Fréttablaðið - 16.12.2011, Blaðsíða 70

16. desember 2011 FÖSTUDAGUR50
Bíó ★★★★
Mission: Impossible – Ghost
Protocol
Leikstjórn: Brad Bird
Leikarar: Tom Cruise, Jeremy
Renner, Simon Pegg, Paula
Patton, Michael Nyquist, Vladimir
Mashkov
Fyrsta Mission: Impossible-mynd-
in var þrælfín og hafði bálkurinn
alla burði til þess að verða langlíf
og heilsteypt sería. Önnur mynd-
in reyndist hins vegar mun slak-
ari en sú fyrsta, og þriðja myndin
var verri en þær báðar. Þegar ég
sá fjórðu myndina auglýsta velti
ég því fyrir mér hvort serían ætti
afturkvæmt. Hvort þetta væri
ekki búið spil hjá Ethan Hunt og
félögum.
Það er þó fjarri lagi og teymið
hefur líklega aldrei verið í betra
stuði en einmitt í þessari fjórðu
mynd seríunnar. Enn er það Hunt
(Tom Cruise) sem leiðir hópinn en
í hann hafa bæst við nokkur ný
andlit. Simon Pegg er meira áber-
andi en í þriðju myndinni og er
hann þrælskemmtileg viðbót við
grúppuna. Cruise sjálfan verður æ
erfiðara að taka alvarlega, í þessu
hlutverki jafnt sem öðrum, en
hann verður þó seint sakaður um
að stýra seríunni með hangandi
hendi. Í þessari mynd hangir hann
til að mynda utan á Burj Kalifa-
turninum í Dubai (hæstu byggingu
heims), en að kvikmyndaleikari
leggi slíkt á sig gerir það að verk-
um að maður neyðist hreinlega til
að taka viljann fyrir verkið. Fyrir
utan það að hann er ekki slæmur
leikari þrátt fyrir undarlega hegð-
un í einkalífinu.
Cruise hefur veðjað á hárréttan
leikstjórafák (Brad Bird, leikstjóra
Ratatouille og The Incredibles) til
að blanda brjáluðum áhættuatrið-
unum saman við léttan húmor-
inn. Glórulausu apparötin eru að
sjálfsögðu til staðar og áhorfand-
inn vill trúa því að þau virki. Og
líklega hef ég aldrei viljað jafn
mikið að nokkuð virkaði og grip-
hanskarnir sem Ethan Hunt klæð-
ist þegar hann klífur fyrrnefndan
hæsta turn heims. Það atriði er
algjörlega lamandi sökum spennu.
Svona eiga hasarmyndir að vera.
Hörkuspennandi, en þó án þess að
taka sig of alvarlega. Það þurfti
teiknimyndagerðarmann til að
koma Mission: Impossible-seríunni
í þann farveg og Ghost Protocol er
besta mynd seríunnar.
Haukur Viðar Alfreðsson
Niðurstaða: Fjörugri en forverar
hennar og alls ekki fyrir lofthrædda.
Þrír 27 ára frumkvöðlar
hafa sett nýtt salt á markað
sem þeir framleiða á göml-
um söltunarstað á Vest-
fjörðum. Erfiðar aðstæður,
mikil vinna og slys settu
aldrei strik í reikning-
inn, því saltararnir voru
ákveðnir í að láta nýsköpun-
ardrauminn rætast.
„Tilfinningin er frábær,“ segir
Yngvi Eiríksson, einn þriggja
frumkvöðla sem í vikunni kynntu
vestfirskt kristalsjávarsalt sitt
í verslunum í fyrsta sinn, undir
nafninu Saltverk Reykjaness.
Yngvi, Garðar Stefánsson og
Björn Steinar Jónsson hafa unnið
hart að því undanfarna mánuði að
láta drauminn rætast, en nýsköp-
unarhugmyndina fékk Yngvi fyrir
þremur árum. „Kristalsjávarsalt
er mjög vinsælt úti um allan heim
og er til á mjög mörgum heimilum
– mér fannst vanta íslenska útgáfu
af því. Við höfum allir mikinn
áhuga á matargerð þannig
að við ákváðum að skoða
möguleikann á að gera
þetta bara sjálfir,“ segir
Yngvi.
