Morgunblaðið - 11.09.2010, Blaðsíða 28

28 Umræðan
MORGUNBLAÐIÐ LAUGARDAGUR 11. SEPTEMBER 2010
Úrslitin í Bikarkeppni
BSÍ um helgina
Undanúrslit í bikarkeppni sum-
arsins verða laugardaginn 11. sept-
ember í Síðumúlanum og hefjast kl.
11.
Þeir sem í undanúrslitunum eru:
Sveit H.F. verðbréfa – gegn sveit
Sigurðar Vilhjálmssonar
Sveit Skeljungs – gegn sveit Rún-
ars Einarssonar
Úrslitaleikur verður síðan kl. 10
sunnudaginn 12. sept.
Hverjir etja kappi þar er ekki gott
að segja fyrr en eftir undanúrslita-
leikinn.
Áhorfendur velkomnir í húsnæði
BSÍ. Einnig verða leikirnir sýndir á
BBO.
Vetrarstarfið að hefjast
í Kópavogi
Vetrarstarf Bridsfélags Kópavogs
hefst fimmtudaginn 16. september
næstkomandi.
Við hvetjum gamla sem nýja fé-
laga til að mæta á fimmtudaginn
kemur og vera með frá byrjun. Við
erum í björtum og góðum sal með
gott aðgengi fyrir fatlaða. Við hefj-
um leikinn á eins kvölds tvímenningi.
Ekki sitja heima við tölvubrids.
Komdu og spilaðu við okkur á
fimmtudaginn kemur.
Spilað verður á fimmtudögum í
vetur og hefst spilamennskan kl.
19:00.
Spilað er í Gjábakka, Fannborg 8 í
Kópavogi.
Keppnisstjóri í vetur verður Þórð-
ur Ingólfsson. Dagskrá vetrarins má
sjá á heimasíðu félagsins, bridge.is/
bk.
Þrettán og fjórtán borð
í Gullsmára
Spilað var á 13 borðum í Gull-
smára mánudaginn 6. september.
Úrslit í N/S
Jón Stefánsson - Guðlaugur Nielsen 323
Þorsteinn Laufdal - Páll Ólason 299
Gróa Jónatansd. - Kristm. Halldórss. 292
Kristín Óskarsd. - Gróa Þorgeirsd. 289
A/V
Birgir Ísleifsson - Örn Einarsson 366
Stefán Ólafsson - Helgi Sigurðsson 318
Elís Helgason - Gunnar Alexanderss. 313
Aðalh. Torfad. - Ragnar Ásmundss.. 276
Skor þeirra Birgis og Arnar er um
70%.
Góð þátttaka var í Gullsmára
fimmtudaginn 9.september. Spilað
var á 14 borðum.
Úrslit í N/S:
Guðlaugur Nielsen - Jón Stefánss. 335
Guðm. Magnúss. - Leifur Kr.Jóhanness. 307
Sigurður Njálsson - Pétur Jónss. 306
Þorsteinn Laufdal - Páll Ólason 300
A/V
Jóhann Benediktss. - Pétur Antonss. 334
Viðar Jónsson - Sigurður Björnss. 304
Jón Hanness. - Samúel Guðmundss. 288
Lúðvík Ólafss. - Þorleifur Þórarinss. 286
BRIDS
Umsjón Arnór G.
Ragnarsson | norir@mbl.is
Undirritaður er
einn nímenninganna
sem íslenska ríkið
hefur stefnt og kraf-
ist refsingar yfir
vegna atviks sem átti
sér stað í þinghúsinu
þann 8. desember
2008. Flestir hafa
heyrt af málinu og
því ekki ástæða til að
eyða of mörgum orð-
um í ákærurnar sem
slíkar hér. Hins veg-
ar er vert að gefa
umfjöllun fjölmiðla
um það gaum, enda
er þar af nægu að
taka. Hér verður ein-
ungis tæpt á umfjöll-
un eins fjölmiðils –
umfjöllun Morg-
unblaðsins.
Tónninn gefinn…
Blaðið gaf tóninn
fyrir afvegaleidda
umfjöllun strax dag-
inn eftir atburðinn.
Halla Gunnarsdóttir,
þáverandi þingfréttaritari blaðs-
ins, fullyrti að þingverði hefði
„verið hrint á ofn þegar ruðst var
upp stigaganginn“ og gerði
áverka hans að undirfyrirsögn
fréttarinnar. Eins og áhorfendur
Kastljósþáttar þann 15. maí sl.
muna, er þessi meinta árás á
þingvörðinn hreinn og beinn
skáldskapur. Myndband úr eft-
irlitsmyndavél Alþingis sýnir
hvernig annar þingvörður kippir
í einn sakborninganna og dregur
hann afturábak, með þeim afleið-
ingum að hann lendir á fyrri
þingverðinum sem svo fellur aft-
ur fyrir sig á ofn.
