Morgunblaðið - 06.09.2010, Blaðsíða 6

VIÐTAL
Baldur Arnarson
baldura@mbl.is
„Þetta er tímabundinn kyrr-
stöðusamningur. Svo þegar honum
lýkur eða skilmálar samningsins
standa ekki fer málið áfram sína leið.
Samningurinn gengur í raun og veru
ekki út á annað en að menn verða
ásáttir um að hætta tímabundið ein-
hverjum aðgerðum sem hafa verið í
gangi og síðan þegar því er lokið, eða
ef skilmálarnir halda ekki, er þeim
aðgerðum framhaldið,“ segir Hösk-
uldur Ólafsson, bankastjóri Arion
banka, aðspurður um þá gagnrýni á
bankann að fyrirliggjandi
kyrrstöðusamningur við Gaum sé
óeðlilegur.
„Ég fékk til dæmis spurningu
um þetta frá Morgunblaðinu í júní.
Þá var spurt um sambærileg mál
gagnvart heimilunum, nánar tiltekið
um þá ákvörðun okkar að krefjast
ekki uppboða á heimilum fólks fram
að áramótum. Ég gat þá ekki svarað
því nákvæmlega hvað tæki svo við.
Um áramótin er þeirri kyrr-
stöðuaðgerð lokið og þá tekur eitt-
hvað annað við. Þannig að mér finnst
þessi gagnrýni svolítið byggð á mis-
skilningi. Slíkir kyrrstöðusamningar
hafa þannig viðgengist allt frá því að
bankarnir byrjuðu að vinna í þeim
fjöldamörgu málum skuldara sem
ekki geta staðið í skilum á skuld-
bindingum sínum. Þetta hefur verið
við lýði í einu eða öðru formi mjög
lengi. Mér finnst ummæli umboðs-
manns skuldara gefa tilefni til þess
að við þurfum að upplýsa hann bet-
ur.“
Viðgengist hjá öllum bönkum
Höskuldur heldur áfram.
„Annað í þessu er að umboðs-
maður skuldara tiltekur okkar
banka og einn annan sérstaklega er
hann upplýsir að hann hyggist leita
þar upplýsinga um slíka samninga.
Ég held að sambærilegir samningar
hafi viðgengist hjá öllum bönkum.
Ég minnist þess líka að stjórnvöld
hafi gert svona kyrrstöðusamninga,
eða greiðslufrystingarsamninga.
Það er spurning hvað þetta er kallað.
Menn eru svolítið að fjalla um þetta
nýyrði, kyrrstöðusamningur, sem er
þýðing á „standstill-samningi“. Ég
man til dæmis eftir því að í aðgerð
Fjármálaeftirlitsins gagnvart einum
sparisjóði var gerður svokallaður
greiðslufrystingarsamningur og inn-
an sviga „standstill-samningur“.
Þannig að þetta
er einhvers konar
misskilningur
sem ég held teng-
ist þessu nýyrði.“
– Hvernig
bregstu við þeim
ummælum Ástu
Sigrúnar, um-
boðsmanns
skuldara, að
málsmeðferð
Gaums vitni um að það séu tvær
þjóðir í þessu landi þegar kemur að
samskiptum banka og almennings,
þ.e. að yfirstétt í fjármálalífinu búi
við önnur kjör en almenningur?
Eins og fyrir almenning
„Ég held að þetta sé misskiln-
ingur hjá henni. Við höfum beitt alls-
konar frystingum gagnvart ein-
staklingum til skemmri tíma og
lengri. Það má nefna eitt úrræði,
sem er reyndar ekki tvíhliða eða
marghliða samningur, en við höfum
til dæmis gefið út þá tilskipun í
fyrrahaust að við myndum fresta öll-
um uppboðum á íbúðahúsnæði fólks,
sem er náttúrulega fullnustuaðgerð,
út árið 2010. Þannig að ég er ekki
sammála þessu.“
– Hvernig bregstu við þeirri
umræðu í þjóðfélaginu að þarna sé
verið að hygla auðmönnum með
óeðlilegum hætti?
