Morgunblaðið - 23.12.2010, Blaðsíða 4
4 FRÉTTIRInnlent
MORGUNBLAÐIÐ FIMMTUDAGUR 23. DESEMBER 2010
ALLAR VERSLANIR
FULLAR AF JÓLAVÖRUM
Næg bílastæði!
Opið til
23
í dag
Kjartan Kjartansson
kjartan@mbl.is
Hætta er á að geislaplötur vinsælla
íslenskra tónlistarmanna eins og
Spilverks þjóðanna og Baggalúts
komist ekki í eins marga jólapakka í
ár og jólagjafakaupendur vildu
vegna truflana á samgöngum í Evr-
ópu undanfarna daga og vikur.
Sending sem átti að berast útgáfu-
fyrirtækinu Senu í gærmorgun frá
safnstöð Flugleiða í Belgíu komst
ekki til landsins en bundnar eru von-
ir við að hún komist til skila í dag.
Að sögn Ástu Eddu Stefáns-
dóttur, innflutningsstjóra Senu, hef-
ur frakt safnast upp vegna þess að
allt var stopp á flugvöllum í Evrópu
auk þess sem vörubílar hafa komist
lítt áleiðis. Þannig tók það vörubíla-
farm frá Tékklandi, þar sem Sena
lætur framleiða fyrir sig, fimm daga
að komast til Belgíu.
„Þá eru Flugleiðir í vandræðum
með að hreinsa upp fraktina. Mér
skilst að það sé mikið til út af því að
þeir hafa ekki getað lent í Bret-
landi,“ segir Ásta Edda.
Spilverkið í hættu
Á meðal þess sem er í sending-
unni sem setið hefur föst í Belgíu
eru endurprentanir á jólaplötum
Baggalúts annars vegar og Sigurðar
Guðmundssonar og Memfismafíunn-
ar hins vegar. Liggur því aug-
ljóslega mikið á að plöturnar komist
í hús fyrir jól. Auk þess er fyrsta
prentun á heildarútgáfu á plötum
Spilverks þjóðanna föst ytra.
Segir Ásta að plöturnar hafi
verið pantaðar tímanlega en í stað-
inn fyrir tveggja daga afgreiðslu-
tíma sé hann orðinn fimm dagar.
„Þetta á að koma í fyrramálið [í
dag]. Það verður bara allt sett á fullt
að dreifa þessu sem allra fyrst. Við
setjum auglýsingar í útvarp til að
auglýsa þetta því það er svo mikil
eftirspurn. Þetta var sama sagan
með Fangavaktina í fyrra. Hún kom
ekki fyrr en á Þorláksmessu. Það
náðist að dreifa henni ansi víða og
hún seldist nánast upp. Þannig að
það er ennþá von,“ segir Ásta Edda.
Jólaplöturnar
frosnar í Belgíu
Útgáfufyrirtækið Sena vonast til
að fá geislaplötur til landsins í dag
Morgunblaðið/Árni Sæberg
Spilverkið Óvíst er hvort plata
sveitarinnar komi til lands fyrir jól.
Hjalti Geir Erlendsson
hjaltigeir@mbl.is
Sala á sólarlandaferðum virðist hafa gengið vel
fyrir þessi jól. Fleiri velja nú þann kost að
verja jólum og áramótum í sólarströnd heldur
en tvö síðustu ár. Vinsælustu áfangastaðirnir
eru sem fyrr Kanaríeyjar og Spánn. Forsvars-
menn ferðaskrifstofa segja þó töluvert langt í
land eigi að miða við uppgangsárin 2006 og
2007 sem voru algjör metár í utanlandsferðum.
Sala á skíðaferðum hefur sömuleiðis farið vel
af stað en lagt verður í fyrstu skipulögðu
skíðaferðirnar í janúar.
„Fyrsti hópurinn hélt utan til Kanaríeyja
11. desember og einhverjir þeirra verða fram
yfir jól og áramót, svo sendum við tvær fullar
vélar til Tenerife og Las Palmas nú í vikunni,“
segir Tómas Gestsson, framkvæmdastjóri
Heimsferða. Ekki hafi verið farið til Tenerife á
vegum Heimsferða síðan 2007 svo Tómas segir
það hreina viðbót nú í ár. Þannig megi tala um
meira en 100% aukningu frá því í fyrra.
15-20% aukning milli ára
„Við merkum aukningu frá því í fyrra og
þá sérstaklega í ferðum til Kanaríeyja,“ segir
Þorsteinn Guðjónsson, forstjóri Úrvals-
Útsýnar sem einnig rekur Plúsferðir. Í heild
sé aukningin 15-20% á milli ára.
Nokkuð fjölbreyttur hópur heldur utan í
sólarlandaferðir um jólin þótt aldurshópurinn
fimmtíu ára og eldri sé stærstur. Báðir eru
þeir Tómas og Þorsteinn sammála um að sala á
ferðum til fjölskyldufólks sé að taka við sér.
Markaðurinn á fjölskylduferðum yfir sum-
artímann virðist þó enn frekar lítill enda skal
engan undra það eftir niðurgang síðustu ára.
