Fréttablaðið - 02.12.2011, Qupperneq 56

2. desember 2011 FÖSTUDAGUR40
Þú færð Naturfrisk engiferöl í helstu matvöruverslunum landsins.
Bjóðum upp á Naturfrisk
engiferöl um hátíðarnar.
Naturfrisk engiferöl er
hollur og bragðgóður
jólagosdrykkur, laus við
öll óæskileg aukefni, s.s.
viðbættan sykur, litar-
og rotvarnarefni.
Hafðu það hollt um jólin!
Norski kórinn Bærum Bachkor
heldur tónleika í Langholtskirkju
á föstudaginn klukkan 20. Ásamt
kórnum kemur hljóðfærahópurinn
„Norwegian Cornett & Sackbuts“
sem leikur á blásturshljóðfæri frá
endurreisnartímanum, meðal ann-
ars zink og básúnur. Á efnisskránni
eru verk eftir Michael Prätorius,
Heinrich Schütz, Giovanni Gabrieli
og fleiri.
Bæjarfélagið Bærum er liðlega
100.000 manna bæjarfélag vestan
við Ósló. Bærum Bachkor starf-
ar við Hövik-kirkju og þar hefur
Þröstur Eiríksson, stjórnandi kórs-
ins, verið organisti í 21 ár. Kórinn,
sem heldur upp á 25 ára afmæli sitt
á þessu ári, flytur einkum kirkju-
tónlist og leggur vissa áherslu á
tónlist eftir Bach.
Þröstur Eiríksson, sem er fæddur
og uppalinn í Reykjavík, er mennt-
aður kirkjutónlistarmaður við tón-
listarháskólann í Ósló og lýkur um
þessar mundir doktorsprófi við
sömu stofnun. Hann starfaði sem
organisti á Íslandi á árunum 1985
til 1990, fyrst við Laugarneskirkju
og síðar við Garðakirkju. Frá árinu
1990 hefur hann verið organisti við
Hövik-kirkju, vestan við Ósló. Þar
stjórnar hann m.a. Bærum Bachkor
og hefur flutt með kórnum mörg af
stærri verkum tónbókmentanna.
- hhs
Norskur kór í Langholtskirkju
NORWEGIAN CORNETT & SACKBUTS Með norska kórnum Bærum Bachkor, sem heldur tónleika í Langholtskirkju á föstudaginn,
spilar Norwegian Cornett & Sackbuts, sem hefur sérhæft sig í tónlist frá endurreisnar- og barokktímanum á upprunaleg blásturs-
hljóðfæri.
Bækur ★★
Fallið – Fjölskylduleyndarmál
Þráinn Bertelsson
Sögur
Barátta Þráins
Í þessari litlu bók (hún er innan við 200 síður í smáu broti) skrifar Þráinn
Bertelsson um óskemmtilega lífsreynslu sína frá því í júní á þessu ári. Hann
hafði verið óvirkur alkóhólisti í fimmtán ár, „féll“ í Færeyjum og var fullur inni
á hótelherbergi í sólarhring en bar sem betur fer gæfu til þess að fara inn á
Vog strax við heimkomuna.
Þráinn segir sjálfur í for-
mála að bókin eigi ekki að
innihalda tæmandi lýsingu
á alkóhólisma, heldur segja
mest frá einum alkóhólista
(honum sjálfum) sem aðrar
manneskjur geti vonandi
speglað sig í eins og hann
spegli sig í öðrum.
Það bitastæðasta í
bókinni er einmitt þegar
Þráinn segir einlæglega
frá sjálfum sér og baráttu
sinni, skoðar fallbrautina
og íhugar fyrri reynslu sína
af sjúkdómnum. Þá kemst
fjör í pennann og allir bestu
kostir Þráins sem rithöf-
undar streyma fram.
Inni á milli eru svo kaflar
sem bera yfirskriftina „Einn
af oss – Alkasögur“ en þar
eru sagðar grínaktugar sögur
af ónefndum alkóhól-
istum. Þær hafa yfirbragð
flökkusagna og eiga vísast
að sýna fram á afneitun og fleiri einkenni sjúkdómsins, en eru satt best að
segja ansi klisjukenndar. Sagan af konunni sem drakk í laumi og faldi vínið
í óhreinatauskörfunni, sagan um manninn sem var af svo góðum ættum
að hann gat ekki verið alki, sagan af listamanninum sem fór í blakkát og
vaknaði á hótelherbergi í Nýfundnalandi. Þetta eru steríótýpískar alkasögur
sem við höfum líklega flest heyrt áður og þær bæta litlu við söguna um fall
Þráins.