„Við getum ekki brugðist við
henni öðruvísi en að upplýsa al-
menning betur. Við sendum frá okk-
ur tilkynningu sem miðar að því að
reyna að útskýra betur um hvað
málið snýst. Þar kemur fram að
þetta er ekkert einsdæmi. Það hafa
fjöldamargir slíkir samningar verið
gerðir, bæði við einstaklinga og fyr-
irtæki. Ég held að við þurfum að
upplýsa umboðsmann skuldara bet-
ur. Við munum óska eftir því að eiga
góðan fund með henni um það og
munum að sjálfsögðu svara þeim
fyrirspurnum sem hún kann að
leggja fram.“
Veit ekki meira en þá
– Í lok ágúst var haft eftir þér
að þú hefðir ekki upplýsingar um
hvaðan Jóhannes Jónsson, gjarnan
kenndur við Bónus, hefði fé til að
kaupa nokkur fyrirtæki sem metin
eru á um 2% af veltu Haga. Hafa ein-
hverjar upplýsingar borist síðan?
„Nei. Málin ganga þannig fyrir
sig að það er gert samkomulag og
síðan þurfa menn að standa skil á
því. Það er ekki búið að ganga frá
þessu. Þessar greiðslur hafa ekki átt
sér stað og við höfum ekki afhent
hlutabréfin. Ég hef í raun og veru
ekki meiri vitneskju en ég hafði þá.“
Inntur eftir því hvort það bryti í
bága við lög um fjármálastarfsemi ef
Jóhannes greiddi fyrir hlutinn með
fé sem óljóst væri hvaðan kæmi, á
sama tíma og svona er ástatt um fé-
lög sem honum tengjast, svarar
Höskuldur því til að svo lengi sem
féð komi eftir eðlilegum leiðum líti
Arion banki svo á að farið sé að lög-
um.
„Ef það kemur millifærsla frá
öðrum banka sé ég ekki að við aðhöf-
umst meira í því. Við gætum þess að
fara að lögum og reglum og erum
með okkar eftirlitskerfi til að
tryggja að farið sé að lögum. Við
sjáum til þess að peningarnir komi
eftir löglegum leiðum. Ef pening-
arnir koma frá bankareikningi í öðr-
um banka sem er eftirlitsskyldur og
uppfyllir öll skilyrði er í sjálfu sér
ekki mikið sem við gerum í því,“ seg-
ir Höskuldur sem kveðst aðspurður
ekki geta tjáð sig um greiðslufrest-
inn sem Jóhannes hefur fengið.
– Ef við víkjum aftur að Gaumi.
Ertu tilbúinn að tjá þig um á hvaða
stigi athugun ykkar á stöðu fyrir-
tækisins er?
„Við erum að vinna í því máli.
Nú erum við á ákveðnum stað í því
ferli og það er í raun ekkert hægt að
segja meira til um það.“
Ólíklegt að skuld Gaums
innheimtist að fullu
– Félagið skuldar Arion banka
tugi milljarða. Telurðu raunhæft
sem bankastjóri að félagið geti unnið
sig út úr þessum vanda og orðið
borgunarmaður fyrir þessari skuld?
„Ég held – og tel jafnframt að
það hafi komið fram – að það sé frek-
ar langsótt að félagið sé borgunar-
maður fyrir öllum sínum skuldum.
Þetta gengur þannig fyrir sig að
bankinn er að reyna að hámarka sína
innheimtu, hvort sem það er öll
skuldin eða einhver hluti hennar,
verulegur eða mjög lítill. Það er
mjög langt á milli fullrar innheimtu
og engrar innheimtu og bankinn er í
sjálfu sér að reyna að hámarka sinn
hlut. Ég tel ólíklegt að skuldin inn-
heimtist að fullu.“
Hvað snertir önnur atriði kyrr-
stöðusamnings kveðst Höskuldur
ekki hafa heimild til að tjá sig um
efni hans á þessu stigi.