Í sömu frétt og á forsíðunni
birtist sögufölsun um að sam-
kvæmt heimildum Morgunblaðs-
ins eigi atvikið sér enga hlið-
stæðu. Ekki hefði Halla þurft að
leita langt til að komast að hinu
sanna. Þann 13. janúar 1993
sagði Morgunblaðið frá því að sjö
félagar æskulýðssamtaka Al-
þýðubandalagsins hefðu daginn
áður mætt á þingpalla, klæddir
hermannabúningum og með leik-
fangabyssur í hönd, til að mót-
mæla lokaafgreiðslu EES-
samningsins. Tíminn fjallaði
einnig um atvikið og sagði að til
ryskinga hefði komið milli mót-
mælenda og þingvarða.
Hefði Halla leitað lengra aftur,
til 18. maí 1976, hefði hún fundið
frétt Morgunblaðsins af rysk-
ingum þegar „stúdent hélt reiði-
lestur af þingpöllunum“. Þar
sagði þingvörður frá því hvernig
fjöldi manns myndaði skjaldborg
um manninn svo hann gæti klár-
að ræðu sína óáreittur af þing-
vörðum og lögreglumönnum.
Þóra Kristín Ásgeirsdóttir, sem í
desember 2008 starfaði fyrir vef-
síðu Morgunblaðsins, mundi hins
vegar eftir atburðinum þegar
hún vann frétt um atvikið sem
við nímenningarnir erum ákærð
fyrir. Hún gerði sér lítið fyrir og
tók reiða stúdentinn – Össur
Skarphéðsinsson sem þá var iðn-
aðarráðherra í ríkisstjórn Sam-
fylkingar og Sjálfstæðisflokks –
tali og fékk hann til að lýsa atvik-
inu í smáatriðum.
Það sem á sér ekki hliðstæðu
við mál ríkisins gegn okkur níu
er að aldrei áður hefur verið
ákært fyrir svipuð atvik. Hundr-
aðasta grein hegningarlaganna
hefur ekki verið notuð síðan 1949
en þá fór enginn inn í þinghúsið.
Þessi ólíku viðbrögð
við svipuðum atvik-
um væru eflaust
áhugavert viðfangs-
efni rannsókn-
arblaðamennsku.
… og tóninum við-
haldið
Sama dag og frétt
Höllu birtist skrifaði
Ólafur Þ. Steph-
ensen, þáverandi ri-
stjóri Morgunblaðs-
ins, Staksteina þar
sem hann sagði
„venjulegt fólk“ álíta
þau sem „röskuðu
friði Alþingis“ vera
vitleysinga. Og það
værum við. Með öðr-
um orðum: Fólk á
aldrinum 16 til 50
ára – m.a. kvik-
myndagerðamaður,
menntaskólanemar,
listamenn, sjúkraliði,
leikskólakennari,
póstberi, leið-
sögumaður, foreldrar
– er ekki venjulegt
fólk. Þvílíkur hroki!
Hroki sem svo hefur
fylgt Ólafi yfir á
Fréttablaðið.
Viku síðar skrifaði Pétur Blön-
dal, blaðamaður Morgunblaðsins,
pistil um atburðinn. Eins og
Halla fullyrti hann ranglega um
hvernig fyrrnefndur þingvörður
lenti á ofni í anddyri þinghússins
og bætti þar að auki við skáld-
skapinn að gengið hefði verið yfir
lögregluþjón í stigaganginum. Ég
man ekki eftir Pétri Blöndal í
stigagangi þinghússins þennan
dag og ekki hafa myndbands-
upptökur þingsins fært stoðir
undir þennan leirburð hans. Lyg-
arnar notaði hann til að hæðast
að ástæðum þess að við fórum
inn í þinghúsið, meðal annars
með því að bera okkur saman við
Martin Luther King. Af skrifum
hans að dæma ber víst ekki að
taka mark á andófsfólki nema um
sé að ræða stjörnur eins og King.
Frá því að málið var upp-
haflega þingfest í janúar hefur
Morgunblaðið svo haldið áfram á
svipaðri braut. Blaðamaðurinn
Andri Karl sá til að mynda
ástæðu til að setja orðið stuðn-
ingsmenn í gæsalappir í umfjöll-
un sinni um fyrirtöku í málinu
þann 13. maí. Þegar ég hafði við
hann samband og krafðist út-
skýringa sagði hann að aug-
ljóslega hefði hluti þeirra sem
mættu til að vera viðstödd þing-
haldið, einungis komið til að taka
þátt í ólátum. Máli sínu til stuðn-
ings sagðist hann hafa verið við-
staddur þingfestingu málsins í
janúar og þá hefðu aðeins örfáir
mætt til að sýna okkur stuðning
– eins og nú væri hins vegar um
múgæsingu að ræða. Það stang-
ast þó algjörlega á við hans eigin
frétt um þingfestinguna þar sem
segir að „allmargir félagar sak-
borninganna“ hafi sýnt samstöðu
með því að fylgjast með rétt-
arhaldinu.
