1 91:11
2. október
Hátíðin Haustroði
haldin á Seyð-
isfirði. Markaðir,
ljósmynda- og
sultukeppni, leiðsögn um
gamla bæinn.
2. október
Jógvan Hansen og kórinn 17
Sangarar frá Klaksvík í Fær-
eyjum syngja í Langholts-
kirkju.
2. okt
Matarveislan
Sauðkindin haldin
á Laxárbakka í
Hvalfjarðarsveit.
Á boðstólum
verður ýmislegt gómsætt sem
tengist íslensku sauðkindinni.
Veislustjórn, harmonikku-
leikur og hópsöngur undir
borðum.
Við mælum með …
6. október
Björn Finnsson kynnir hnútagerðarlist og kennir viðstöddum að búa til
apahönd í Gerðubergi miðvikudaginn sjötta október. Apahönd er skraut-
hnútur sem myndar eins konar bolta sem hægt er að nota í ýmsum til-
gangi, til að mynda sem lyklakippu eða sem leikfang fyrir hunda. Efniviður
verður á staðnum og fá gestir að útbúa sína eigin apahönd og taka með
sér heim. Björn Finnsson er áhugamaður um ýmiss konar handverk og
hefur leiðbeint börnum og fullorðnum um árabil á ýmsum vettvangi.
Áttu apahönd?
Fitul í t i l l Ferskur Jógúrt ís
Hollusta &
Ferskleiki
FroYo jógúrtís
fæst aðeins í
FroYo jógúrtís
er á Facebook
Ávextir – Hnetur – Granola – Nammi
Yfir 40 tegundir af fersku og spennandi meðlæti
Nýr frábær Jó
gúrtís
ferskari og fit
uminni
Fituinnihald m
inna en 1%
Fjöldi spenna
ndi bragðtegu
nda
Ísbúðinni Álfheimum 4
S í m i 5 6 8 0 0 5 0 · f r o y o @ s i m n e t . i s