Fréttablaðið - 16.12.2011, Blaðsíða 6

16. desember 2011 FÖSTUDAGUR6
FRAKKLAND, AP Jacques Chirac,
fyrrverandi Frakklandsforseti,
hlaut í gær tveggja ára skilorðs-
bundinn fangelsisdóm fyrir fjár-
drátt til að fjármagna starfsemi
stjórnmálaflokks hans, PRP.
Chirac, sem er 79 ára og heilsu-
veill, var formaður flokksins frá
1977 til 1995, en þá var hann jafn-
framt borgarstjóri í París.
Chirac tók ekki þátt í réttarhöld-
unum eftir að læknar sögðu hann
plagaðan af alvarlegum minnis-
glöpum og var ekki viðstaddur
dómsuppkvaðningu í gær. Hann
hefur hins vegar oft vísað ásökun-
um á hendur sér á bug.
Í dómnum er Chirac sagður
sekur um að hafa búið til gervi-
störf innan stjórnmálaflokks síns
og að hafa með því dregið flokkn-
um opinbert fé, brugðist trausti
almennings og átt þátt í ólöglegum
hagsmunatengslum.
Chirac er í hópi tíu manna sem
sóttir voru til saka fyrir pólitíska
spillingu. Hann var ekki lögsóttur
fyrr vegna þess að árin 1995 til
2007 naut hann friðhelgi sem for-
seti Frakklands. Í dómnum segir
að við ákvörðun refsingar hafi
verið litið til aldurs, heilsufars og
stöðu Chiracs.
Lögmaður Chiracs segir að farið
verði vandlega yfir dóminn áður
en tekin verður ákvörðun um hvort
honum verður áfrýjað.
- óká
Tekið var mið af aldri og heilsu fyrrverandi forseta þegar refsing var ákvörðuð:
Jacques Chirac fær tveggja ára dóm
Með því að kaupa
FRIÐARLJÓSIÐ
styrkir þú hjálparstarf
og um leið verndaðan
vinnustað.
P
IP
A
R
\T
B
W
A
-
1
02
97
5
LÁTUM
FRIÐARLJÓSIÐ
LÝSA UPP AÐVENTUNA
LÖGREGLUMÁL Par sem var að
koma frá Spáni í byrjun vikunn-
ar reyndist vera með kókaín falið
innvortis. Parið var úrskurðað
í gæsluvarðhald fram á mánu-
dag, en jafnvel er gert ráð fyrir
að fólkið verði látið laust í dag
þar sem rannsókn málsins hefur
miðað mjög vel.
Það var á mánudag sem mað-
urinn og konan, sem bæði eru
rúmlega þrítug, voru stöðvuð við
hefðbundið eftirlit tollgæslunnar
í Leifsstöð. Fólkið var að koma
með flugi frá Spáni með við-
komu í Bretlandi. Grunur vakn-
aði um að það væri með fíkniefni
í fórum sínum, sem reyndist á
rökum reistur við nánari skoðun.
Lögreglan á Suðurnesjum hafði
því fólkið í haldi þar til það skil-
aði niður af sér samtals um 340
grömmum af kókaíni, sem það
hafði komið fyrir í pakkningum
innvortis.
Fólkið, sem er íslenskt og búsett
á Suðurnesjum, hefur setið í
gæsluvarðhaldi undanfarna daga.
Það hefur komið við sögu hjá lög-
reglu, en brotin munu vera fá og í
léttvægari kantinum.
- jss
KÓKAÍN INNVORTIS Maðurinn og konan
voru hvort um sig með um 170 grömm
af kókaíni innvortis.
Karlmaður og kona stöðvuð við hefðbundið eftirlit í Leifsstöð í vikunni:
Par með hundruð gramma kókaíns
JACQUES CHIRAC Forsetinn fyrrverandi í
bíl sínum þegar mál á hendur honum var
dómtekið í mars. NORDICPHOTOS/AFP
SAMGÖNGUR Félag íslenskra
bifreiðaeigenda (FÍB) skorar á
stjórnvöld að lækka álögur á bif-
reiðaeldsneyti og að falla frá hug-
myndum um auknar álögur á elds-
neyti um komandi áramót. Með
þessu móti yrði komið til móts við
fjölskyldur og fyrirtæki í landinu.
