Morgunblaðið - 01.07.2010, Qupperneq 18

18 FréttirINNLENT
MORGUNBLAÐIÐ FIMMTUDAGUR 1. JÚLÍ 2010
ÚR BÆJARLÍFINU
Skapti Hallgrímsson
Akureyri
Enn er hátíð í bæ! Bíladagar og stúd-
entadagar að baki og þá renna upp knatt-
spyrnudagar. Í gær hófst árlegt N1-mót KA
fyrir stráka í 5. aldursflokki og eru keppendur
um 1.500; fleiri en nokkru sinni. Þessi hátíð er
þar með stærsta knattspyrnumót sem haldið
hefur verið á Íslandi, að sögn mótshaldara.
  
Þetta er í 24. skipti sem KA-menn halda
mótið, sem áður var kennt við Esso. Til leiks
mæta 168 lið frá 35 félögum. Með þjálfurum og
liðsstjórum eru þátttakendur um 1.800.
  
Boðið verður upp á snilldartakta á KA-
vellinum en líklega ekki síður á Þórssvæðinu
þar sem heldri knattspyrnukempur eigast við
á árlega Pollamóti. Þar eru líka fleiri kepp-
endur en áður og þátttaka í kvennaflokki slær
öll met. „Gamla“ fólkið er líklega betur á sig
komið hér á landi en áður...
  
Samkvæmt spánni verður sólarlaust og
rigning næstu daga hér í höfuðstaðnum. Sem
betur fer á að vera nokkuð hlýtt og lygnt.
Kannski maður eigi að vera feginn; kominn
með strengi í úðarahöndina og lóðin samt að
skrælna.
  
Ljótu Hálfvitarnir halda þrenna tónleika á
Græna Hattinum um þessa helgi; fimmtudag,
föstudag og laugardag.
  
Djasstríóíð Hrafnaspark og Unnur Birna
Björnsdóttir fiðluleikari halda tónleika í Deigl-
unni í kvöld.
  
