Fréttablaðið - 16.12.2011, Blaðsíða 46

10 föstudagur 16. desember
Á RÚMSTOKKNUM
Sigga Dögg kynfræðingur
Sendu Siggu Dögg póst með spurningum eða óskum um
umfjöllunarefni. Netfangið er kynlif@frettabladid.is
Í kjólinn fyrir jólin
M ér leiðist líkamsrækt. Mér finnst erfitt að koma mér af stað og ég þoli ekki ofvirka eróbikktíma eða öskrandi einkaþjálfara. Þá veit
ég fátt meira pirrandi en að dröslast í ræktina algerlega andlaus og svo
bara hálf hanga í léttustu lóðunum og bíða eftir hlaupa brettunum. Það
að mæta í ræktina og taka ekki á er eiginlega meira svekkjandi en að
sleppa því að mæta. Þó verð ég að játa að þegar ég dríf mig af stað og
fer í einn jógatíma og langa gufu á eftir líður mér betur. Ég slaka vel
á í gufunni og ræði heimsins mál við líkamsræktarfélagann eða rök-
ræði við raddirnar í höfðinu. Hamingjuhormónin flæða um líkamann
og mér líður vel.
Kynlíf er eitt afbrigði af líkamsrækt. Þú þarft að koma þér í stuð til
að fara af stað. Það þýðir síðan ekkert að gera þetta með hangandi hendi
heldur verður smá metnaður að vera til staðar svo þú náir almennilegum
árangri. Góð upphitun er lykilatriði fyrir snörp átök og ekki gleyma að anda!
Það er algert lykilatriði að dæsa og stynja af innlifun. Að loknum átökun-
um getur þú samviskulaust teygt á vöðvunum, slappað af og hvílt þig. Rétt
eins og í líkamsrækt er mikilvægt að hafa æfingarnar fjölbreyttar og prófa
mismunandi rútínur. Fullnæging er lík brennslukerfi líkamans, það þarf
að koma því á óvart til þess að það virki. Ástæðan fyrir þess-
ari samlíkingu er sú að fólk nennir oft ekki að stunda kyn-
líf. Það er vesen, það er tímafrekt að koma sér í stuð, það er
sóðalegt og árangurinn lætur stundum á sér standa. Þetta á
sérstaklega við ófullnægða einstaklinga.
Það er ósköp skiljanlegt að það sé hundleiðinlegt að
hamast og hamast og fá aldrei fullnægingu (eða annan
heilsufarslegan árangur). Rétt eins og með líkamsrækt
er kynlíf spurning um viðhorf og tíma. Flestir ranghvolfa
augunum þegar einhver segist ekki hafa tíma til að fara í
ræktina. Heimsins lélegasta afsökun. Þegar sá hinn sami
segist ekki hafa tíma fyrir kynlíf er þagað þunnu hljóði því
það er óformlega samþykkt að kröfurnar sem vinna, fjöl-
skylda og lífið setja á þig leyfa þér að láta kynlíf sitja á
hakanum. Kynlíf er samkomulag sem þú gerir við sjálfa(n)
þig og það er sérstaklega mikilvægt ef þú ert í sambandi.
Þú þarft að koma þér af stað og þá hefst hringrás sem
byggir á jákvæðri endurgjöf, rétt eins og ræktin. Fyrsta
skrefið gæti verið kynfæra snerting í sturtu. Líkamsrækt
hefur góð áhrif á líkama og sál, það hefur verið marg-
sannað. Ég hef heyrt að um leið og þetta sé komið í rút-
ínu sé þetta ekkert mál. Afrakstur góðrar mætingar og
einlægs metnaðar í púli láti ekki á sér standa. Þú upp-
skerð heilbrigðari lífsstíl, færri rifrildi, hamingjusamari
sál og betra samband. Nú er spurning um að koma sér
upp erótískri einkaþjálfun og kynda tólin.
Heimildarmyndin About Face í
leikstjórn Timothy Greenfield-
Sanders inniheldur meðal ann-
ars áhugaverð viðtöl við Jerry
Hall, Isabellu Rossellini, Marisu
Berenson og Paulinu Porizkovu
um hvernig það sé að eldast í
sviðsljósinu. Stikla úr myndinni
er nú komin á netið og lofar hún
góðu um framhaldið.
Í myndinni ræða konurnar um
tískuheiminn, ellina og mögu-
leikann á lýtaaðgerðum á ein-
lægan hátt. Paulina Porizkova
segir meðal annars að fyrirsætu-
bransinn geri lítið fyrir sjálfs-
öryggi kvenna, þvert á móti brjóti
hann þær niður. „Að hafa tekjur
sínar af því að sitja fyrir gerir þig
óörugga með sjálfa þig. Þannig að
kannski varð ég fyrst falleg þegar
ég hætti að sitja fyrir.“
Myndin verður frumsýnd á
Sundance-kvikmyndahátíðinni í
byrjun næsta árs.
About Face er áhugaverð ný heimildarmynd:
Bransinn brýtur
konur niður
Eldist vel Fyrirsætan Paulina Porizkova
er á meðal þeirra kvenna er rætt er við í
heimildarmyndinni About Face.
NORDIC PHOTOS/GETTY
o.fl. o.fl.
sögur
uppskriftir
leikirgjafir