Fréttablaðið - 02.12.2011, Page 40

6 föstudagur 2. desember
Unnur Guðrún Pálsdóttir er stofnandi Happs
og hefur alla tíð haft mikinn áhuga á heilsu og heil-
brigðu líferni. Happ hefur dafnað hratt á skömmum
tíma og í vikunni gaf Unnur út sína fyrstu mat-
reiðslubók.
Viðtal: Sara McMahon
Mynd: Stefán Karlsson
U
nnur Guðrún, eða
Lukka eins og hún
er oftast kölluð,
er sjúkraþjálfi að
mennt og starfaði
lengi sem einkaþjálfari og flug-
freyja. Hún hefur alla tíð haft mik-
inn áhuga á hollustu og heilbrigðu
líferni og er það enn í dag hennar
helsta áhugamál.
„Sem barn og unglingur stund-
aði ég hvers kyns hreyfingu en ég
var aldrei í keppnisíþróttum. Ég
var mikið í ræktinni og stundaði
skíði af kappi en hafði aldrei það
markmið að keppa í þeim íþrótt-
um sem ég æfði. Ég starfaði lengi
sem einkaþjálfari og ákvað að læra
sjúkraþjálfun við Háskóla Íslands
því mér fannst almennt vanta
upp á grunnmenntun einkaþjálf-
ara hér á landi. Markmiðið var að
leggja stund á nám sem mundi
nýtast mér sem einkaþjálfara og
auka við almenna þekkingu mína
á starfsemi líkamans og heil-
brigði. Það er umhugsunarvert að
öllum finnst sjálfsagt að láta fag-
fólk klippa sig en af hverju ætti sá
sem hugsar um líkama þinn ekki
líka að vera lærður í faginu?“
Lukka vann lengi bæði sem
einkaþjálfari og flugfreyja og
sinnti þá fyrra starfinu á milli
þess sem hún flaug á milli landa.
Hún stundaði einnig MBA-nám
við Háskólann í Reykjavík og að
náminu loknu henti hún sér á
fullt út í rekstur Happs.
„Tveir uppáhaldsviðskipta vinir
mínir í þjálfuninni kvörtuðu oft
undan því að þeir höfðu hvorki
tíma né þekkingu til að elda sér
hollan og góðan mat. Mér fannst
mjög mikilvægt að þau næðu til-
ætluðum árangri í ræktinni og
ákvað því að taka það að mér að
elda ofan í þessa tvo einstaklinga.
Ég keypti aukalega inn í matinn og
á kvöldin setti ég saman matar-
pakka handa þeim. Þetta vatt svo
fljótlega upp á sig og áður en ég
vissi af var ég hætt að þjálfa og
fljúga og farin að stunda elda-
mennsku, útkeyrslu og bók haldið
fyrir hið nýstofnaða fyrirtæki
Happ,“ útskýrir Lukka.
SANKAÐI AÐ SÉR
UPPSKRIFTUM
Í mörg ár las hún og aflaði sér
þekkingar um tengsl milli fæðu
og heilsu fólks og nýtti þá þekk-
ingu óspart í eldamennskunni.
Fljótlega hóf hún að sanka að sér
uppskriftum að heilsuréttum og
fékk til liðs við sig mágkonu sína,
Ernu Sverrisdóttur heimilisfræði-
kennara.
„Ég var mjög heppin að fá Ernu
til liðs við mig því minn bak-
grunnur liggur fyrst og fremst í
virkni fæðunnar en Erna sér um
að réttirnir bæði bragðist vel og
gleðji augað. Hún nostrar við rétt-
ina og mottó hennar er að mat-
ardiskurinn eigi að bera það með
sér að þeim sem eldaði þyki vænt um þig. Þetta lærði ég af henni og
finnst orðið mjög mikilvægt.“
Lukku finnst að fólk ætti að
temja sér heibrigt líferni og
hollar matarvenjur því það skili
sér margfalt til baka í framtíð-
inni. „Fólk ætti að venja sig á að
borða hreina fæðu, sem er allt það
sem þú getur séð fyrir þér vaxa
eða kjöt af dýrum sem alin eru
á lífrænan hátt. Kjúklingakjöt er
til dæmis alls ekki jafn hollt og
margir halda og þá er betra að
fá prótín úr selleríi eða spínati.