Útvarpsstöðin Radiophonic er nú starf-
rækt á Akureyri og sendir út á fm-tíðninni
101,7. Það eru krakkar úr Vinnuskólanum sem
starfa á stöðinni en hún er samstarfsverkefni
skólans og félagsmiðstöðvarinnar. Sent er út
frá klukkan átta að morgni til miðnættis. Út-
sendingar hófust 9. júní og sent verður út þar
til 15. ágúst. Alls fengu 30 unglingar starf á
stöðinni, nú eru þar 15 og jafnmargir síðar í
sumar.
Knattspyrnudagar, úr-
valsdjass og hálfvitar
Morgunblaðið/Skapti Hallgrímsson
Radiophonic Nokkrir útvarpsmannanna. Sitjandi er Aron Rósinberg Antonsson og stand-
andi, frá vinstri, Telma Hrund Davíðsdóttir, Hákon Guðni Hjartarson, Árni Víðir Jóhannesson,
Gunnlaugur Víðir Guðmundsson (forstöðumaður félagsmiðstöðvarinnar) og Tómas Ólafsson.
Hlynur Orri Stefánsson
hlynurorri@mbl.is
„Það er og verður alltaf til hagsbóta
fyrir Íslendinga að hér sé lifandi sam-
keppni,“ segir Hugi Hreiðarsson,
markaðsstjóri hjá Atlantsolíu. „Ef
það væri bara eitt olíufélag hér myndi
það leiða til stöðnunar, fákeppni og
kostnaður neytenda myndi margfald-
ast.“
Í Morgunblaðinu í gær kom fram
að m.a. vegna samkeppni á milli olíu-
félaga hafa a.m.k. einhver þeirra of-
fjárfest í bensínstöðvum. Hermann
Guðmundsson, forstjóri N1, sagði
kostnaðinn af því lenda á neytendum.
„Samkeppnin kostar helling,“ sagði
hann.
„Það verður að líta á ummæli for-
stjóra stærsta olíufélags landsins í
ljósi þess að það er hans hagur að
ekki verði byggðar fleiri bens-
ínstöðvar,“ segir Hugi. „Eðli málsins
samkvæmt hefur Atlantsolía þurft að
leita eftir lóðum undir stöðvar sínar,
en stærðin á lóðunum undir okkar
stöðvar er ekki nema um einn tíundi
af meðalstærð lóða hinna félaganna.
Ef N1 hefur offjárfest, þá er það á
þeirra valdi að hagræða og laga sig að
markaðnum. Þessum orðum forstjór-
ans er hins vegar beinlínis ætlað að
sporna gegn því að Atlantsolía fái
fleiri lóðir.“
Betri þjónusta og lægra verð
Einar Örn Ólafsson, forstjóri
Skeljungs, er einnig ósammála því að
samkeppnin komi niður á neyt-
endum. Án samkeppni olíufélaganna
væri þjónustan verri, vöruúrval bens-
ínstöðvanna minna og verðið hærra.
„Ég get hins vegar tekið undir að
bensínstöðvar séu óþarflega margar
á Íslandi og að það hefur verið gríð-
arleg offjárfesting í þeim á síðustu ár-
um.“
Sú offjárfesting hafi hins vegar
ekki orðið hjá Skeljungi, sem
hafi ekki byggt upp neinar
þjónustustöðvar í langan tíma
heldur frekar sjálfs-
afgreiðslustöðvar undir
merkjum Orkunnar. Hann
bendir á að kostnaðurinn við
að reisa og reka sjálfs-
afgreiðslustöðvar sé ekki nema
brot af kostnaðinum sem fylgir
stærri stöðvum. „Offjárfestingar
olíufélaganna liggja fyrst og
fremst í stærra verslunarhús-
næði, en ekki í dælum og tönkum,“
segir Einar Örn.
Sú þróun að sjálfsafgreiðslu-
stöðvar taki við af þjónustustöðvum
þekkist einnig víða erlendis, bendir
Hugi á. Í Danmörku hafi til að mynda
100 mönnuðum stöðvum verið breytt
í ómannaðar eða lagðar niður á síð-
ustu fimm árum. Í Bandaríkjunum sé
sambærileg tala 2.500 stöðvar.
Hann segist ekki vera í vafa um að
þetta sé þróun sem muni halda
áfram. „Ég held að síðasta stóra,
mannaða bensínstöðin hafi verið
byggð.“
Villandi samanburður
Í Morgunblaðinu í gær kom fram
að í Reykjavík væri um það bil ein
bensínstöð á hverja 2.700 íbúa, sam-
anborið við eina stöð á hverja 25.000
íbúa í Evrópu. Einnig kom fram að
samkvæmt úttekt borgarinnar væru
líklega hvergi í Evrópu jafn fáir íbúar
um hverja stöð.
Hugi telur hins vegar að réttara sé
að bera Ísland saman við t.d. Banda-
ríkin í þessum efnum, enda sam-
göngukerfið íslenska líkara hinu
bandaríska en því í Evrópu þar sem
sporvagnar og neðanjarðarlestir eru
