Morgunblaðið - 11.09.2010, Blaðsíða 2

2 FréttirINNLENT
MORGUNBLAÐIÐ LAUGARDAGUR 11. SEPTEMBER 2010
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Prentun Landsprent ehf.
Einar Örn Gíslason
einarorn@mbl.is
„Neikvæð framlegð, mikil og aukin
skuldastaða ásamt neikvæðu veltufé
frá rekstri sem ekki stendur undir
afborgunum langtímalána, veldur
eftirlitsnefndinni áhyggjum um fjár-
hagsstöðu Reykjanesbæjar,“ segir í
bréfi sem eftirlitsnefnd með fjármál-
um sveitarfélaga hefur sent Reykja-
nesbæ vegna slæmrar fjárhagsstöðu
sveitarfélagsins.
Heildarskuldir A- og B-hluta bæj-
arsjóðs voru í lok síðasta árs tæpir
43 milljarðar króna, eða rúmlega
fjórfaldar heildarárstekjur sveitar-
félagsins. Framlegðarhlutfall A- og
B-hluta var neikvætt á árinu, en ein-
skiptishagnaður af sölu hlutabréfa
lagaði rekstrarniðurstöðu sveitarfé-
lagsins nokkuð. Hefði hlutabréfasal-
an ekki komið til hefði afkoman verið
neikvæð um fjóra milljarða. Rekstr-
arniðurstaða A- og B-hluta Reykja-
nesbæjar á árinu 2008 var neikvæð
um rúma átta milljarða.
Fleiri í vanda á Suðurnesjum
Auk Reykjanesbæjar hefur eftir-
litsnefndin lýst yfir áhyggjum af
slæmri skuldastöðu fjölda annarra
sveitarfélaga, og krafist þess að for-
svarsmenn þeirra geri grein fyrir
áætlunum um úrbætur. Nágranna-
sveitarfélög Reykjanesbæjar, Sand-
gerðisbær og Vogar, standa afar illa.
Heildarskuldir beggja sveitarfélaga
nema tæplega fjórföldum heildar-
árstekjum síðasta árs, og var fram-
legðarhlutfall beggja neikvætt á
árinu. Eftirlitsnefndin hefur sett sér
það að viðmiði að hlutfallið sé já-
kvætt um 15 til 20 prósent.
Af skuldugustu sveitarfélögunum
eru einungis þrjú, Árborg, Fjarða-
byggð og Grundarfjarðarbær, sem
ná því viðmiði, en í engu tilviki er
hlutfallið þó yfir 20 prósentum. Í
krónum talið voru skuldir Hafnar-
fjarðarbæjar og Kópavogsbæjar
svipaðar og skuldir Reykjanesbæj-
ar, rúmir 40 milljarðar. Tekjurnar
voru hins vegar umtalsvert meiri og
framlegðin sömuleiðis, en rekstrar-
niðurstaða beggja neikvæð um
nokkra milljarða á síðasta ári.
Sveitarfélög fá falleinkunn
 Fjölda sveitarfélaga gert að greina frá áformum til að takast á við skuldavanda
 Slæm rekstrarafkoma gerir það að verkum að greiðslugetu er teflt í tvísýnu
Illviðráðanlegar skuldir
» Eftirlitsnefnd með fjár-
málum sveitarfélaga miðar við
að heildarskuldir séu undir
150% af heildartekjum.
» Fjöldi sveitarfélaga er langt
yfir þessu viðmiði, og víða
stefnir í óefni verði ekki gripið
til umfangsmikilla aðgerða.
Flöskuhálsar við Kalkofnsveg hafa verið dag-
legir viðburðir í sumar vegna framkvæmda sem
staðið hafa yfir í tengslum við byggingu nýja
tónlistarhússins Hörpunnar. Til stóð að fram-
kvæmdum væri lokið en þær hafa dregist aðeins.
Friðgeir Indriðason, verkefnastjóri hjá fram-
kvæmda- og eignasviði Reykjavíkurborgar, seg-
ir að ástæðan fyrir því að ekki hafi tekist að
klára framkvæmdirnar enn sem komið er sé að
vinna við tónlistarhúsið sé einfaldlega ekki kom-
in nógu langt. „Það er verið að leggja frárennsl-
islagnir frá tónlistarhúsinu og inn í frárennslis-
kerfi borgarinnar. Til þess þarf að grafa óhemju
djúpt en við höfum ekki getað grafið þegar við
ætluðum þar sem ekki er búið að ganga frá
veggjum í kjallara tónlistarhússins,“ segir Frið-
geir. Hann segir þó að hægt verði að hefja mal-
bikun strax eftir aðra helgi.
