Morgunblaðið - 11.09.2010, Blaðsíða 12

12 FréttirINNLENT
MORGUNBLAÐIÐ LAUGARDAGUR 11. SEPTEMBER 2010
FRÉTTASKÝRING
Egill Ólafsson
egol@mbl.is
Verð á húshitun er um þrefalt hærra í dreifbýli
hjá Rarik en hjá Orkuveitu Reykjavíkur þrátt
fyrir 35% hækkun á heitu vatni hjá OR. Eftir
hækkun kostar 5.407 kr. á mánuði að hita hús í
Reykjavík en 15.332 kr. að hita samskonar hús í
dreifbýli á svæði Rarik.
Það er ekki mikill munur á verði raforku eftir
landsvæðum og fólk getur ekki sparað stórar
upphæðir með því að skipta um orkusala.
Það er hins vegar gríðarlega mikill munur á
húshitunarkostnaði eftir landsvæðum. Ríkið nið-
urgreiðir húshitunarkostnað þar sem hann er
hæstur, en þrátt fyrir það er munurinn mikill.
Mikill verðmunur
Benedikt Guðmundsson, verkefnisstjóri hjá
Orkustofnun, segir að á svæði Orkuveitu Reykja-
víkur séu menn að borga um 2 kr. fyrir kílóvatt-
stund vegna húshitunar. Eftir hækkun verður
verðið um 2,7 kr./kwst. Rafhitun í dreifbýli kost-
ar hins vegar um 12 kr. óniðurgreitt, en með nið-
urgreiðslum er fólk að greiða um 7 kr./kwst. Raf-
hitun í þéttbýli kostar um 10 kr. og um 5
kr./kwst. með niðurgreiðslum. „Það er því tvöfalt
og upp í þrefalt dýrara að kynda með rafmagni
úti á landi, en að fá heitt vatn í Reykjavík. Eftir
hækkun er verðið á höfuðborgarsvæðinu samt
meira en helmingi lægra en þar sem er dýrast að
kynda,“ segir Benedikt og bætir við að fyrir fólk
á landsbyggðinni væri það sannkallaður draum-
ur að fá að greiða það verð fyrir húshitun sem
höfuðborgarbúar greiða.
Það eru hitaveitur víða um land og Benedikt
segir að gjaldskrár þeirra séu mismunandi. Það
sé frá því að bjóða sambærilegt verð og í Reykja-
vík upp í að vera helmingi dýrara en í Reykjavík.
Dýrustu hitaveiturnar selji kílóvattstundina á
4-5 kr. Þetta eru nýjar veitur sem hafa verið
byggðar fyrir dýrt lánsfé. Benedikt nefndi í því
sambandi hitaveitu Grenivíkur og hitaveitu Eski-
fjarðar.
Það eru til hitaveitur sem eru með lægra verð
en Orkuveita Reykjavíkur. Verðið er einna
lægst hjá Hitaveitu Seltjarnarness. Það eru
líka til litlar hitaveitur á Suðurlandi sem selja
heitt vatn á lægra verði en OR. Óvíða á lands-
byggðinni er hins vegar jafn ódýrt að hita og
á Drangsnesi. Þar er nýleg veita sem ekki hef-
ur breytt gjaldskrá sinni í fimm ár.
Orkuveita Reykjavíkur hefur á síðustu árum
keypt nokkrar veitur á Suður- og Vesturlandi.
Fyrirtækið hefur fylgt þeirri stefnu að
bjóða sama verð, án tillits til þess hvaða
hiti er á vatninu. Í mörgum tilvikum
lækkaði verðið verulega þegar OR
eignaðist veiturnar.
Meira en þrefalt hærra verð
 Gríðarlegur munur er á húshitunarkostnaði milli landshluta  Sumir íbúar í dreifbýli greiða meira en
þrefalt hærra verð en íbúar á höfuðborgarsvæðinu þrátt fyrir 35% hærri gjaldskrá Orkuveitunnar
Víðir Benediktsson, vélvirki í
Bolungarvík, segir mikið mis-
rétti felast í þeim mikla mun
sem sé á húshitun milli lands-
hluta. Hann greiðir í þessum
mánuði rúmlega 20 þúsund
krónur fyrir rafmagn og hita,
þar af 14 þúsund fyrir hita af
einbýlishúsi sínu í Bolungarvík.
Víðir segir að munur milli
svæða sé enn meiri hjá fyr-
irtækjum því að ríkið nið-
urgreiðir ekki húshitun vegna
atvinnuhúsnæðis.
Viðar sagði að verð á orku
frá Orkuveitu Reykjavíkur hefði
lækkað ár frá ári þar sem verð-
ið hefði ekki hækkað í
takt við verðbólgu.
