Fréttablaðið - 01.12.2011, Síða 17

FIMMTUDAGUR 1. desember 2011 17
KÍNA, AP Kínversk stjórnvöld
hafa breytt skilgreinginu sinni
á fátækt, með þeim afleiðingum
að nú eru 128 milljónir Kínverja
skráðir undir fátæktarmörkum.
Fyrir breytinguna voru fátæk-
ir aðeins taldir vera 28 millj-
ónir, en með breytingunni hafa
fátæktar mörkin verið hækkuð
upp í tæpar 120 krónur á dag.
Fátæktarmörkin í Kína eru
engu að síður enn lægri en við-
miðun Alþjóðabankans, sem er
tæpar 150 krónur á dag.
- gb
Fátæktarmörk hækkuð:
Fátækir urðu
fimmfalt fleiri
Fylgstu með Sprota og vinum hans á hverjum degi til jóla
í spennandi ævintýri um listahátíðina. Sagan er skrifuð og lesin
af Felix Bergssyni og Kári Gunnarsson myndskreytir.
Ævintýrið er einnig flutt á táknmáli.
Sprotarnir eru talsmenn barnaþjónustu Landsbankans
og eru skemmtilegir og skynsamir í fjármálum.
Listahátíðin
Fylgstu með á Sproti. is
TUNGLMYRKVI Tunglmyrkvi verður yfir
Íslandi hinn 10. desember. Almyrkvað
verður yfir Austurlandi.
NÁTTÚRA Tunglmyrkvi verður
á Íslandi 10. desember næst-
komandi. Fram kemur á Vísi
að myrkvinn muni sjást sem
almyrkvi á austanverðu landinu
en sem deildarmyrkvi vestan-
lands, svo fremi að ekki verði
skýjað.
Samkvæmt vef Almanaks
Háskóla Íslands hefst almyrkvinn
þegar enn er dagsbirta á Ísland.
Austast á landinu sést tunglið
almyrkvað þegar það kemur upp
fyrir sjóndeildarhringinn undir
lok almyrkvans.
Almyrkvar á tungli sjást að
meðaltali á tveggja til þriggja ára
fresti frá hverjum stað á jörðinni.
Stutt er þó frá síðasta tungl-
myrkva á Íslandi, en hann var
21. desember í fyrra og sást í 74
mínútur.
Tunglmyrkvi sést 10. des.:
Almyrkvi verður
fyrir austan
DÓMSMÁL Karlmaður á fertugs-
aldri hefur verið dæmdur í
fjögurra mánaða skilorðsbundið
fangelsi fyrir að hafa í fórum
sínum rúm sjötíu grömm af
kannabisefnum, sextíu millilítra
af vefjaaukandi sterum svo og
áfengisbrugg.
Hjá manninum fundust rúm-
lega 25 lítrar af heimabrugguðu
áfengi í 52 flöskum, auk
sérhæfðra áhalda til að eima og
sía áfengi. Þá lagði lögregla hald
á vog og fjölmarga litla plastpoka
við rannsókn málsins. Maðurinn
var þó ekki sakfelldur fyrir fíkni-
efnadreifingu eða sölu.
Hann hafði fyrr á árinu hlotið
dóm fyrir líkamsárás og hótanir.
- jss
Fjórir mánuðir á skilorði:
Var með kanna-
bisefni og stera
Kannabis í Mosfellsbæ
Lögreglan á höfuðborgarsvæðinu
stöðvaði kannabisræktun í húsi í
Mosfellsbæ í gærkvöld. Við húsleit
á áðurnefndum stað var lagt hald á
rúmlega 150 kannabisplöntur. Þrír
karlmenn, tveir á fertugsaldri og einn
á fimmtugsaldri, voru handteknir og
yfirheyrðir. Þeir játuðu allir aðild að
málinu.
LÖGREGLUFRÉTTIR
EFNAHAGSMÁL Allt of hættulegt er að taka ein-
hliða upp mynt annars lands án þess að vera í
samstarfi við landið að mati Más Guðmunds-
sonar, bankastjóra Seðlabanka Íslands. Hann
segir nauðsynlegt að hafa bakhjarl í seðla-
banka viðkomandi lands.
Þetta kom fram á opnum fundi efnahags-
og viðskiptanefndar Alþingis í gær. Fulltrúar
Seðlabankans svöruðu þar spurningum nefnd-
armanna um ýmislegt er lýtur að peninga-
stefnumálum.
Már sagði einboðið að raungengi íslensku
krónunnar mundi hækka, enda væri það
í sögulegu lágmarki. Hann sagði flókið í
fjárhagslegu samhengi að reka sjálfstæða
peninga stefnu með fullkomlega frjálsu fjár-
magnsflæði og lítinn gjaldmiðil. Lausnin á
því vandamáli gæti verið að vera áfram með
einhvers konar gjaldeyrishöft eða að stilla
hagkerfið betur af og mismunandi þætti í
efnahagskerfinu.
Alla kosti þyrfti að skoða vel og
sérfræðingar Seðlabankans væru í þeirri
vinnu nú um mundir. Á fyrri hluta næsta árs
er von á skýrslu bankans um málið.
Már sagði hættu fólgna í því að banka-
kerfið væri í erlendri mynt án þess að mögu-
leiki væri á því að veita bönkunum nokkra
fyrirgreiðslu gegn veðum. Í því fælist mikil
áhætta. - kóp
Seðlabankinn vinnur skýrslu um mögulega kosti í gjaldeyrismálum:
Einhliða upptaka myntar allt of hættuleg
SEÐLABANKASTJÓRI Már Guðmundsson telur
hættulegt að taka einhliða upp mynt annars lands án
þess að vera í samstarfi við viðkomandi land um málið.
FRÉTTABLAÐIÐ/VALLI