Hugsunin á bak við Happ er sú að
við viljum ekki stífar reglur, fólk
á heldur að safna góðum venjum
en að neita sér um það sem því
þykir gott.“
HOLLUSTAN EKKI DÝRARI
Í dag er starfsemi fyrirtækis-
ins margþætt og hægt er að ger-
ast áskrifandi að ólíkum matar-
pökkum frá Happ eða heimsækja
annan af tveimur veitingastöðum
sem bera sama nafn. Happ býður
einnig upp á veisluþjónustu og
sendir hádegisverð til fyrirtækja.
Lukka segir kúnnana marga og
ólíka en eiga það sameiginlegt að
vilja njóta lífsins fullir af orku.
„Best væri ef allir gætu gefið sér
tíma til að elda hollan og góðan
mat sjálfir en ef fólk hefur hrein-
lega ekki tíma þá er betra að eiga
þann valkost að kaupa einhvers
staðar hollan mat heldur en að
kaupa skyndibita.“
Innt eftir því hvort það sé
ekki dýrt að gerast áskrifandi að
matar pökkum fyrir alla fjölskyld-
una segir Lukka ekki hægt að velja
bæði ódýrasta hráefnið og bestu
heilsuna. „Happ í Höfðatorgi
er í sama húsi og Hamborgara-
fabrikkan og það er sama verð á
réttunum okkar þannig að holl
fæða er ekki endilega dýrari.“
TEKUR ÞÁTT Í
JÓLABÓKAFLÓÐINU
Á þriðjudaginn var kom út mat-
reiðslubók með uppskriftum frá
Happi og inniheldur hún um átta-
tíu uppskriftir að hollum rétt-
um. Bókin er byggð þannig upp
að fólk getur nú sett saman sinn
eigin matarpakka fyrir hvern dag
vikunnar og því má meðal ann-
ars finna uppskriftir að morgun-
mat, hádegisréttum, millimálum
og kvöldverðum auk safa.
„Ég hef gengið með hugmynd-
ina að þessari bók í maganum í þó
nokkurn tíma og fannst þetta rök-
rétt framhald af veitingastöðun-
um. Við Erna höfðum oft rætt það
hvað okkur langaði mikið að gefa
út matreiðslubók þannig að þegar
Forlagið hafði samband við okkur
ákváðum við að láta það verða að
veruleika að búa til bók sem getur
bætt heilsu Íslendinga.“
Þetta er í fyrsta sinn sem Lukka
tekur þátt í jólabókaflóðinu svo-
kallaða og segist hún afskaplega
spennt fyrir útgáfunni. „Það kom
mér á óvart hversu spennt ég er.
Ég hlakka mikið til að ganga inn
í bókabúð og sjá bókina þar í hill-
unni.“
FÖSTUDAGARNIR HEILAGIR
Lukka er gift og á tvo syni sem
eru tíu og þrettán ára gamlir. Þótt
drengirnir séu mjög meðvitaðir
um hvað sé holl fæða segir Lukka
þá ekkert frábrugðna öðrum ís-
lenskum börnum þegar kemur að
fæðuvali.
„Strákarnir fá að ráða kvöld-
matnum á föstudögum og undan-
tekningarlítið velja þeir hamborg-
ara eða pitsu og því má segja að
þeir séu ósköp venjulegir drengir
þegar kemur að þessu. Marg-
ir halda að ég sé einhvers konar
„matarlögga“ en ég er langt frá
því. Ég leyfi mér alveg óhollustu
í hófi og borða bæði nammi og
drekk kaffi,“ segir Lukka og brosir.
VILL BÆTA HEILSU ÍSLEND
Margir halda að ég sé einhvers konar
„matarlögga“ en ég er langt frá því. Ég
leyfi mér alveg óhollustu í hófi og borða bæði
nammi og drekk kaffi.
o.fl. o.fl.
sögur
uppskriftir
leikir
gjafir