Orkubú Vestfjarða hefði
hins vegar hækkað verð
einu sinni til tvisvar á
ári.
„Það er óþolandi að
ein þjóð skuli
þurfa að búa
við svona
mismunandi
orkuverð,“
segir Víðir.
Óþolandi
mismunur
VÍÐIR BENEDIKTSSON
Víðir Benediktsson
Verð á húshitun (m.v. hitun 495 m3)
4.
0
0
5
kr
.
5.
40
7
kr
.
12
.1
62
kr
.
14
.2
33
kr
.
13
.0
46
kr
.
15
.3
32
kr
.
5.
76
4
kr
.
Orkuveita
Reykjavíkur
Orkubú
Vestfjarða RARIK
Norður-
orka
Fyrir Eftir Þéttb. Dreifb. Þéttb. Dreifb. Þéttb.
Morgunblaðið/RAX
Virkjun Margir landsbyggðarmenn vilja glaðir greiða það verð sem OR innheimtir fyrir heita vatnið.
Árið 2009 fæddust 5.027 börn hér-
lendis, 2.561 drengur og 2.466 stúlk-
ur. Það eru 192 fleiri börn en ári áður,
en þá fæddust hér 4.835 börn. Aldrei
áður hafa fleiri lifandi fædd börn
komið í heiminn á einu ári hér á landi.
Áður fæddust flest börn árið 1960
þegar 4.916 börn fæddust og árið
1959 þegar 4.837 börn komu í heim-
inn.
Þetta kemur fram í nýjum tölum
Hagstofunnar, sem segir að algeng-
asti mælikvarði á frjósemi sé fjöldi lif-
andi fæddra barna á ævi hverrar
konu. Árið 2009 var frjósemi ís-
lenskra kvenna meiri en árið 2008,
eða 2,22 börn á ævi hverrar konu en
2,14 börn árið 2008.
Yfirleitt er miðað við að frjósemin
þurfi að vera um 2,1 barn til þess að
viðhalda mannfjöldanum til lengri
tíma litið. Undanfarin ár hefur frjó-
semi á Íslandi verið rétt um tvö börn á
ævi hverrar konu að sögn Hagstof-
unnar. Árið 2008 fór hún í fyrsta sinn
síðan 1996 yfir 2,1 barn. Þó er frjó-
semin ekki nema helmingur frjósem-
innar í kringum 1960, en þá gat hver
kona vænst þess að eignast rúmlega
fjögur börn á ævinni.
Aðeins rúmlega þriðjungur barna á
Íslandi fæddist í hjónabandi árið 2009
(35,6%). Þetta hlutfall hefur haldist
nokkuð stöðugt frá því um miðjan tí-
unda áratug síðustu aldar, en þá var
það 36,5%.
Hagstofan segir, að frá 1961 til
1996 hafi hlutfall þeirra barna sem
fæddust í hjónabandi lækkað úr
74,3% niður í 36,5% á sama tíma og
hlutfall þeirra barna sem fæddust í
óvígðri sambúð jókst úr 13,4% í
50,9%. Það hlutfall er óbreytt árið
2009 (48,8%).
Hlutfall barna sem fæðast utan
sambúðar eða hjónabands er því hlut-
fallslega nokkuð svipað og það var á
árunum 1961-1965. Þá fæddust 12,4%
allra barna utan hjónabands eða sam-
búðar en voru 15,6% árið 2009.
Annríki Það var mikið að gera á fæðingardeildum landsins í fyrra.
Aldrei áður hafa
fæðst fleiri börn
 Aðeins rúmlega þriðjungur barna á
Íslandi fæddist í hjónabandi í fyrra
Morgunblaðið/Þorkell
NJÓTIÐ ÞESS AÐ FLJÚGA
NÁMSKEIÐ GEGN FLUGFÆLNI – 9. OKTÓBER 2010
Icelandair efnir til námskeiðs fyrir fólk sem vill takast á við flugfælni.
Kenndar verða aðferðir til að vinna bug á kvíða og fælni
og farið verður yfir þætti sem tengjast flugvélinni og fluginu sjálfu.
Námskeiðinu lýkur með flugferð til eins af áfangastöðum
Icelandair í Evrópu.
Leiðbeinendur: Álfheiður Steinþórsdóttir, sálfræðingur
og Páll Stefánsson, flugstjóri.
Námskeiðið hefst 4. október 2010.
+ UPPLÝSINGAR OG SKRÁNING
eline@icelandair.is I SÍMI: 50 50 300
Umsóknir þurfa að berast eigi síðar en 30. september 2010.
ÍS
L
E
N
S
K
A
S
IA
.I
S
IC
E
49
48
8
02
/1
0