Saga - 2004, Blaðsíða 39

hafi verið að halda á lofti minningunni um slæma stjórn Dana á Ís-
landi til þess að unga fólkið veldi örugglega aðskilnað frá Dan-
mörku þegar sambandslagasamningurinn rann út.71 Í minnisblaði
frá í ágúst 1953 getur Begtrup þess að Jónas hafi þremur árum fyrr
verið beðinn um að skrifa framhald af kennslubókum sínum í sögu
fyrir barnaskóla72 en Begtrup var að vonast til þess að hann væri
hættur við verkið svo að hægt væri að fá annan mann í það.
Um miðjan maí 1954 fékk Begtrup Ólaf Björnsson prófessor til
að koma á sinn fund í þeim tilgangi að ræða breytingar á íslenskri
sögukennslu enda átti námsefnisnefnd sem hann var formaður í að
skila niðurstöðum sínum í sama mánuði.73 Tilefni fundarins var að
Ólafur, sem hafði verið í forystu lögskilnaðarmanna, hafði látið þau
ummæli falla á fundi ungliðahreyfingar Sjálfstæðisflokksins að á
meðan vitleysur og árásir á Dani í kennslubókum í Íslandssögu
væru innrættar íslenskri æsku væri ekki að vænta tillitssemi frá
þeim. Begtrup sagði Ólafi að hún hefði veitt ummælum hans at-
hygli þar sem þetta væri, eftir því sem hún best vissi, í fyrsta sinn
sem slík sjónarmið hefðu verið sett fram opinberlega. Ólafur skýrði
Begtrup þá frá því að þegar námsefnisnefnd skilaði niðurstöðum
sínum myndi hann láta fylgja með sérálit um íslensku sögubæk-
urnar. Enn fremur gat Ólafur þess að kennurum á Íslandi hefðu
verið sendir spurningalistar til að athuga viðhorf þeirra til sögu-
bókanna.74 Gáfu svörin til kynna að kennararnir töldu nær allir að
bækurnar væru óhæfar. Ólafur lýsti síðan fyrir Begtrup hve erfitt
væri að breyta sögubókunum þar sem stjórnmálamaðurinn Jónas
frá Hriflu hefði skrifað þrjár þeirra fyrir barnaskóla. Ólafur ætlaði
hins vegar að beita sér áfram í málinu.
Í gögnum námsefnisnefndar er að finna ódagsett og óundirrituð
drög að tillögum um námsbækur.75 Í tillögunum er einvörðungu
B O D I L B E G T R U P 39
71 Bodil Begtrup, Kvinde i et verdenssamfund, bls. 115.
72 RA. Udenrigsministeriet. Representationer i udlandet. Ambassade Rvk. 154,
F.2.I. Historisk udvikling mellem Danmark og Island [1951–1954]. Minnisblað
Begtrup frá 22.8.1953.
73 Sama heimild.
74 Í þeim spurningalistum til kennara sem eru í gögnum námsefnisnefndar er
ekki að finna neinar spurningar um sögukennslu eða sögubækur en sennilegt
er að þeir hafi verið fjarlægðir úr gögnunum.
75 ÞÍ. Menntamálaráðuneytið. Fræðslumáladeild. Námsefnisnefnd 1948–1959.
Drög að tillögum um námsbækur. Eflaust er um að ræða drög að tillögum
þeirrar nefndar sem Ólafur veitti formennsku enda er beðið um umsögn á
Saga 2004 - NOTA 1.12.2004 9:40 Page 39