Spurning til lesenda
Þessu til viðbótar mætti auð-
vitað fjalla um skrif ritstjóra
blaðsins. Það hefur hins vegar
verið gert margoft og virðast
þeir ófærir um að svara fyrir sig.
Með þessum skrifum mínum býst
ég síður en svo við stefnubreyt-
ingu Morgunblaðsins en vil frek-
ar beina spurningu til lesenda.
Hvernig er hægt að taka mark á
slíkri afvegaleiddri umfjöllun?
Eftir Snorra Pál
Jónsson
Úlfhildarson
»Morgun-
blaðið gaf
tóninn fyrir af-
vegaleidda um-
fjöllun um mál
nímenninganna,
strax daginn
eftir að atburð-
urinn sem leiddi
til ákæranna
átti sér stað.
Snorri Páll Jónsson
Úlfhildarson
Höfundur er listamaður.
Afvegaleidd
umfjöllun
Morgunblaðsins
Okkur veiðimönn-
um þykir fátt
skemmtilegra en að
skella okkur á veiðar
og haustið vekur okk-
ur svo sannarlega til-
hlökkun. Við vöknum
fyrir allar aldir, göll-
um okkur upp, still-
um upp gervigæs-
unum og bíðum
þolinmóðir í margar
klukkustundir eða keyrum langar
vegalengdir og borgum fúlgur fjár
fyrir að komast á hreindýraveiðar.
Já, við leggjum ýmislegt á okkur
við þetta skemmtilega áhugamál
okkar en við mættum samt stund-
um leggja aðeins meira á okkur.
Veiðar snúast ekki bara um að
drepa sem flest dýr og hirða bestu
bitana. Grimmustu rándýr jarð-
arinnar koma ekki einu sinni fram
við bráð sína af þeirri vanvirðingu
að láta allt að helming hennar fara
til spillis. Við eigum að umgangast
náttúruna og bráð okkar af 100%
virðingu og fullnýta þau dýr sem
við fellum eins og mögulegt er.
Enginn biti ónýttur
Þegar talað er um að fullnýta
dýr er átt við að öll bráðin sé not-
uð. Of mikið heyrist af því að
veiðimenn séu að bringuskera
gæsir, þ.e. að skera bringurnar af
fuglinum og henda svo restinni.
Þetta er náttúrlega bara glæpur.
Þessi svokallaða „rest“ er 50-60%
af fuglinum og hægt að laga for-
rétt úr því fyrir 10-15 manns.
Bringur af einni gæs duga í aðal-
rétt fyrir þrjá án villibráðarsósu
því í almennilega villibráðarsósu
þarf bein. Ef fuglinn er heil-
steiktur er hann aðalréttur fyrir
5-7 og nota má beinin og afgang-
ana (ef einhverjir verða) í súpur
eða sósugrunna.
Beinin af fuglinum, lærin, hjart-
að, lifrin og fóarnið eru allt afurðir
sem hægt er að nota í hina ýmsu
rétti. Beinin eru notuð í soð fyrir
súpur, seyði, sósur, paté og mo-
usse. Hjörtu má einnig nota í soð
og ef menn safna hjörtum úr 10
fuglum eða fleirum er hægt að
laga marga skemmtilega forrétti,
t.d. hjörtu í hlaupi og svo má heit-
reykja þau eða nota í meðlæti í
paté, súpur og sósur. Fóarnið er
oftast notað í soð en einnig er
gaman að snöggsteikja fóörn og
bera þau fram með forréttum og
aðalréttum.
Lifrin er algjört gull og hefur
marga matreiðslumöguleika.
Besta gæsalifrar-mousse sem um
getur er úr villtri fuglalifur. Að
mínu mati kemst frönsk aligæsa-
lifrar-mousse ekki með tærnar
þar sem sú villta hefur hælana.
Lifrina er einnig gott að létt-
steikja og hafa í hina ýmsu for-
rétti. Lærin er hægt
að nota í pottrétti,
confit, rillet, paté,
bökur og hina ýmsu
hakkrétti.
Margir bera fyrir
sig tímaskorti og
plássleysi sem ástæðu
fyrir því að bringu-
skera gæsirnar. Þá er
annað hvort að skjóta
færri fugla eða gefa
sér meiri tíma, úr-
beina fuglinn, laga
soð úr beinunum og frysta t.d. í
klakapokum. Bringur, læri og inn-
mat má svo vinna og frysta.