6 FréttirINNLENT
MORGUNBLAÐIÐ MÁNUDAGUR 6. SEPTEMBER 2010
www.noatun.is
FLJÓTLEGT
OG GOTT
Hafðu það
gottmeð
Nóatúni
PLOKKFISKUR
KR./KG
999
1359
F
ÚRFISKBOR
ÐI
ÚR
FISKBORÐI
FERSKIR
Í FISKI
26%
afsláttur
Halldór Armand Ásgeirsson
haa@mbl.is
„Þetta var alveg meiriháttar. Við
stefndum auðvitað að því að vinna en
gerðum okkur ekki alltof miklar von-
ir um að það rættist,“ sagði Helgi
Árnason, skólastjóri Rimaskóla, en
skáksveit skólans sigraði á Norður-
landsmóti barnaskólasveita sem
fram fór í Osló í Noregi um helgina.
Þegar Morgunblaðið náði tali af
Helga í gærkvöld beið hann eftir
flugvél á flugvellinum í Osló og var
hreinlega í skýjunum.
Skáksveitin, sem var skipuð Degi
Ragnarssyni, Oliver Aron Jóhannes-
syni, Jóni Trausta Harðarsyni,
Kristófer Jóel Jóhannessyni og
Kristni Andra Kristinssyni, sigraði
finnsku sveitina í lokaumferðinni og
hlaut í heild 15 vinninga, 1,5 vinn-
ingum meira en danska sveitin sem
var í öðru sæti. Þjálfari liðsins var
Hjörvar Steinn Grétarsson, einn
efnilegasti skákmaður landsins, sem
jafnframt varð Norðurlandameistari
með Rimaskóla árið 2008.
Skáksveit Rimaskóla vann
Norðurlandamót í Osló
Skólinn vann sama
mót árin 2004 og
2008
Norðurlandameistarar Helgi Árnason, skóla- og fararstjóri, ásamt Degi,
Oliver Aroni, Jóni Trausta, Kristófer Jóel og Kristni Andra.
Ásta Sigrún
Helgadóttir,
umboðs-
maður skuld-
ara, gefur
Arion banka
frest til
næsta mánu-
dags til að
leggja fram
skriflegt
svar vegna
spurninga um kyrrstöðusamn-
inginn.
„Ég óska eftir skriflegu
svari og útskýringum á því
hvers eðlis þessir samningar
eru. Ég mun senda sambæri-
lega fyrirspurn á aðra banka,
Landsbankann, Íslandsbanka
og Byr, og heyra þeirra sjón-
armið. Hvað snertir greiðslu-
frest á vöxtum á skuld Gaums
við bankann ber að hafa í
huga að almenningi stendur
slíkur frestur ekki til boða.“
Spurð hvort hún telji að
samningurinn sé til vitnis um
að það séu tvær þjóðir í land-
inu segir hún ljóst að fyrir og
eftir hrun hafi ákveðnir aðilar
notið fyrirgreiðslu. „Það vekur
manni ugg ef það á að halda
áfram.“
Gefur frest
til mánudags
EKKI VIÐ SAMA BORÐ
Ásta Sigrún
Helgadóttir
Ver kyrrstöðusamninginn
 Bankastjóri Arion banka segir gagnrýni á kyrrstöðusamning bankans við
Gaum byggða á misskilningi  Telur umboðsmann skuldara á villigötum
Morgunblaðið/Golli
Biðstaða Bankastjóri Arion banka segir kyrrstöðusamning við Gaum hluta af þeirri viðleitni bankans að fá sem
mest upp í kröfur, alls 50 milljarða. Svör bankastjórans benda til að reiknað sé með að hluti upphæðarinnar tapist.
Höskuldur
Ólafsson