Morgunblaðið - 06.09.2010, Blaðsíða 2

Rúmlega 40%
landsmanna eru
ánægð með störf
Jóns Gnarrs,
borgarstjóra
Reykjavíkur, ef
marka má nýjan
þjóðarpúls Gall-
ups, sem sagt var
frá í fréttum Rík-
isútvarpsins.
Rúmlega 42% eru hvorki ánægð né
óánægð en tæplega 17% óánægð
með störf borgarstjóra. Fleiri karlar
eru óánægðir með störf Jóns en kon-
ur. Þá eru fleiri íbúar höfuðborgar-
svæðisins óánægðir með borgar-
stjóra en íbúar landsbyggðarinnar.
Yngra fólk er mun ánægðara með
störf Jóns en þeir sem eldri eru og
þeir sem styðja ríkisstjórnina eru
ánægðari með Jón en þeir sem
styðja hana ekki.
40% ánægð
með Jón
Jón Gnarr
2 FréttirINNLENT
MORGUNBLAÐIÐ MÁNUDAGUR 6. SEPTEMBER 2010
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Prentun Landsprent ehf.
Baldur Arnarson
baldura@mbl.is
„Ég vann við höfnina hjá Síldar-
vinnslunni [á Neskaupstað] í mörg ár
og held að það sé óhætt að fullyrða að
nýliðinn ágústmánuður sé metmán-
uður frá upphafi,“ segir Guðlaugur
Birgisson, hafnarvörður í Norðfjarð-
arhöfn á Neskaupstað, um uppgripin
undanfarnar vikur.
„Það er mjög misjafnt hversu
miklu magni er landað í höfninni. Ég
hef ekki tölurnar á hreinu fyrir und-
anfarin ár. Ég leyfi mér hins vegar
að fullyrða að þetta sé langt umfram
fyrri met í löndun í einum mánuði.“
Máli sínu til stuðnings bendir
Gunnlaugur á að í ágúst hafi verið
landað 27.137 tonnum af frystum af-
urðum, auk þess sem línubátar hafi
landað að meðaltali um 4 tonnum í
róðri. Þar af hafi verið skipað út
14.800 til 14.900 tonnum af frosnum
afurðum í ágústmánuði.
Allir geta fengið vinnu
Spurður hvort ekki sé stemning í
bæjarfélaginu þegar svo vel veiðist
segir Gunnlaugur að auðvitað sé
skemmtilegt þegar handagangur sé í
öskjunni. Á meðan aflinn streymi á
land hafi starfsfólk frystihússins eins
mikla vinnu og það vilji. Um 25
manns starfa á hvorri vakt í frysti-
húsinu og segir Gunnlaugur marga
vinna alla daga mánaðarins, ef þörf
krefur, alls um 50 til 60 manns.
Gunnlaugur segir að fólkið í landi
njóti fyrst og fremst ávaxtanna af
mikilli vinnu og yfirvinnu, er hann er
inntur eftir tekjum í landi.
Hvað varðar vikurnar framundan
kveðst Gunnlaugur vonast til að
stjórnvöld auki makrílkvótann, enda
sé farið að ganga á hann.
Hins vegar sé enn mikið óveitt af
norsk-íslenskri síld.
Tveir skipta með sér vöktum í
hafnarvörslunni og kveðst Gunn-
laugur aðspurður hafa staðið vaktina
linnulaust frá 16. ágúst, törn sem
ljúki um miðjan mánuðinn.
Konan bíður heima
„Konan er heima en ég er í
vinnunni. Það er ekkert öðruvísi,“
segir Gunnlaugur hlæjandi, spurður
um áhrif tarnavinnunnar á fjöl-
skyldulífið. Hann bætir því svo við að
atvinnuleysi sé nánast óþekkt í bæn-
um. „Við höfum það ágætt hérna.“
Unnið alla daga mánaðarins
Morgunblaðið/Kristín Ágústsdóttir
Hafnarvörður Guðlaugur Birgisson.
Mikil uppgrip
í Norðfjarðarhöfn
Helgi Bjarnason
helgi@mbl.is
Íslenska kísilfélagið á í samninga-
viðræðum við Landsvirkjun um
kaup á orku til fyrirhugaðrar kís-
ilverksmiðju við Helguvík. Áætlað
er að gangsetja fyrri ofn verksmiðj-
unnar 1. ágúst 2012 en til þess að
það verði mögulegt þarf að ganga
frá orkusamningum á næstu tveim-
ur mánuðum, samkvæmt upplýs-
ingum stjórnarformanns félagsins.
Danska þróunarfyrirtækið Toma-
hawk Development hefur staðið
fyrir undirbúningi verksmiðjunnar.
Fyrir liggur að bandarískt fyr-
irtæki sem starfar á þessu sviði er
tilbúið að byggja verksmiðjuna og
reka.
Kísilverksmiðjan hefur farið í
gegn um umhverfismat og fengið
starfsleyfi. Reykjanesbær hefur út-
vegað lóð við Helguvík og gert
byggingarhæfa. Þá er búið að fjár-
magna byggingu verksmiðjunnar,
að sögn stjórnarformanns Íslenska
kísilfélagsins, Friðbjörns E. Garð-
arssonar lögmanns.