Skíðaferðir byrja í lok janúar en sala er
hafin af fullum krafti. Einsleitari hópur sækir í
þær ferðir enda er skíðaíþróttin ekki allra. Í
góðærinu var eitthvað um skíðaferðir yfir jólin
en sá markaður virðist hafa dottið upp fyrir
eftir hrun að sögn Tómasar. „Skíðaferðirnar
hjá okkur eru nánast að verða uppseldar og
svo lítur veturinn mjög vel út, bæði í sólar-
landaferðum og öðrum ferðum.“ Sömu sögu er
að segja um skíðaferðirnar hjá Úrvali-Útsýn.
Íslendingar sækja aftur í sól um jól
Sala á sólarlandaferðum gekk vel fyrir jólin og ferðaskrifstofur merkja aukningu milli ára
Vinsælustu áfangastaðirnir eru Kanaríeyjar og Spánn Fjölskyldumarkaðurinn að taka við sér
Morgunblaðið/Ómar
Sólbað Margir vilja heldur flatmaga á
ströndinni en í sófanum yfir jólin.
Þeir létu ekki kuldann á sig fá mennirnir sem vinna að vegamerkingum í
höfuðborginni. 10 mínusgráður virðast ekki hafa nein áhrif á þá. En eins
og gefur að skilja eru ýmis verk sem ekki er hægt að vinna í þessum kulda.
Morgunblaðið/Ernir
Kuldinn bítur ekki á þá
Meðal þeirra sem ekkert jólafrí fá og
þurfa frekar að bæta á sig vinnu um
hátíðirnar eru atvinnumenn í knatt-
spyrnu sem leika með liðum á Bret-
landseyjum. Nokkrir Íslendingar eru
þar á meðal og segist Grétar Rafn
Steinsson, leikmaður Bolton Wande-
rers, reyna hafa jólin svolítið íslensk
en hann mun njóta þeirra í faðmi fjöl-
skyldunnar.
Dagskráin er þétt hjá Grétari
Rafni og félögum því á annan í jólum
mætir liðið West Bromwich Albion á
heimavelli, þremur dögum síðar, 29.
desember, tekur við útileikur gegn
stórliði Chelsea og strax á nýársdag
öðru stórliði, nefnilega Liverpool,
einnig á útivelli.
Hátíðardag-
skránni lýkur svo
á leik gegn Wigan
4. janúar á heima-
velli.
„Þetta er hefð-
in á Bretlandi og
þeir vilja helst
ekki breyta
þessu,“ segir
Grétar Rafn.
„Það er líka frábær stemning í kring-
um þessa leiki. Sérstaklega á annan í
jólum, en það er mjög stór leikdagur
fyrir Breta og gaman að fá að taka
þátt í því.“
Fjölskylda Grétars er þegar komin
til hans og var tekin með full ferða-
taska af íslenskum jólamat og öllu til-
heyrandi. Grétar fær að njóta að-
fangadags með fjölskyldunni þó hann
verði að fara varlega í matinn, enda
æfing snemma á jóladag. Eftir leik-
inn gegn WBA tekur svo við hótellíf
fram á nýja árið, og sér hann fram á
að fagna nýja árinu á hótelherbergi.
Þó svo álagið sé mikið segist Grét-
ar ekki getað kvartað, enda um
draum allra knattspyrnumanna að
ræða, þ.e. að fá að leika knattspyrnu
allt árið og gegn stórliðum á borð við
Chelsea og Liverpool á næstu dög-
um. andrikarl@mbl.is
Reynir að hafa jólin svolítið íslensk
Grétar Rafn
Steinsson
Brotist var inn
hjá Mæðra-
styrksnefnd
Kópavogs á
sunnudaginn og
stolið þaðan 20
matarpokum.
Sigurfljóð Skúla-
dóttir, formaður
nefndarinnar,
segir sorglegt að
svona nokkuð
skuli gerast. Þetta sé tilfinnanlegt
tjón. Þjófurinn náði að opna glugga
með kúbeini. Hann stal matarpok-
unum, en í þeim var kjöt og fleira
gott í jólamatinn.
20 matarpokum
stolið frá mæðra-
styrksnefnd
Hjálp 20 matar-
pokum var stolið.
Bryndís Hlöðversdóttir dósent og
deildarforseti lagadeildar hefur
verið ráðin rektor Háskólans á Bif-
röst í stað Magnúsar Árna Magn-
ússonar og verða formlega rekt-
orskipti hinn 5. janúar. Óskaði
Magnús Árni eftir að láta af störf-
um og mun hann nú snúa sér að
kennslu og rannsóknum.
Í fréttum Stöðvar 2 í gærkvöldi
var því haldið fram að ástæða
brotthvarfs Magnúsar Árna hafi
verið trúnaðarbrestur vegna sam-
einingaráætlana við Háskólann í
Reykjavík. Í samtali við Morg-
unblaðið í gærkvöldi ítrekaði
Hrafnhildur Stefánsdóttir, formað-
ur stjórnar skólans, að Magnús
Árni hefði sjálfur óskað eftir að
hætta og á það hefði verið fallist.
Bryndís tekur við af
Magnúsi á Bifröst
Bryndís
Hlöðversdóttir
Magnús Árni
Magnússon