Skólablaðið - 01.11.1965, Side 27

- 53 -
ber það vott um smekkvísi. Ýmsir
vildu annan, "af tvennu illu", en einn sá
engan mun og er geðlæknum borgarinnar
þar bent á girnilegt viðfangsefni.
En, sem sagt, fleiri kusu vöxt jóhannes-
ar, og má þar kenna um vexti mótfram-
bjoðanda, sem þykir ekki girnilegur til
froðleiks.
Áfengismál
Sp. : Hvort viljið þér heldur neyta áfeng-
is eins og ólafur Guðmundsson
eða hinir Menntskælingarnir ?
Úrslit : Bytturnar 74
ólafur 21
Auðir 4
• • • og þar fór miður. Virðist vm-
hneigð Menntaskólanema vera orðin helzt
til áköf. Þykir okkur sýnt, að ritstjóri
vor, ritnefnd og Ólafur Guðmundsson
þurfi að fara á stúfana og ræða nánar
við þessa Bakkusaráhangendur.
£0) Dulinn kynþokki
Sp. : Hvort finnst yður, að Hörður
Erlingsson eigi að klæðast sund-
skýlu eða hinum fötunum sinum ?
Úrslit: Sundskýlan 57
Hin fötin 36
Auðir og ógildir 7
Ekkert nema gott eitt er um þessar
niðurstöður að segja. Sýna þær, að
°bbinn af nemendum vill hafa Hörð lett-
kleeddan. Mundi Hörður eflaust ganga
til móts við óskir nemenda í þessum
efnum, ef nú væri ekki vetur og kalt í
veð ri.
Úr einum kvennabekk kom ósk um, að
Hörður klæddist brynju, en þar sem
Skólablaðið er ekki vettvangur kynferðis-
iegra vandamála, stöðvum við þá um-
rseðu. '
Ein stúlka bað um Hörð með gimstein í
naflanum, og er hún beðin að mæta í
Sundlaug Vesturbæjar á gamlaárskvöld.
"Hin fötin, í guðsbænum", svaraði önnur,
og er henni bent a að tala við Hörð a nyars-
dag.
Kvennamal
Sp. : Finnst yður framkoma Dodda töff í
kvennamálum til eftirbreytni ?
Úrslit: Til fyrirmyndar 25
Öðrum til aðvörunar 66
Auðir og ógildir 9
Niðurstöður þessar ollu okkur vonbrigðum
og sýna þær, að siðgæðisvitund nemenda er
ekki eins mikil og maður gæti freistazt til
að halda í timum hjá ýmsum kvenkennurum
skólans. ókunnugt er okkur um kvennafar
á Þorvarði, en eflaust fer hann oft a
kvennaveiðar þegar hann er einn.
BÓkmenntaáhugi
Sp. : Finnst yður hin andlegu nærklæði Sig-
urðar Pálssonar skálds, klæða list-
rænt höfuð skáldsins ?
Úrslit: Skáldið ljótt með húfuna 27
Skáldið sætt með húfuna 68
Auðir og ógildir 5
Þar sem telja má húfu Sigurðar symbol fyr-
ir skáldskap hans, má af þessu sjá afstöðu
manna til Sigurðar og ættjarðarljóða hans.
Ekki höfðaði spurningin til fegurðartilhneig-
ingar nemenda, heldur öllu fremur til
skáldskaparhneigðar þeirra. Má telja skól-
ann á réttri leið í áttina til göfugra lista.
Einn svaraði húfan sæt með skáldið, og
teljum við þar svívirðilega sneitt að skáld-
inu, sem er góður maður og gegn, og trúr
sinni konu. Annar sagði, að skaldið væri
ljótt án húfunnar, og má spyrja þann mann,
hvort hann hafi verið við fæðingu skáldsins,
en það er í eina skiptið, sem vitað er um
skáldið húfulaust.
Niðurlagsorð
Skv. þessu hefur meirihluti nemenda dæmt
sig fyndinn, snyrtilegan, vel vaxinn, drykk-
felldan, fylgjandi fáklæði, siðgæðisrikan í
kvennamálum og bókmenntalega hneigðan.
Og geri svo Gallup betur. ^