Nýtilegan fróðleik er víða að finna í bókinni. Farið er yfir helstu einkenni
alkóhólisma og ferlið frá því að alkóhólisti leitar sér hjálpar og þar til hann
kemur út í samfélagið á ný. Þráinn lýsir líka aðbúnaðinum inni á Vogi og
dagskránni þar, ræðir t.d. sjúkdómshugtakið (sem aldrei verður nógsamlega
hamrað á), tengsl þunglyndis og alkóhólisma og miðlar heilræðum af langri
reynslu. Þetta er allt saman ágætlega gert, en þó koma inn á milli atriði sem
mættu alveg missa sín, eins og þegar höfundur leitar hamingjuráða á netinu
og miðlar lesendum rassvasaspeki frá Dale Carnegie, auk almæltra sanninda
á borð við „Ræktaðu sambandið við vini þína“ og „Borðaðu morgunverð
eins og kóngur … o.s.frv.“ Það kom mér líka fremur undarlega fyrir sjónir
þegar Þráinn tekur að sér að stytta Boðorðin tíu niður í þrjú, lesendum
sínum til glöggvunar í hamingjuleitinni.
Fallið endar á því að höfundurinn tekur ákvörðun um að fara í framhalds-
meðferð á Vík. Mig hefði raunar blóðlangað að lesa meira um það, því sem
fyrr segir, þá lætur Þráni Bertelssyni einkar vel að segja frá sjálfum sér á
áhugaverðan máta.
Þórunn Hrefna Sigurjónsdóttir
Niðurstaða: Fróðleg bók, sem er best þegar Þráinn skrifar um eigin líðan og
reynslu. Almennari sögur og heilræði mættu þó missa sín.
Nemendaleikhúsið frum-
sýnir í kvöld leikritið Jarð-
skjálfta í London í smiðj-
unni í kvöld.
Jarðskjálfti eftir London, sem
Nemendaleikhúsið frumsýnir í
Smiðjunni í kvöld, er spánnýtt
verk eftir breska leikskáldið
Mike Bartlett. Það var frum-
sýnt í National Theater í London í
fyrra við góðar undirtektir. Sögð
er saga af snörpum hræringum
í lífi þriggja systra sem reyna
af öllum mætti að bjarga sér og
sínum úr hamförum og fram-
förum nútímans á meðan faðir
þeirra, heimsfrægur vísinda-
maður, boðar heimsendi. Tónlist,
dansi og myndbandsverkum er
fléttað saman í sýningunni.
Halldór E. Laxness leikstýrir
verkinu og segir hann geggjunina
svífa yfir vötnum.
„Þetta er verk um miklar
hræringar í lífi þriggja systra í
London, nútíminn getur verið snú-
inn og ekki allir sem ná að halda
höfði í hraða og geggjun nútíma-
samfélags.“
Þetta er ekki í fyrsta sinn sem
Halldór leikstýrir Nemenda-
leikhúsinu. „Það vill svo til að í ár
eru rétt 20 ár síðan ég leikstýrði
hér síðast, verkinu Leik soppum.
Ég hef líka unnið með ungu fólki
í menntaskólum en munurinn
er auðvitað sá að í Nemenda-
leikhúsinu eru leikararnir mennt-
aðir í sínu fagi.“
Útskriftarhópur leikara deildar
LHÍ er sterkur í ár að mati
Halldórs. „Þessi hópur stendur
sig mjög vel, þetta er krefjandi
verkefni þar sem þarf að nýta alls
kyns tækni til að koma verkinu
til skila. Þau hafa skilað sínu með
sóma og ég verð að segja eins og
er að Listaháskólinn hefur stað-
ið sig frábærlega í að undirbúa
þessa ungu leikara.“
Heiðar Sumarliðason þýðir
verkið. Tinna Ottesen hannar
leikmynd og búninga og Brynja
Björnsdóttir vinnur myndbönd
fyrir verkið. Hljóðmynd er í hönd-
um Georgs Kára Hilmarssonar,
lýsingu annast Jóhann Friðrik
Ágústsson og danshöfundur er
Brogan Davison.
Jarðskjálfti í Nemendaleikhúsinu
NEMENDALEIKHÚSIÐ Í VETUR SKIPA:
Hjörtur Jóhann Jónsson, Kolbeinn Arnbjörnsson, Olga Sonja Thorarensen,
Ólöf Haraldsdóttir, Pétur Ármannsson, Saga Garðarsdóttir, Sara Margrét
Nordahl, Sigurður Þór Óskarsson, Snorri Engilbertsson og Tinna Sverrisdóttir.
ÚR JARÐSKJÁLFTA Í LONDON Verkið var frumsýnt í Bretlandi í fyrra við mjög góðar undirtektir. MYND/ÓSKAR HALLGRÍMSSON