Samningar þokast áfram
Áætlanir gera ráð fyrir að verk-
smiðjan verði tilbúin og fyrri ofn
hennar gangsettur 1. ágúst 2012 og
seinni ofninn nokkrum mánuðum
síðar. Til þess að það sé hægt þarf
að tryggja orku til starfrækslu
verksmiðjunnar fyrir 1. nóvember
næstkomandi og þá gætu verklegar
framkvæmdir jafnframt hafist.
Viljayfirlýsing um forgang verk-
smiðjunnar að tiltekinni raforku hjá
HS orku er runnin út og félagið á
nú í viðræðum við Landsvirkjun um
orkukaup. Friðbjörn segir að
Landsvirkjun geti útvegað orku
fyrir annan ofninn á tilsettum tíma
og ef áætlanir fyrirtækisins um
orkuöflun gangi eftir geti Lands-
virkjun einnig útvegað orku fyrir
seinni ofninn síðar.
Friðbjörn segir að samningar um
orkukaup til slíkrar verksmiðju séu
flóknir en málið þokist áfram þótt
hægt fari. Vonast hann til að endar
náist saman á næstunni.
Í verksmiðjunni verður fram-
leiddur kísill úr innfluttu kvars-
grjóti. Kísillinn kemur um 99%
hreinn út úr verksmiðjunni og er
notaður í ýmiskonar efnaiðnað.
Fullhreinsaður kísill er mun verð-
mætari afurð enda aukin eftirspurn
eftir þannig hráefni sem meðal ann-
ars er notað í sólarrafhlöður, ör-
gjörva í tölvum og önnur raf-
eindatæki. Þetta er orkufrekur
iðnaður og til greina kemur að
reisa slíka verksmiðju í Helguvík í
framtíðinni.
Unnið verður á vöktum í kís-
ilverksmiðjunni, allan sólarhring-
inn, alla daga ársins. Gert er ráð
fyrir að framleidd verði um 44 þús-
und tonn af kísli á ári, auk 20 þús-
und tonna af kísilryki og gjalli sem
einnig er markaðsvara.
Rætt við Landsvirkjun um orkukaup
 Gert er ráð fyrir því að kísilverksmiðja hefji framleiðslu í Helguvík sumarið 2012
 Til þess að það sé mögulegt þarf hins vegar að ganga frá orkusamningum á næstu tveimur mánuðum
Kísilverksmiðjan
» Stofnkostnaður kísilverk-
smiðju er áætlaður 16-18
milljarðar króna.
» 300-350 ársstörf eru við
uppbygginguna.
» Verksmiðjan skapar 90
varanleg störf.Helguvík Búið er að fjármagna
byggingu verksmiðjunnar.
Minnisvarði um Vífilsstaði var afhjúpaður í gær í
tilefni af því að 100 ár voru liðin frá því að hælið
tók til starfa. Lárus Helgason læknir og Stefán
Veturliðason, stórsír Oddfellowreglunnar, af-
hjúpuðu minnisvarðann. Hönnuðirnir eru Jón
Otti Sigurðsson, fulltrúi Oddfellowreglunnar á
Íslandi í afmælisnefndinni, og Þorkell Gunnar
Guðmundsson. Um miðjan mánuðinn verða gefin
út frímerki í tilefni af tímamótunum.
Minnisvarði um Vífilsstaði afhjúpaður
Morgunblaðið/Golli
Mál sem varðar bílalán sem geng-
istryggt var með ólögmætum hætti,
svokallað myntkörfulán, og Héraðs-
dómur Reykjavíkur dæmdi í að láns-
féð skyldi bera óverðtryggða vexti
Seðlabanka Íslands í stað samnings-
vaxta verður flutt fyrir Hæstarétti í
dag klukkan níu. Niðurstaða héraðs-
dóms var fyrsti dómurinn sem kvað
á um uppgjör lánanna.
Hæstiréttur kvað í júní upp tvo
dóma um að gengistrygging lánsfjár
í íslenskum krónum stæðist ekki lög.
Þar sem lánveitendur gerðu ekki
kröfu um breytingu á lánasamning-
unum var ekki tekin afstaða til þess
hvernig skyldi gera lánin upp.
Er lokadóms Hæstaréttar í mál-
inu beðið með óþreyju enda miklir
hagsmunir í húfi fyrir lánþega og
lánveitendur. Samkvæmt lögum skal
kveða upp dóm í máli fyrir Hæsta-
rétti ekki seinna en fjórum vikum
eftir að mál er dómtekið.
Niðurstaða héraðsdóms leiðir til
mun hagfelldari kjara en geng-
istrygging og vextir samkvæmt
samningi. Skuldurum væri þó al-
mennt hagfelldast að samnings-
vextir stæðu án hinnar ólögmætu
gengistryggingar. skulias@mbl.is
Mynt-
karfan í
Hæstarétti
Lokadóms beðið
með óþreyju