Eftir mikla rann-
sóknarvinnu, nýsköp-
unarstyrki og mast-
ersritgerð sem Garðar
skrifaði um verkefnið,
fundu þremenning-
arnir sér aðstöðu
til söltunarinnar. Sú
var yfirgefið fiskeldi á
Reykjanesi í Ísafjarðar-
djúpi, en á síðari hluta 18.
aldar var einmitt saltfram-
leiðsla á staðnum. „Við fórum
kannski ekki auðveldustu leiðina
með því að velja að vera fyrir vest-
an, við hefðum getað gert hlutina á
auðveldari hátt. En við höfðum svo
mikla trú á staðsetningunni, bæði
út af sögunni og hreinleikanum
á svæðinu. Viðtökurnar þar hafa
líka verið alveg frábærar og við
erum afskaplega þakklátir fyrir
það og hjálpina sem okkur hefur
boðist,“ segir Yngvi, sem flutti á
Vestfirði í sumar til að koma salt-
verkinu í stand og hefja framleiðsl-
una.
Saltararnir hafa haldið úti vef-
síðu og leyft almenningi að fylgj-
ast með ferlinu, en á meðal þess
sem þurfti að gera var að koma
heitu vatni á húsið sem hafði stað-
ið yfirgefið í 20 ár, smíða gríðar-
stóra stálpönnu fyrir sjávarsuðuna
og koma upp kerfi til þess að hægt
væri að dæla upp sjó úr Ísafjarð-
ardjúpi. Hindranirnar hafa verið
þó nokkrar, Garðar brenndist illa á
fæti og stálpannan var veðurteppt
á Ísafirði, en strákarnir hafa ekki
látið það stöðva sig. „Það hefur
mikið gengið á en sem betur fer
hefur okkur tekist að leysa allt og
höfum ekki gefist upp. Hugmyndin
um uppgjöf hefur kannski læðst að
manni, en það er svo veik tilfinn-
ing að gefast upp. Við höfum miklu
sterkari vilja til þess að láta þetta
heppnast.“
Mikil vinna hefur verið lögð í
ímynd vörunnar á sama tíma og
framleiðslan var undirbúin, en ætl-
unin er að markaðssetja saltið sem
íslenska, umhverfisvæna hágæða-
vöru. Vörumerki fyrirtækisins og
umbúðir saltsins voru hönnuð af
íslenskum hönnuðum.
Yngvi segir næsta skref vera að
auka framleiðslugetuna og koma
saltinu í fleiri verslanir á landinu,
en eins og er fæst það í Melabúð-
inni og Búrinu og í næstu viku mun
það fást í verslunum á Vestfjörð-
um. „Það var frábært að koma vör-
unni frá sér og við erum ótrúlega
stoltir. En einhver líkti þessu við
að eiga barn – nú er barnið fætt en
allt uppeldið er eftir. Vinnan held-
ur áfram en við erum ákveðnir,
höfum mikla ástríðu fyrir þessu og
erum tilbúnir til að leggja ýmislegt
á okkur til að láta þetta ganga.“
bergthora@frettabladid.is
Endurreistu gamla saltgerð fyrir vestan
STOLTUR Merki og umbúðir Saltverksins eru hönnuð af Geir Ólafssyni og Þorleifi
Gunnari Gíslasyni. Yngvi Eiríksson er ánægður með útkomuna. FRÉTTABLAÐIÐ/GVA
Dósamatur
á tónleikum
Bret Michaels, söngvari Poi-
son, hefur boðið aðdáendum
sínum afslátt af tónleikum
sínum gegn því að þeir komi
með mat með sér sem hægt
verður að gefa fátækum.
Tónleikarnir verða haldnir í
Pitts burgh og hvatti Michaels
aðdáendur sína á Twitter til
að koma með eitthvað matar-
kyns með sér. „Komið með
dósamat og mat sem endist
lengi á tónleikana mína og þið
fáið í staðinn ódýrari miða á
tónleikana.“
Söngkonan Cyndi Lauper
hefur áður brugðið á sama
ráð, eða á tónleikum sem hún
hélt í New York.
Einhver líkti þessu við
að eiga barn – nú er
barnið fætt en allt uppeldið
er eftir.
YNGVI EIRÍKSSON
SALTFRAMLEIÐANDI
GJAFMILDUR
Bret Michaels,
söngvari Poison, er
greinilega kominn
í jólaskap.
Fjörugur fjórði kafli