Sér fyrir enda flöskuhálsa við Hörpuna
Morgunblaðið/Árni Sæberg
Stefáni Einarssyni hönnunarstjóra
voru í gær afhent fyrstu verðlaun í
samkeppni Sameinuðu þjóðanna um
bestu auglýsinguna til að vekja at-
hygli á baráttunni gegn fátækt í
heiminum. Soffía Spánardrottning
stýrði athöfninni í Madrid.
Sigurauglýsingin nefnist „Kæru
leiðtogar, við bíðum enn“ og er þar
vísað til loforða leiðtoga heims um að
helminga fátækt í heiminum fyrir ár-
ið 2015. Alls bárust 2.030 auglýs-
ingar en Stefán átti einnig auglýs-
ingu í þriðja sæti og alls þrjár af
þrjátíu sem valdar voru til að keppa
til úrslita.
Í þakkaræðu sinni sagðist Stefán
vona að auglýsingin hjálpaði til að
hvetja leiðtogana til að standa við
gefin loforð um að draga úr fátækt.
Auglýsing Stefáns vann
Verðlaun Stefán við hlið Soffíu drottningar og Antonio Banderas.
Maðurinn sem
brenndist í vinnu-
slysi á KFC í
Kópavogi seint á
fimmtudagskvöld
er með tiltölulega
alvarleg bruna-
sár en hann er
kominn af gjör-
gæslu að sögn
læknis á lýta-
lækningadeild.
Líðan hans er eftir atvikum góð.
Aðrir tveir starfsmenn brenndust í
slysinu en þeir voru sendir heim eft-
ir skoðun.
Samkvæmt yfirlýsingu KFC
fylgdi starfsmaðurinn sem brenndist
ekki vinnureglum þegar hann var að
þrífa pott. Var potturinn, fullur af
vatni, settur í gang og honum lokað.
Við það hefði vatnið soðið þannig að
þegar starfsmaðurinn opnaði pott-
inn spýttist vatnið yfir hann og hina
tvo starfsmennina.
Athygli vakti að sjúkralið var ekki
sent á staðinn en í yfirlýsingu KFC
segir að starfsmaður Neyðarlín-
unnar hafi ráðlagt starfsmönnunum
að fljótlegra væri að koma sjálfir á
einkabíl. Þá var lögregla ekki kölluð
strax á staðinn og Vinnueftirlit rík-
isins var ekki látið vita fyrr en morg-
uninn eftir. Var því borið við í yf-
irlýsingu fyrirtækisins að
Vinnueftirlitið væri opið á milli 9 og
17 á daginn og því ekki hægt að til-
kynna slysið strax um nóttina.
Að sögn Steinars Harðarsonar,
umdæmisstjóra Vinnueftirlitsins, er
sólarhringsvakt þar á bæ sem tekur
við tilkynningum á hvaða tíma sem
er. Aðstæður á veitingastaðnum hafi
verið rannsakaðar og verið sé að
vinna úr gögnum. kjartan@mbl.is
Líðan
góð eftir
vinnuslys
KFC Þrír starfs-
menn slösuðust.
Vinnueftirlitið ekki
kvatt strax til
Lögreglan á höfuðborgarsvæðinu
leitaði að manni í Laugardalnum og
við Laugalækjarskóla í gærkvöldi.
Maðurinn er grunaður um ósæmi-
lega hegðun og þukl á barni sem til-
kynnt var um hálfsjöleytið.
Maðurinn fannst ekki og eftir
nokkra stund var leitinni hætt. Nafn
mannsins er ekki vitað að sögn lög-
reglu heldur var notast við lýsingu á
útliti hans.
Barnaníð-
ings leitað
Ólíklegt er talið að Orkustofnun
geri athugasemd við þá ákvörðun
Orkuveitu Reykjavíkur að hækka
verð á dreifingu rafmagns um 40%.
Ívar Þorsteinsson, verkefn-
isstjóri hjá Orkustofnun, segir að
stofnunin hafi ekki lokið end-
anlegri umfjöllun um beiðni OR
um hækkun. Flest bendi hins veg-
ar til að Orkuveitan sé innan
þeirra viðmiðunarmarka sem
Orkustofnun miðar við varðandi
verð fyrir dreifingu rafmagns.
Ívar segir að hækkunin geti ekki
tekið gildi 1. október eins og kom
fram í tilkynningu Orkuveitunnar.
Lögum samkvæmt þurfi að til-
kynna hækkun á raforkudreifingu
með tveggja mánaða fyrirvara.
Norðurorka hefur óskað eftir
hækkun á verði raforkudreifingar
um 4%. Franz Gíslason, forstjóri
Norðurorku, segir að með þessu sé
tekið tillit til verðbólgu síðasta árs.
Fellst líklega
á hækkun
... og rjómi
H
V
ÍT
A
H
Ú
S
IÐ
/S
ÍA
–
0
8
-1
6
7
4