Vinnslan á bráðinni fylgir veiði-
skapnum og því sjálfsagt að gera
ráð fyrir tímanum sem fer í þetta.
Óteljandi möguleikar
Hreindýr eru yfirleitt betur
nýtt en fuglarnir en alltaf er hægt
að gera betur. Hjarta, lifur, kinn-
ar og tunga er það hráefni sem
mætti nýta betur. Líklega er hér
um að kenna vankunnáttu eða að
menn nenna ekki að bera þessar
afurðir niður af heiðum þar sem
dýrin eru veidd. Það eru margir
góðir réttir sem nota má þetta
góða hráefni í. Hjörtun er hægt að
nota í pottrétti eða léttsteikja þau
og bera fram með góðri sósu, þau
eru einnig ljómandi góð heitreykt
eða skorin í bita út í paté. Tung-
una má sjóða ferska, saltaða eða
reykta og bera fram hvort sem er
heita eða kalda, oftast sem forrétt.
Lifrina má nota svipað og lamba-
og kálfalifur, hún er t.d. góð í lifr-
arkæfu. Lifrina er einnig gott að
skera í sneiðar, léttsteikja á
pönnu og bera fram með góðri
sósu. Kinnarnar eru svo góðar hæ-
geldaðar. Hægt er að elda þær á
sama máta og coq au vin og svo
eru þær virkilega góðar í confit og
rillet.
Þeir eru margir réttirnir sem
menn fara á mis við ef þeir eru svo
óforskammaðir að henda þessu
fína hráefni vegna leti eða van-
kunnáttu. Já, hafiði það! Eins og
staðan er í dag er miklu betra að
elda íslensk gæsalæri en t.d.
danskar kjúklingabringur og ef
menn segjast ekki kunna að elda
er ráð að verða sér úti um upp-
skriftir og leiðbeiningar. Af nógu
er að taka. Gleðilegt veiðitímabil.
Eftir Úlfar
Finnbjörnsson
» Við eigum að um-
gangast náttúruna
og bráð okkar af 100%
virðingu og fullnýta þau
dýr sem við fellum eins
og mögulegt er.
Höfundur er matreiðslumeistari,
veiðimaður og blaðamaður
Gestgjafans.
Úlfar Finnbjörnsson
Kæru veiðimenn
Í texta Agnesar
Bragadóttur í Morg-
unblaðinu í dag, 10.
september, sem titl-
aður er fréttaskýring,
er sagt, að niðurstaða
nefndar, sem meðal
annars fjallar um
hvort kalla skuli sam-
an Landsdóm, hefði
verið kynnt mér á
mánudagskvöldið síð-
asta. Þetta er rangt. Niðurstaða
nefndarinnar var ekki kynnt mér
þá, og hvorki fyrr né síðar. Ég hef
ekki átt samtöl við nokkurn nefnd-
armann um hugsanlegt efni nið-
urstöðu nefndarinnar, hvorki full-
trúa míns eigin flokks, né annarra,
og engan úr forystu flokksins. Til
upplýsingar fyrir vel
innréttaða lesendur
má geta þess að hvorki
Agnes, né aðrir starfs-
menn blaðsins, gerðu
nokkra tilraun til að
hafa heldur það sem
sannara reynist með
því að spyrja mig eftir
sanngildi þessarar
staðhæfingar. Blaðið
birti, án þess að leita
staðfestingar. Það er
vond regla en þó ekki
allskostar ný á síðum
blaðsins í seinni tíð. Átti þó Moggi
samtal við mig um Landsdóm í gær,
svo sem sjá má á annarri blaðsíðu
þess í dag. Sjálfsagt er að leiðrétta
við lesendur blaðsins þegar upp er
spunnin vitleysa, en leiðigjarnt er
að þurfa að gera það næstum dag-
lega eins og upp á síðkastið. Mætti
sú góða kona sem þar lék fingrum
eyða svolitlum tíma í það sem okkur
var kennt í sunnudagaskólanum í
gamla daga, og gæti þá valið á milli
til dæmis Síraksbókar, 34:4 og þó
kannski frekar seinni partsins í
Orðskviðunum 8:7.
Agnesi bent – og kennt
Eftir Össur
Skarphéðinsson »Ég hef ekki átt sam-
töl við nokkurn
nefndarmann um hugs-
anlegt efni niðurstöðu
nefndarinnar, hvorki
fulltrúa míns eigin
flokks, né annarra, og
engan úr forystu flokks-
ins.
Össur Skarphéðinsson
Höfundur er utanríkisráðherra.