Skólablaðið - 01.11.1965, Side 4

30 -
Nítjánhundruðtuttuguogfimm :
Kaldur haustmorgunn. Á stéttinni
fyrir framan Menntaskólann er nýorpin
og rjúkandi taðhrúga. Vel limaður fákur,
blakkur að lit stendur tjóðraður við einn
steinstöpulinn og stappar óþreyjufullur
niður fótunum. Þetta er skáldfákurinn
Pegasus, nýkembdur og gljáandi.
Nú opnast dyr skólans og út koma
piltur og stúlka, þau leiðast. Hann er
buinn reiðbuxum og i stigvelum með
sporum og stúlkan heldur á gullreknu
keyri 1 hendinni. Þau stfga á bak og
tvímenna niður slakkann, berbakt.
Þar hélt úr hlaði Skóiablað.
Hefst nú litrrk og reyfarakennd saga.
Saga um þann, sem hyggst éta heila
melónu 1 einum bita, svelgist á:og iiggur
við köfnun, en tekst þó að slinga gat á
með bandprjóni og andar með háu, sker-
andi blístri, likast bilaðri blokkflautu.
Afkomendur höggormsins illa þeysa
fram á ritvöllinn, hrista vopn sfn svo
bylur í en missa þau þó oftast.
r rúmlega 40 ár hjarir málgagn
menntlinga, móttökur dræmari með ári
hverju. Blaðið fjarlægist stöðugt les-
endur srna, eða öllu heldur öfugt. Les-
andinn kærir sig ekki um sögu, hvar
segir frá ást í meinum ellegar litlum
strák, sem pissar á ská onú skurð. Hann
vill sinn Bond og Ed Sullivan. Tímarn-
ir eru breyttir. Science fiction hefur
leyst H. C. Andersen af hólmi.
Eina viðunandi skýringin á tilveru
Skólablaðsins x núverandi formi er sú,
að meðal talnaelskandi vélmenna nútím-
ans eru fáeinir dragbítar, sem hættu að
fylgjast með fyrir 20 árum. f stað þess
að helga sig hormónum og kóordínata-
kerfi hengja þessi viðrini haus, dýrka
húmanismann og hafa vísindalega sannað-
ar formúlur um lífið og tilveruna að
engu.
Á herðum þessara sérvitringa hefur
Skólablaðið hvilt frá upphafi, öílum dug-
andi og réttsýnum mönnum til ama.
Þvú getur það tæpast talizt svartsýni að
ætla, að dagar Skólablaðsins séu senn
taldir. Hringur þeirra, er í blaðið rita
þrengist stöðugt. Hin síðari ár hefur
mestur hluti ritstarfa hvílt á ritnefnd
sjálfri, sem er óeðlilegt og fjarri hinurn
a^skilega tilgangi skólablaðs.
£g hét í upphafi að gera lítillega
grein fyrir tilhneigingum þeim, er liggja
að baki skrifum í Skólablaðið. í fljótu
bragði kann að virðast vandkvæðum bund-
ið að finna viðhlítandi svar við spurningu
þeirri, er borin var fram hér á undan
( þ. e. hvert væri markmiðið með útgáfu
Skólablaðsins ). Lausnin er þó nær en
flesta grunar. Hafi Skólablaðið haft
praktiskan tilgang í byrjun er hann úr
sögunni í dag. Sá sem vill koma fram-
leiðslu sinni fyrir almenningssjónir, birt-
ir þær að sjálfsögðu ekki í Skólablaðinu.
Hafi Skólablaðinu verið ætlað að jDjóna
littererum tilgangi, er ekki svo arið 1965.
Nemendum leiðist allajafna litterert
Skólablað, enda nenna þeir ekki að lesa
sögur og ljóð félaga sinna, einfaldlega
vegna þess að það stenzt ekki saman-
burð við aðrar bókmenntir, sem á boð-
stólum eru.
Semsé : Markmið og tilgangur engin.
Það, sem heldur lífinu í* Skólablaðinu
í dag er :
1) óeðlilegur þrældómur ritnefndar.
2) Persónulegt vinfengi skriffærra manna
við ritnefnd og ritstjóra.
3) "Óskiljanleg" hugsjón örfárra "óskilj-
anlegra" manna um nauðsyn skóla-
blaðs í menntaskóla etc........
Mörgum kann vafalaust að finnast ég
bölsýnn um efni fram. Ég vona einnig
innilega að svo sé. Fari hins vegar
svo, að Skólablaðið lognist útaf sakir
áhugaleysis, er félagslífi Menntaskólans
óbætanlegt tjón unnið.
25. nóvember,
jóhannes Björnsson