Fyrir Alþingi liggur lagafrum-
varp um auknar álögur á eldsneyti.
„FÍB hefur sent umsögn sína um
þetta hækkanafrumvarp til allra
alþingismanna [...] og skorar á þá
að hætta við þetta glapræði,“ segir
á vef FÍB. - óká
FÍB skorar á stjórnvöld:
Glapræði að
auka álögurnar
EFNAHAGSMÁL Versta niðurstaða
fyrir íslenska ríkið, úr mála-
rekstri fyrir EFTA-dómstólnum,
væri að íslenska ríkið þyrfti að
greiða dráttarvexti af allri fjár-
hæð sem var inni á reikningum
Breta og Hollendinga þegar þeim
var lokað. Þetta er niðurstaða
greiningarfyrirtækisins IFS.
Fyrirtækið kemst að þeirri
niður stöðu að vextir, vegnir miðað
við hlutfall innstæðna, yrðu um
8,3 prósent. Beri íslenska rík-
inu að greiða dráttarvexti af lág-
markstryggingunni hafa þegar
safnast um 183 milljarðar króna.
Verði niðurstaðan sú að íslenska
ríkinu bæri að ábyrgjast allar
innstæður á reikningunum, líkt
og gert var í tilfelli reikninga
innan lands, þarf að greiða drátt-
arvexti af 1.150 milljörðum króna.
Þegar hafa safnast upp 312 millj-
arðar króna í dráttarvexti, verði
sú raunin.
Rétt er að ítreka að hér er verið
að tala um verstu mögulegu niður-
stöðu úr dómsmálinu.
Ekki er gert ráð fyrir að niður-
staða fáist í dómsmálinu fyrr en
eftir að minnsta kosti ár. Tapi
Íslendingar málinu þurfa Bret-
ar og Hollendingar að sækja rétt
sinn fyrir íslenskum dómstólum.
Annar möguleiki er að stjórnvöld
virði niðurstöðuna og greiði út
samkvæmt henni.
Greiningarfyrirtækið telur að
óvissan sem fylgi dómsmálinu eigi
eftir að auka áhættuálag á íslensk-
ar stofnanir og fyrirtæki. Það
gæti átt við skuldatryggingará-
lag á skuldabréf íslenska ríkisins.
Þá muni draga úr beinni erlendri
fjárfestingu og krafti íslensks
efnahagslífs almennt næstu árin.
„Enn fremur á þetta eftir að
minnka tiltrú á íslenskt banka-
kerfi og skuldabréfaútgáfu bank-
anna. Þar með tefst sala þeirra
eða skráning á markað. Þessar
tafir ásamt neikvæðum áhrifum
á þáttatekjujöfnuð, gengi krónunn-
ar og verðbólgu eiga einnig eftir
að tefja fyrir afnámi gjaldeyris-
hafta,“ segir í greiningunni.
kolbeinn@frettabladid.is
Gæti þýtt milljarða
vexti og minni tiltrú
Versta mögulega niðurstaða úr málarekstri fyrir EFTA-dómstólnum getur þýtt
mörg hundruð milljarða vexti á Ísland. Þá minnkar það tiltrú á íslenskt efna-
hagslíf og gæti dregið úr erlendri fjárfestingu og framlengt gjaldeyrishöftin.
SAMNINGAR FELLDIR Íslendingar felldu lög um Icesave-samningana í tvígang í þjóðaratkvæðagreiðslu. Verði ríkissjóður dæmdur
til að greiða dráttarvexti, sem er allsendis óvíst, hefur þegar safnast upp krafa um að lágmarki 183 milljarða króna. Frá þjóðar-
atkvæðagreiðslunni í mars 2010. FRÉTTABLAÐIÐ/DANÍEL
Ætlar þú að kaupa íslenskt
jólatré?
JÁ 19,5%
NEI 80,5%
SPURNING DAGSINS Í DAG:
Hefur þú svikið undan skatti á
árinu?
Segðu þína skoðun á visir.is
KJÖRKASSINN