útbreiddar. Vestra eru 160 þúsund
bensínstöðvar, sem þýðir að ein bens-
ínstöð er fyrir rúmlega 1.800 íbúa.
Verðbreytingum fjölgað mjög
„Með tilkomu Atlantsolíu breyttist
margt,“ segir Hugi. Hann bendir á að
áður en félagið kom á markað voru
um 9 til 12 verðbreytingar á hverju
ári og munaði aðeins um eina krónu á
bensínlítranum eftir því hvort hann
var keyptur á mönnuðum stöðvum
eða ómönnuðum.
Eftir að Atlantsolía kom á markað
hafi fjöldi verðbreytinga margfaldast;
voru t.d. 90 á síðasta ári og stefnir í
enn fleiri í ár. Þá bendir Hugi á að
verðmunur eftir því hvort eldsneytið
er keypt á sjálfsafgreiðslu- eða þjón-
ustustöð hefur á þessu ári farið upp í
allt upp í tólf krónur á lítrann, eins og
sagt hefur verið frá.
„Ég skil því vel að forstjóri stærsta
olíufélags landsins sé hugsi yfir því að
samkeppnin sé orðin harkalegri. En
nú þarf bara hver og einn að horfa í
eigin rann og athuga hvort hann geti
hagrætt einhvers staðar.“
Einar Benediktsson, forstjóri Olíu-
verzlunar Íslands, varð ekki við
beiðni blaðsins um viðtal.
Segja neytendur hagnast
á samkeppni olíufélaganna
 Bensínstöðvar of margar og fjárfestingar of miklar, segir forstjóri Skeljungs
1.000 m radíus umhverfis bensínstöðvar í Reykjavík
Heimild: Skipulags- og byggingarsvið Reykjavíkurborgar
Olís
ÓB
Skeljungur
Orkan
N1
Egó
Atlantsolía
1.000 m radíus
Icelandair hefur
ákveðið að bæta
tvö hundruð
flugferðum við
vetraráætlun
sína, að því er
fram kemur í til-
kynningu frá fé-
laginu. Áætlun
vetrarins er
þannig 14% um-
fangsmeiri en sl.
vetur. Að meðaltali verða áttatíu og
tvö flug á viku frá Íslandi á tíma-
bilinu frá nóvember og út mars.
Helsta breytingin er fjölgun á
flugferðum bæði til borga í Evrópu
og Norður-Ameríku. Þá mun félag-
ið fljúga, í fyrsta sinn, til München,
í lok janúar. „Eldgosið í vor dró
mjög úr bókunum tímabundið en
Norður-Atlantshafsmarkaðurinn
hefur verið sterkur. Nú sjáum við
að bókanir Íslendinga til útlanda
eru að aukast og bókanir til lands-
ins í haust lofa góðu í kjölfar kynn-
ingarátaksins Inspired by Iceland,“
segir Birkir Hólm Guðnason, fram-
kvæmdastjóri Icelandair.
Icelandair bætir tvö
hundruð flugferðum
við vetraráætlun
Birkir Hólm
Guðnason
Sú upphæð sem Pétur J. Eiríksson,
stjórnarformaður Portusar, nefndi
sem byggingarkostnað tónlistar-
hússins Hörpu, í frétt í Morg-
unblaðinu í gær, átti við um kostn-
að frá því fyrra byggingarfélag
tónlistarhússins fór í þrot og þar til
byggingunni verður lokið.
Það kostar um 17,7 milljarða að
klára Hörpu frá því byrjað var á
verkinu aftur, sagði Pétur í samtali
við Morgunblaðið í gær. Þetta sé sú
kostnaðartala sem liggi til grund-
vallar leigunni og reksturinn þurfi
að standa undir. „Það var áður búið
að setja í bygginguna 10 milljarða,
framreiknað, sem voru afskrifaðir
að mestu,“ sagði Pétur. Heild-
arbyggingarkostnaður nemur því
um 28 milljörðum en ekki 17,7
milljörðum.
Inni í þessum kostnaði er reiknað
með fjármagnskostnaði, þ.e. lánum
til 35 ára, að sögn Péturs.
Átti við um kostnað
frá gjaldþrotinu
Samkvæmt nýjum tölum frá
umferðarstofu eru 250.498
ökutæki í umferð á landinu öllu.
Íbúar landsins eru 318 þúsund,
samkvæmt tölum Hagstof-
unnar, en þar af hafa 242 þús-
und náð 17 ára aldri. Því er
meira en eitt ökutæki á hvern
íbúa sem hefur aldur til að
keyra. Ef hins vegar er miðað
við landsmenn alla eru 790 um
hver 1.000 ökutæki.
Á höfuðborgarsvæðinu eru
144.944 ökutæki í umferð
en þar búa tæplega 201
þúsund, þar af 154
þúsund sautján ára
eða eldri. Því eru 940
höfuðborgarbúar sem
hafa aldur til að
keyra um 1.000 öku-
tæki.
Ökutæki á alla
sem hafa aldur
ÍSLENDINGAR BÍLAÞJÓÐ